環保農莊餐廳 (已搬遷) 新店位置

首先, 我沒有想過生日會在一間港式餐廳裡渡過, 自問是一個能屈能伸的人, 只要有美食就有我, 但我不肯屈就浪費我QUOTA 的食物,點了一杯價值20元的紅酒, 是我飲過最難飲的, 真的不是價錢的問題, 那種苦澀味非筆墨形容, 只喝了一口,  連拍照都不想, 是心情影響食物或是食物影響心情?嘗了一個餐湯後, 有忌廉汁的青口, 青口算是肥美鮮甜, 忌廉汁都很濃滑, 挽回不少分數, 主菜是大蝦伴牛柳和大蝦伴雞扒, 一貫港式風味, 雪藏急凍無味, 食之無味棄之可惜, 那層厚厚的麵粉蓋在雞扒上, 比我面上的化妝還厚, 完全吃不出用心的料理, 遠道而來, 失望而回....

今日踩單車入度去揀左呢間野，坐低等左先一段時間侍應先得閒寫野。咁我叫左個雞脾薯條，咬左幾啖發覺隻雞脾唔熟，就搵個個WAITER黎，佢話再炸過，轉頭原來係俾返頭先食過果隻雞脾我，我本人比較奄尖，冇再食到隻雞脾，

星期一難得我同我老公都day off就踏單車入大尾篤,見肚餓就踏左去呢條全部食店o既街,諗住醫下肚咁岩經過呢間野門口,見到個四眼姐姐 向我地招手 所以諗住試下入到去四圍都貼晒d咩報紙 雜誌 好似好西利咁望左一輪佢d相 個著西裝o既呀叔 終於比左兩杯水我地um..d水有陣味 我同我老公飲左啖都無再飲之後我就點左牛腩面 我老公就叫左炸雞比薯條等左陣個牛腩面就黎左 係公仔面加左d牛腩...佢碗公仔面,仲原包出前一丁味精粉咁出 d味精要我地自己落唔係就無味反而我老公果個炸雞比 佢話好好味,我就唔食炸野所以無試其實佢d野又唔係話好難食,但係都無咩可取之處但佢標榜自己係港督菜........lol

睇睇個 menu，菜式似乎無咩主題。一間唔顯眼，但比到我驚喜既港式多國菜餐廳。食物、環境同裝飾都好有地道氣色，大叔侍應都好熱情。大廚為多位前港督御廚，好似幾得喎，係餐廳入面掛滿照片為證，仲話好多政客都讚添。但唔知點樣同環保扯上關係呢？酸菜，每碟收費 HKD5 碟，一定要收 nuts 錢啊 ﹗我仲以為係任食架添。甜甜酸酸好好味，有青瓜、甘筍同白蘿蔔，成碟我一個人食晒，朋友們不太食酸呢。意大利三文魚沙律，撒上少量芝士粉，dressing 不太酸而帶微甜，幾喜歡。蔬菜新鮮爽甜，煙三文魚軟棉棉帶咸香。整個沙律都好好食，如果溫度可以涼一點就更好喇 ﹗ 焗肉醬薯皮，新鮮出爐，熱到燙口 ﹗正呀 ﹗味道唔錯，仲好香添，肉碎裝得滿滿係薯皮上，非常足料，但硬係有點寡寡地既感覺。啊 ？﹗係咪少左芝士呢？ 芝士筧菜焗生蠔，雖然唔講得話係好好，但都唔錯喇，蠔有淡淡鮮味但比夠瘦削。法式海鮮 pizza，好特別又好得意喎 ﹗酥皮餅底，放係枱時，有風吹過會一片片飄吓飄吓。食落味道清新，餅底鬆化，海鮮配料都唔少，好味道。蒜香什菌意粉，意粉 8 成熟，不太硬又不太腍，good ﹗味道帶菌香，都幾好。

星期日同一班女仔朋友齊齊去大埔踩單車, 中午時間睇到尼間得個獎(成間餐廳貼哂d相防死行過d人睇唔到)既餐廳食lunch. 間野睇落好似好多人食而且又有素. 因為有朋友係食素. 我地order左個法國南瓜pizza既set lunch. 又無尼味道而且賣相真係見到都知尼間野唔得而且連白shape菜叫做set meau. 個d菜煮過左時間黑黑地. 素既田園salad又唔係素又向menu貼左係素, 有d爛鬼bacon乾粒. 我食素既朋友唔食既. 要Pass左比我地食左去. 重有veg闊麵係得頂同底2層. 都真係好唔正中. 唔好以為d人無食過什麼係闊麵得架. 有朋友order白汁海鮮焗飯, 佢地覺得大乍樂or May參重好食過佢. 另外一位就order扒餐, 問個女人時話有薯菜, 個餐到左既時候先話得什菜佢地係無薯菜. 唔知咩鬼地方! 又要扮鬼佬餐廳又唔係, 食物水評又唔到, 又要扮港式又唔得. 都唔知想點. 本應係去隔離間地中海既餐廳因為有朋友食過話唔錯不過就貴d. 以為尼間價錢ok米去. 點知係間立及. 如果唔係都唔會咁down囉食完個餐咁既野.

