王家沙 (已結業)

環境都大，有兩間廳房，可是隔音較差，很嘈吵，更須糕是坐在隔離台的小妹妹又嚎哭。環境一般，侍應的服務也一般。餐單是有很多食物可點，但我都是點平日常叫的那些。<蘇式鮮肉小籠包>未夾，底部個皮已經散，湯汁漏出，吃的時候只剩少許湯汁和肉味。<上海話梅骨>話梅很香，而排骨吸收了話梅的香味，所以我緊接著一口接一口。<黑毛豬扒粗炒>黑毛豬扒和粗炒是分開上的，黑毛豬扒有點韌， 味道很淡，粗炒比較碎。茶每位十蚊，茶總算熱，味道尚可。

最近與家人很愛到Moko 逛逛 裝修後牌子挺吸引 餐廳當然間間都要試試 今次是經過多次 到不同商場亦會看過的上海店 今次終於入內嘗嘗看晚市時段亦不用等候 內裏坐位達8成滿 環境比較昏暗 裝潢挺西化 不像傳統上海舖 下單完畢 等待食物到來時 發現枱上的醬汁沾到不同地方 餐具感覺亦不太乾淨 感覺挺不安的😣《王家沙擔擔麵》一向都十分喜愛擔擔麵 但只限不辣的 所以當遇到可選擇不辣的擔擔麵時 必吃 這店的十分不錯 濃濃的麻醬 有點流質 可形成湯麵的質感 花生碎的點綴 加上麵質又幼又滑 正《鮮肉生煎包》三個掌心大的生煎包 看似皮厚 但吃下時完全不覺 更是脆底 想不到😍而且內裏有滿滿的肉汁及肉球 推薦大家試一試如果想晚餐吃不多 一麵一小吃 已足夠滿足 食物很好 只可惜衞生欠佳 下次會再試第二間分店

是次午飯選擇王家沙，見到有我喜愛的酸菜魚，於是點了一份酸菜魚，及後沒有進食任何食物，回到家後出現胃痛 肚痛 噁心 晚飯也沒有胃口，吃不下東西！一路痛到第二日！食左胃散同保濟丸才感覺好些！究竟這家的酸菜魚是不是有毒？好想知道廚房是點煮嘅？？糟糕的餐廳 糟糕的假日！

今日黎旺角，食之前食過既王家沙，估唔到野食同服務都有進步喎，抵讚👍🏻👍🏻首先頭盤叫左醉雞，酒味都算濃，酒量唔好既要小心🤣🤣雞肉好爽口，配埋酒香，正👍🏻跟住叫左個雲吞雞湯，有一人份量可以選擇，十分貼心🥰雞湯濃郁鮮甜，雞有雞味👍🏻👍🏻王家沙擔擔麵應該係上海餐廳既招牌菜🤪擔擔麵我地叫左唔辣，湯底好濃厚既花生🥜味，岩曬鐘意食擔擔麵又怕辣既朋友仔😆😆呢家入秋冬，係大閘蟹既季節🤩叫左時令既蟹粉豆腐😍蟹粉超多，勁鮮甜，建議大家可以叫埋白飯，送飯一流呀🤤🤤黃金大蝦🍤同樣份量十足👍🏻大大隻啖啖肉，配埋咸蛋黃，超惹味🤪

今晚有飯聚，有靚靚提議食上海菜，於是來到這裡食，我地點了:醉嘉美雞＄88 - 這個醉雞不同一般的花雕醉雞，除了有濃濃的酒香之外，仲有淡淡甜味，開胃前菜，正鮮拆蟹粉豆腐＄148 - 而家是大閘蟹的季節，所以要試下當造蟹粉啦今次叫了蟹粉豆腐，蟹粉超。鮮。甜。配埋豆腐，又唔會太膩，送飯必點王家沙擔擔麵 ＄48- 食上海餐廳又點少得擔擔麵呢擔擔麵湯底好濃郁，食到有好香花生味。餐廳都好貼心，可以比人選擇辣/ 唔辣，唔食辣的朋友都唔洗怕啦黃金大蝦＄138 - 咸蛋黃醬十分香口惹味中意食咸蛋黃既就千奇唔好錯過喇大蝦食落好新鮮，肉質彈牙，一啲都唔會「梅」。而且炸得十分香脆，成隻食哂無難度另有茶芥及加一收費。

