瓏庭

营业中

休息中

原來諗住做冬留港消費啦，點知自己係個笑話。已經係叫套餐，結果入座個幾鐘，只係嚟咗隻豬，然後嘅餸影都無。富豪集團係咪無糧出呢？廚房喺過節搞罷工？相片所見真係無邊枱有嘢食梗😑啲碗吉嘅。食物質素…算啦做節廚房個班底都未必係平日班底，唔比較。只能講啲菜式幾有創意。其實我都係想正正常常食餐飯啫…呢個選擇係咪另類咗？冷氣足，做冬嚟講著羽絨都唔出汗。晚上6:00入座開頭個燈光忽明忽暗，好有節奏，後來終於有職員發現個燈光有問題去較過啲燈，嗯…我坐大堂架，啲職員真係唔覺全場燈光閃閃吓係有問題？如果有負分我真係想俾負分。

位於馬鞍山We Go Mall四樓- 瓏庭，以精湛大江南北佳餚馳名，各式巧手點心、招牌粵菜式。為了唔係度度有得食嘅傳統名菜 #古法八寶鴨 用咗椒鹽手法去炮製，香酥內軟，無得頂😋所以今年冬至飯我已經book咗枱嚟依度同最愛嘅家人喺 #瓏庭 食冬至飯。另外瓏庭中菜行政總廚康志堅師傅介紹各款全新菜式「粵川美饌」，依度嘅川菜恰到好處，唔會過辣過咸，麻香真係點到即止，好適合香港人口味😋當中 #變節鮮酸辣湯 係總廚用咗秘方，真係酸辣中帶鮮甜! #蒜片熗炒雙絲 刀功細緻而且擺盤都好有心思，#張大千公保海蝦球 真係色香味俱全!頭盤嘅 #意大利蘋果醋肉 果香撲鼻！#鮮花椒BB乳鴿 和 #麻辣手撕雞絲拌香菇筍 各具特色👍🏻 #香葱脆皮鷄 皮脆肉嫩，今餐真係食到停唔到口 ！#香煎爆汁牛肉餅 食時爆汁呀，真係超級超級勁juicy!總廚親自動手炮製 #重慶火山黑毛豬龍骨 ，睇住火焰🔥加上印度🇮🇳魔鬼辣椒，配上秘製醬汁，以為會辣到飛起，點知辣度非常到位，食完會想繼續食，真係視覺味覺嘅享受！不會過甜而且好清香嘅 #桂花酒釀湯丸子 ，為今餐畫上完美無瑕嘅句號💜

瓏庭位於馬鞍山we go mall商場四樓恆安站或大水坑站步行十分鐘便可到達或可以在新港城乘搭免費shuttle bus 前往放假喜歡去酒樓飲茶吃點心和朋友聊聊天，人少少又想食勻多款點心，點心放題就是一個非常好的選擇九十分鐘下午茶點心放題，有三十二款精美點心及巧手小食，非常適合我們這些嘴嚵的人每位惠顧點心放題的食客，更可免費獲贈燕窩雞蛋撻仔一件全部蒸點上枱時都是熱辣辣的點心可以一件件點 一次過可以食到很多不同的點心個人鍾意食蝦餃、鮮竹牛肉、叉燒包及鳳爪這𥚃全部都有，還可以任食，勝價比高最後是大家都食到捧著肚子走，真是太盡興了

到馬鞍山We Go Mall shopping 同玩完就去咗【瓏庭】 食晚飯，酒樓環境清雅舒適，搭配簡約典雅設計，營造出溫馨的用餐氛圍。🥰❤️玫瑰豉油雞雞肉鮮嫩多汁，醬汁香濃，豉油味濃郁，搭配玫瑰露增添清雅香味🧡鳳梨菠蘿咕嚕肉肉質軟嫩，咕嚕醬香甜可口，菠蘿片清新酸甜，好滋味💛紅燒豆腐煲豆腐外層酥脆，內裡綿軟，大大粒嘅冬菇，配紅燒醬汁完美契合💚海味粉絲雜菜煲粉絲軟Q彈牙，海味同蔬菜嘅鮮甜，我哋連湯汁都飲清晒

