王朝潮順館

营业中

休息中

有朋自遠方來，去大角咀「王朝潮順館」打冷，已經幫襯過好幾次，今次約埋一大班朋友嚟，可以試多啲唔同嘅菜式，我哋一行十二人，美食家朋友一早幫我哋預訂好美食。 ❖ 避風塘龍蝦 $2288 一上枱成座龍蝦山咁，相當澎湃震撼，真係嘩咗一聲，都數唔到有幾多隻龍蝦。新鮮澳龍啖啖肉，走油夠晒鑊氣，表面香脆包裹住肉質爽彈鮮甜，用避風塘炒法，每口都帶有海量炸蒜蓉同乾辣椒，酥脆香口，加入味椒鹽，不但唔會搶去龍蝦嘅味道，反而更帶出海鮮嘅鮮味。❖ 王潮醉乳鴿 $168三款醉料理拼埋一碟好似一幅剪紙畫，醉乳鴿已切件上枱，方便客人食用，鴿肉柔嫩，滲出濃厚酒香。 ❖ 王潮酒香鵝肝 (1份) $228 鵝肝都好大隻，切片已經見到粉嫩顏色，熟度剛好，每一啖花雕嘅香氣都滲入鵝肝中，完全無腥味，肉質細嫩，入口即溶嘅感覺，平時自己好難整到嚟食，所以真係必食推介。❖ 醉香鮑魚 (4隻) $392南非鮑魚大隻厚肉切片上，口感柔軟，貝柱部位又係另一種口感，爽身彈牙有嚼勁。鮑魚味濃郁，花雕酒濃厚但又無蓋過鮑魚嘅鮮味，反而令層次更豐富。 ❖ 潮式凍大馬友 $368 食潮州菜一定要點凍「魚飯」，大馬友係魚中佳品，好大條，肉質細膩，魚油豐富

讚-馬友出色 油份足 鹹味細膩 對得住價錢 醉乳鴿都入味 肉質好 彈-滷水入味但係實在有啲單一地鹹 豬油渣菜心有啲腍身 扇貝炸得太油 伴底既飯明明寫係脆米 但又似普通炒飯-服務實在老牌到呢 一坐低就咪要唔要蟶子豆苗 話已叫左扇貝 都叫做係海鮮貴餸 盡左星期六日既客人本份丫 又再問多次要唔要豆苗 堅持唔要 叫左豬油渣菜心 結果上檯都係豬油渣豆苗 同侍應話拎錯餸 侍應都唔死心 再大聲問係咪唔食豆苗 講到好似佢請咁 大佬價錢差兩三倍都算 真係食豆苗都唔會豬油渣炒啦 唔會再去

今次呢間潮順館，我食過兩次，今日同老公撐枱腳，我食潮州嘢必定會食兩樣嘢第一樣滷水鵝片，我一直都唔識食骨，所以我唔會揀鵝件，只會揀鵝片，而佢哋係選擇用豆腐底，超開心，因為佢啲豆腐滑到不得了，仲要好香豆味，有啲出面潮州菜係用芽菜，我就麻麻哋嘅，用豆腐即刻開心晒第二樣就係蠔仔粥，不過真係食唔到太多嘢原因係佢個蠔仔粥都幾大碗，一個酒樓粟米魚肚羹嘅湯碗size，蠔仔都大隻新鮮，第二日唔會食完肚痛，同埋佢有嗰啲魚乾、芫荽蔥、好香好香佢呢度個蠔仔粥特色係米水超多，米反而少睇你哋口感，我自己就好鍾意，因為每一次食蠔仔粥嗰啲粥水都俾人潷晒返啲米

