瑞士咖啡室 (已結業)

天氣熱熱地忽然好想食滷水野，但唔太鐘意燒味鋪個種碟頭飯，於是退而求其之黎左食瑞士雞翼。1點左右黎到門外好多人等緊，一人位等左5分鐘左右就入得，但要坐4人卡位搭台。平日食得瑞士常餐多，今日想試下瑞士雞翼撈公仔麵 ($50)。上台時瑞士汁另上，全數倒入公仔麵後先發覺汁既份量過多，近乎浸住兜麵。幻想中既瑞士汁撈麵應該係濃郁惹味，但原來醬汁偏稀同甜，唔太岩口味，普通既湯麵反而冇咁膩。瑞士雞翼就依然大隻入味又軟滑，下次都係叫返常餐算。

估唔到第一次打食評俾咗呢間嘢！雖然都有些少偏貴，但一星期都食一、兩次。因為佢哋既咖啡唔係好似其他茶記咁沖定擺喺度，所以想飲咖啡都會嗌佢或者味皇。今日無食lunch，嗌咗個吞拿魚烚蛋多士，一打開成隻烚蛋原隻上～～～請問咩玩法？不過有創意我鍾意！！！唔知下次會有咩驚喜呢？！個包都俾隻蛋「銀」到變咗形咁我唯有食咗一塊包先，再慢慢諗對策啦～～最後都真係無辦法，我唔想食哂啲包，用手就咁嗱隻蛋食。因為咁係違背咗吞拿魚同烚蛋原本應該一齊放入口既味道，所以我將我個口「抺」到最大試圖想將佢放入去，但最終失敗⋯⋯⋯希望將來我訓練自己將個口再「抺」大啲既時候先再嗌嚟食

難得朝早黎到律敦治醫院附近，本來諗住食腸粉皇做早餐，點知上星期仲放緊新年假冇開到，惟有轉戰瑞士咖啡室。 估唔到早餐都幾多吸引既選擇，由$25至$41不等，有粉麵、奄列、三文治、菠蘿油、美式早餐等，包熱飲，轉樽裝鮮奶/朱古力奶/意式泡沫咖啡/凍飲加$3，牛油多士轉奶醬多加$2。唔想食三文治/包類，又記得火腿奄列好一般，我揀左五香肉丁公仔麵餐 ($32) 轉樽裝鮮奶 (+$3)。 除左公仔麵之外，套餐仲有腸仔、煎蛋同牛油多士。 公仔麵製作需時，先上預先整定既腸仔、煎蛋同牛油多士都已經凍凍地，但腸仔煎得幾靚，煎蛋亦係流心。熱辣辣既公仔麵係普通配上清湯既人仔牌即食麵，室溫既五香肉丁幾足料，唔會杰到一pat野咁，食完都幾滿足。9點左右落單時叫樽裝鮮奶，阿姐都要問下送左貨未。 夠凍原樽上，食完個餐飲呢樽奶，唔知點解有種健康又閒適既感覺，加$3性價比都唔錯。早餐時段唔多人亦唔會趕人走，大部分客人都獨佔成個卡位，有時間黎歎下早餐都係一大享受。

舊阿頭中午專登黎灣仔請小肥食晏兼派利是，地點例牌由細佬揀，今年就揀咗附近間「瑞士咖啡室」。未上到餐廳，喺樓梯口已可見到是日午餐有A、B、C、E四款選擇，唔知店主係咪唔鍾意個D字呢？！懷舊冰室o既用餐大堂主要排成二人及四人卡位。B餐之黑椒磨菇牛柳粒飯（$53）：午餐包有半碟白飯、一條菜、一碗汁多o既黑椒磨菇牛柳粒。另奉送熱飲一杯。碗中只有一小片磨菇，牛柳粒大多又硬又韌，當中只有幾粒叫做腍啲，牙力少啲都咬唔到。唯一可以攞到分o既就係個惹味量足o既黑椒汁。「瑞士咖啡室」座位唔算舒適，服務及衛生都叫做達茶餐廳最低要求，不過食物質素就認真麻麻，灣仔區內真係有大把更好o既選擇囉！

又到lunch的時候，公司是彈性時間食飯，因為想食平D之下，大家都會等到2:00有下午茶先去食， 今次去瑞士咖啡室，講起來，N年前仲未有分店時幫襯過，果時為左瑞士雞翼，而加，為左平呀。 輕便組合餐:意式雜菜湯底火腿通粉+熱狗+餐飲，$32。 熱奶茶，茶同奶比例恰到好處，口感順滑。 意式雜菜湯底火腿通粉，好濃郁的湯底，有好多雜菜同火腿，通粉份量適中呀。 好大隻熱狗，長的熱狗腸，外皮夠脆內軟，好多沙律醬，感覺好滿足，味道不俗呀。 抵食夾大件，下午茶之選呀。

