瑞士㗎啡室

营业中

休息中

食左呢間野都差唔多3年，初初食都係吸引係ok嘅，但而家個水準越嚟越差，叫左個粟米肉粒飯，粟米汁淡淡哋個味都OK嘅，但d豬肉係變壞咗嘅臭味，黎到個樣已經唔太期待，但食材變壞左都照煮真係唔得，其他食物水準都係麻麻，越黎越伏……

用餐時間（11:58am breakfast）follow@wojengyea/@wo!正嘢 for more food info🐒 支持我哋發掘更多美食 😋少有茶餐廳早餐會做到12pm🕛，做完嘢啱趕得切食埋個早餐。個沙嗲牛肉麵叫咗爽麵，啲牛肉醃得幾入味🥩，個湯底唔算太鹹，好好食。餐肉廚房有簡單煎一煎，個炒蛋做得幾出色🥚🍳，外面煎得熟裏面係滑蛋。配埋個丹麥多士，烘烤得脆脆的，食落又有牛油香味🧈。茶水最後嚟埋杯奶茶，佢隻杯係黑白奶嗰隻杯🐄🐄，佢用高身杯，所以有多幾啖飲，平時嗰啲杯太細杯，三四啖飲完，到喉唔到肺。☕️ 環境氛圍鍾意呢度，因為一完咗lunch time，呢度就冇咩人，佢有啲細卡位，可以一個人匿埋自己做嘢/ 睇書📕/ 玩電話📱，大家不妨嚟食個tea享受吓me time。

荔枝角都有唔少餐廳粉麵飯食,一到午飯時間就會有好多人了今次食左呢間咖啡室既常餐, 點左瑞士雞脾, 米粉就一定會轉雜菜湯, 呢度既雜菜湯味道係唔錯.瑞士雞脾既瑞士汁都算濃,而且食落雞脾都算入味,又唔算細隻, 還好.因為佢個雜菜湯味道幾好幾濃, 所以都會轉呢個湯而且又免費~多士同奄列就不過不失~熱檸茶就沒有特別,不特別講了環境方面,如果卡位就會比較舒服一點,不過其他位置都唔算太擠迫既感覺~>>>總結<<<呢個常餐轉雜菜湯就會比較吸引~

瑞士咖啡室可以話係開創先河，以瑞士雞翼或雞髀做主打的茶餐廳。其實都至少5年無黎，咁岩經過望到，不如懷緬下回憶。入到去見得到歲月的痕跡，睇番Menu都係𠴱幾款，獨有的感冒餐仲存在。我都係慣常揀雞髀常餐，但原來而家可以㨂雜菜湯，而多士亦由普通方包轉左丹麥多士。茶餐廳其中一個特色就係快，唔夠十分鐘就上枱。首先試雜菜湯底，係正常羅宋湯的味道，相對鹹左少少，但都好多雜菜，唔洗加錢係幾抵食。之後炒蛋保留到蛋汁，不過唔算滑。丹麥多士加牛油依舊咁邪惡。最後就試主角瑞士味雞肶，食完覺得佢係用小食部滷水雞髀式做法，長期滾住，所以夠入味，不過瑞士汁甜味唔夠。但係呢個造法就會令雞肉比較鞋，好彩未去到「霉」，耐家唔算鹹。整體黎講，常餐份量好足，食物質素唔錯，係附近偶然都可以一試。

跟友人光顧多年未到的瑞士咖啡室，因為早餐吃得很飽，所以我們只叫了一客茶餐和一碟炒河便算。茶餐的牛肉湯通粉，湯頭不過不失，起碼應該沒有味精。多士正常發揮；然而最差勁的是煎蛋：既欠蛋香，亦煎得不夠燶，煎完等於未煎。小人向來都以為瑞士汁是帶甜的一款汁醬；怎料是偏鹹的，半點都不瑞士！更甚的是牛肉又少又靭，河粉更是油到無朋友，實在是食唔入口！凍檸茶的茶底很淡，檸檬片亦不夠香，唯一對辦的是有大量的碎冰。真的好難食。

同事帶左我去瑞士咖啡室試佢個椰菜花飯調味應該唔係生酮架啦不過低碳都ok個椰菜花飯賣相都幾好有泡菜甜甜辣辣都無草青味有調味幾好食個雞扒又煎得香口外食又多個選擇啦收費合理