打冷必食鹵味-鵝件、鵝片、鵝腸、豆腐，自由配搭雙拼或三拼又得。另外王潮特色酒香鵝肝色澤粉嫩，入口即溶，係必叫菜式之一✨潮式凍馬友充滿魚油，肉質嫩滑🐟冰鎮咕嚕肉配搭波子提同車厘子，口感清新，咕嚕肉擺左一陣都keep到脆皮，正！打冷菜式質素唔錯，餐廳經常滿座，有啲菜式需提早預訂(如奄仔蟹、凍馬友、燉湯等)。📍王朝潮順館 #大角咀潮州菜大角咀大全街42-44號地舖💰 奄仔蟹 $368 一隻 (時價)王潮酒香鵝肝 $228潮式凍馬友 $368蠔餅 $128

D嘢係幾好食㗎，所以每當朋友問起，我都會推介呢間舖的。可惜今日去到，佢哋話冇位，帶我地去隔離間燒烤鋪（千味燒)坐，不過嗰度好大陣噏味，雖然坐咗10分鐘到，就開始聞唔到。但當我食食吓件鵝時，有個女侍應突然走入嚟好大聲咁叫我地轉枱，但之前係佢指明要我地坐呢張枱的，原來因為隔離枱客食完走咗，佢要安排並排7個位的枱俾另一班客，但由於佢禮貌欠奉，又搞到全場D人都望住我哋，咁我就婉轉地拒絕，之後就慘啦….. 被人言語單打，安排嗰班客坐我地對面等，關細我哋附近的冷氣，咁我再食多一陣，實在太不安喇，就攞個盒裝起D嘢返屋企食啦。唉！好尷尬好尷尬。到返過隔離cashier俾錢時，又係嗰位女侍應收錢，又要被黑面了。D食物雖然好味，但真係唔敢再幫襯，太可惜了。

有跟我一樣愛吃潮德菜的嗎！本地朋友帶我來的這家老店，味道好正！🥃特色醉乳鴿鵝肝拼盤端上來就聞到濃郁的酒香，竟是用威士忌醉的鵝！太特別啦！大大塊鵝肝，誘人的粉色😍熟度控制的剛剛好，入口即溶的細膩口感。醉乳鴿肉質，入口鮮嫩清涼，太適合夏天了！鹵得好入味，酒香四溢🦢鵝片三拼無法拒絕的地道潮汕鹵味😍滿滿一盤鵝肉，下面鋪滿了墨魚片和豆腐，澆上正宗鹵水，晶瑩剔透的鵝肉配上Q彈鮮美的摸魚片，太滿足！鹵汁淋飯的正宗吃飯，一定不能錯過，乾完滿滿一碗🍚🔥王朝小炒皇各種海鮮混炒蔬菜，加了堅果，又脆又香，相當開胃！吃完肉肉來一碗炒菜，絕配😍

家人多次光顧此店，一次又一次傳來的食物照驅使我也試一次。五十多元，看看這酸菜魚的賣相，真的令你垂涎。平時食這菜都要七八十元，這是一人份量，魚片份量算多，厚薄適中，真的沒有骨，魚肉片滑而爽。混合配粒，湯汁味道剛好，非常合味伴飯。芫茜伴這些湯，真的絕配。不過，許多時候，酸菜魚這道菜，底下會有粉皮，但這店沒有，畢竟只是五十蚊，還有白飯，所以一定夠飽。由於我唔食辣，一開始就夾走乾椒，少許的微辣，正！下次找機會試下晚餐，因為店內的潮州菜也幾吸引。

經人家的推介，路經此地就不作他選，直接進店。午市套餐選擇不算多，但不是簡單的茶記菜式。既然有酸菜魚就嚐嚐。落單後，很快便上菜。齋睇賣相已經很不錯，因為怕辣，急急夾走辣椒先，嚐一口魚，滑滑嫩肉，魚肉爽，沒有骨，能夠放心的食下去。試一口湯，正正是我想的，不會辣，不會嗆喉，酸味剛剛好。魚片份量不少，食酸菜能開胃。不過，惟有少許失望，就是沒有薯粉在內。不然，吸著這湯底，一定美味極。當然，這個價錢，現在這份量，性價比算高啊！有機會想來嚐潮菜。