適逢每月開完青年獅子會都會齊哇哇食晚餐難得今次開會喺灣仔呢頭一於帶大家黎瑞記食返個靚仔茶餐仲有豉汁脾🍗其實之前喺中環返工嗰陣一直都有幫襯中環分店一直都keep到有保證所以今次黎灣仔分店都有唔少期望呢今次照舊叫左豉汁脾常餐加丁麵另外試下一直都未飲過既筋肉奶茶上枱一次過黎哂十幾碟野其實都幾壯觀豉汁脾keep到味道依然一流烘包同蛋都係茶餐廳貨色而個筋肉奶茶雖然個樽的確幾得意但可以期望過大奶茶乃普通野性價比唔高下次可唔叫Anyway都係繼續讚頌下個豉汁脾先

早上一個好的早餐很重要！ 今早到灣仔， 無意中來到. 叫了個A餐. 很多餐廳多士都不好食. 這間很好. 多士外脆內軟， 仲有很重要的一點就係牛油搽得均勻. 不是只有一頭有一頭無. 咖啡也很好味， 只是用標準的杯不夠喉！ 公仔麵也很好👍

我本身比較少幫襯冰室呢類上一個年代風格既港式茶餐廳，今日有緣一試。環境黎講個舊式既感覺好重，但係係好光鮮的，即係你幻想進入左六十年代一間新開、裝修到好靚既冰室咁。店鋪招牌白色配上”果一種”字體，”o架”字又特登用有木字果個咖，仲有細細塊牆同地磚既交錯pattern，可見店主特登花左好多心機營造大家既集體回憶。下午茶$20 起就食到，一場黎到，當然要叫番d 襯番起冰室呢個場合既美食啦。先叫左個波蘿油茶餐，再另外單點多份奶醬多。波蘿油一如我期待，會係包熱油凍，鬆軟既麵包夾住仲係好硬充滿新鮮味道既牛油塊……至於奶醬多，可能食開出面d 厚多士，就覺得佢份量好似細左d，不過味道都唔錯既。茶餐跟普通凍飲又係加$3，cappuccino 或者樽裝鮮奶又係加$3，咁梗係叫d 特別d 既。最後叫左樽裝朱古力奶，令人聯想起要按樽果d 時代。維記出品，係濃稠既牛奶，good good good good……

灣仔返工，好食既餐廳午市多數大排長龍，想快食得黎又有滿足感，我第一時間諗起既係瑞士咖啡室。 1點左右黎拎張2人飛，等左幾分鐘就入得。呢度午市餐牌有好多選擇，小菜、炒粉麵、焗飯睇落都唔錯，但我永遠只會睇封面既常餐，苦惱完一輪之後終會揀返瑞士雞翼。瑞士常餐A ($50) 轉出前一丁 (+$4)瑞士雞翼公仔麵餐可選逍粉/意粉/米粉，default係公仔牌即食麵配豬骨湯。包2隻全翼、火腿奄列、牛油多士同熱飲 (凍飲+$3)。自問幾大食，仲記得第一次叫呢個組合仲驚唔夠飽，原來瑞士雞翼超大隻，雞皮又唔會成呎厚，皮薄肉嫩有肉汁，應該係煮到咁上下熄火浸熟既。瑞士汁調味恰到好處、味道清新，好有衝動用黎撈麵食。最感動既係雞翼成隻入哂味上哂色，帶甜唔會死咸，似醃左幾日，令人忍唔住妹埋個雞翼尖。水準亦好懲定，每次黎都有霎時感動。值得加$4由公仔牌即食麵轉做丁麵，因為湯底都會由清湯轉麻油味。公仔麵熱辣辣，略嫌淋左少少。成個餐會一次過上哂，所以有少少手忙腳亂，每次都要壓抑自己食左最唔等得既公仔麵先，如果煮得冇咁熟就好喇。牛油多士係2塊有厚度、搽上牛油烘過既微溫白麵包，香口略脆。火腿奄列其係帶蛋汁既蛋皮包住大量火腿

零要求，連睇餐牌都懶，晚餐三揀二。一、湯：中湯、紅湯、白湯。飲完中湯無口渴，唔似有味精，好！二、沙律：估唔到有生嘅菜同車厘蕃，OK新鮮，仲有兩片腸，驚喜！三Ａ、煎比目魚跟意粉：嘩！好大碟呀！有兩塊煎比目魚，仲有啲鰹魚乾喺熱辣辣嘅比目魚上面飄下飄下，真係無諗過呢度都會有花巧嘢，個汁都幾好味，不過啲汁只係上面果塊煎比目魚有，可以畀多啲汁就好更好嘞，伴碟意粉同配菜都無咩特別。三Ｂ、黑椒牛扒跟薯菜：又係兩塊扒，肉質都OK，都係想要更多汁，伴碟薯角同配菜都係咁啦，最緊要夠熱架啫。其實都想叫個二人餐嘅，不過真係懶得揀小菜，見隔離枱，碟頭好足！喺零要求嘅心情之下，呢間嘢算好OK！