我呢排成日都去大尾督操車，所以試下去呢間餐廳食野。其實佢地D午餐都OK ，我上次食波羅歎芝士焗豬扒飯都ＯＫ 呀。TEA　就可以填肚啦。而最令我驚喜的是它們的凍奶荼。真的很好喝。無渣，有AFTER TASTE 同好一種特別的香味。

踏單車後想吃少許, 故此選這間有下午荼的餐廰. 我選了3款下午荼.蜆肉番茄意粉 -一般貨色﹐蜆肉同菰完全無味﹐但女女吃得津津有味﹗豬扒飽 - 一好少豬扒﹐男人吃一定否飽﹗西多士, 無驚喜, 同大X樂, 美X差不多﹗環境就麻麻地, 傳來洗手間味, 另外問阿華田要加5元, 話成本提高, 最攪笑個四眼MANAGER話佢地服務態度好好,每日講100次都唔會黑面WOO, HA HA.

以為樓下的食評會帶來小小改善﹐點知一樣離晒大譜﹗﹗星期日去大美篤下午茶時間四圍都爆棚﹐見呢間食港式茶餐﹐又話廚師有酒店經驗, 以為穩陣有水準。點知徹底失望﹕豬扒天使麵 - 得3小塊豬扒﹐ 好好好小家﹗吾怪得有人要投訴要求加豬扒蜆肉番茄意粉 - 非常難食﹐意粉中間硬外面孱﹐蜆肉同菰完全無味﹐仲帶有白拾水﹐好核突﹗豬扒飽 - 一樣得小小豬扒﹐差D搵唔到﹗奶茶 - 估唔到係微波爐叮熱﹗咁簡單的茶餐都食到人火滾﹐唔怪得個騎呢四眼經理成日叫人點咖哩同貴0野﹐呢D茶餐完全無誠意﹗

男朋友生日~去踏單車前黎左呢度食~海南雞好味~~好滑~~$35 / 2隻原隻軟殼蟹~~好大隻呀~~好抵食~~不過都好油下....之後留肚食甜品~薑味梳乎厘~ ok ga~之前睇左個post~ 見到個鴉雀無聲的心太軟~唔怕死咁要左個~~可能上次佢地失敗左~ 今次佢就整左個朱古力不太軟~哈~~隻匙羹可以唔跌...=.=不過真係幾好味~~超濃朱古力~~!!好香~~

噚晚同老公去左大美篤搵野食, 行過呢間餐廳門口, 有位四眼阿嬋走出黎, 熱情地同我地打招呼又叫我地入去試下. 我地見餐牌價錢唔係貴, 就抱住一試無妨嘅心態跟左佢入去.環境當然係一般啦. 一坐低佢地就送上一碟酸青瓜蘿蔔, 下…呢度唔係食西餐嘅咩, 點解比碟咁嘅野黎, 有點兒奇怪 (有下文). 佢地有個T骨牛排餐配龍蝦湯買$108….價錢幾吸引喎, 但我想食羊排, 老公又唔鍾意食 T骨, 所以就冇叫到. 最後我地叫左一個 銀雪魚羊架, 老公要左個 肉眼扒, 這些套餐本身都有餐湯, 但唔係龍蝦湯, 跟住阿嬋就話餐湯可以轉做龍蝦湯.第一度菜係三文魚沙律, 大致上都OK新鮮, 只係sauce 少左啲, 唔係好夠味. 跟住上龍蝦湯, 味道唔錯, 但冇面包配, 實在有點失色; 跟住主菜上枱, 肉眼扒嘅肉質及味道都幾好; 但銀雪魚就唔得啦…冇味嘅, 羊扒亦只屬一般; 最奇怪係兩個餐都無問我地要咩野汁, 結果出菜時就2 個餐都係用同一個 sauce囉. 最後個甜品都算奇特…山水豆腐花. 老闆係想做到首尾呼應呀? 還是日間的甜品賣唔晒就唔好嘥呢? 再加上成晚播D陳年粵語流行曲既音樂, 總之

二月廿五‧陰天 先說，我這篇是笑面食評來的。 同文的Oli說的好，為了這裡的心太軟，我們也樂上了大半天，非常非常開心！ 是值得為這裡的心太軟寫一篇食評的，事實上，是日在座有餅師，也有心太軟專家，有資深食家，但都一致認為，吃了甜品這麼多年，都吃了不少的心太軟，也未遇過如是日般的遭遇。 是日跟食友踩單車，大伙兒在大圍出發，在大埔會合Susan及Eamon，再踩入大尾篤。返轉頭之前，當然要吃個下午茶至走。選了這裡，純因為佢有位，同埋我見下午茶選擇也很多，價錢不貴，幾合意。十一人，坐在大圓檯，不錯的。大家坐定定就叫東西吃，什麼熱狗、豬扒包、天使麵、牛腩米、炸魚沙律等等等等，味道當然不會有什麼特別，如我的炸魚沙律，炸魚脆但沙律卻太酸。專兄的牛腩米也幾美味，至少是正宗的柱侯牛腩來的。但這些都不是重點，是日焦點，就落在四個心太軟上。 故事是這樣的：聽到這裡有心太軟吃，我也嚇了一跳。源自食友好奇一問，大廚卻親自推介，還說只餘8客，要吃襯手。我們也果然克制，只一口氣要了四客，事後才發現，原來我們連價錢也未問就要了。 其他食物也都來了，也吃清了，心太軟也未到。大廚走出來一問，說「焗得囉可？」原來未開始焗。

