瓊媽媽 (柴灣道)

营业中

休息中

【東區】【瓊媽媽】之前我都講過，有啲外賣店，因為佢設喺一啲我冇得坐喺一個地方（例如屋企或者公司等等）食咗佢嘅原因，所以好難幫襯。例如今次呢間瓊媽媽，喺柴灣站行去小西灣運動場睇港超聯就會經過，成日想試都不得要領，頂住條氣。今次就適逢附近有地方可以畀我「處決」咗佢，所以都忍唔住買咗佢。即使事前其實我同埋同我一齊食嘢嘅朋友都係對佢唔係太清楚，不過大家抱住一試嘅心態，都冇乜所謂嘅。而我見佢好似唔止有一間分店，我估穩陣掛。除咗瓊媽媽之外，我哋仲有其他嘢食嘅，所以我只係叫咗兩樣嘢，首先係「手撕雞」例牌，價錢 $50 唔算平。而且佢都唔算整得快，應該即整。味道上真係唔太討好，食唔慣呢啲泰式整法用落手撕雞度，朋友都覺得麻麻。我叫嘅另外一樣嘢就係「無骨海南雞」半隻，佢賣 $85 其實都唔平，不過呢樣就好似係佢呢間外賣小店嘅招牌菜，我之前都係想試呢味。食落真係好過手撕雞好多，首先係啲雞幾足秤，啖啖肉，其次係勁嫩滑、有雞味，正。呢兩樣嘢夾埋 $135，以食飯加餸嚟講唔係話勁抵嘅選擇，不過個海南雞係值得試吓嘅。有位朋友甚至講笑咁問我其實個海南雞同手撕雞係咪真係喺同一間度買，勁好笑，不過從呢個問題都可以見到兩者

第一次幫襯，亦會係最後一次，選擇菜飯要額外加收2元無所謂，但攞到返家餸同湯仲係好熱，不過菜飯係完全凍，連微溫都稱不上，似係一早放定在盒內其中一格，接order後就放餸在另一格給客人，一次過係咁先。

下次食 唔叫有骨嘅海南雞飯 因為今次食帶骨海南雞飯 太多碎骨 每一口都有碎骨 要好小心食所以係呢様減咗d分 而雞肉幼嫩滑 雞下放了很多大荳芽菜 醬汁一般 下次試另一些款 之前要睇吓大家d comment 先 😂😂

經常都經過銅鑼灣呢間分店，今晚屋企唔開飯，所以順便買個海南雞飯返屋企試吓。我食得比較了能，要海南雞髀飯，要加$10，無骨要加兩蚊，油飯加$4，油飯要多飯，唔使加錢。總共$63。先講嗰啲油飯，軟硬度適中，帶有香味，入口甘香，係唔錯的一種油飯。至於無骨雞髀，外表色澤唔靚，色澤跟店外的招牌賣相相差很遠。食落嗰啲雞肉比較柴，冇雞味，冇肉味，雞唔得。雞有少少大豆芽菜做配菜，都亦中規中矩。至於跟飯，有一個例水，冬瓜湯，亦都OK。老實講，我係第一次幫襯瓊媽媽，下次除咗海南雞飯外，可能試吓其他飯種。

呢間海南雞飯店開喺住宅區附近，雖然佢只做外賣，但就可以用相宜嘅價錢，就食到海南雞飯，都吸引到唔少人去食。除左海南雞，仲有霸王雞、沙薑雞、口水雞、手撕雞，飯又可以揀白飯、菜飯、油飯，選擇多多。 🍴沙薑雞+油飯$35有濃郁嘅沙薑味，雞肉尚算嫩滑，但汁料太油膩，尤其是底層嘅芽菜係浸喺油入面😵，如果走汁應該會好d。另外，雞同飯都只係微暖，欠缺熱度。 🍴雞絲蕎麥麵配日式芝麻醬$35除左芝麻醬，仲可以揀口水汁/青木瓜汁，雞絲蕎麥麵反而比佢嘅雞飯好味😅。首先蕎麥麵係涼拌嘅，唔會有溫度問題，雞絲係雞胸位，有少少韌，但配菜配搭好清新，芽菜、青瓜、醃蘿蔔👍，撈埋一齊增添脆脆嘅口感，芝麻醬非常足夠，最欣賞醃蘿蔔酸酸嘅味道增加左味道上嘅層次。 平民價錢，都唔會對佢太高要求，味道普通，可以接受啦。

