影片
港铁锦上路站 A 出口, 步行约7分钟
继续阅读
电话号码
53351000
开饭介绍
環保農莊燒烤場提供有機耕種教學,營業時間內有專人教學,可以租單車,適合一家樂遊遊,和朋友假日消遣既好地方,交通方便, 藍天白雲
继续阅读
特色
适合大伙人
营业时间
星期六至日
13:00 - 22:00
公众假期
13:00 - 22:00
以上资料只供参考，请与餐厅确认详情
招牌菜
司機伯伯玩我咩！上水都唔識去，烈日當空企足15 分鐘，由頭濕到腳，見您係伯伯我已好抑制情緒只埋怨兩句！接住環保農莊都唔識去，我話西鐵站掉低我，就車去元朗西鐵站，環保農莊係錦上路西鐵站呀，激鬼死我！我一早講錦上路西鐵站落便可，伯伯好心得滯話車近少少，但越車越遠係相反方向！最後我要步返去錦上路西鐵站，嘔血呀！交通算方便，錦上路西鐵站 A 出口一直行，經過停車場，過條馬路仔，穿過短短隧道，農莊大門就係正您面前。陸異靈異地碳烤，通過長長秘道，西區包場必必焦，山旮旯遠離繁囂！意料之外最先迎接來賓係門口小販賣酒水的白頭叔叔，燒烤場沒有酒精類飲品售賣，要自己帶或走去幫襯門口的小販白頭叔叔。只有藍妹罐裝 $100 蚊 6 罐，單買就要 $20 蚊罐，另外有酸梅湯及米酒賣。烈日當空必必焦！食材供應雖然種類不太多，味道醃得美味清爽不過重，真心好味道食得過！跟大埔麥師傅兩種風格兩條不同路線，大家都好食！地方乾淨企理，密度不算高，有足夠活動範圍。最衰係流動膠廁所，衛生及氣味始終未如理想。原來有店長三色貓座陣，我替店長拍照時不停講野。喵喵喵，喵喵，喵喵喵，我完全聽唔明喎。忘記她的名字，黑芝麻？訓到成隻獵豹樣。紅酒、白酒、朝日啤酒，全部自備。索價 $30 蚊買冰租膠箱，膠桶仔連冰就 $10 蚊個。十三張不停玩不停輸不停飲，運氣持續低迷只係威過一次！不是用即棄紙碟及膠餐具，環保不浪費值得一讚！如果有杯提供而唔係賣紙杯就更加好。我近年燒烤都會自己帶餐具杯碟，乾淨好用麻。我其實係想原始港式用叉慢慢燒，並不是用網等食，既然朋友們想懶惰一點當然無問題。龍蝦丸，依舊有點蟹柳有點蟹子有少許蝦味，彈彈結實。墨魚丸、魚肉燒賣、豬肉丸，粉多肉少不夠彈性，免強合格。豆卜，慢烤微脆香口。多春魚，躺在鐵叉上不要刺穿使到肉汁流失，等待一面燒到焦香黏附在叉上便可反轉，兩面均燒成金黃焦脆，魚子爽爽甘香極美妙！腸仔，中咸結實燒到微焦香噴噴。貢丸、魚蛋、芝士腸、牛丸、紅腸，極為平凡無意見唔難食。另外還有雜菜、粟米、蕃薯、厚切方包，但要向服務員查詢，這裡沒有錫紙供應的。燒汁豬扒、蒜香豬扒，兩者優質可口，鬆化有嚼勁！醃味清爽不濁，啖啖肉汁滋味無窮！燒汁金沙骨，啖啖肉彈彈的，夾雜筋膜爽爽過癮。燒汁雞扒，肥美厚厚嫩滑滴汁。黑椒牛扒，辛辣濃郁帶著甜味，微𢲡軟塾不過份。燒汁魷魚翼，海味一樣的味道，嚥韌滑滑少少彈。醬油牛仔骨，我極度喜歡！鬆軟肉質帶著筋膜，甜甜醬油濕潤不膩好好味呢！厚條粟米，連葉整條掉到碳間慢慢燴！撕掉焦黑的葉，露出金黃粟金，白煙飄飄清香粟米氣味，忍不住立即處理！大啖咬再不停刨，鮮甜多汁純天然無得頂！不需要任何調味。我大讚豬扒鬆化醃味得宜印象深刻，竟然有位朋友質疑我的評價，稱剛才粒丸腥粉不鮮不彈而質素差。我心諗依個價錢燒烤場供應既丸類水準都係差不多，而且我講緊肉類講緊醃肉技巧囉。曲終人散食飽飲醉，召喚的士各自歸家，職員們超時服務足足成個鐘，感激不盡。
继续阅读
