王牌·圍一叉燒

营业中

休息中

大圍 📌【 王牌 • 圍一 】雖然我唔係成日幫襯茶餐廳，但係都真係想好評一下大圍呢一間【 王牌 • 圍一 】茶餐廳，因為每次食都係 Keep 到水準，名副其實 「快」「靚」「正」🥢首先贏盡地理位置。 大圍火車站 A出口一出，唔使一分鐘就到達。 不過今次我嗌外賣 ☺️🥇叉燒牛乳炒蛋飯 先講叉燒，肥瘦適中，燒得勁香，仲要叉燒勁大舊，加埋牛乳炒蛋，仲要 Present 得好靚，有賣相又足料兼份量十足，真係完全冇得輸，絕對係王牌中嘅王牌🥇🥇香煎雞扒公仔麵 （出前一丁）記得之前幫襯【 王牌 • 圍一 】下午茶食過豬扒包，記得佢個豬扒都好Juice，今次我就嗌咗個雞扒試下。 我發現雞扒係好食個豬扒，首先個雞皮炸到好香脆，呢下已經好加分，而我從來未食過扒餐粉麵塊煎扒竟然會落香草🌱 好impressed，成件事好高質，顛倒咗我對茶餐廳嘅睇法。 講返塊雞扒係勁 juicy，連埋皮一齊食，勁邪惡😈 x100，但係勁 • 勁 • 勁正呀 🤤檸檬🍋 有3塊，仲要係厚切嘅，有誠意💓⊰⁠⊹⊰⁠⊹⊰⁠⊹⊰⁠⊹⊰⁠⊹⊰⁠⊹⊰⁠⊹⊰⁠⊹⊰⁠⊹⊰⁠⊹⊰⁠⊹⊰⁠⊰⁠⊹⊰⁠⊹⊰⁠⊹⊰⁠⊰⁠⊹⊰⁠⊹⊰⁠⊰⁠⊹⊰⁠餐廳 🥢 【 王

點解無人介紹早餐？我日日早餐都去食。最出色係沙爹牛肉麵。其次豬扒同牛扒麵勁大份好低食，推介佢地辣椒油加埋黎食。佢早餐湯底唔同其他餐茶廳味度，跟餐片牛油多士又好食，真心推介去食下佢哋早餐。

行咗幾間茶餐廳都覺得價錢好貴行到王牌覺得價錢合理就行咗入去入到去有驚喜，成間餐廳爆人雖然係午飯時間，服務都好好，一嚟就俾咗兩碗湯我哋。見到人哋嘅燒味同滑蛋叉燒飯都好靚好吸引！所以自己都叫咗個滑蛋叉燒飯份量超大份，賣相超級吸引超有食慾！而且味道好好，覺得好抵食

燒味飯十分一般，燒肉勁硬，叉燒正常，燒鵝凍哂又硬又難咬，懷疑一早整好哂啲飯同肉，放到凍哂，覺得仲衰過街邊啲$30燒味外賣$64-$68一個燒味真係不了！冇下次！要打200字先可以比分，懶得打！

呢間茶餐廳叉燒燒腩仔好大舊又足料，叉燒俾半肥瘦，口感唔錯，又濃厚既蜜汁味，燒腩仔塊皮又脆，絕對唔輸蝕！至於賣相好吸引既滑蛋叉燒飯，份量超多，細食既人可以同人share, 炒蛋好滑身，叉燒又多，飯又唔硬！晚餐會送例湯，足料又唔覺有味精，好好飲

極度唔推薦今日買嘅半斤肥叉，實在是讓人失望透頂。首先,叉燒的外表並不吸引人,色澤暗淡,缺乏叉燒應有的焦糖色澤。而且切面粗糙,看起來毫無精心製作的痕跡。入口後,問題就更加嚴重了。叉燒的肉質異常乾澀,咀嚼起來相當費力,完全失去了叉燒應有的柔軟多汁口感。即使沾上所謂的"叉燒汁",也難以掩蓋肉質乾澀的缺陷。汁液味道更是乏善可陳,既不夠甜蜜,也缺乏叉燒獨有的香氣。作為一道地道的粵式名菜,叉燒的製作並不複雜,但餐廳卻未能掌握其精髓。我真誠地建議餐廳重新審視自己的烹飪工藝,並聘請經驗豐富的粵菜師傅,為食客呈現一道真正美味可口的叉燒佳餚。