想食上海野，今次就過左黎比較出名嘅王家沙！叫左兩款小籠包，蘇式鮮肉小籠包同埋招牌蟹粉小籠包，鮮肉小籠包好食！蟹粉個款唔算特別！流沙奶皇包好好食！呢個好滿意！一定要試，好熱又流心奶皇味又重！冇得彈！呢度啲酸辣湯酸味較重，唔係好食得辣嘅人，呢碗酸辣湯應該幾岩你地飲！醉雞都算幾滑，份量都算多，酒味幾香！乾煸四季豆味道都唔錯，好大碟，份量好多！牛肉餅一般般，皮有少少厚，唔算好好冇驚喜！最後係闊佬炒飯，都Ok可以一試，炒得幾乾身！呢度地方都算大，好多卡位，坐得幾舒服！職員服務都唔錯！下次會再黎！

平時好少出街食中餐，今日突然間好想食下，就過左黎王家沙試一試。呢度裝修幾靚，地方都算大，職員著住制服有一種好pro嘅感覺！一入到去職員都幾有笑容！仲簡單介紹左有咩好食推介！由於我地太肚餓，叫左好多野食！首先，醉嘉美雞個菜式名都好聽過人，一碟醉雞兩個人食剛剛好，都算幾滑，酒味幾香！黎食上海野點可以唔食小籠包，一次過叫左兩款，蘇式鮮肉小籠包同埋招牌蟹粉小籠包，鮮肉小籠包已經夠好味，蟹粉個款唔算特別！流沙奶皇包好好食！呢個好滿意！一定要試，好熱又流心奶皇味又重！冇得彈！正宗酸辣湯都幾足料，呢配酸味較重，而我個人口咪鍾意偏辣少少，但呢碗都好飲！乾煸四季豆好大碟！味道都唔錯，係油左少少！牛肉餅就普通，唔特別又唔算好好食！一般，冇驚喜！最後係闊佬炒飯，都Ok可以一試，炒得幾乾身！

是日公眾假期, 約了一班朋友到旺角小聚, 有人提議這店, 老實說, 我是第一次來的, 到達店的時間是1200, 但一檯客人也沒有, 經理解釋是近日的時代運動關係, 我地一行共九人, 經理安排長檯位置, 經商量後, 認為長檯不便傾計, 所以最後就用了原先6人的檯子。大家迫迫的, 勉強也是可以的。至於食物方面, 亦有很多的選擇, 價錢不算貴的。很合理。服務亦不錯, 推介的。食物的味道亦可以, 推介炸饅頭, 28蚊有半打, 很合理吧。雞絲粉皮亦可以呀, 很美味。奶油津白很入味, 炒四季豆很夠味。總知, 可以encore。大家朋友一場, 飲杯茶, 吹下水, 又一餐了, 下一次, 又不知道會是何是, 大家都活在當下吧。

今日用app 5:00入坐可以有50%off完全係包場🤓我地叫咗幾樣菜 樣樣都好大碟正宗酸辣湯 $52小小似碗仔翅 味道都唔錯蒜蓉炒通菜最鍾意食通菜梗係要嗌la唔記得幾錢不過好大碟 而且價錢唔貴韮王炒鱔糊 $118又係好大碟 第一次食覺得味道唔錯鱔嘅份量亦都好多雖然細細條不過就甜咗啲同油咗啲😉黑毛豬扒菜飯 $98First impression 係豬扒大過我塊面🤣🐷炸皮好薄 唔會皮肉分離 呢點要讚之不過豬扒味道有啲似午餐肉所以奇奇怪怪 最後冇食曬