四月十一日釣完魚後,雖然數小時也無魚上釣.同朋友說了一聲過來大尾篤喝下午茶吧.去到那裏不只公路擠塞,就連單車徑也擠塞,奇景呀,進內找個位置坐下.看看有什麼東西.最後叫了一客豬扒包和一客熱朱古力疏乎厘.朋友則叫炸豬排意粉.因豬扒包是下午茶餐的關係,有一碗羅宋湯奉上.飲下去不濃,全是蔬菜伴著.還健康吧.豬扒包份量來得驚人.開始看為什麼這麼少份量,樣子更像熱狗.但麵包烘得脆口.豬扒炸得美味.份量雖少但味道不俗.因疏乎厘要等二十多分鐘.有冷氣支援下,慢慢和朋友談下未來的事.疏乎厘也來到我面前,份量細小,但嗅到濃的朱古力味,食下去鬆軟.有點溶的感覺.這個甜品是一個上坐的,索價三十元來得有點貴.侍應來得新生之剩還帶得亂.幸好還未波及我們.食完甜品和檸茶飲完後也埋單.一百二十元不便宜,食物也算不錯,傾下計休息一下,價錢早已抛諸腦後.

中途休息時間，大家要補給才可再次出發，來到這間不需等位的環保農莊餐廳。入到餐廳內，見到一位著住廚師服飾的大廚，又看見牆上掛滿大廚與各大人物的合照，原來這個是大廚蒲師傅...及後又見有火燄雪山、疏乎厘，就有人打趣的問有否心太軟，老闆娘立即話有還很流心，而大師傅又詢問我們是否一人一個，可借他們只有8份。我們還未問價錢，就只要4個來試試，趁甜品準備之時，我們各人先叫下午餐來醫肚。我同老公分享了超級熱狗及特製豬扒飽；大大條熱狗腸，腸身外脆內有彈性，加有芥辣，令這熱狗更添美味。而所謂特製豬扒飽，打開影相時發現只有兩條豬柳的東西，當場嘩然，正當我食完之際，老娘闆取了一碟「豬柳」出來當作「補償」，立即加了不少服務分數。等了很久，大家期待的心太軟終於出場，老闆娘說焗爐低火壞了，心太軟變了「身太軟」，豁免兩客價錢，她講完這番話，再將心太軟端上枱時，大家立即鴉雀無聲，因為這個是一生難忘的心太軟。之後大家也佩服廚師的勇氣，也研究什麼可以整到這效果，可能老娘闆聽到我們高談闊論後，由二送一、繼而一送三，之後四客全免。我是第一個勇於嘗試的，其實論味道是不錯的，有著朱古力濃味，也做到「流心」的效果，只是外殼不夠堅固

樓下 尖仔, 你弄錯了, 五星級酒店, 是指大廚曾任五星級酒店, 不是指這間服務或食物都是五星級呀大尾篤是大家假日來踏單車或放模型車, 燒烤或自帶煲煮公仔麵或郊外打邊爐的地方可以坐戶外, 涼涼天然風, 看看晚霞(晴天) , 吸吸大自然氣氛的餐廳, 都是這個地方的特色呀, 這間比較出色的是 扒類的, 羊扒不錯, 對幾成熟的掌握ok, 羊扒不會有騷味, 醬汁同一般茶餐廳扒餐一樣, 所以先食淨肉才可以感覺肉鬆, 有口感, 再來沾小小汁, 就好似港式豉油扒餐一樣. ok 啦 (因為由小就是食豉油扒餐, 有感情)比較同五星級酒店併, 可能是指 甜品 -- 梳乎厘, 真的好鬆及熱, 不甜, 大家要緊記, 若對蚊蟲特別吸引, 就要先擦蚊怕水比較好, 或蚊貼, 需然有好多滅蚊器, 但有好多客都要(捐血), 我比較嚴重, 要食敏感藥, 店主說, 可能落雨多, 容易繁殖蚊蟲, 若炎夏就不會多蚊了,

聽人話呢度有五星級酒店水準的食物，但尋晚與友人食完，我就覺得麻麻地。叫了客炸雞翼，好似冇醃過。冇乜味。焗田螺伴薯蓉都可以，不過味道就行貨d。服務似茶餐廳，冇話好定係唔好。所以唔收加一都合理。個人整體感覺：於大埔郊遊，隨便搵個地方食飯，都可以考慮下，但如果要約重要的人慶祝重要場合，就唔好諗。