本來並沒有想到要來瑞士咖啡室🤷🏿‍♂️，但是某天時間已到了三時許，如果不到提供下午茶的餐廳，好像蝕本了😬。於是便來到瑞士咖啡室，看看有什麼下午茶。好像先前一日，電視才拍攝過瑞士咖啡室的豬仔包、豬扒包、奶油豬仔、厚多士等等。但是下午茶好像沒有這些選項，結果點了一個瑞士雞脾拼金磚的下午茶。瑞士雞髀的賣相還好，有點瑞士汁在碟上，但是說開雞脾，卻覺得中間的雞脾肉好像有點乾，不算是肉汁非常多。瑞士汁，當然有點兒甜香，但不算非常之入味，因此雞脾中間有些乾肉，普普通通。而金磚就比起上次在觀塘工廠區哪一間吃的金磚差得多。首先，那兒的金磚也類似兩層多士疊在一起，因此非常厚。但是，瑞士將金磚放在同一個碟子，那麼底部便盡吸了瑞士雞脾的瑞士汁，然後再加點糖漿，那邊有兩種不同的甜味🤦🏾‍♂️？金磚也不太熱，有點兒回氣的跡象，底部有點趣，但是非常之油膩🤦🏾‍♂️，如果再混入了糖漿，就顯得更加膩口。意大利泡沫咖啡，其實都只是細細杯，用機打出來的泡沫咖啡，味道正正常常。也是因為下午茶時段，人流不算太多，所以室內環境也不算太擠迫，悠悠閑閑的，看看報章、看看手機、吃吃東西，還是不錯。灣仔區來說，是40多元一個餐，不算太昂貴，但

今天要去灣仔電腦城購買電腦產品，順道來這兒吃午餐。很喜歡在這兒吃飯，因為環境舒適，地方寬敞，陽光透過玻璃窗照射進來，配以階磚地板，富懷舊風味的裝修，恍如時光倒流，坐在以前的茶餐廳裏似的。咖啡室位於一樓，人流不多，我們可以靜靜地坐在卡位享受午餐，是與友人傾談的好去處。我點了瑞士汁雞脾常餐B，牛油多士和火腿炒蛋不過不失，公仔麵的味道偏淡，要加少許鹽才變得好吃。亮點是瑞士汁雞脾，端上來時是熱驣驣的，估不到雞脾份量十足，煮得很諗，啖啖肉，瑞士汁也十分入味。友人點了瑞士汁炒河，他說瑞士汁的味道偏淡，河粉比較硬，不夠滑，牛肉尚可。他也點了鴛鴦，咖啡和奶茶的味道均勻。

昨天晚上在湾仔找吃的。但沒什麼頭緒…… 要過馬路的時候看到對面街的瑞士咖啡室.... 因為有一段時間沒有去灣仔店了, 所以就跑上去看看有什麼好吃的。 在餐牌上 沒有被他的著名瑞士雞翼所吸引， 返倒被我最愛的豬扒和鮑片吸引過去了。 作為一個特餐， 售價54元， 竟然有豬扒鮑片公仔麵配熱狗或菠蘿油 再付上火腿炒蛋奄列加以機沖咖啡， 真的是一個無敵價錢。 當所有東西上齊的時候，我看到那超巨型約8吋長的熱狗， 就不用多想叫侍應生給我一個紙袋打包走它了。 那豬扒鮑片公仔麵份量超大。 其實配以那火腿奄列作為晚餐已經非常足夠。 所以那熱狗就成為隔天早上的早餐， 也是一個非常好的選擇。 再者熱狗其實凍了也非常美味。 昨天食品上面沒有什麼特別要挑剔的。唯一問題大概是那杯咖啡吧! 店員跟我說機沖咖啡的咖啡機有點問題所以出品的咖啡真的是非常苦呢. 之後他很好人特別給了我整罐的黑白奶，讓我自己加淡奶進去才勉強可以入口。 算吧，我還是做回一個檸茶控，下次還是叫檸檬茶比較安全。

瑞士咖啡室係賣飛佛之一，以前在中環返工係早餐首選。轉了在九龍工作所以好少幫襯了，剛被走魷，於是蛇王，路經灣仔呢間，食番個早餐。灣仔店以往來過好幾次，印象是地方寬敞乾淨，職員快手，由於今天是平日上午九點後，客人不多，可舒舒服服霸個大卡位。我的早餐B沙爹牛肉麵，牛肉稔滑，沙爹沒有過濃，麵身雖沒中環店咁爽身，不過都ok，滿意；配餐肉熟蛋及多士，多士超驚喜，足夠又均勻的牛油，包身烘得冇over冇under，以往通常是烘得唔夠牛油又少，莫非是客人唔多師傅特別有心機招呼我？點都好啦，總之，多士超正；飲品是凍奶茶，講真，這裡飲奶茶，真係無得輸，茶味濃，滿足。雖然店舖位於樓上好適合蛇王，也不敢hea咁耐，食飽動身，繼續埋尾的工作，未知下份工做乜。

Coming here to have a quick lunch and then need to have meeting in wanchai. Ordered a healthy lunch set which included pasta with ham & tomato soup, cheese sandwiches and egg salad, also included a bottle of chocolate milk($49). The pasta is quite salty but it has many veggies so not bad. Sandwiches very soft, great! Chocolate milk is so yummy 👅