王萍記茶餐廳 (已結業)

諗住係旺角食下早餐, 見佢門口泊到車就入左呢間野! 點知中晒伏!食個豬扒包 大火到食唔到老婆叫個肉丁芝士腸麵, 係咁叫難食!食左少少都停晒手!冇下次! 杯野飲算ok ! 環境都係一般茶餐廳,冇乜特別!

由於今日係附近上堂，所以就openrice搵食，搵到呢間茶餐廳睇左食評見到大部分人都推xo醬豬扒飯，我當然要試下有幾好食XO醬好香唔辣，入面加左粒粒蒜蓉好香口，唔食得辣既朋友都岩食我自己本身都食得辣，如果辣既相信更岩我口味豬扒既肉質鮮嫩，整得好好食XO醬太香令我不知不覺食左好多飯，配飲品盛惠$60略嫌有點兒貴，但味道真係唔錯

下午肚餓就落咗去食野，叫左個五香肉丁公仔麵，五香肉丁今係幾好食，汁都唔錯，幾美味。味道唔會太辣又唔會太咸，麵身唔太林身，湯底都尚算可以，清多少少既話就會同五香肉丁既油會夾啲啲。另外叫左杯凍檸茶，茶唔澀口，唔錯。不過價錢就貴左些少啦

有朋友話想試焗豬扒飯，上網搵到王萍記茶餐廳出名食豬扒飯喎即刻過黎試下！焗飯既上台時間係耐D，大家都好明白所以如果趕時間既話，千祈唔好叫焗野!!=)飯既Size唔算大，但塊豬扒真係幾厚切喎，值得一讚不過飯底一般... ...朋友覺得唔夠香!!整體黎講，焗豬既味道其實一般般，加分位只係豬扒~飲埋凍檸茶$58 

很記掛王萍記的XO醬豬扒飯這夜探完車車後再去重溫例湯青紅蘿蔔豬骨湯算不錯起碼有老火湯的味道XO醬豬扒飯豬扒炸得香口又唔油仲幾厚身精髓在於那碟XO醬香口惹味又唔腥撈飯食真係好棒另外叫個海南雞飯配有油菜一碟可惜好唔掂檔雞肉嚡拾拾冇厘聞味差字一個個笑臉只係比碟XO醬豬扒飯咋haha~

車車由1/6留醫足足14天我就冇煮足14天飯每晚都跟車爸爸外出用膳趁現在回憶一下啦,有兩晚都幫襯王萍記第一晚我巳在外家吃了晚飯車爸爸和我探完車車就近喺黒布街找了它吃晚餐葡國雞飯仲有老王瓜例湯送味道也不錯呢~個飯也焗得乾身汁醬適中味道未係極美但茶餐廳嚟講巳收貨有餘,見它有款招牌XO醬豬扒飯心裡已想要再嚟食~3/6再訪吃XO醬豬扒飯真係好好味豬扒炸得乾身香脆又夠淋亮點係那XO醬超香又唔腥好yummy車爸爸叫的蠔仔湯飯湯底淡而無味還好蠔仔尚算新鮮不吃冇損失~

下午茶時段, 不太餓, 食不下這店的名菜: XO 醬豬扒飯, 其賣相的確吸引, 唯有下次.唔想咁飽, 食個下午茶餐: 餐肉煎蛋, 配牛油方包, 奶茶一杯, $24兩塊午餐肉, 不算太厚, 煎得頗香口, 但太多油還在餐肉的表面, 煎蛋, 有脆邊, 但煎得略為過火, 太熟, 切開只有少少蛋黃汁流出, 麵包也不算軟滑, 而且細件兼太薄.奶茶幾好, 夠茶味, 與奶味配合剛好.

差唔多3年無黎過王萍記，心血來潮想再食。入到去發現價錢已比3年前貴左好多。黎到依度當然要食番XO 醬豬扒飯。連埋可樂套餐價要$50，其實真係幾貴。但味道真係好好。佢既XO醬一d都唔辣，岩哂唔食得辣既朋友，撈飯超正。豬扒佢會碎上，豬扒亦有醃過，亦夠厚。如果可以再平d就perfect

從小便經常在旺角區打滾，區內的街道絕對稱對上是十分熟悉，黑布街、白布街這兩條名字相映成趣的街道也不例外。這間「王萍記茶餐廳」其實已在黑布街開業多年，雖然自己極少幫襯，但這間茶餐廳的一道招牌「XO醬豬扒飯」可仍是知道的。這一天，因為要在晚上到附近的年宵攤位幫手的關係，所以要提早吃晚餐。最終讓自己想起這間不知多久沒來吃過東西，其貌不揚，與其他一般茶餐廳無異的「王萍記」。既然自己來這兒的目的無非是為了它的「XO醬豬扒飯」而已，所以當坐下後，根本完全不需費煞思量去考慮吃什麼，就叫來一碟招牌「XO醬豬扒飯」加一杯凍飲便可以了。這兒的「XO醬豬扒飯」的確是好，已切好的豬扒既大件，又厚身，十分多肉，絕對份量十足，加上肉質鬆軟，肥瘦比例適中，香口好吃，確是佳品。餐廳自家製的 XO醬所用的雖不是什麼名貴材料，主要材料無非是乾蔥、指天椒、蝦米、炸蒜等，而且稍為多油了點，未能把多餘的油撇去，但瑕不掩瑜，這辣度恰可的XO醬與這兒水準不俗的豬扒仍然好比紅花綠葉，互為補足，使這道XO醬豬扒更加可口惹味，讓自己在轉眼間便把一大碟的「XO醬豬扒飯」完全KO，然後便懷著飽足的肚子與愉快的心情結帳離開，匆匆地前往年宵市場