中午時段去食點心大約$32-48一碟我地叫左筍尖蝦餃皇蟹籽鮮蝦燒賣皇薑汁雞包仔素翅竹笙灌湯餃時菜鯪魚球四寶滑雞扎雪山叉燒餐包意風得意腸粉全部點心都係即叫即蒸，最緊要夠熱，熱辣辣食最好味！正常冇特別！飲茶小朋友最開心，又坐得舒服，又有BB凳，因為我哋帶左兩架BB車，都唔會逼！小朋友最鍾意食蝦餃、燒賣、叉燒包😋酒樓下午茶有點心放題，可以任食，下次再帶婆婆黎試吓先！瓏庭 (馬鞍山) - 性價比高點心https://s.openrice.com/QrbS0RF8C00~u9BAcBA📍馬鞍山保泰街16號We Go Mall 4樓401及408號舖

見到呢間新開酒樓，決定試下，前身係名都。酒樓都幾新幾乾淨，座位闊落，坐得舒服，落地玻璃可以望到對面游泳池。假日午巿點心價錢$32-48不等，另有午巿套餐提供，茶芥$15一位。黑金流沙奶黃包同平時食開既好唔同，個汁淡黃色，好黏，好重奶酥味，個包質感較實馬拉糕好香紅糖味，質感偏軟，比較濕潤椒鹽魷魚鬚粉漿夠薄夠鬆脆，魷魚又棉又軟，蒜香味濃蟹籽鮮蝦燒賣皇豬肉爽口，帶有冬菇香味，鮮蝦爽脆富士蘋果叉燒酥酥皮鬆脆，酥皮層次分明，叉燒咸左少少，但食唔出有蘋果味酥皮蛋撻仔細細個，一碟三個，蛋漿偏甜春風得意腸粉夾住蝦春卷係中間，春卷夠脆，腸粉又薄又滑鮮竹牛肉球超大粒，果皮味香，馬蹄爽，牛肉淋

馬鞍山We go mall 瓏庭酒家餐廳環境寬敞，仲坐得舒服。-除此之外，餐廳食物的質素也很不錯，小炒也很有水準無論是大宴親朋或商務宴請也很適合。-瓏庭小炒皇小炒皇很有驚喜料多到爆！蝦乾、魷魚、腰果樣樣都有，鑊氣十足，韮菜爽脆無渣。而且份量超大，-紅燒豆腐同古法蒸班頭腩都做得有水準紅燒豆腐兩面煎至金黃色，加上炆得入味而厚肉的香菇配上爆香薑片和蒜頭，鑊氣足，味道豐富，配上豐富的紅燒汁，味道都滲透到豆腐裡好吃好吃。-個人十分推薦古法蒸班頭腩魚腩切成一塊塊，加入紅棗、薑絲、菇、陳皮、黑木耳和肉絲，魚腩肉質煙韌有口感，也微微滲出陳皮和紅棗的香氣，超讚。-福建炒飯份量超大份，而且仲好多料菜粒雞肉蝦仁，仲有兩大隻鮑魚飯底炒得粒粒金黃，芡汁唔會太鹹，

今日同老公去左馬鞍山探朋友，佢哋有約夜晚就唔同我哋食飯，而佢哋推介左附近間酒樓比我哋，嘢食質素唔錯架。酒樓空間感大，有氣勢，環境好乾淨。餐牌有唔同種類，價值合理。另外侍應有禮貌，對客人好殷勤，只要碟有骨，都會主動幫客人更換。瓏庭炸子雞：半隻都幾大隻，皮薄脆口，皮與肉中間脂肪唔多，多肉嫩滑，點埋旁邊豉油仲好食，幾好味。精選海上鮮：目測沙巴龍躉超過一斤，連職員都話條魚好大條。魚好新鮮，蒸嘅時間剛剛好，唔會過熟，魚肉甜，唔腥，滑溜，幾好。金銀蒜鮮魷籠仔蒸飯：熱辣辣，食得出魷魚鮮味，爽口，好香蒜味，飯加左雞蛋去蒸，蛋味香，不用加任何調味料已經好好食。海味粉絲雜菜煲：雜菜種類好多，有菜心、生菜、西蘭花、小棠菜、白菜仔同椰菜，都係第一次見，幾有心機。海味有冬菇同蝦米，用左高湯去煮，無油清淡但好夠味。整體份量非常多，係每一款配料都多，成個煲滿晒，一D都唔姑寒。紅豆沙：裡面好有多紅豆，紅豆已煮淋，加左少少橙皮，唔太甜，就算係免費送嘅甜品，都唔會話馬虎。

