瑞士咖啡室

营业中

休息中

來中環處理銀行帳戶，由於還有一些手續要辦，所以決定食埋晏先走。嚟咗「瑞士咖啡室」開餐，之前幫襯過灣仔道嗰間，利源西街呢間反而是第一次來。原來餐廳共有兩層，座位十分充足。細看裝潢，是典型的舊式茶餐廳格局，書法招牌、閣樓雅座、綠白階磚，再配以掛牆餐牌和舊式油燈等，全部都是香港人的集體回憶，體現了對舊年代的眷戀和致敬。每張檯均放有一份餐牌，另外牆身上亦掛有手寫餐牌，選項清晰，簡單易明。點咗公司三文治 ($43)、瑞士常餐 ($55) 同一客蔥油豬扒撈麵 ($53)。公司三文治非常大份，用料十足，麵包入面㚒滿了煎蛋、餐肉、蕃茄、火腿和芝士等，有成三層厚，大份到要分幾口至吃到。外層的多士烘得夠曬脆口，咬下帶焦香，入面的沙律醬亦調校得很不錯，入口甜甜酸酸，令味道更醒胃。瑞士常餐陣容亦頗豐富，有牛油多士、火腿奄列同瑞士雞中翼公仔麵，如果想改通粉、意粉、米粉、出前一丁或轉茄湯，就要另加 $4。多士烘得啱啱好，牛油亦塗得甚慷慨；奄列嫩滑有蛋香，火腿夠多又切得夠粗身，夾在多士中間同吃，簡直係無得輸。雞翼大大隻，好飽滿，瑞士汁味道剛好、濃得來又不會太甜，雞肉嫩滑多汁。麵條軟硬適中，加上索滿了甜香的瑞士汁，每

今日黎到中環瑞士咖啡室食午餐，享受下香港茶餐廳野食。我地好滿意，食物水準高之餘份量又多，推薦。瑞士常餐有牛油多士、火腿奄列、瑞士雞翼(4隻)配公仔麵，飲凍朱古力阿華田。牛油多士香脆可口，火腿奄列夠滑。瑞士雞翼夠入味，凍朱古力阿華田就朱古力味重啲。營餐有鮮茄火腿通粉、各式三文治、烚蛋沙律、樽裝鮮奶。鮮茄火腿通粉有番茄蓉，酸酸甜甜，通粉滑身，火腿份量多。蛋牛治，烘底，好食，好足料，唔會好鹹，蛋厚身，正。烚蛋沙律份量多，有唔同材料，可惜有我唔鍾意既西芹。咖央西多士厚身，麵包鬆軟，加埋咖央、牛油、蜜糖，好食得黎又好邪惡。

好耐無食瑞士咖啡室 好掛住佢啲瑞士雞亦同西多！今日就帶個朋友黎食 我地叫咗兩個餐再加一個西多士😋瑞士雞亦撈公仔麵話明瑞士咖啡室 招牌一定係瑞士雞翼點可以唔試吓雞亦已經煮得好入味 夠曬「霖身」瑞士汁另外上 咁就可以按自己嘅口味去撈公仔麵食無得彈🤣🤣🤣豬排🥩煎雙蛋飯（黑椒汁）豬排大大塊又厚身 配埋半生熟嘅煎雙蛋撈飯都係一流飲品我就叫咗杯茶走（茶走即係落煉奶 味道較甜同滑）食完飯即刻食返個西多士 啱啱煎起嘅西多士一定要趁熱食 自己再搽上牛油🧈同蜜糖 幾時食都咁正😋