尋日(25-12-2012 Tue)聖誕節,男友都放假,由於我要幫爸爸買羽絨褸,而前日放工後出旺角落車就見到有羽絨特賣場,咁橫豎約好幾位朋友呢晚出旺角食飯,男友又o係o度搵到好食o既豬扒飯,咁我o地就出o黎食lunch啦.我o地o黎到應該都1:45pm,只有5個客,我o地坐低後,就見到$48.00o既XO醬豬扒飯,原來佢食呢個,我o地就晰叫一個share食,佢就要凍檸茶少甜.咁我繼續睇有冇咩o野小食,見到有個$20.00o既咩o野菠蘿炒蛋包餐,好似好特別咁,就叫呢個,加$3.00要凍華田少甜.好快所有o野到齊,睇睇個XO醬豬扒飯,豬扒大件飯又多,XO醬同樣唔少.而我o既菠蘿炒蛋包係菠蘿包夾炒蛋,試吓呢個先.熱騰騰炒蛋好滑,菠蘿包面上o既脆皮已經冇乜,甜甜地o既菠蘿包配香噴噴炒蛋感覺特別,算有諗頭.而杯凍華田真係唔係太甜,o岩o岩好.之後食XO醬豬扒飯,開頭我驚XO醬會好辣,但原來唔辣,只有蝦米同蒜蓉o既香,撈飯食好好味.而豬扒呢,大件又厚身,唔似其他o個啲大件但薄,抵讚.而呢個口感都算鬆軟,不過有少少肥會好食啲.XO醬應該係自己整,都唔錯啊.服務:亞姐態度唔差吖.

晏畫整完車，求其入左間茶記食飯，見佢地出名後Xo醬豬扒飯，點左個跟杯凍O茶。豬扒好厚，大大件，都好多塊。沒有臭豬味，不過有d肥肉位會正好多XO醤野味，似自家制。撈飯一流。

做佐好多年OPEN RICE FANS兼CD ROOM。今日忍唔住要註冊寫食評！琴晚睇完戲，念住求其搵啲野食，點知食到一肚火！坐低點餐，個阿姐塊面已經勁黑勁臭，點菜時候又不斷嘖嘖聲，淼咀淼舌甘，大佬，我來醫肚姐，受啲甘既氣！！唔怪得夜晚七八點晚飯時間，居然冇乜幾個人冷冷清清。講返食物，豬扒飯又硬又冇味，啲汁得甜味，一句講晒，係我多年試過最差的餐廳！

今日於報章得知美而廉快將於四月結業, 本想去一試, 可惜傳媒效應下, 差不多十時也有十數人於門外排隊, 唯有撤退朋友介紹下退而求其次去試一下王萍記的招牌XO醬牛扒飯, 但結果令人極度失望店內乃一般小型茶餐廳佈局, 但食物價錢絕不普通, 我那碟小小的XO醬牛扒飯索價$42白飯鋪上炸牛扒再配上一碟"秘製XO醬", 這就是所謂的招牌飯了"秘製XO醬" 是以少量沒什麼味的XO醬, 混上大量炸蒜, 砂糖及油, 整個組合完全不配搭(友人說上一次的醬要好很多的, 多點辣椒及比較惹味)將硬硬的炸蒜加上未完全溶化的砂糖混上白飯, 感覺上是在吃一口一口的泥沙伴飯, 味道口感皆不濟, 醬中的油亦令整碟飯變得非常膩牛扒雖是熱騰騰的剛炸起, 但是炸的時間過火了, 變了一塊塊吸滿油的牛肉乾, 混上那個XO醬實在是膩上加膩店主攪盡腦汁去創作的所謂招牌菜, 但效果完全未盡人意, 很失望的一餐, 我寧可選擇簡單的豉油撈白飯, 更為美味

以前曾經黎過食豬扒，那XO醬好好味，今次再黎食，諗住叫其他野，最終都係叫左XO醬豬扒飯，豬扒厚切，XO醬自家煮，送飯真係一流。其實好過出面好多自稱正豬扒的地方，都唔明點解紅唔起？

豬扒食法有好多, 有焗豬, 咖喱豬, 白汁豬...但呢度最叻 XO 豬...先將豬扒煎到香口, 油香十足, 再配上 XO 醬, 撈飯十分惹味...豬扒夠大塊, 而且已經切開, 好易食...伴碟仲有 2 條菜, 四十幾, 算係咁...