大圍地鐵站A出口一出就見到，位置好方便。午餐時間嗌咗一碟皇牌叉燒滑蛋飯，包例湯熱飲，大碟又抵食。滑蛋好滑，叉燒就普通，份量好多，最後食唔晒，略嫌調味比較鹹，不過呢個價錢幾抵食。飲品加咗$5轉薑蜜奶茶，不過味道唔係好夾，有啲奇怪，下次應該叫返普通奶茶算。餐廳有兩層，環境比較擠迫，需要搭枱，當日人流好多，有一部份係街坊，仲有好多遊客（應該係新加坡或者馬來西亞），不過都唔需要等位。當日天氣好熱，餐廳內冷氣唔夠，都係食到出晒汗。.王牌·圍一叉燒 (大圍)大圍大圍道100號天寶樓地下8號舖

好多人都話圍一嘅叉燒好正，今次終於有機會試下。 第一次嚟感覺有啲地方淺窄，可能因為放咗好多枱，但亦因為多枱所以就算係星期六午餐時間，客人相當多，仍然好快就有位。嚟到當然要試吓「燶邊肥美腩叉飯」啦！嘩！一試難忘，肉質軟腍，口感一流，非常香口，食完咁正嘅叉燒真係返唔到轉頭，外面好難再搵到咁好味嘅叉燒。五十幾蚊一碗飯，但係絕不欺場，又大碗又好味，CP值非常高。另外都想推介「王牌叉燒炒滑蛋飯」，又係非常大碟抵食，碟飯起碼用咗三、四隻鷄蛋，而且好多叉燒，雖然唔係燶邊肥叉，但佢個蜜汁好野味，叉燒亦好有口感。我覺得兩款叉燒各有特色，但都係無懈可擊👍🏻👍🏻

4份1下莊燒鵝158蚊用細飯盒裝😡😡😡王牌燒鵝的外賣體驗令我感到非常失望。我花了$158元購買了四分之一隻燒鵝，但外賣盒裡只有一塊鵝腿和幾件肉塊。不僅如此，這些食物份量非常少，除了份量問題，我也發現這些肉塊非常肥膩，吃起來令人不舒服。考慮到這個價格，我對這次的外賣體驗感到非常失望。我不建議大家嘗試王牌燒鵝的外賣。

兩位點單姐姐係我面前，我揮手大叫：寫嘢 唔該！ 都冇得都回復，唔知係盲定係聾，我叫得勁大聲，隔離臺都望住我，麻煩唔好帶住個死人耳機ok？今次已經係第三次，請問本餐廳要行去點餐姐姐面前落單嘅？兩位點單姐姐係我面前，我揮手大叫：寫嘢唔該！都冇得都回復，唔知係盲定係聾，我叫得勁大聲，隔離臺都望住我，麻煩唔好帶住個死人耳機ok？今次已經係第三次，請問本餐廳要行去點餐姐姐面前落單嘅？兩位點單姐姐係我面前，我揮手大叫：寫嘢唔該！都冇得都回復，唔知係盲定係聾，我叫得勁大聲，隔離臺都望住我，麻煩唔好帶住個死人耳機ok？今次已經係第三次，請問本餐廳要行去點餐姐姐面前落單嘅？

加班後諗住食燒鵝飯，點知叫肥叉燒鵝飯，嚟左乾柴廋叉同無肉燒鵝乾白飯，又無汁，又純乾瘦叉燒，叫服務員問，佢竟然問返我轉頭，問係咪想轉要肥叉，落單嗰陣時同埋張單都明明寫住肥叉仲要加$4，點解你問返我轉頭？😅柴到差D咬吾開🥲燒鵝仲少肉過燒鴨（不過佢哋冇燒鴨），呢幾十蚊真係白俾。同台同事食嘅蝦仁炒蛋叉燒飯，片叉燒仲濕潤過我個碟，雖然佢冇叫肥叉😳究竟而家喺香港食嘢，係咪質素差係永恆？成日話啲人上大陸食嘢唔留香港消費，問吓自己食物質素點樣先啦。

