玖子貴 (已結業)

這幾天是崇光百貨公司感謝節因有9折的優惠，約埋幾個朋友去到超級市場掃貨，行行下覺得肚餓了，便去找裏面有幾間小店，是賣炸物的，就特意去了（玖子貴 )買左些炸魚餅食，我覺得他們有幾樣魚餅，都做得十分好吃，雖然價錢略有少少貴，不過間中食到自己喜好的食物，都冇所謂啦！我特別喜歡食流心蛋魚餅，將魚餅整到外面微焦，金黃同彈牙，咬洛口時連埋溏心蛋一起，好有層次感非常香口美味。

今日適逢中秋早放工 又未到食飯時間就去左Sogo行街 行到餓餓地見到呢一間食店 有份寫住必食推介既流心蛋魚餅 賣相相當之吸引 咁我當然要試試啦！流心蛋魚餅 $29外面魚餅彈牙的魚漿包住溏心蛋之後再炸到金黃色，令人一試難忘！唔知係咪餓得濟 非常香口美味價錢就略微貴左d，事關同層另一間$28 已經可以買到一個餐 炒麵奄列加丸啦 咁抵唔扺食就真係見人見志啦佢仲有其他食物既，例如鹿兒島蝦芝士魚餅、香烤芝麻魚餅、香蔥檸檬鹽魚餅等等

見Sogo B2開左新野，玖子貴，走日本小食風，雖然價錢唔平，但賣相吸引，所以都忍唔住買左個魚肉糖心蛋食一試果然。。。中伏，就係魚蛋糖心蛋，無咩味，唔難食但都唔特別。。。30蚊一粒，。。。試過就好~~

👉🏻皇牌滋味套餐🐟💲85•鹿兒島安納芋甜番薯魚餅🥔超好食😭💛佢啲番薯多到呢 又勁甜💛仲要mix埋魚餅嘅口感 冧番薯加上勁彈牙嘅魚餅 must encore🤣•流心蛋魚餅🥚流心蛋超流心 不過冇咩甜味😹比魚餅包住但唔會好易散 都幾好嘅🤔但未去到要encore🤣•芝士夾心魚卷一般 好薄😹食唔出芝士味😹•明太子醬小丸魚餅好少醬 仲要唔甜 有啲失望😞

Sogo 超市內的日式熟食店轉了好幾間，而且款式也全部不同這天經過時，被玻璃內的炸物吸引住，只要買三件正價產品就會送一件指定產品～當然要選三款啦～可選外賣或堂食，其實堂食就是立食，有個小小位置可用日本產半熟蛋魚餅 ($29) - 魚餅包著流心蛋，魚餅是爽爽的，不會太淋～好正北海道粟米魚餅 ($28) - 粟米超甜又份量多，魚餅很好味～香蔥檸檬鹽魚餅 ($23) - 本以為會勁蔥，但吃起來又不會，而且配了檸檬鹽，感覺很不錯～芝士夾心魚卷 (送) - 裡面有點流心，雖然是送的，但也好味真的很不錯，而且有不少人買呢，行街行到餓都可以買來吃～

在銅鑼灣 Sogo的玖子貴，始於日本九州的鹿兒島，全店清一色售賣各式各樣的魚蛋製品。看看Menu 發現無處不見魚蛋，款式多元化而且吸引。得獎推介－ 日本產半熟蛋魚餅，早有心理準備以防魚餅裡的蛋漿湧出，我先咬開一個小洞，結果蛋漿如期地留在魚餅裡，吃的時候沒有造成不便。大讚一下，半熟蛋蛋漿很稠，而魚餅的質感彈牙，兩者配合得天衣無縫。北海道粟米魚餅－表皮香脆，粟米鮮甜香口，魚蛋加上粟米的口感非常夾。魚餅魚蛋大合照，好滿足的立食日本篤魚蛋體驗。