是日元旦 小妹一家人想搵個交通方便嘅燒烤場Family time 於是搵到喱到錦上路A岀口 行3-5min就到 Facebook有片教路收費$120/人 全包 免開爐費 4hr 包2飲品(加鐘 大人+$20 小朋友+$10)(老闆仲好歡迎大家帶外來食物進場 因為場內冇海鮮啤酒供應)食物方面 大概有29種 一般燒烤食物都有齊 方包超厚 蒜蓉牛油任搽！飲品都係大路野 只係冇酒精飲品 想飲就響錦上路站7仔買 或自攜吧燒左一個鐘後 開始想專心食大量野 所以決定加購燒烤網 都算比一般大型燒烤場平 $20/網 仲有專人幫你屈岩個形狀 Good ah! 另外仲可以買食物夾 全新嘅就$30 如果用環保夾 重用洗過果啲就$10 都洗得好乾淨嘅用網燒雞腎 多春魚 茄子之類就岩晒!!食到半飽 發現燒烤場旁邊有條路入去康樂部 見到啲小朋友跑來跑去好開心 決定入去探險一下原來場內仲有個小天地 有得餵小動物(兔，魚，豬，羊) 有得玩伸縮膠，畫沙畫，整沙瓶，玩遊戲等等等 都幾歡樂 仲有吹泡泡同玩具買離開之前 想食下雪條 原來都好平 價錢比一般燒烤場親民最後 講下衛生 都係合格嘅! 係獨立洗手間 不過好乾淨 而且有大洗手盤 可以洗自攜食物。另外都見到員工會響客人離開後刷地 不錯!總結 下次會買海鮮黎燒都好推介一家大細/一大班朋友黎 交通太方便又平喇！
继续阅读
大年初三😘 老公，姑仔，姪女與我到 環保農莊 BBQ! 環境舒服' 遠離煩囂 '太擠迫! 13O蚊一位包兩張 飲品券!食物任選! 沒收開爐費及炭任用! 超級抵!最近場內添加烤蕃薯機! 出爐時排隊每人兩件! 🥔真係好香燒烤食品種類多! 多款口味屋企人勁愛佢嘅雞全翼' 中翼'豬扒'牛仔骨 魷魚' 鴨腎👍🏻👍🏻好好味!厚切方搽蒜蓉牛油燒同 錫紙焗 新鮮什菜 ，超級正!👍🏻👍🏻👍🏻每次去都會買蝦同魚燒!
继续阅读
地點近西鐵站，吾難搵。不過要book 枱，一到埸見到地方幾大，感覺好舒服，個爐係長方形最好就係甘，因為人多幾廿支叉吾知點燒，長方形幾好燒，野食不過不失。貼心貼士 : 如果燒粟米，番薯係無錫附紙送，請自備!
继续阅读
之前狗友推介此處BBQ, 但因為我冇時間, 沒跟他們一起去...今次適逢2013年平安夜, 約齊佢哋帶埋小狗去食, 玩, hea 24/12 當天仍要返工, 放工後各人帶埋小寶貝去錦上路的環保農莊, 呢度真係幾方便, 好近錦上路港鐵站, 只要在停車場那邊一直行, 過了馬路便有指示 (就算唔識問吓嗰邊巴士站職員, 佢會比埋單張教你去添, 好nice)BBQ場大小適中, 有瓦遮頭唔怕落雨, 嗰度有個小小動物園+金魚池, 又有單車踩, 小朋友一定唔怕悶嗰日係節日(平安夜)但佢都冇加價, 仍然收HKD 98/人任食(包2罐啤酒,汽水或水)講返食物, 出面燒烤任食嘅食物佢都有, 而且麵包(厚切添)都包埋, 仲有牛油任搽, 好好味呀而肉類方面, 樣樣都好出色, 特別係牛仔骨, 豬扒&雞翼, 食完唔會勁口乾, 我諗佢無乜加味精, 所以我哋都好欣賞, 佢哋仲包埋雜菜, 所以唔係一味只食肉, 可以健康啲好多BBQ場啲洗水間勁臭勁污"租", 但嗰度啲廁格有抽風機, 所以就算廁所範圍都唔會勁大陣味, 連我咁怕污"租"嘅人, 都會去到洗水間. 值得一讚BBQ場老闆好好人, 佢會行埋嚟同你吹吹水, 飲飲啤酒(可能認得我哋狗友啦), 啲員工亦好有禮貌, 老闆好自然員工都一樣會好.如果你有小朋友, 寵物, 就好啱去呢個BBQ場玩, 我會再去~
继续阅读