馬鞍山區內酒樓不算多，今次就來到位於We Go Mall的瓏庭飲茶。店內走舊式酒樓的傳統格局，面積寬敞，適合舉辦婚宴、私人聚餐等不同形式的宴會。星期六、日及公眾假期午市11am至2:00pm有點心及粉麵飯供應。茶錢每位$15。椒鹽魷魚鬚 $52外皮炸至鬆脆酥香，魷魚鬚肉質彈牙爽口不過韌，而且炸得夠乾身，不會過份油膩。XO醬煎腸粉 $48每條軟滑腸粉都掛上了XO醬汁，鹹香撲鼻，微辣惹味有鑊氣。瓏庭炸脆奶（大點$40）金黃脆身的外皮包裹著潔白軟嫩的鮮奶，香甜的奶香隨即在嘴裡化開。春風得意腸粉（特點$44）腸粉內有原條鮮蝦春卷，香脆之餘又爽彈，一口就有多重層次。富士蘋果叉燒酥（中點$36）蘋果泥加入叉燒肉一起醃製，讓醬香中多了一份果香的甜，為粵式點心注入新派創意。蜜汁叉燒包（中點$36）最傳統的叉燒包款式，包身軟綿不黏口，稍為裂開露出中間餡料，叉燒肥瘦適中。古法馬拉糕（中點$36）採用傳統舊式做法，口感鬆軟香綿富空氣感，散發淡淡的黃糖香氣，甜度恰到好處。荷香珍珠雞 （大點$40）荷葉外那層半透明的油紙防止荷香揮發，亦不怕荷葉褪色沾污手指，糯米軟綿中帶著黏性，吸收了荷葉的清香，內藏肉碎、蝦米等

一家大細食飯，最好嘅就梗係食中菜啦！啱啱去完we go mall玩咗一日，夜晚就約咗家人食飯，我地就揀咗「瓏庭」，貪佢夠方便同埋口碑都唔錯！環境幾大，入到去個感覺都好闊落好舒服，枱與枱之間都唔迫，服務態度都好好呀，見到我地帶小朋友都主動問下要唔要安排BB櫈！睇下有咩食先，款式都唔少，有散點或套餐，但小朋友面家開始好有主見，要求食物要啱佢地口味！我地就order咗幾樣嘢！★蜜汁叉燒皇★中菜必點，而且小朋友好鍾意食，叉燒好入味好鬆化，肥瘦分明，小朋友都咬到！☻ 紅燒豆腐煲 ☻長輩對豆腐情有獨鍾，呢間嘅豆腐好香甜，睇真啲原來唔係用玉子豆腐，都可以咁好味，配埋花菇好餸飯呀！☆古法蒸斑頭腩☆係屋企每日都食魚，所以唔可以點漏。呢度嘅蒸斑頭腩，肉質彈牙，而且能保留魚香！ಠ野菌炆伊麵ಠ小朋友好鍾意食麵，一見到麵就可以狂食幾碗，佢地嘅炆伊麵煮得好入味！ರೃ海味粉絲雜菜煲ರೃ唔錯，清清地嘅雜菜帶帶海味風味，加咗蝦乾魷魚乾，唔會太咸！🥢瓏庭📍地點：馬鞍山保泰街16號We Go Mall 4樓401-408號舖#瓏庭 #馬鞍山 #香港特色中菜 #特色美食 #生醃 #美食推薦 #欣賞美食 #我愛美食 #香港美食 #

