瓏苑

营业中

休息中

北京片皮鴨兩食都幾抵食。片皮前見到隻鴨嘅真身，一d都唔細隻，真係幾抵食。片出黎嘅肉仲多過d包鴨肉用嘅蒸餅皮，份量都幾足。面而且隻鴨唔係好肥，食咗冇咁大罪惡感。啲鴨肉唔會好韌，不過鴨皮就略嫌佢唔係好夠香。除咗青瓜絲同埋京蔥先之外仲有黃色嗰啲酸蘿蔔絲，用嚟包住片皮鴨嚟食就冇咁滯啦。第二食就揀咗鴨肉絲炒韭菜花，炒咗韭菜花之後嘅鴨肉絲比較韌，鴨肉絲嘅size係比較粗嘅，可能就係因為咁樣，所以煮過龍導致佢比較韌。

呢一間位於藍田嘅街坊酒樓價錢平到有啲得人驚，但係質素一啲都唔輸蝕喎，好似呢一個迷你冬瓜盅為例， $108一份，都有七至八碗，入面有瑤柱夜香花金華火腿帶子片等材料，一啲都唔會將價就貨，呢啲人少少嗌就啱晒，唔使驚巨型冬瓜盅食唔晒。另一樣，超值食品就係呢個乳豬仔， $338有成隻乳豬，仲使乜咁辛苦北上消費呢！呢隻乳豬一啲都唔肥，唔使一邊食，一邊咬走啲肥膏出嚟，燒到皮脆肉滑，性價比極高。甜品試咗薑汁棗蓉糕，有薑味有紅棗味，熱辣辣味道都幾好。

週六上同事屋企玩，順便在樓下食埋下午飯先上去，咁約咗三個同事就揀咗依間酒樓，因為藍田嗰邊冇乜選擇同埋唔係好識路😂😂😂中午12點幾都有位，不過都見佢都爆爆地，安排咗房裏便的四人座位，都好冇咁嘈！見出邊門口都有好多海鮮養住，應該個夜市都以海鮮為主⋯⋯我哋都係食普通點心，都係叫啲基本嘢…蝦餃燒賣牛肉鳳爪等等，都正正常常入到口，因為初初見間酒樓啲格局都係做街坊客可能麻麻哋咁，可能樓面唔夠人，加水都係自己走去搞😂😂呢啲位明白….

難得今日放假，於是就約埋肯早起床的朋友今日一早去位於藍田啟田商場瓏苑飲茶。上湯灼菜心苗 $18.80綠油油的菜心感覺鮮嫩，不過可惜灼得太耐，感覺有點冧。我們叫了兩個醒晨孖寶，共$71.6鳳爪排骨飯鳳爪和排骨都醃得十分入味，不過鳳爪太冧。排骨咬落有微微的肉汁滲進口腔裏，十分滋味。米飯粒粒分明，軟硬適中。香茜牛肉腸粉皮不算厚，免治牛肉裏混入了馬蹄粒和笎茜粒，食落牛肉又冧又滑，有馬蹄粒的爽脆，又有芫茜的香味，層次感十足，再加上豉油，提升了這碟點心的香味。燒汁釀茄子茄子煎得夠冧身，魚肉醃得入味兼夠彈牙，混入了少許葱粒，再掛上一些醬汁，味道不錯，不過感覺有少許油膩。南乳蒸豬手豬手十分入味，豬皮咬落有煙韌和彈牙的感覺，豬肉夠冧身，食落陣陣的南乳香味滿佈口腔裏，十分好味，但花生太冧。順德鯪魚球 $23鯪魚球混入了蝦米和芫茜，鯪魚肉醃得夠入味，咬落有彈牙的感覺，再加入蝦米的鮮味和芫茜的香味，震撼了我的味蕾。

