王牌冰廳 (燒味世家)

营业中

休息中

新年時節，外買燒味飯，卑完錢先知新年時段要加一。但都算啦，外賣個切雞飯，d切雞切到luck皮luck骨！真係差呀！幫親一次,下次都唔會幫親，地點又唔就腳。N年前都幫親過d燒味加料，都ok既，但偏貴。今次個切雞真係.......差勁！

星期日中午週圍都好多人，見到附近呢間王牌冰廳 (燒味世家)有位，一於試下有幾好食先！地方就比較細，座位唔多，不過整體乾淨整潔。點完餐店員就奉上例湯兩碗，湯夠熱，湯頭清甜，飲落似無味精，還顧店內客人，較多人點選燒味享用。我點了燒鵝五寶飯和生爆香蔥豬扒煎蛋飯。燒鵝五寶飯金牌燒鵝無乜肉，只有一層咬不動的薄皮連著骨，一啲肉都冇，基本上淨係得骨同埋皮，真係骨多肉少。燒腩仔肥瘦均勻皮又脆，不過啲雞就唔得，雞胸部分較多，有點鞋， 附送的蔥油好味，但是太少，叉燒質素味道就不差。生爆香蔥豬扒煎蛋飯另外叫左個生爆香蔥豬扒煎蛋飯感覺幾好，豬扒底和面煎出來都相當吸引令到食指大動，豬扒非常大而厚，伴碟有麻醬沙律菜，賣相好。總的來說，這家價格還算合理，服務也不錯，只係空間太小，顧客坐得太近，食物的味道普遍可以接受。燒味質數不錯，唯一是有時候燒鵝比較瘦，根本沒肉，只有皮和骨，對我來說沒有任何驚喜。

王牌冰廳 ，位於將軍澳唐德街9號將軍澳中心B1樓B09號舖。 星期日中午週圍都好多人， 三點幾想搵間下午茶食， 就入咗王牌冰廳， 但入到去原來假日沒有下午茶的🤣。 我們點了自家XO醬滑蛋蝦仁飯$58、 金牌沙爹牛肉米 配香腸、火腿、牛乳炒滑蛋和厚多士$55、 凍咖啡$6、茶走。 🔸例湯 ～ 一坐低就送上例湯， 熱辣辣暖胃。 🔸自家XO醬滑蛋蝦仁飯$58 ～ 爽口大隻的蝦， 軟滑的蛋，拌飯好好味。 🔸金牌沙爹牛肉米配香腸、火腿、牛乳炒滑蛋和厚多士$55 ～ 香濃的沙爹牛肉， 湯底不會蓋過米粉，賣相不錯，另外有香腸、火腿、牛乳炒滑蛋和多士， 份量豐富。 🔸凍咖啡$6 ～ 咖啡味道正常。🔸茶走 ～ 茶走如果多點煉奶會更好飲。 份量多，很飽的一餐。 🏷️溫馨提示～ 整個用餐體驗均屬個人分享意見， 只作參考😊。

－兩年前我已經食過兩次，兩次嘅燒味飯嘅味道都很好。今天突然想起這間餐廳，去之前打開OpenRice望吓評論，見到有些人這間餐廳嘅燒味唔好食。我也猶豫了一陣去唔去這間餐廳。今天我叫了叉燒燒肉飯加鹹蛋味道很好食。不像評論說的這麼差。推薦這間用心做燒味的餐廳。

Lunch 去左將軍澳中心食燒味飯，叫左個叉燒油雞瀨，$60連例湯喺將軍澳中心嚟講，都算幾抵食午市時段都幾多人，要等一陣先入到叉燒油雞瀨粉$60午市套餐大概$60-$70左右連例湯，餐飲要另外加錢個例湯大大碗、清清地，都幾好飲叉燒油雞雙拼個份量都幾Ok，每樣都有成六塊左右叉燒幾鬆化唔會鞋口，叉燒汁甜甜地幾好送飯油雞都幾滑嫩，又唔多骨，質素幾好另外加左隻咸蛋就正常貨式喇唔想食飯仲可以轉米粉同埋瀨粉，不過個瀨粉麻麻哋，好硬身

以前是街坊 腦海留有昔日美味回憶。今天專程去食個燒味飯，沒有想到失望到一個點。本來沒有想過寫食評，但最後真係食唔到D燒肉同叉燒😓服務員也幫不了忙，掛住同D街坊打牙教🙄叫了一個5寶飯，看見時已經沉一沉，只見燒肉和叉燒賣樣都「白晒晒」「實的的」一睇就知「諧霎霎」，雞仲要無肉嘅雞翼尖加雞轉彎。想像中嘅燒腩仔係似隔夜燒肉，個皮係淋嘅，咬落去啲肉質似隔夜的。當然叉燒也不例外，硬到根本吞唔到。呢個叉燒佬真係好唔掂，成碗嘢大半係食唔到完全冇諗過客人感受！值得讚的是個例湯，蟲草花雞腳湯，足料。加飲品（熱）需要加$4，其實可以慳返專心飲湯👍🏽 午餐需要$82，但就食到一肚氣。

位於將軍澳中心地舖嘅燒味舖: 王牌冰廳呢間燒味舖係我經常都會Encore!每次必嗌雙拼飯: 燒鵝髀, 油雞, 燒腩仔, 叉燒 飯燒鵝髀: 啖啖肉 唔會太多肥膏 超多肉汁! 好Juicy 燒鵝髀皮有燒鵝油香 一個字 - 正!叉燒: 半肥瘦 肉嫩 唔會乾唔會鞋燒腩仔: 皮卜卜脆 腩仔肥瘦適中油雞: 正常操作 雞肉嫩滑 雞肉熟度剛剛好 冇碎骨 配埋薑蔥蓉超好味每一樣燒味都好出色~贊！佢嘅白飯粒粒分明 加埋豉油 淨食飯都好味仲會有碗中湯飲 一啖飯一啖湯 好滿足