今次同老爸又來到這間老牌上海食店，相比今次要讃賞的是服務態度改善了很多！雖然飲酒多過飲茶的我，待應生都細心為我們加茶！上菜時間快！給我坐熱的花鵰酒依然是我最喜歡！食物唯一需改善是紅油抄手一奌不辣。沒有紅油。。只是得甜味!其他都保持水準！

因為餐廳訂位程式有半價優惠，所以訂了下午五時到王家沙吃個早飯，吃完飯再去看電影時間剛剛好。到達餐廳時餐廳只有幾枱客，我向帶位的員工表示訂了位並給她看預訂訊息，員工表示雖不到我們的訂位記錄，但先帶我們就坐。幾分鐘後該員工表示餐廳並無半價優惠，只有九折，於是我又再給她看預訂的訊息，上面清楚寫了訂位時間時下午五時，有50%off，她又表示要先問負責的上司，擾攘了十多分鐘後終於有一位員工表示可以用該半價優惠。而我們終於可以點菜了(因點餐紙一直被她們拿去研究，最後才拿回來讓我們點餐)。可能是因爲客人不多，點菜後上菜速度很快。首先是乾煸四季豆，味道不過不失。接著是鮮肉小籠包，調味不錯，湯汁豐富，皮薄但不會一夾就穿。脆膳炸得香口，調味很濃，吃兩三片便夠了，再吃感覺太膩了。另外點了松子魚，半價後很抵吃，調味也是很濃，魚略嫌炸得不夠脆，魚肉仍頗嫩的，但還是北京樓略勝一籌。食物整體也不錯，但服務有待改善，只有幾枱客人但服務也做得不足，水是我們自己加的，員工也不熟悉餐廳的優惠，員工並非無禮但服務態度散漫，餐廳需加強陪訓。

王家沙都算係香港其中一間出名既連鎖上海菜，未試過佢既下午茶，去試下先! 點知好失望啊，六十幾, 七十蚊一個半份小食，一份主菜加杯豆漿，份主菜好細，比正常少好多，完全唔抵食上次食上海姥姥分量大好多，希望檢討一下啦

中國菜嚟講，上海菜同川菜都係我嘅最愛😚選擇多，又夠好味😍本身諗住去food court食嘢，不過想坐得舒服啲，所以就嚟咗呢度喇😎黑毛豬扒擔擔麵嘅湯唔錯，少少辣又有花生醬香，面頭有好多花生、肉碎同埋蔥😚麵唔會煮得太淋👍🏻不過個黑毛豬就有啲失色🤷🏻‍♀炸得幾脆，不過肉質比較乾同韌😖松露小籠包個皮夠薄😳放近啲已經聞到松露味😚一咬開勁多汁同埋入面松露味都幾重😆原盅雲吞雞湯嘅湯都幾鮮味😎入面嘅雞肉都幾嫩滑，雲吞夠大粒皮又唔厚👍🏻麻辣口水雞份量都幾多，而且啲肉質又唔會好韌😆同埋食落唔算好辣，而且唔會好油😎所以都值得一試😛

這家上海食店環境不錯，價錢中等，食物不過不失。蒜泥白肉:蒜味不夠，有少少麻辣，但配上粉皮略有驚喜。酸辣湯:個人偏愛酸，所以覺得好好味。小籠包:皮薄有肉汁，不錯。闊佬炒飯:炒得不錯，乾身的，但偏淡。

個人十分喜好食上海野，所以今次又約朋友黎到旺角MOKO 既王家沙食dinner👭👭一黎就叫左小籠包同流沙奶黃包！！真係值得推薦，小籠包皮薄多汁，十分鮮甜！流沙奶黃包就更加係my favourite 啦！一咬一啖，入邊啲奶黃就黎流晒出黎咁制👍🏻😄而且又唔會太甜，每次必點之選🥰家鄉金華火腿炒飯，個飯既色澤幾靚，金黃色，味道適中香口。不過好似唔多覺有火腿🙈😂可能份量唔多啦個鍋貼個人就麻麻地，可能覺得唔係好夠熱既關係上海話梅骨都炒得唔錯，味道酸甜酸甜，好開胃