訂坐嘅時候講明話唔要壽包😓到最後同我講唔知，但明明講得好清楚佢都有mark低，係佢自己酒店本訂座簿有mark低，如果咁都唔清楚咁點先算清楚？😃真係笑死 。。。

普通侍應生服務幾好，相返高級些職員態度非常惡劣，由其係一位女職員唔知佢嘅職位係經理定主任級，我1930落單，叫隻片皮鴨冇，其實無咩問題，最多咪叫第二樣囉，佢竟然反問我，點解唔一坐低就落單，好似係我問題咁😵‍💫仲要串住話一早落咪有囉👍🏾👍🏾👍🏾👍🏾全大廳廿枱唔夠，都話無得叫，1930叫到餸，應該都算係頭輪丫，究竟貴公司準備咗幾多隻鴨去應付一個晚市呢？

2024年3月7日，媽媽生日，與家人和她慶生。。其中點了澳洲龍蝦配伊麵，賣相看來ok..但一食d龍蝦肉是霉霉的。 立即找人問清楚。男經理話隻龍蝦係新鮮劏，唔會有問題。 媽媽叫男經理自己夾嚿食下先再講野，但男經理又唔試，係咁講話新鮮無問題。。就咁走開咗無處理隔咗一陣再找一位女經理講，佢又話可能係放係魚缸養得太耐(咁既理由未聽過）我地叫佢試食下。。又係唔肯試。。唔想面對真相，我同佢講呢碟龍蝦加理10%要500元，你比d咁既質數龍蝦，唔合理。我地話取消，佢又話唔可以。。但又唔肯整過另一碟出嚟，碟龍蝦又話唔可以比折扣，只係送返碟菜我問佢。。你咁樣處理，唔會再嚟食。。佢只講幾句唔好意思令到媽媽食到一肚氣的生日飯，做子女的真係愧疚

呢間酒樓轉左好多手，轉手之後第一次嚟晚飯同屋企人去呢間酒樓做冬，三千幾蚊一圍，預早落訂仲可以減$200餸菜味道唔錯，起菜又快，最後仲送埋甜品，屋村酒樓嚟講唔錯！

聖誕節同屋企人食中餐先唔會俾人呃😂因為都係住東九龍嘅關係，知道呢度開咗間新嘅酒樓就帶屋企人嚟試吓😃喺尖沙咀過去一落車上4樓就到，酒樓空間好大，仲要分開兩個唔同位置，好光猛好闊落。我哋六個人坐咗張圓枱，個姐姐仲俾我哋揀位添，一坐低有好多個餐牌可以選擇，都真係有啲選擇困難症，因為好似所有嘢都好好食😂 諗咗一陣之後有個部長就過嚟介紹一個六人餐好抵食，1688，6人餐，因為平時自己食開酒樓，啲餐都覺得好求其，所以有少少無信心，但係因為我屋企人都比較肚餓，所以就決定相信個部長😂 好快就嚟第一度送乳豬仔，勁大，個皮好脆，食落去唔係淨係得肥膏有乳豬肉，跟住之後就有龍蝦伊麵，唔同出邊啲酒樓啲龍蝦好入味，伊麵個汁都真心好食！然之後就有大班兩味，炒蚌，花膠海皇翅，鮑魚冬菇，燒雞，炒飯，仲有糕點！每個人280包埋加一茶芥，真心抵食啲嘢仲真係有質素！

食物質素差，普通侍應生服務非常好，但返而高級些職員態度非常惡劣，由其是姓陳這位女職員不知道佢嘅職位係經理還是主任級，我叫錯左食物，一分鐘唔夠我叫返佢要求更改其他食物，佢話唔得，理由係已經落咗機，之後我向其他普通侍應生協助幫我改單，之後成功改到，其後這位性陳女職員行埋我張枱很不友善地收晒我張枱上嘅餐牌！這些正所謂嘅高級職員間直不知所謂⋯⋯! 態度非常非常非常非常非常非常非常非常非常非常非常非常非常非常非常非常之差