之前都有買過呢度外賣燒味，加上朋友讚過叉燒好食，見有款下午茶餐蜜糖叉燒豬仔包幾特別就入去試下啦。今日初三下午茶時間都多人，要搭枱，但原來今日冇下午茶餐，由於一心入嚟試個包，於是散叫一客。等待送餐時人潮開始散去，我就問准後由4人枱轉到2人枱了。食物送到，賣相似餐廳的漢堡包，有支籤拮住，件叉燒都有啲厚度。因為見D蜜糖都豐富，我又唔想食完成手蜜糖，就唯有扮下高貴用刀叉吧。未落刀前都擔心切落去D料吱晒出嚟，但一切落包，好鬆軟，好輕鬆地去到叉燒，雖然有厚度但冇難道好快落到生菜蕃茄同底層包，反而包底要用有少少力至切開。第一次食呢個配搭，估唔到咁夾，叉燒好juicy又林(美中不足其中一口有DD筋)加上蜜糖...yummmy

其實之前幫襯過幾次都覺得d燒味好一般今日經開見好耐冇試 就買咗半斤叉燒$78已經講明要半肥瘦 結果又瘦又硬 好似隔夜嘅咁 好難食！！見到門口仲寫住自己啲叉燒係招牌 真係好意思忍唔住都要寫食評 唔想大家中伏 真心難食 求其街市買都好食過佢呀！！

6點前叫了一個下午茶油雞瀨粉及燒鵝叉燒瀨粉的外賣當晚餐。油雞瀨粉下午茶份量細細碗都ok。燒鵝叉燒瀨粉竟然係燒鵝脾！好驚喜，不過食落有蘇味，稍有失望。食燒鵝還是不能叫外賣，焗在盒內一分鐘都會影響燒鵝皮的口感。叉燒反而好驚喜！好嫩滑，叉燒最好食一定是要半肥瘦的！有油香才好吃。叉燒汁不會過甜，剛剛好！

五寶係好食！全部野都可以試，唔使煩去食咩最方便！不過叉燒真係太瘦太瘦喇，好乾呀。其他燒味就冇咩問題嘅，係有少少失望喇。豬排超級好食！好足料，又脆又好味！不過最最重要嘅係個咖哩汁，係我最鍾意嘅個種唔太辣，微微甜，仲有香料味嘅咖哩呀！意粉夠乾身，又爽滑，軟硬度啱啱好㖭！食完之後真係好滿足架！不過我有少少唔落隔嘅感覺，夜晚係牀到成個半鐘都訓唔到覺，個胃頂住頂住，攪到最後要食番喇叭丸先訓到覺，好慘。唔知係唔係太飽，定係又有啲菜未食完，或者碗碟未洗乾淨㖭。

八號波剛落冇咩餸好買，近近地到樓下燒味茶記買半斤叉燒加餸。之前見到啲評論麻麻地所以都冇幫襯過，去到見到啲叉燒都 ok 好賣相就俾次機會試吓佢。返屋企打開成家人得一個結論：從未食過咁鞋嘅叉燒！！一般集團快歺就算但係你以燒味掛帥嘅餐廳點解可以整叉燒差成咁？！冇下次。

雖然$45的下午茶不抱太大期望，但我叫的燒鵝瀨粉中，6-7件鵝件，超過一半燒鵝都只是背皮，有點難以接受，跟店員講過都幫不了手，說下次加錢轉鵝肶，好吧，我相信應該沒有下次的幫襯…

聽人講呢度嘅叉燒燒肉飯好好味，咁我地都嚟試吓。頭先行入去間餐廳，迎面撲嚟嘅烤肉香味已經勾起咗我啲肚餓！好啦，快啲揀位啦。座定之後，一杯涼檸檬茶嚟到，真係消暑又解渴。搵咗服務員，我哋即刻揀咗兩碗叉燒燒肉飯同埋啲燒味拼盤。我哋都唔怕肚餓，所以啲份量一定要夠！啲叉燒燒肉飯上嚟，啲叉燒肉淋啲甜味醬汁，好有誘人嘅色澤。啲燒肉都烤得香脆，啲肥肉同瘦肉層次分明。飯粒軟糯，啲叉燒燒肉一啖落口，真係嘅！滋味啖啖係心頭。揀咗啲拼盤嘅燒味都一樣吸引，有叉燒、燒鵝同燒鴨。啲叉燒帶微焦嘅糖衣，啲鵝皮脆口，啲燒鴨肉嫩多汁。配埋啲辣椒醬，真係啖得一口叉燒，一口燒鵝，回想起都覺得正

👂🏻友人話呢間燒味😋正🧐🤔要試吓就知龍鳳今晚第一次試吃。晚餐燒味未点餐，🥰先來✨例湯✨如去咗 ~ 昔日傳统 ~ 入燒味店吃飯的待客作風👉肥义燒腩米🌟🌟🌟🌟🌟足料好味👍❤️👉肥义油雞瀨🌟🌟😌超失望(今晚，油雞😌冇豉油雞味，上餐一看雞皮就知稍差了，雞肉乾柴，可能醃烹煮浸雞處理不足，有待改善)👉薑蜜奶茶😌薑蜜不蜜😌失望冇甜味，相比早上的薑蜜，味度差得太遠😌唔通此茶售到晚上此蜜已售出九九十十。