屋企附近有個商場開了不久，今晚收工之後來到這個商場吃晚飯，我們選了一家中菜！有各款套餐，4人以上，價錢都好經濟，下次帶埋長老同小B來吃 ！地方都好大，坐得好舒服，好適合一家大小！散點的菜色都有好多！有小食、海鮮、煲仔菜、家常小菜、燒味等等！其中有一個等籠仔蒸飯系列特別吸引我注意！今晚很肚餓！金銀蒜鮮魷籠仔蒸飯蒸飯來到熱騰騰，香氣撲鼻，魷魚好新鮮，好爽滑，飯中有蛋，好香，每啖飯都充滿蒜香，海鮮甜味，荷葉香，很多層次，十分推薦！水煮牛肉推介給喜歡吃辣的朋友！味道非常正宗，都幾辣，但非常香，用了不同種類的辣椒！牛肉好嫩，份量也不少，另外還有蓮藕，薯粉，好惹味！沙田紅燒乳鴿外脆內嫩，一咬下去很多肉汁，沾上一些淮鹽更覺美味非凡。鳳梨菠蘿咕嚕肉份量十足，咕嚕肉薄粉鬆脆，配上酸甜汁，令人食指大動。而且菠蘿十分清甜，用來配飯一流！最後餐廳還送上紅豆沙，真的很滿足！

90分鐘下午茶放題，二點十八分入坐，二點二十一分入完單，三點就催你last order, 跟住要你埋單，未夠三點半要你離坐，同門口西装友投訴，先話睇錯時間。。。。食物唔掂，服務唔掂，死得

第一次喺openrice出食評估唔到係因為呢間嘢以前食開「名都」，今次係轉手後 ，第一次食瓏庭，叫咗4碟餸，4碟都好鹹，最後頂唔順，同咗職員講想換過其中一碟麵，有換比我地，但就好明顯係原本嗰碟再撈返少少新炒嘅麵落去。已經無曬心情食，所以叫職員上糖水，點知等咗20分鐘都未上糖水，中途我地好有禮貌咁問過一次，佢地話已經知，叫我地等多陣，等多五分鐘，最後都係決定走，因為唔知仲要等幾耐，叫佢地埋單都係等勁耐先有人理又難食 態度又差 唔會再食

近近地諗住去試下，點知點心唔好食 無味道 又細份燒腩仔唔熱，皮唔脆炒麵好濕 無味道坐得唔舒服，張枱頂腳，要打側坐。其實食物同坐位都都係其次，最差嘅係態度，叫佢跟下野食，好似唔多願意，佢話: 「以為你地加單 原來係跟單」望一望就丢低張單出去櫃枱埋單個部長好唔耐煩 ，我地屋企個老人家要比現金。佢係咁搖頭話收現金好煩飲茶有時同屋企人聚一聚，如果要俾錢買難受，我寧願唔食難怪無人排隊，之前個間好好多。如果將來要飲茶，寧願行遠少少食另一間。

以前一直都有去名都飲茶同埋食晚飯，見佢而家改咗名做瓏庭，唔知係轉咗名定係轉埋老闆，但都嚟試吓啦，食咗一次晚飯同埋飲咗一次茶，完全唔掂！食物水準：食物水準比起以前差咗，食晚飯送嘅紅豆沙，嚟到竟然係凍（室溫）嘅（講緊本身係熱紅豆沙黎），飲茶啲茶就無味，腸粉淋到爛晒，係個芝麻卷好食少少。衛生環境：衛生環境都比起以前差，啲碗筷黐住啲食物都拎俾客用。服務態度：服務態度喺幾個範疇之中，更加係最差！食完掛住傾偈，叫極都冇反應。未食完就收嘢好似趕客走咁。問少少嘢都好似唔耐煩咁。呢間嘢試咗兩次之後都係咁，決定以後都唔會再嚟食……