大角咀實在太多選擇，今日試一試呢間潮州野。大部份潮州嘢都有得食，午市有lunch menu , 除咗大路嘢滷水鵝片之外，仲有燉湯，陳川粉特色小小既送。你今日試左個燉湯套餐度，佢包一碗飯同埋一碟油菜。燉湯都算足了。但如果係男士食嘅話可能個份量會覺得少咗。另外叫咗個滷水三寶，有鵝腸,鵝肝,同鵝肉.份量大，夠哂飽🤤。 滷水都滷得幾入味👍。 餐廳裏面都算寬敞，類似茶餐廳格局。有卡位，有圓枱，QR code落單方便。

吖！點解唔直接唔接單，要客人等40分鐘先有得攞呢？大家如果肚餓，趕時間，真係要認真考慮幫唔幫襯喇！ 除非大把時間浪費，咪不妨喺門口呆等下呢間嘢出外賣咯！要咁等，大家外賣要三思，講完！

今日晏晝4:00打電話過去話想訂位，佢話唔使訂Walk in就可以啦 ，咁我8:30去到，然後佢叫我大佬我喺門口吹風吹咗成個鐘頭，然後望一望 都已經成9:15 我就問佢咁點算佢話等多一陣啦 然後我問佢另一個侍應，佢話吓我哋收9:30喎 咁你叫我等咁耐做咩啫？ 全部人都九唔搭八嘅。幾好食都冇用啦

同成家人一齊去食冬至飯去到年底 營營役役 都想食翻餐好嘢 回報比屋企人大部分屋企人 都傾向食潮州嘢於是就揀咗呢間係大角嘴比較受歡迎 潮州餐館平時都需要等位等好耐 預早book定果然冇錯特別喺大時大節都要提早好多去訂位感覺到佢哋每一道菜式都是用心製作清酒煮花甲冇沙，個湯好清甜蟶子米餅蟶子淡淡肉，新鮮美味最正係個米餅 口感一流酒煮大鮮蝦 鮮甜美味 肉質 彈牙鵝腸正常發揮 不過就唔太抵食全晚最令我驚豔嘅餸菜係以上呢一道菜賣相一流之餘佢酒煮嘅鮑魚 同埋鵝肝都係非常之好食可以講對得起個價錢唔怪得呢度咁多人食啦

一家大細過節食飯，老闆娘留左間細房比我地，好舒服。預早留定店內熱門菜色，醉鵝肝，鮑魚，羊腩煲等等。每一味屋企人都讚不絕口。 For a family celebration, we had a meal and the boss reserved a private room for us, which was very comfortable. We pre-ordered popular dishes from the restaurant, such as drunken foie gras, abalone, lamb belly pot, and so on. Every dish was highly praised by the family members.

魚皮爽口，彈牙，好香嘅麻油味，佢唔會幫你落辣椒或辣椒油，啱晒唔食辣既食客，可以自己加辣油撈完再食。沙姜雞雞肉夠晒嫩滑，完全無過熟，用新鮮雞整，帶有少少咸香味，保持到雞既原汁原味鵝件拼盤大大碟，對得起個價錢，滷水味夠，肉質腍，黎得呢度鵝片/鵝件真係必食之選。 同埋佢既豆腐都不得不提，絕對唔係平時食果啲整到硬晒既豆腐。加分加分鵝粒炒飯炒飯粒粒分明，唔會太油，夠晒大鍋，材料方面絕對冇慳料，每一啖就有蝦同鵝粒。上湯蒜粒小白菜菜方面，有得俾你揀咩時菜，同埋用咩方法整，特別嘅有豬油渣，而今次就試咗上湯小白菜，夠晒入味。

平時成日叫我去排隊，今晚好夜先食晚飯一於去碰碰運氣兩個人叫到成枱都係嘢食食唔晒 不過真係好好食 特別推介鵝件鵝肝另外 豆腐超級滑醉乳鴿 少少貴 $168 不過成個擺盤十分之靚 蠔仔粥超級抵食$58一大碗