琉浪食堂 (已結業)

Lunch 搵野食見到，係間巷仔到有種隱世feel ,主打夏威夷蓋飯 ，見使用健康食材岩哂身型管理人士，之前都食過其他既夏威夷蓋飯 伏極有個譜，點知真係有伏！Oka $98有吞拿魚、三文魚再搭配蔬菜和豆類，睇相係魚生加蔬菜鋪滿，結果份量係小，價錢同實物好大出入！！以為得自己個個係咁 點知朋友食都係咁！似爭鮮魚生飯 多過似夏威夷蓋飯！

一間位處橫街巷仔唔顯眼嘅小食店，咁啱路過看到該食店放置大街嘅易拉架才發明。該食店主要售賣 Poke Bowl (夏威夷式魚生飯)。 之前我有聽過呢樣嘢，但就未食過。看到店外有張貼推介幾款 Signature Bowl 餐單都幾吸引。就入去試一試.。走進店內， 環境裝飾簡單舒服。叫了一份名叫HHL 嘅 Signature Bowl , 價錢$98 九折， 配料加醬汁 包括一 八爪魚， 吞拿魚， 青瓜、紫椰菜，車厘茄，芒果、菠蘿、葵蛋黃醬，香辣蛋黃醬。飯底選要一半玄米飯， 一半鮮蔬沙律。飯到後, 首先每款配料各試一口， 味道正常新鮮。再將所有配料跟飯及沙律一切撈亂來食，甜甜酸酸都幾開胃。感覺其實跟食魚生飯差不多， 但主要分別係Poke Bowl 嘅飯及配料係預先用醬汁調味過, 加上配上更多蔬菜, 食落會覺得幾健康。但可能每樣配料都切得過份細小，口感上不及魚生飯滿足° 不過成碗飯食晒都幾飽肚。 除咗Poke Bowl 外， 店內亦有其他不同款式嘅日式主食／小食選擇。

有日去買海南雞發現小巷有間日式裝潢既舖頭，原來係食poke既真開心又多一個選擇。入到去又幾舒服環境又乾淨。menu選擇都多，花多眼亂之際見到bowl of today 立刻就揀佢先🔸bowl of today木托盤配上一碗麵豉湯，大大碗poke 就係眼前，配料有香辣吞拿魚、豆腐、中華沙律、蟹籽、+$12既牛油果，個base 要左玄米飯+沙律菜，賣相夠哂吸引味道方面香辣吞拿魚香唔太突出，豆腐既麻醬搶左個味道，沙律菜又唔夠乾水搞到碗底既飯好濕。有驚喜既係玄米飯好好食，就咁單獨食都覺得好好食。所有配料獨立食都好好食，可惜擺埋一齊唔係太夾，可以下次試下自己mix & match會唔會好啲

想食POKE飯又多一個選擇。平時喺何文田返工，想食就要落旺角，今次就搵到呢間。舒服嘅日式裝潢，環境乾淨。同其他Poke舖頭一樣，提供自助飲用水🚰.➡️「夏威夷香辣POKE」香辣吞拿魚、山葵八爪魚、芒果沙沙、菠蘿、生菜，底係壽司飯。.餐廳用左木托盤，配上一碗麵豉湯、餐前小菜（醃蘿蔔），提升左日式嘅感覺。.😋味道方面：我幾鍾意個山葵八爪魚🐙，食落少少刺激又清爽，岩曬熱辣辣身水身汗嘅朋友仔。吞拿魚嘅香辣就唔太突出啦。壽司飯份量好多，最後都食唔曬。不過因為呢個飯無加入其他醬汁，有少少單調。.🌟整體黎講 7.88/10分始終我嗌左自己唔係最喜歡嘅配搭，唔係太鍾意沙律醬撈飯，但有興趣再去試其他mix & match！

宣傳不夠，位置都唔太好搵，宣傳banner字太細唔夠吸引人，在隆基大樓後側的小巷裡。但性價比真的好高啊！食材新鮮，很好吃，在中環賣起碼雙倍價格。怕少人發現，特此獻出open rice處女作。加油啊老闆堅持住啊加大宣傳力度啊不夠200字不能用評分功能……… 我又不是蔡瀾，兩碗poke 我哪裡寫的出200字美食評論。現在太多店花錢買好評，圖文並茂，但如果不是差評和吐槽，誰會有時間和閒心免費去寫200字好評啊。

紅磡區新開POKE店，聽店主講話係大角咀「一浪」嘅姊妹店位置比較偏僻，喺後巷度(勇記海南雞隔離條街），唔係街坊或者起附近返工應該好難搵到😢店主好驚訝我哋搵到佢同識去設有幾款特色poke，仲有限定推出款，今期係韓式泡菜燒烤慢煮安格斯封門牛柳poke同極上鹽燒厚牛舌芯poke▶️ 自選poke bowl ($98)《Main》: 帆立貝柱有驚喜❣️以為會係啲燒咗嘅帶子，點知係一粒粒帶子刺身！食落新鮮鮮甜而且口感好嫩，仲要份量幾多，食到最尾一啖都仲有，超推介👍🏻《Base》: 玄米飯+鮮蔬沙律可以揀雙拼(另外仲有壽司飯揀)沙律菜以外有青瓜片🥒落咗少許沙律醬，食落清新夠味玄米飯飯質好好食，硬身啲得來唔會難咬或者感覺未煮熟🍚佔咗醬汁亦唔濕爛，間唔時仲有幾粒赤豆🫘似日本啲蒸飯咁，必選！《Toppings》: 枝豆仁+日式醃蘿蔔+海帶芽個人最鍾意啲爽脆又濃味啲嘅配料，所以揀咗呢啲😋成碗都佈滿枝豆仁💚 口感粉糯紮實，冇用鹽醃但同樣好食，絕對係poke rice嘅絕配日式醃蘿蔔係黃色嗰啲💛呢個將佢切成片狀，方便撈飯食，味道偏甜唔太酸，質感超爽脆，為成個POKE增添層次口感第一次叫海帶芽做配菜，覺得比較一般😗

經常見到有一種顏色鮮豔，尤如沙律般健康感覺既美式夏威夷刺身蓋飯Poke Bowl，但就一直未試過味道究竟係點，今次嚟左紅磡一間新開既食店琉浪食堂，主打就係夏威夷刺身蓋飯，睇完Menu 發覺原來有勁多配料Topping可以簡，醬汁又有極多選擇，為免選擇困難症又發作，最後叫左老闆幫手推介發辦。大概記得有既配料如下：八爪魚、香辣蛋黃醬、芒果、菠蘿、青瓜、車厘茄、紫椰菜、鰹魚碎、紫菜，飯係壽司飯加玄米飯Mix, 味道非常驚喜，簡直可以話係好好食嚟形容，個人覺得比起一般日式刺身丼飯更好食，配料超豐富，醬汁好開胃，而且份量超多，老實講一碗Poke Bowl相信要兩人先食得晒另一款吞拿魚主打既Poke Bowl, 今次唔要飯簡左沙律底，相信會係好多女士既選擇日式蛋包飯，咖哩調味非常適中，係屬於好食既咖哩水準，賣相亦靚仔唐揚炸雞外脆內軟，外層粉漿恰到好處又惹味，必叫推介