環亞機場貴賓室

营业中

休息中

每次搭飛機都會預早check-in到這個機場貴賓室吃個魚蛋粉，放鬆心情，準備起飛！今次復活節假期內到，人山人海，需要排隊，幸好只是排了20分鐘，除了必吃魚蛋粉，原來南瓜湯味道也不錯！

見嗰日冇野做 早左三個幾鐘check in🤣決定去機場貴賓室探索下👀咁啱要食齋 所以就同大家review下純素食者有咩食🌱.沙律菜有三款 仲有車厘茄, 切條西芹同紅蘿蔔 夠晒清爽 醬汁可以揀橄欖油同黑醋🥗配料除左香甜杏脯乾 最特別係有純素煙肉 脆卜卜 不過勁鹹🥓.主食大部分都有蛋奶成份 所以就得紅米飯 但幾有驚喜 有米香 粒粒分明又乾爽🍚.小食方面就有素春卷 冇晒好快就會refill 新鮮熱辣 外層超香脆 內餡係素肉同蔬菜絲 口感豐富 味道唔錯 食左好幾條🫔.飲品區有汽水機, 咖啡機同四款茶包🥤☕️調酒區仲有香口送酒零食提供添🍻

走進這家店，早晨的氣氛咁輕鬆，店內環境整潔得嚟又寬敞，真係一個食得舒心嘅好地方。今次我試咗佢哋嘅港式魚蛋粉，真係口感彈牙，湯底鮮甜得嚟又唔膩口，一啖湯一啖魚蛋，呢個配合真係無得輸！再嚟，泰式炸魚餅辣辣地，外皮鬆脆，魚肉又香，食落去真係過癮😋。燒賣同腸粉就稍微普通咗啲，可能因為我哋港人對呢啲嘢嘅要求比較高，就覺得佢哋嘅味道同口感有待提升。但茶葉蛋就絕對係打飛機都想帶幾隻上機嗰種好味，唔會太濃咁鹹，啖啖蛋香，簡直係小食中嘅一股清流🥚。最後嗰個迷你蘋果批，甜而不膩，係食完咸嘢後嘅完美句號。茶水咖啡都有得揀，一邊啜飲一邊欣賞窗外嘅風景，真係滿足到我嘅味蕾又放鬆到心情。食物與環境交融得咁好，令人食咗都心情靚晒，呢度絕對係一個平民化食貴賓樓嘅好選擇🍵。

相信環亞嘅Lounge好多人都入過，但唔知大家有冇試過佢嘅「自家製XO醬」。今朝我哋搭早機，所以6am開門嘅時候就入咗去，唔知係咪啱啱開，啲食物好似好食啲，仲要今次發現咗佢哋個XO醬，好味到encore咗幾次腸粉😆佢哋嘅XO醬唔太辣，但就勁多乾瑤柱，係勁多！成個醬勁有鮮味！如果之前冇發現佢哋嘅XO醬，真心推薦大家下次入去發現下🤓🤓

去得機場 Lounge，就一定過咗出境關，等緊飛機，咁就梗係要開始放鬆下自己。依間環亞貴賓室係最方便，就係 1號閘口附近，不過都係最多人，要預番排隊時間。最出名，最好食既，一定係現煮港式魚蛋粉。魚蛋彈牙，湯底都幾好，我就食咗兩碗。其他食物都係自助，熱食有意粉、炒飯，肉丸，春巻，燒賣，時蔬，味道就一般。另外，仲有沙律，Nuts，粟米片等小食。最好既係可以任飲，包括啤酒，汽水，牛奶，橙汁，咖啡機，同埋其他基本飲品。如果有時間一定要去環亞貴賓室，可以食少少野，跟住飲住野休息下，等待航班起飛。

食物還是可以的，沒有什麼難吃的，可以提供芝麻放腸粉更好。但是空調至少過去一年沒有改善，依然沒有冷氣，收費幾百元，你們情何以堪！ 顧客辛苦，服務員更加辛苦。我不相信沒有其他客人反映過，什麼時候能改善？下次還要再來嗎？沒有Priority Pass 的話我基本不會再來。過去一年我起碼來了三次，每次都跟服務人員說冷氣問題，他們也很難為，說30+°C他們自己也是很辛苦，希望我們作為客人的發聲，因為他們說是沒有用的（真可憐）。

聽聞環亞貴賓室好多人，呢間出名方便，又大又最多人去，下午1點前到達，得一兩個人在前面排隊，入面唔多人，好多位置揀，座位舒服。先來一個港式魚蛋粉，濃濃的魚湯，配有白魚蛋，小編食兩碗，還有蔬菜，沙律，港式燒賣，泰式炸魚餅，蕃茄湯。飲品方面，有咖啡機，凍熱牛奶，汽水，各式茶包，啤酒，果味水。小食方面有些 Nuts、粟米片，也可以自製toast。overall 來講感覺幾好，環境食物都唔錯，唯一唔好就係已經冇紙包飲品了，又沒有果汁。