利源西街充滿舊式排檔，兩旁都有舖頭及食店，中間嘅排檔會遮住餐廳招牌及門口，建議如响電車路街口行入去，瑞士咖啡室係响右手邊，可以先靠右行會易搵啲。舊式茶記陳設，地磚係經典綠色紙皮石，牆上嘅餐牌仍沿用手寫式，伙記哥哥都好友善，感覺到依家好難搵嘅人情味。平日大約兩點嚟到，已經坐滿客人，不停翻枱，係中環區內算幾受歡迎嘅茶記。瑞士雞翼常餐 $55 (出前一丁 +$4）份量好足，半燶牛油多士丶啖啖火腿嘅奄列丶瑞士汁雞翼好入味，改出前一丁，就更加滿足茶餐B $47牛油多士丶輕輕煎過嘅火腿，雙反蛋丶牛肉湯意粉，好豐富嘅茶餐咖央西多士 $29厚厚蛋漿包着方包，中間搽咗層咖央，蛋漿令多士外層炸到脆脆地，另有糖漿可自行添加，港式茶記風味，正！港式奶茶响茶記一定要試奶茶，口感厚滑，茶香丶味回甘鹹檸七原罐七喜上，鹹檸檬化痰潤喉，甜中帶咸，消暑解膩良品， 好耐無飲過喇～原來呢度嘅下午茶餐都幾抵食，下次再試！

相信在中環的上班族，都會知道這間位於利源西街的咖啡室 - 瑞士咖啡室。這𥚃沒有什麼華麗裝修，亦沒有那種刻意裝成懐舊的裝飾品，但卻充滿著濃濃老香港的情懷及歲月的痕跡。餐廳的地磚還保留著綠白相間的古老紙皮石，綠色的牆磚，水吧掛上一個金漆招牌。餐廳供應典型的茶餐廳食物，加上價錢平易近人，所以這𥚃成為不少上班族搵食的好地方。瑞士常餐（HK$55)來到這間名為瑞士咖啡室的茶餐廳，當然要選擇這個瑞士常餐。常餐包括：瑞士雞翼公仔麵、牛油多士、火腿奄列及餐茶。瑞士雞翼公仔麵👍👍👍👍👍有四隻雞中翼，味道鹹中帶甜，亦有豉油的香氣。麵條亦煮得剛好，入口仍保持爽口。牛油多士配火腿奄列👍👍👍👍多士烘至香脆可口，搽滿牛油就更加香口。火腿奄列的火腿絲每條都被蛋包著，還可以夾在多士內一起吃。奶茶👍👍👍👍去到茶餐廳，當然要飲一杯港式奶茶，奶味香，茶味濃。其實每一間茶餐廳都有自己的獨特配方，試試這是否你杯茶？營養餐（HK$52)營養餐包括烚蛋沙律、鮮茄火腿通粉、三文治及樽裝鮮奶。烚蛋沙律👍👍👍👍十分港式的烚蛋沙律，沒有花巧的擺設，只是沙律醬加入什果及什菜，平凡但美味。鮮茄火腿通粉👍👍👍👍通粉配火腿再加入鮮茄，味道清新，喜

作為中環嘅打工仔，想食茶記最就腳當然係利源東西一帶。今日嚟到瑞士咖啡室，係一間裝修好友香港地道情懷嘅茶餐廳。平日嘅午市當然就係全場滿座啦。瑞士常餐（$55）黎到瑞士咖啡室，可以唔點瑞士雞翼。呢個常餐包牛油多士、火腿奄列、瑞士雞翼公仔麵，我地就轉茄湯（$4）同米粉（$4）。多士夠脆身，奄列嘅蛋幾滑，入面包住大量火腿絲。瑞士雞翼就算浸左糖都依然好夠味，瑞士汁就係帶點甜味嘅豉油添，係好有本土特色。咖央西多士 $29西多士煎至金黃色，麵包鬆軟，內裏塗滿香甜咖央醬，配上牛油加糖漿，邪惡但係停唔到口！焗茄汁豬扒 $56焗飯味道比較普通。茄汁不夠酸甜，豬扒不太香口，配嘅是白飯而不是炒底，可能比較適合注重健康嘅人？不過勝在份量十足，男士都應該夠食。西洋菜蜜（跟餐）菜蜜加了幾片檸檬，甜中帶酸，感覺養生。奶茶（跟菜）用左黑白淡奶嘅奶茶永遠都係我嘅最愛，超滑而且唔落糖都無苦澀味。

