瓊芳冰廳

营业中

休息中

食物正常，服務態度好，圓方既講性價比一流，好食過其他快餐，早餐算係抵食又好食，午餐正常水平，下午茶蛋撻好好食，晚餐選擇比午餐多，都係正常食物水平，員工服務態度好好👍

服務十分差，作為一間茶餐廳應該要有效率！叫了一個叉燒飯，點歺後等了足足55分鐘也沒有來！職員只說嚟緊嚟緊，之後就走開再唔理你！ 無言，只可以說到一肚火！一定不會再來

太興集團旗下的一個品牌，真是好能夠代表香港飲食業今時今日淪落景況的代表之作！作為一個香港👎餐廳所謂香港「優質Q嘜」認證品牌，好失望，好愤怒、感概萬分！歸根究底是集團無heart無用心去做好食物質素，一心只想賺到盡賺到最後一蚊一毫的企業。食物味道不好，菜單首先都是垃圾食品如午餐肉呀公仔麵呀罐頭食品。熱食如炸薯條和炸雞翼送上枱已經完全凍晒不熱！雞扒撈公仔麵好似雪櫃啱啱攞岀嚟擺到室温拎出嚟給客人。招牌黯然销魂饭（叉燒蛋飯）都可以做到如此難吃，敢賣100元。侍應不用說態度和水平都唔得，無服務甩甩漏漏。真是非不得已不要來！勿丟人現眼有辱國體、香港🇭🇰餐飲你為恥！

第一次過嚟呢間舖頭食，感覺麻麻哋。佢哋招呼唔太主動，但係當時唔算太多人。另外覺得質素都唔係話太過好，性價比唔係高。佢哋招牌蛋撻啲人話一定要試吓食，但係蛋撻係凍。呢樣就失望咗。亦都唔算多，而且又冇話特別好好食。終結黎講冇下次。

因為住樓上，加上自己唔識煮飯，退咗休之後就日日都一定會嚟幫襯呢間餐廳，有時早餐有時下午茶有時食夜晚。幫襯咗足足兩年。以前食得好開心，價錢雖然中上但服務水平好食物質素有保證。好可惜，自從呢個幾月新嚟咗兩位藍色衫經理，對人客非常無禮態度囂張，簡直係趕客！而且整體服務水平嚴重下降，嘢飲或者嘢食成日都要催先嚟。更嚴重嘅係，今日我實在太餓喺嗰度食中午，點知隔籬枱有位老婆婆要飲熱檸茶，不過個藍衫經理落錯單，俾咗佢熱奶茶，老婆婆同佢講比賽嘢飲嘅時候，佢居然鬧返阿婆轉頭！今日嘅事件令我以後唔會再幫襯呢間嘢！佢哋呢啲服務水平實在對不起$98一個叉燒蛋飯的價錢。非常失望，冇咗個飯堂，以後不會再去了。

晚上7:00點了吉烈豬扒意粉，等了60分鐘仍未送來，身旁有人等到不耐烦取消order。追了三、四次仍沒反應，有些人等饮品好耐都未有，所以去大快活好過。最後意粉是凍的，咖喱汁沒味道，份量亦少。

服務態度好差！！好似欠左佢哋咁！！不需要妳笑住招呼，但係都唔好咁差。叫個午餐。等了30分鐘！！趕時間真心不要去！上餐慢！！極冇禮貌！！不會再去！！價錢亦不平！！食完一肚氣！！

真系從來未試過有咁差的餐廳。等候太耐，入臺慢，上餐慢，買單慢。追左十幾次都冇人理。我地大概5:43分趕到。係出邊等左好耐眼見其他食客都充滿怨言時臺都系冇一個人理我地。到最後終於安排我地入座結果張臺根本冇清潔乾淨。之後等到50分鐘！十個字！先有個餐上到來。d員工全部見到我地舉手全部無視，一直到最後叫經理親自去煮先搞好。次次都話人手不足人手不足，但人手不足唔系顧客無緣無故接受差等服務的理由人生第一次係茶餐廳等成個鐘食飯，希望唔好來!唔好來