網上有朋友分享過呢間瓊媽媽海南雞飯專門店，於是特登揸車去柴灣買外賣試吓。另外响灣仔同北角都有分店。店舖係由三個海南媽媽經營，味道正宗，分別叫咗海南雞飯有骨及無骨，仲送埋足料例湯。個例湯真係好足料，裏面有冬瓜，南瓜，紅蘿蔔，粟米，豬骨，雞腳，湯味濃郁，甜到不得了，根本就唔係一般行貨例水可以相比。由於叫咗有骨及無骨嘅海南雞飯，相比之下，無骨的那一碟較多雞胸肉，如果鍾意食雞胸肉嘅我相信叫無骨會比較好啲。我就叫咗有骨嘅，咁係有¼隻雞髀再加一隻雞翼。無論有骨無骨，雞肉都嫩滑又有雞味，雞胸都唔鞋唔乾，而飯亦出色，有淡淡的南疆香茅味相信亦加咗椰奶，感覺特別香濃。可以話一食就愛上。而墊在雞肉下面的大豆牙，用麻油炒香過，又吸咗雞的肉汁都十分好食👍而飯可以揀普通白飯，菜飯及雞油飯，價錢都雙只係相差三幾元，所以都係食雞油飯最吸引😻😋

網上睇都有介紹海南雞飯，呢間係柴灣北角都有分店叫瓊媽媽，假日就去試吓買咗外賣。打開外賣盒，見到雞嘅份量好足，比平時好似多咗兩陪，雞肉好滑，雞皮好薄，爽脆油份夠，皮下沒有啫喱膏，雞有少少肉汁，雞味非常突出，就算唔點醬都非常夠味。飯雞油飯有例牌嘅香茅南疆蒜頭，落得非常夠，再加了椰奶，所以打開個飯椰香撲鼻，飯粒粒分明充滿油光。醬油是自家煮，有蒜香，似平時豉油撈飯的那種甜豉油。例湯都好豐富係有南瓜，豬骨，紅蘿蔔及粟米，唔知平時剩係得啲雞雜湯的味道。海南雞下面有煮過嘅大豆芽加少少蘿蔔絲，襯托之下顏色幾豐富，個人比較鍾意青瓜做配菜，可以醒胃解膩。價錢來講真係好公道$45，用料幾新鮮，海南雞飯是海南式，不是平時食開的那些新加坡或泰式，味道有少少不一樣，但係都值得推介！

午餐諗唔到食咩好又唔想食快餐店😅 呢間外賣小店都係一個好選擇🥡 見到雞飯都有好多款式💕 除此之外仲有唔少其他選擇👍🏻令一餐平凡的午餐變得不平凡 🌈⭐️ 海南雞飯 🍗雞肉肥瘦適中😋 雞皮薄薄一層好油亮🤩 但係唔會太油膩 揀左有骨雞飯因為我覺得帶骨口感好D🦴 菜飯有淡淡的雞湯同菜味🥬 整體調味唔重手 想要多點調味的 雞肉可以點返D豉油 😚雖然雞肉份量偏少😅 但配菜既涼拌芽菜都幾清爽 好適合送飯呢🤪 另外配上既例湯都係有誠意的🥰 真係食到紅蘿蔔🥕同老黃瓜既味道😆

睇瓊媽媽食得雞太多手撕雞又好海南雞都好多已經試過晒亦都肯定未到如出一轍穩定性維持得幾好所以今次就要突破一下試佢其他嘅菜式咖喱牛腩亦都係呢一度推介比客人嘅嘢食所以就要試吓睇吓有啲乜嘢乾坤咖啡味特別濃完全有港式咖喱嘅風帆唔多唔少都會有少少辣味正合我意至於牛腩就唔會一大一大塊咁樣想費事搞到好辛苦反而會切都係可以一口咬晒咁嘅好處就係可以配合返再配合咖喱汁一齊食先可以稱之為咖喱牛腩飯但依然都係保持偏乾嘅狀態咁就好好可以利用咖喱汁泥路一路口感真係淡淡滋味

菜飯：不是飯與菜一齊煲是叫菜飯時 才把白飯混入一點菜攪拌 ➡️ 飯冇菜味湯：不是原味湯是原味湯加水 ➡️ 加水湯淡而無味手撕雞：雞不是蒸熟後手撕是先浸湯出味 才把雞手撕 ➡️ 雞冇雞味