已經幫襯中環瑞士咖啡室好一段時間了，以前還在中環上班的時候，午飯久不久也會和同事去吃，四五十蚊一個餐連飲品，抵到爛， 食物質素高，位多排隊不用等很久， 是中環打工仔的恩物轉了工以後， 有時假日也會去吃， 瞓到晏一晏十一點去到還有早餐， 更重要的是幫襯了這麼多次，體驗還是很好的， 餐廳伙計都很有禮貌。 裝修是舊式懷舊風格， 但空間十足坐得很舒適。現在疫情稍為緩和， 一於再出動。 久違了的瑞士常餐($55)， 雞中翼依舊香甜， 跟餐有香滑火腿奄列和牛油多士。快餐點了豬扒叉燒咖哩汁意粉($50)， 仍然大大碟，厚厚的炸豬扒， 份量十足的叉燒和意粉加三蚊有我最愛的維記鮮奶唔夠喉還點了一個公司三文治(散叫 $43)， 超級足料， 有煎蛋、豬扒、餐肉、火腿、蕃茄、芝士， 大大啖咬下去口感十足懷舊港式龍鳳檸樂(散叫$25) 唔係度度都有， 有檸檬和鹹柑桔， 鹹酸開胃， 夏天飲一流

是咁的....有一日我地完成好工作，叫下午茶，咁我都大約都聽過，呢間茶餐廳個聽電話姐姐既事蹟，咁我講完我要既食物同飲品後，就覆叫佢覆一次，咁到岩晒啦，我留低我既電話俾佢，等佢到左就打俾我，咁到左一個鐘，都未見有call，咁我打去問，佢話出左去，打我電話唔通，咁我問佢打乜號碼啦，咁佢就係打去佢睇到來電顯示，咁其實係總機號碼，咁我同佢講，我咪講左個直線電話俾你，你又話得得得，咁我再慢慢講個電話號碼俾佢聽，咁我叫佢覆我一次，咁我聽見佢講岩無問題啦，跟住又等左半個鐘，都係無，咁其實佢地過到黎，十分鐘乜都夠，咁我準備打去問既時候，電話黎啦，不過唔係送外賣叔叔，係管理處，佢打黎問我有無叫外賣，咁我聽完就落去拎啦，咁我再問外賣叔叔，仲乜唔打我直線呀，咁我一望張紙，尾果四個字錯晒，係管理處打晒咁多個組合先搵到我啫，咁我只係想講，個阿姐真係聽唔到既，同埋唔理個客講既野，咁就叫佢唔好做啦，食物質數就唔講啦，都凍晒咯同埋，外賣紙我即撕，唔再幫襯

瑞士咖啡室位於中環利源西街的中間，聽聞這間瑞士咖啡室已升格為中環上班一族的蛇竇之一，全因其裝潢令人彷似回到懷舊老香港🇭🇰時期，不論地磚、卡位都有30年代香港味道。而餐廳主要提供常餐、特色餐，輕盈早餐、下午茶☕️，麵包🥯類西多士等。 我特意挑選二時後最少人的時間進餐，收銀姐姐（不會是老闆娘吧？！）十分殷勤的向我推介美食，來到瑞士咖啡室當然要試試其招牌菜：瑞士雞翼吧！不負眾望，麵質鬆軟，瑞士汁完全可以昇華了雞翼的味道！接下來便是另一款瑞士推介美食：西多士；多士烘得好脆口， 有煉奶牛油塗滿了多士！最後當然要叫茶餐廳孖寶：餐蛋通和熱鴛鴦，值得一提的是蛋黃依然維持液體狀態！臨走時收銀姐姐還問我飽不飽，要不要試試炸雞脾……很想試啊，但太飽了，下一次吧！