好耐之前食過灣仔分店，今次又來試吓荔枝角呢間有咩水準先🙂裝修都係幾特別嘅茶餐廳感覺，有啲懷舊feel囉😂叫完都好快就有得食個奄列三文治就冇咩特別嘅😂😂😂重點當然就係個雞翼啦☺️我就覺得唔算話太精神嘅😳雞翼嘅大細不一，有一隻仲好似發育唔健全咁😭😭😭😭😭😭😭😭😫😫😫😫我轉左出前一丁加$3上咗一層嘅舖頭，牆身上面都keep 住有啲懷舊裝飾咁。今次食完嘅體驗就覺得冇咩特別，希望再發掘多啲瑞士雞翼整得好味嘅地方。呢度叫瑞士咖啡室招徠...只能夠當係一個lunch嘅飯堂😂😂

2:00入嚟叫咗個椒鹽肉排飯同熱朱古力，下午茶時段可以平啲，朱古力嚟到，落咗兩包糖都無味，椒鹽肉排飯嚟到見到個樣就知伏，竟然有洋蔥無咩椒鹽，全部肉排都係肥膏同骨邊，唔係好食到有肉，個飯仲要係凍，最後放棄咗食，我都直接同阿叔講話好難食食唔到，本身諗住嗌個茶餐，阿叔話你唔使飲嘢就單點平d,叫咗個沙嗲牛肉午餐肉麵，沙嗲牛肉份量唔多冇乜沙嗲味，午餐肉都係麻麻地都係好一般，無下次食完都唔係好夠飽，離開發現成身油煙味

已經唔係成日叫lee間外賣，今日諗唔到食咩叫佢，幫手寫單的接線生，句句塞住晒，都唔係做野的，唔係趕唔切寫過第二間，我一定不會受氣，無下次。。再唔改，你地只會越來越無生意，不知所謂。

12:00打電話叫外賣早餐。唔使10分鐘已經送到上嚟。上到嚟變咗全日餐收$52.-。早晨就$44.-。12:00打電話已經講明「美式早餐」但送到嚟變咗全日餐。如果收$52.-我可以有其他選擇。點解少咗人去食，除咗水準，重有做生意手法。

明明我排隊先，但佢先幫另一位食客收錢。都算喇，仲要落每一樣嘢快都要我重覆三次。要下午茶T16 下咩嚟架 我就講多次，佢都係話聽唔到。跟住明明要鮮牛肉又問我係咪沙嗲牛肉。。。問幾次無下次！

瑞士咖啡室比我嘅印象應該係類似傳統冰室？一入到去覺得裝修都比較舊式，唔知真係咁舊，定係特登還原舊式設計😹😹 不過係幾有香港情懷的！我同同事嚟食午餐嘅時候已經係下午茶時間，主餐牌有啲食品下午茶可以減$10-12😍 好抵！今次叫咗XO醬雞扒炒公仔麵，嘩！好有驚喜！ 佢嘅XO醬好香～ 食到蝦米同瑤柱嘅香味 下午茶價錢$44，不過略嫌有少少細份，唔知午餐份量係唔係一樣？（可能係太好食，所以唔夠喉🤭）我哋仲加咗小食，$8就有芝士醬薯條，太抵了吧！

去開荔枝角，嚟咗呢度食早餐🍳🌟沙嗲牛肉麵沙嗲牛肉味濃，味道雖然龍但唔會太鹹😋嗌咗爽麵，個人太鍾意淋嘅公仔麵👍🏿🌟凍檸茶對茶底冇乜研究，用碎冰上，仲要用夠凍嘅鐵杯，成件事即刻升級左，呢隻杯係我最鍾意嘅黑白淡奶👀有啲衝動問係邊度買😂買定擺喺屋企飲凍飲都幾正😋🌟雜菜湯火腿通，茶走免費轉換雜菜湯底，雜菜湯亦都好多料👍🏿👍🏿🌟煎雙蛋多士一隻放多士一隻方麵🍳🍳雖然有啲奇怪，但下次想試一試沙嗲牛肉麵加雜菜湯😂推介推介👍🏿

因為係荔枝角返工，所以放lunch就去試試。今次唔使等位，分上下層。專登去試試佢個瑞士汁雞翼！常餐A就係瑞士雞翼公仔麵配火腿奄列加牛油多士。公仔麵唔會太淋，味道偏淡。瑞士雞翼好入味亦滷得好淋，唔會太甜。牛油多士有烘過，不過烘唔夠脆，火腿奄列不過不失，內裏入蛋汁。

瑞士咖啡室瑞士雞翼公仔麵常餐$43荔枝角工業區附近有一間滿港式懷舊佈置既茶餐廳有一款招牌常餐瑞士雞翼（四隻）配公仔麵火煺蛋奄列及一杯凍檸茶☺️真係要推介香港已經好少整得好食的瑞士雞翼好入味😌 我覺得價錢貼地！我下次要再去😍📍 ：香港荔枝角青山道658號福至工業大廈地下