平時我都好少對餐廳有咁多意見提出因為工作關係，所以想食個快嘅早餐，圓方冇乜選擇情況下，就手快快去咗呢間我當日落單，嗌咗個潮式沙茶牛肉公仔麵，同埋一個咖啡同朋友坐低咗之後，發現都係自助選餐，冇為意見到好多人喺度不停催促服務員，驟眼數一數，接待客戶的服務員其實得兩三個熱咖啡過咗冇耐，佢就攞咗杯咖啡俾我，不過杯咖啡一啲都唔熱，甚至乎可以話係常溫.要一杯熱嘅咖啡放到常溫，我諗都起碼擺咗超過半個鐘我有反映，不過佢都冇理所以我就冇飲杯咖啡啦潮式沙茶牛肉公仔麵公仔麵都正常，不過不失歐式軟多士配雙蛋不過呢份又係等咗好耐，差不多等咗20分鐘先有，最後我哋都係嗱嗱臨食完就走

收銀處呀姐，態度勁西勁無禮貌。好無言，我依家得罪你咩……一嚟到就好似已經踩親佢條尾咁，俾錢買難受☹️貴又貴過出面茶記，但態度仲衰過出面茶記……水準正常，普普通通。

仲以為裝修事事正正，太興出品，唔會賴嘢。真係仲大伏。小弟從來極少落劣評。但係呢間嘢真係令我五體投地。早餐嗌常餐都要吹咗兩次，每次都話啲嘢要新鮮煮等多陣，等咗半個鐘頭先有塊包食。嘢飲仲離譜，凍奶茶吹咗五次，個個職員都好似唔關佢事咁，甚至兜路行當見唔到我。 真係唔知點解一間茶餐廳可以run到差得咁離譜。Avoid at all costs! Horrible and slow service, just go to Cafe de Coral next door.

高尚寫字樓，地標性商場-圓方， 太興集團瓊芳名物，曱甴雜扒飯，一發現，舉手勁耐，店員施施然慢慢行過嚟，問係唔係追嘢飲，同佢反映有曱甴之後，急急腳收走，問返我哋，點會發生咁嘅事架，再加多句，要等耐少少，再整過個餐俾你要時間，一啲歉意都冇，好似見怪不怪，習慣咗嘢食上邊有曱甴咁。等咗一陣，佢拎過碟出嚟，仲講到好似好幫手咁樣，我已經吹咗廚房快啲特登整個碟俾你，唔好意思呀下。 第一次喺圓方食到有曱甴，真係幾好嘅體驗，太興集團果然係好嘅餐廳，蛋白質豐富

野好味，但意粉等咗半個鐘先嚟，咖啡仲誇張，催咗5次先嚟，飯都早食完。本身都諗住算數啦，吾關d waitresses 事，廚房問題，點知最後諗住要杯水啫，嗰2個姐姐本身吹水吹得好開心，一見我舉手即刻扮睇吾到走開曬，完全冇禮貌到一個點，可以咁就吾使serve客人嘅咩？？以後都吾想幫襯

一坐下就聽到隔離枱男食客要求一位戴眼鏡女職員更換送錯的飲品，女職員回應幫他換過杯，之後將飲品好大力放在櫃枱上，心知已不妙。到我在手機點餐時，當時只是大約晚上七點半，大部份食物都已售罄，只剩下價錢偏貴的晚餐，迫於無奈下點了108元的雜扒餐、羅宋湯及茶走。 最後原來沒有羅宋湯，但那位女職員沒有交代下就亂放了一碗忌廉湯就行開了。餐飲又不是我想要的茶走。進餐過程都聽到那位女職員大大力執拾碗碟放進餐盤收集車上，不知以為她發緊脾氣。甚至乎送餐時個頭夾著手提傾電話，雖然不知她是傾公事或私事，但這樣送餐比較危險，完全沒有顧及客人感受，有這樣的員工，簡直令公司倒米。客人在不知九成食物售罄情況下進入茶餐廳，感覺完全是一個局，局住客人點貴餐，又唔見貴的餐售罄，而且當時是晚餐的黃金時段，正常一間茶餐廳都會有足夠的食材。真的不明白這麼高檔的商場，竟然有咁低劣的餐廳，基本食物及店舖管理態度都沒有。看返以往這間茶餐廳食評，原來一直都有這問題發生，難以明白管理層不正視處理。

每次堂食服務差都不特止，因為就近得佢一間茶餐廳似住獨市生意，每一次叫外賣每一次都會漏咗一個餐。近乎肯定有一個位冇得食。次次攞都會問多句齊嘢未。扮晒嘢check完之後都係漏