今日去大圍踩單車🚴🏻‍♀️出發前先喺大圍站附近食嗰早餐先😁行經呢間金牌見門口企滿人等位，本住「有人排隊就一定好食嘅宗旨」，我哋又排吓隊試吓先😛🍝 王牌叉燒忌廉雞湯意粉 ($40)🍜 金牌沙嗲牛肉麵 ($40)兩份早餐都配咗香煎雙蛋/炒滑蛋🍳仲有牛油吐司🧈炒蛋夠哂滑😙吐司係厚多士🍞冇話烘得香脆但勝在夠軟熟😌配牛油都好好食😋而飲品除咗一般常見嘅咖啡/茶之外，仲包咗較少見嘅薑蜜奶茶同蘋果肉紅茶☕️蘋果肉紅茶蘋果肉都幾多，寒冬飲真係夠哂滋潤🥰叉燒應該係餐廳嘅王牌，因為見每枱都會叫😆不過可能浸住喺湯意粉度，所以冇咗平時叉燒邊嘅焦脆，但肉質軟臑，味道都唔錯🙂

今日因為踩單車，所以就去咗大圍一轉。喺踩之前想搵啲嘢醫下肚，於是就睇吓附近有啲乜嘢餐廳值得試吓。一出大圍站，就見到呢間王牌唯一叉燒好多人排緊隊，有拎外賣嘅亦都有堂食嘅。見佢出名嘅係叉燒，於是就嗌咗一個雙拼燒味飯，我就揀咗叉燒同埋油雞。一埋位就會有碗老火湯，口味比較濃郁。講返個飯，個叉燒佢話係蜂蜜醃製，食落真係比起出邊嘅冇咁鹹之餘，亦都唔會過分甜，味道平衡。至於肉質方面，我會覺得瘦嘅部份比肥嘅多，大概七比三左右，好彩我比較鍾意食瘦嘅叉燒，所以就好啱我口味。而油雞方面，啲雞皮又薄又爽口，都入味。而肉質方面未至於好嫩滑，但仍然合格。配菜有三條菜心，都新鮮清甜。而飯嘅質地都乾身粒粒分明，唔會又淋又爛。整體嚟講，我會幾推介呢間嘅叉燒，下次有機會想試吓佢另外推介嘅滑蛋蝦仁自家製XO醬飯，因為見到好多人都嗌。

每次同 👧🏽 返到大圍都見到有間食燒味既茶記，而且有不少人出post推介呢間燒味飯，所以就試一試佢 。行到門口玻璃櫃入邊啲燒鵝好吸引，👦🏻 就決定要會一會啲🪿。餐廳有兩層，我哋被安排到二樓，即使有吉檯，侍應亦偏向搭滿一檯先，個人不太鍾意 。先上兩碗例湯，原本對例湯冇太大期望，但出奇意料地足料同好飲，亦唔太覺有味精 。▫️原隻燒鵝髀拼肥叉飯鵝髀皮脆，肥瘦適中有油香，肉味濃郁亦尚算嫩滑。👦🏻 特意落單標明要肥叉，叉燒色水十分靚仔，仲要真係肥叉❗️只有部份表皮有燶邊，入口香濃油脂香，醃味適中同有蜜汁香，十分滿足！⚠️ 重口味 👦🏻 都覺得超肥，平時唔食肥肉人仕請三思 。▪️秘製蔥油雞扒煎蛋飯秘製蔥油就真係蔥同油嘅混合體 ，香味欠奉，亦淡得離譜 😅 雞扒唔入味，亦較嚡口 。叫得秘製蔥油，心諗應該有返啲水準，最後卻令人失望 。兩個飯嘅飯底亦有少少爛 。整體呢間嘅燒鵝叉燒不俗，下次可以再試其他燒味 ；至於其他就不敢恭維 😅

呢間餐廳位於大圍入面有好多座位既好似冰室咁,仲有好多唔同種類既食物,其中比較出名既應該係燒味,呢度餐廳有好大個招牌響門面好易認同搵到,我地叫左一份下午茶係燒腩仔飯,燒腩仔皮脆肉軟,燒腩仔層仔勁平均仲要唔係好油同肥,個皮仲要好香脆,下午茶仲送飲品我叫左一杯好特別既熱奶茶加薑,薑絲好多既一杯熱奶茶比平時更暖胃,飲落好舒服,奶茶口感香滑,小編推介,另一份係叉燒飯,呢度燒味出名所以我地就買左兩款唔同既燒味,叉燒勁厚肉,而且肥瘦適中,黎呢度除左下午茶都可以食其他唔同既茶餐同飯類。