食過北角分店嘅瓊媽媽覺得好抵食，今日去柴灣做嘢，先知原來柴灣都有，一於試吓呢間分店嘅味道有冇唔同，價錢依然好實惠，最平嗰餐$30有找，有部份嘅餐仲會跟湯，而且選擇都多咗好多。我叫咗個秘製豬軟骨飯，入面放咗啲香料，好似係八角嘅味道，都幾驚喜，尤其係豬軟骨住得超軟，不過略嫌油膩左少少，個汁超好送飯，簡左配菜飯，食得出啲菜唔係菜頭菜尾，亦都唔會梅晒。當然地，我都叫咗個招牌海南雞飯，睇店入邊嘅報道，老闆似乎真係地道嘅海南人，我揀咗冇骨嘅海南雞飯一啲都唔肥膩啲雞件好啊唔似冰鮮雞嘅咪難怪咁受歡迎而未到相我覺得同北角差唔多。跟餐嘅湯好多湯渣，老闆話冇味精，可以放心食，就算係平時單買個湯都係$8，呢個價真係良心價，呢啲小店真係要多多支持。

呢間野長期都見佢排隊，之前見到OpenRice有負評話唔乾淨，所以一直都冇試過，嗰日見咁啱冇咩人就決定試吓啦，同老闆傾傾吓講起呢件事，佢就話佢哋出名注重衛生，覺得係比同行故意寫衰。食完之後，我覺得一定會回頭，因為好抵食，性價比極高，選擇又多，味道又好，甚至平時返工帶飯都幾好，當然我冇肚痛xd 我叫咗個咖喱牛腩飯，入面有薯仔洋蔥仲有好多舊牛腩，佢哋嘅咖喱汁應該放咗椰奶，所以都好香，吾似粉沖既，重點係入邊啲牛腩完全唔in,連我阿媽都食到，個菜飯同菜嘅比例應該係一比一，所以好足料。仲叫咗個口水雞菜飯，因為鍾意食辣，佢呢個口水雞又唔算好辣，啲雞幾滑，佢可以揀有骨定無骨，我就揀咗無骨，份量都多，以呢個價錢來講真係超抵食。你可以揀菜飯/油飯或者白飯，不過感覺菜飯有菜，纖維高啲，所以我揀菜飯。我呢兩個餐有跟湯，是日靚湯係青紅蘿蔔粟米湯，足料，正！

位於宏德居廣場旁既瓊媽媽，專賣雞，平靚正。平日吸引到好多街坊學生同上班一族光臨之前試過只點半隻口水雞同海車雞第二日當加料，今次試左招牌海南雞飯和海南椰香咖哩牛腩，原來跟餐真係好抵食，菜飯好香口，個湯好潤喉，而個咖哩既椰香勁正，送飯一流。作為芽菜迷見到海南雞下有咁多芽菜大叫正。傍晚時分去買要排下隊，現場買比用apps買更方便更新鮮。阿姐勤快有禮，廚房一眼睇哂都算整齊，個餐具比較特別好似係容易分解果種而唔係用發寶膠。

It is Saturday and a lazy day. My wife don’t want to go out and get bored of the food in Heng Fa Chun, so I go to Chai Wan and find 瓊媽媽.I ordered a Hainanese Chicken Rice and a Curry Beef Brisket Rice. You can choose to serve with rice, vegetable rice or oil rice and I chose one with vegetable rice and one with normal rice. The Hainanese Chicken Rice is their signature dish. The chicken is tender and easy to chew. It is really delicious matching with their source. The side dish sprouts underneat

常常坐車經過這店，今日終於路過決定買來一試。初時以為這裡只賣海南雞，但原來雞也有分海南雞、手撕雞、霸王雞、沙薑雞等多款選擇。而非雞類有牛腩、豬、甚至連素食類都有。大致分「飯」和「餸」兩類。做餸的雞有分size: 例牌、半隻或一整隻。雖然是一間小店，但店員熱情有禮，從舖面望進去，見到店內環境整潔乾淨，店員也帶了手套才接觸食物。買了兩個飯：無骨海南雞飯，選了菜飯。雞肉很滑，墊底加了調了味的芽菜，各樣的份量也多，菜飯好吃。連咖喱牛腩更有驚喜，椰香味濃的咖喱汁佐飯一流，要用滿瀉來形容的大份量，絕對抵食。例湯也足料。兩個飯連例湯$92，一百元有找絕對性價比高，雖然只是一間只做外賣的小店，但水準可媲美東南亞餐廳，是一間我們再幫襯的食店。