預早一天book咗... 兔氣揚眉全包宴, 1830入座 ，齊人上菜， 波士頓龍蝦伊麵,唔差喎,比我想像中有味道😘， 因為我只係半席，所以bb豬半隻,待應登上嚟畀我睇一睇先,跟住先將bb豬剪件, BB豬配有乳豬醬及砂糖, 小小驚喜嘅😚係乳豬仲係熱嘅, 食起上嚟冇咁油膩, 蒸班腩連骨夠滑， 碧綠 炒班球嘅都好香 ， 值得一提個 花膠 海皇翅 好夠熱👍😚， 其他餸菜都唔差 ,個炒飯小朋友好鍾意吃,😋 美點係薑汁紅棗糕👍美中不足，就是上菜速度太快， 放到枱都唔夠擺~若其後每菜慢返五分鐘就好D, 食肆唔需要 交枱比下場,🤔可能啲員工太有效率) 食唔曬嘅嘢😀仲打包兩盒回家日後,都會再幫襯👍👍👍😋😙

今晚老闆請同事食飯，頭盆是熱騰騰皮簿香脆乳豬，再有個半邊澳洲🦞，係超鮮甜彈口，胡椒咸菜豬肚湯，酒樓用鮮豬肚腩排。而其他菜都係用上好菜料，材料靚，口感一食就知，冇得呃人。

放假叫屋企人唔好煮飯食，今晚出黎食呢間都算新開既酒樓，佢開左幾個月我都未試過~叫左呢個菜就正正常常，湯底清清地，有雜菌同菜，健康之選🥬🥦黑毛豬叉燒 (例牌$128) 🍖 ✨厚切叉燒6舊，$128黎講份量雖然唔算多，不過食落真係有驚喜！🥰✨呢件叉燒一邊較肥，一邊較瘦；肥肉嗰邊超有油香，肉質肥美軟嫩；瘦肉唔會嚡口，肉香比較重，個人我鐘意肥肉嗰邊多啲！🤪✨碟邊仲有小小蜜豆冷盤，比較少見，可以平衡叉燒嘅豐腴口感。~蒸老虎斑(約一斤$98) 🐟 呢條魚蒸得剛剛好，魚肉嫩滑，食埋伴碟既蔥，夠晒香~👍🏻.今餐食得開心又飽肚，雖然每人$200左右唔算平，但味道都算可以，滿意~😎

之前試過打嚟訂位，話乳豬要留，當日冇晒，今日再想打去訂位，問有冇乳豬留，將個電話交完俾呢個又比嗰個人，又話唔知你咁多，你哋自己講清楚，又再轉比第四個到最後一手聽見我得兩個人，就話唔肯留叫我自己到時上去睇吓有冇! 既然你知道自己間餐廳係用乳豬來做賣點，但係又吊高嚟賣，兩個人又唔俾留1/2，跟你規矩留一隻見人哋得兩個人又唔想接單，咁樣做生意，祝你好運！

其實呢間酒樓開業嗰陣已經嚟試過菜我記得第一個感覺係幾抵食 食物質素幾OK但係唔知係咪開耐咗質素開始下降 我見D食評都話佢差咗所以今日經過特登試試佢本身我哋係叫炸脆皮雞但係侍應話已經賣晒其實嗰陣時都好早大約夜晚7:00去到之後幫我哋改咗做文昌雞隻雞真係麻麻肉質唔滑 冇乜味黑椒牛仔骨煲味道非常惹味而且熱辣辣上枱嗰陣時仲咋咋聲呢個原隻燒乳豬 要一早訂定其實嚟呢間酒樓都係為咗食呢隻乳豬新鮮出爐 非常出色無論調味肉質 而且個皮都係好脆非常值得一試蒜蓉開邊蒸蝦蝦肉質結實唔會霉蒜蓉豉油調味恰到好處連個粉絲底都好好味西蘭花炒帶子帶子隻隻都好大粒 好彈牙保持到酒樓小炒 水準之作小炒王用料都好充足 好有鑊氣所有用料配合得好好送酒一流整體嚟講 我覺得保持到質素如果經過想食中菜都會keep住嚟幫襯最後隻乳豬真係要試試