成日行sogo超市個層都會發現好多小食都好吸引，玖子貴係其中一間😍要左個皇牌套餐，有：📍粟米魚餅～粟米好甜哦！🌽📍日本半熟蛋魚餅～半熟蛋，真係好好食呀😍用魚餅包住，都幾夾，唔錯📍薩藦炸魚餅～唔會太油，魚餅又夠厚，用料十足👍🏽📍香蔥檸檬魚餅～蔥，真係唔係人人都想食，不過配埋檸檬汁，個味又幾fresh 喎！唔難入口😉件件都好味，如果可以配個公仔麵，就一流啦🤤

銅鑼灣「崇光香港百貨」地庫的位置，向來都是有名的美食區，食客可以在「崇光香港百貨」美食區內，不斷尋找可能適合自己的美食，重點就是美食都會是有濃厚日本氣息的地方美食。例如「崇光香港百貨」美食區有酥皮紅豆味鯛魚燒、日本海鮮煎餅、以神戶牛肉製作的牛肉批、日本純牛奶軟雪糕、還有日本地道蜂蜜製品作配料的軟雪糕。今次我試食的，是日本另一間以九州魚蛋製品見稱的魚蛋專門店「玖子貴」。「玖子貴」始於日本九州的鹿兒島，鹿兒島位置靠海，有豐富魚產亦是很正常的事，有人把魚肉製成魚蛋出售更是合情合理。「崇光香港百貨」地庫不少的食店生意，都是屬於以外賣自取為主，當然這間魚蛋專門店「玖子貴」也不例外。所以不用刻意張望「玖子貴」的廚房，單是從「玖子貴」的餐牌跟圖片，已經可以感受到「無處不是魚蛋」，到處都是魚蛋的氾濫感覺。雖然有個別「玖子貴」魚蛋製品是售罄了，但是「玖子貴」還有大量不同款式的魚蛋製品發售，想一日內一個人，試勻所有「玖子貴」款式口味的魚蛋，肯定不可能的事。又或者你可以像我一樣，直接購買「玖子貴」的「獲獎推介套餐」。「獲獎推介套餐」是否即是「玖子貴」在日本曾經獲獎，值得一試的鎮店炸魚蛋小食，真相恐怕只有住在

貴子玖係一間日本地道嘅薩摩魚餅品牌，當佢初初嚮香港開分店嘅時候，就已經好想慕名試下佢嘅魚餅，但成日都無咗回事，今次終於成功打卡～大部分嘅小食都唔算好吸引，唯一吸引到我嘅就係流心蛋魚餅。唔好睇小呢隻流心蛋魚餅，佢係曾經榮獲鹿兒島縣地域特產品大賽第一名嘅小食，來頭一啲都唔細架～！魚餅外層輕輕一炸，添上咗一層薄薄金黃色嘅外觀，而內層就仍然保持住雪白嘅顏色。外層嘅魚餅魚味濃郁，連埋內層滷汁好入味嘅雞蛋，大大啖咬落去，食落完全唔覺油膩，而且口感仲好豐富，裡面金黃色嘅蛋汁流哂出嚟，睇見就即刻忍唔住要咬多啖～好味就好味，但價錢真係有啲偏貴～

🙆‍♀️ 日本產流心蛋魚餅 $29 每次經過Sogo必買，熱辣辣新鮮做，彈牙既魚餅包住一隻蛋，蛋係溏心多於流心，一咬蛋槳漫漫流出，絕對唔係爆出，所以唔會食得太狼狽。好好食 一定要試😍