去旅行上機前梗係要上lounge食啲野醫肚仔✈️不過離遠已經見到大排長龍嘅環亞貴賓室入口 有大概25-30人等緊😅好彩人流去得快 等咗15分鐘左右就入到去 真係要預鬆啲時間🫠 ✨️熱食熱食方面 有薯餅 燒賣 腸仔 烚蛋 茄汁豆 然後就無了🫠熱葷 炒菜之類都係無的 種類比較單寡 都係啲一定唔會煮到失敗嘅野食 ✨️主食主食當然有必食嘅即叫即煮魚蛋河 魚蛋都幾彈牙 湯底都係好鮮嘅濃湯🍜不過其餘嘅主食就只有炒銀針粉同烘方包 炒飯意粉通通都無 面包都只有方包提供🍞😅 ✨️沙律/水果沙律區只有4款菜可以選擇 其中一款係車里茄 而佢就係全場唯一一款生果🍅😂 ✨️飲品自助飲品區有啤酒牛奶橙汁同兩款果味水提供 同埋有唔同嘅中西式茶包同即沖咖啡☕️ 總結：雖然貴賓室嘅裝修佈置無咩改變 都係幾闊落舒適🛩有大張嘅木檯 亦有私隱度高嘅獨立座位💺但食物種類真係比covid前少咗好多 真係最低限度咁供應一啲lounge應有嘅食物🫠明白入lounge嘅門檻低咗好多 但以一個國際機場嘅lounge嚟講真係度縮咗少少🤏

搭夜晚機早少少去機場入lounge食野本身諗住同媽媽一齊入因為疫情前年年都會同佢去旅行所以個時申請AE card都加埋佢申請左張附屬卡比佢但因為疫情呢幾年太耐冇飛入lounge ge時候原來佢個張附屬卡唔入得因為係舊AE card而我原來已經換左explorer card但媽個張唔係explorer所以佢唔入得不過好彩佢有priority pass可以入另一個lounge所以我地就分開各自去lounge~(即刻網上幫佢申請explorer附屬咭，咁下次一齊去旅行就可以一齊入lounge😆)今次入去唔多人前面得一個人排隊（上次2月早上機，多人排到😅😅）入去唔多野食不過有個位望住飛機食左個春卷飲左杯Sort of detox water & latte最後食碗魚蛋河望住啲飛機寫下OpenRice😜之後就上機Note: AE explorer card每年entitle 10次免費入lounge

今日又飛去外地遊，上機前先去機埸貴賓室坐坐嘆杯咖啡先。全日復業後的lounge 間格稍有改動，面積比前細咗，不過也整潔舒適。熱盤有炒雜菜，炆排骨，白飯及直通粉。仲有忌廉粟米蓉湯，味道香濃😋飲品有自助咖啡及茶，仲有啤酒，橙汁要到bar 枱向服務員取。還有魚蛋湯粉，即叫即整，湯底是乳白魚湯，配上紫菜，魚蛋，香蒜及XO醬，非常美味，是必食之選👍沙律方面有火箭菜，生菜，紅腰及三角豆，車厘茄等，也頗新鲜。此外還有corn flakes, donut ,cookies 及toast。食物選擇雖然比之前少，質素也是一般，但在上機前可以先稍作休息，淺嚐小吃也是不錯之選。

今日第一次黎到嘢食唔算多但都夠食。一入去中間有一個吧，上面擺左甜品同埋多士機嘅，可以自己整。左手邊有d熟食初頭擺左滷水蛋之後換咗春卷，個春卷都幾好食，菜方面都有粟米、沙律菜同埋豆苗。另外仲有魚蛋粉可以叫，我覺得最好味就係個魚蛋，咁我話我唔食麵，佢就俾咗好多魚蛋我，仲會有個XO醬，個醬加落去呢嗰啲湯底好好食。咁食完之後呢就有啲甜品可以食，有曲奇餅同冬甩佢又幾好d冬甩切一半等你可以樣樣食d。另外仲有啲鮮奶粟米片我太飽冇食到。

疫情前影落嘅機場相依家清電話相簿見到寫番篇嚟懷念下啦最鍾意揀星期五放工搭夜機去玩為免落機後已經冇宵夜食通常都會嚟呢度食啲野頂下肚+有時間淨就沖埋個涼先上機入lounge少不免就係食呢個機場lounge名物魚旦粉落埋OX醬真係好惹味通常會食一碗魚旦粉+一碗淨魚旦再睇下啲熟食有咩啱雖然唔係好好食但依家睇番 我希望可以快啲再食佢相信好多香港人同我一樣希望疫情可以快啲過去大家都可以快啲出國玩回復番平常嘅生活

既然早咗到機場, 當然要去lounge嘆下啦拿著priority pass, 只要簽個名就可以免費享用這個plaza premium lounge我6:45am 去到, 排隊入lounge的人唔多, 但裏面近食物區的枱都滿坐, 而且放食物的盆子都空了 lol (之後是有補上食物的)到我享用完出來, 排隊進入的人龍非常長 這個lounge有開揚的位置, 可以看到飛機, 亦可欣賞日出Refreshment方面, 不要有太高期望, 要醫飽個肚是沒有問題的, 也有很多飲品選擇

早前決定出國處理私事亦想在搭長途機前都chill 下因為疫情關係，好多熱盤都好少量不過簡單麵包，小食，西式糕點都有放出黎麵包類可以自己溫熱下包點細細件容易食酥皮面少少脆口布朗尼蛋糕都好香的朱古力味不算太甜果汁refill 不多，只有橙汁同蘋果汁唔洗加冰已經好凍梗係要食港式魚蛋粉三粒魚蛋，兩件蛋片角都有適量的銀牙河粉分明，不算黏稠，湯唔錯加埋xo 醬，少少辣都好惹味最開心就是拉花的咖啡店員見我四周遊走，可能真係好少客人熱情叫我嘆杯咖啡一杯espresso,一杯就flat white味道香濃店員表示不用加糖，要試下原味都係既，同埋他用心拉花又送到我的餐桌很開心貴賓式享受

位置在機場客運大樓1-4號閘附近，中午由於很多人在春節前出門，機場候機室下午需要輪候10分鐘左右才入座，這裡選擇的食物花款不少，有幾款熱盤、湯粉面和飯類選擇，飲品有果汁、汽水、罐裝啤酒和生啤，但這一次不肚餓，只是飲了兩杯啤酒便離開！