瑞士咖啡室係童年回憶以前喺銅鑼灣補習成日係灣仔分店幫襯今日喺中環利源西街見到佢一於入去重溫當年嘅感覺！嚟到梗係要食瑞士雞翼！叫咗瑞士雞翼常餐有火腿奄列牛油多士同埋瑞士雞翼公仔麵瑞士雞翼好入味 隻隻肥美多肉！另外叫咗下午茶餐咋雞髀配薯條雞髀唔會好乾 好多肉懷舊坑紋粗薯條 好有童年嘅味道係港式茶餐廳先有的！最後梗係唔少得茶餐廳必飲嘅港式凍奶茶同埋唔係到到有嘅紅豆冰！呢度食物選擇好多淨係下午茶餐已經有成20款！早餐都有好多下次可以嚟試吓！

去咗中環利源西街，見到有間瑞士咖啡室，傳統咖啡室！ 非常有地道香港情懷， 最喜歡這種懷舊嘅感覺特別好！叫咗一個午餐K,咖哩焗雞扒飯， 咖哩味幾香！香而不太辣！ 街見亦都幾嫩滑 入曬味！份量都幾大份又足料，有層芝士做 topping, 更為吸引！叫咗份下唔係牛肉多士， 多士外層香脆，內面餡料正宗， 咸牛肉香味好正，咸香幾惹味呢。 叫左杯咸檸七，天時暑熱認真解渴還有好多系列既下午茶，有22款咁多，唔怕無選擇，認真多選擇！下次再食下午茶！中環區來說，一點也不貴！午餐茶餐好選擇

位於中環利源西街的瑞士咖啡室裝潢彷似回到懷舊老香港🇭🇰時期，不論地磚、卡位都有30年代香港味道。餐廳🍴主要提供常餐、特色餐，輕盈早餐🥣、下午茶☕️，麵包🥯類西多士等。大推瑞士常餐💕：包含有牛油多士 🥪+火腿奄列：多士烘得好脆口， 有鹽牛油🧈塗滿了多士，啖啖牛油香。火腿奄列火腿份量多到溢出，配上滑蛋，咸度恰到好處，濃濃蛋香。瑞士雞翼公仔麵🍜：上網睇左食評大推瑞士雞翼，決定一試，雞翼皮薄餡靚，肉質滑嫩，瑞士汁好入味不會死咸，公仔麵🍜軟硬程度適中，好巧功夫🍴白汁雞皇飯：香港人好鐘意有汁飯，呢到白汁份量多，而用上的雞柳有一陣花雕酒香，誠意可加，濃濃忌廉一食上癮，啖啖牛油香🥄仲好細心有幾埋椰菜，感覺上健康點。總結：中環區必食茶記大推瑞士雞翼公仔麵🍜

中環舊茶記必叫瑞士常餐雞翼中環美食多籮籮，集合全球美食，不過作為香港人其實間唔時，都想食個常餐當係Brunch，既飽肚，又實惠，味道當然係好啱港人啦！利園西街的瑞士㗎啡室 仲保留住舊式餐廳裝修，不論是間隔、卡位、地磚等，都彷彿搵返30、40年前的香港。必食：瑞士系列（瑞士常餐、瑞士汁撈公仔麵）常餐有齊多士、奄列、招牌瑞士雞翼瑞士雞翼冇介紹錯！真係好入味、仲好嫩滑瑞士汁撈麵（五香肉丁）個汁真係冇得輸、少少「杰」身，算係濃，味就偏甜 ，丁麵當然係索汁力強啦！硬度煮得剛剛好！係包餐飲：梗係飲黑白港式奶茶

不知是否因為在中環的緣故，常餐的價錢談不上便宜，常餐味道一般/正常吧。米粉的質素不太好，「鞋」口粗糙。雞扒撈公仔麵貌相不吸引，雞扒味道比外表好，但不會再光顧了😅

嚟開中環行街，一個人唔知食咩，就會諗起呢間茶餐廳。性價比絕對算係高，下午茶仲要好抵食😂 一場嚟到，梗係要叫佢哋嘅招牌瑞士雞翼🐔加撈丁！好邪惡～但係個汁甜甜地，好啱女仔食👍🏻