崇光超市裝修過後，首次到訪，空間感大了，逛得亦舒服很多。超市內的小食攤檔滲入不少新的元素，令致本來意慾買炸薯餅的小人改變主意，試了日式魚餅。檔子的陳列簡單直接，就是一大盤一大盤的炸魚餅，選擇未為太多，取價約二十多三十元一塊，小人輕取兩件，且看是龍是鳳。當店員問及是即食還是帶走的時候，小人不禁心生奇怪，到底有何區別。原來即食的只是用一隻膠杯奉上，帶走的有個盒載著而已。即食的魚餅好像翻熱過，然而熱度嚴重不足，僅僅微暖，令魚餅的油膩感都跑出來。一個是明太子餡的，吃時只覺得中間有些鹹鹹糊糊的東西，明太子應有的脆卜卜完全感受不到。魚餅沒甚麼味道，如果店方提供一些豉油佐料該會較佳。另一個叫做流心魚蛋的物體更加不濟，原來是一大球魚肉包著一整隻流心蛋來炸的，魚肉無味，雞蛋無味，純粹吃了一大團蛋白質入口，毫無意義，浪費配額。以後吃魚餅，只會選擇紀X文。

北海道粟米🌽魚餅($29)鎮店人氣產品💞 榮獲 鹿兒島縣知事賞 的產品 , 也是日本地區內 " 玖子貴 " 的 No.1 產品👍 長條形魚肉煙韌 , 外層裹滿香甜粟米粒😋 ,入口香脆不油不膩😉香蔥檸檬🍋鹽魚餅($23)魚餅的表面沾滿特選香蔥，配上清新檸檬鹽，味道嶄新獨特，一眾「蔥」迷萬勿錯過！😋淡淡的魚肉鮮甜 , 有鹹味但不覺得有檸檬味, 重點係好油膩😣 鹿兒島甜蝦芝士魚餅棒⭐($28)有一點兒甜蝦味, 但是就沒有芝士味😌因為太多人買,所以食唔到😭😭流心蛋魚餅 $29朋友食完都係超級推薦, 外層鮮味魚漿包著日本溏心蛋再炸成金黃色，不但蛋味香😚，溏心蛋香滑😉，最神奇係溏心蛋炸過仍然保持溏心效果！可見師傅對食材的掌握及控油溫度一絲不苟😊！

晚餐沒有著落，頓時想起sogo地庫的一間小食店，專賣各式各樣既魚蛋，就買左幾舊番屋企做晚餐 北海道粟米魚餅　$28滿滿既甜粟米再加一層薄薄既沙律醬，魚蛋幾彈牙～但一路食啲粟米係咁跌😂，不過味道就真係冇咩特別～而且油膩感幾重，粟米都泛起油來日本流心蛋魚餅　 $29隻蛋勁流心呀，中意食蛋既就可以過下口癮魚蛋部分不是太多～底下有一小片蓮藕墊著，但好油呢～整體以言，價錢偏高，性價比低，只係好普通既魚蛋，試一次便可以了。

因為係附近返工，求其買啲野醫肚，見sogo底層多咗好多小食舖，每間都買少少，點知中伏！因為我鍾意食明太子，就點左一粒明太子餡，一粒溏心蛋，各$29一粒，好似滿$50就送中間嗰3粒魚蛋真！係！好！貴！其實拎到返公司都只係隔左10分鐘先開黎食，已經凍晒，加上佢全部都係炸過，凍左更加係好油淋淋，基本上無一粒係好味最嬲嘅係，溏心蛋個蛋黄係完全熟晒，丁點溏心都無，即是話我用左$29去食一個，外層包住凍冰冰又油淋淋魚蛋皮嘅熟雞蛋出面求其叫一個溏心蛋都係十零蚊，又好味又一定溏心真係後悔嘥錢食呢個垃圾

一落電梯轉左便見到玖子貴，一排排的薩摩魚餅整齊排列，另我想起早前到鹿兒島的光景。薩摩揚げ指用白魚肉包著不同材料的炸物，這裡都有不少選擇，今天特別想吃安納芋，便買了安納芋魚餅。魚餅混入不少安納芋，甜度十分高，與其說是魚餅，不如說是安納芋餅更為貼切。軟爛蕃薯加上魚肉增添咬口，陪襯安納芋也不錯。