瓏門小廚

营业中

休息中

瓏門小廚位於粉嶺聯和墟，係一間算得上大件夾抵食嘅上海餐廳。佢主打酸辣湯麵同各式菜飯，你諗到同諗唔到嘅組合都有，價錢都算經濟實惠，夜晚有好多人收工過黎買外賣。無辦法啦，今時今日聯和墟夜少少真係會無啖好食，應該話選擇太少。 今次我叫咗炸排骨酸辣粗麵。本身想食手撕雞，可惜賣曬，下次想食要早啲黎。碗酸辣粗麵都幾大碗，其實我成日都覺得呢啲酸辣湯唔酸又唔辣。好彩唔係好酸，太酸我都食唔到。炸排骨幾香脆，比較乾身。 總括黎講，瓏門小廚款式多份量夠，性價比唔錯。

地道小店食上海野，有午市晚市，午市就送野飲，豆漿同菊花茶最多人揀平時食開晚飯就加錢飲，有機會真係要試下午市食過手撕雞同獅子頭，份量都足又好食，獅子頭大大嚿熱辣辣有時仲會賣晒碗配菜飯大大碗，擔擔麵都好出色夠濃味又夠多料，比起出面水汪汪好得多價錢都係$40幾50，算係經濟實惠，餸同飯麵都大大份

早幾天去了粉嶺，經過這家瓏門小廚也幾多人食，剛好有其他客人叫了份香炸排骨🤓看到也炸得幾好，所以我也叫了一份🍚價錢係$48🫡食落也不錯👍🏻排骨炸得幾香脆不過d飯汁有點太多和咸了一點，最好叫少汁會好點

今日想食番多年前的回鍋肉菜飯 至愛的酸辣湯 特登由YOHO果邊揸架X5去聯和墟呢間上海嘢食 因為今日得我一個食 所以冇所謂當遊車河 等咗15分鐘 果2樣野到了 我第一口飲個湯⋯⋯點知只係微暖 但味道尚算合格 個回鍋肉菜飯 唉 得4片小肉 菜就多 但好多油 埋單$72⋯⋯食埋今次之後 我5會再嚟呢度食飯

今日屋企人買外賣返黎好耐無食過上海嘢😍雖然都想食菜飯但係都係揀左酸辣湯😂【山東手撕雞酸辣湯米線】外賣分左湯好大碗酸辣湯❤️❤️❤️正！勁足料最中意豬紅絲，唔會煮到爛曬仲有豆腐塊、魚肉、木耳、荀⋯⋯連肚絲都有😍真係淨係飲湯都飽😂手撕雞同米線分開裝好企理🥢手撕雞起曬骨一啲都唔辣，調味適宜有味得嚟又唔會太咸加埋紅椒粒粒，口感層次大大提升最正係雞肉一啲都唔鞋口👍🏼不過味精稍重食完之後好口乾😕

今晚唔知食咩好，朋友介紹下就黎咗瓏門小廚一試，我地叫咗手撕雞菜飯同甜酸魚柳飯，份量都好多👍🏻味道都唔錯，甜酸魚柳酸酸甜甜好開胃😋選擇都好多👍🏻職員服務態度好好☺️

今晚到聯和墟晚飯，小鬼話食上海菜，突然想起數年前在後巷的瓏門小廚，於是便同小鬼一起去，瓏門搬了新舖，昔日小店現在大了很多，有卡位尚算舒服，服務就一般般，勝在抵食！👏🥢酸辣雲吞 $42超大碗酸辣雲吞，入面有五粒大大粒菜肉雲吞，餡料十足，酸辣湯分量十足，夠晒酸辣醒胃。👍🥢鎮江骨菜飯$46鎮江醋汁味道一般，排骨有點粗鞋，勝在夠多什有睇到。追加小食 🥢炸雞翼 $12雞翼炸得香脆有肉汁非常惹味。追加小食🥢雞絲粉皮 $24蔴醬頗多伴雞絲青瓜爽爽地又有蔴香味美的。😄🤣晚飯呢個價錢非常抵食👏

有次食完晏就，比佢個獅子頭吸引住，所以搵機會再試佢個晚餐。今次就食左個排骨米線。排骨大份，食落唔似翻炸，豬扒唔會乾爭爭，而米線好清，所以令到兩樣野加埋好寡要落辣先有啲味唔建議將呢兩樣一齊叫，除非想食好寡啦

朋友介紹話呢間喺聯和墟好多年既上海野幾好食，雖然間中就喺聯和墟食飯，但就一次都冇黎食過。咁岩今晚屋企冇飯食，就黎試下。餐廳睇落似普通茶記，冇咩特別，所以先一路都冇黎食，但其實佢menu都有好多菜式。小籠包、口水雞、上海菜既甜品都有。今晚就叫左個手撕雞，跟個擔擔麵，跟杯菊花茶。手撕雞既份量正正常常，睇落好大碟，但其實有層青瓜墊底。不過就正好岩哂鍾意食涼拌青瓜既我，雖然係熱既，但都簡直係加左個小食一樣。雞肉撕得一啖就一舊，夠嫩夠味。醬汁夠香，而且放左花椒，睇落好似辣但係係有麻得黎唔會辣，岩哂唔食辣既人。擔擔麵可能大碗，落就落左麻醬，但味道比較淡，可能湯少d就仲濃縮d。菊花夠凍，但都係淡左d，不過解渴都唔錯。

今晚九點幾鐘落熊貓更，就去瓏門小廚食晚餐。呢間啲職員好好。上次食我食晒啲菜飯，喺度食餸，就畢多一大碟飯俾我，對我呢啲體力消耗大嘅人，真係好感動。喺聯和墟送餐嘅人都知瓏門小廚好食兼抵食。今晚呢個涼瓜牛肉飯，啲牛肉就好嫩，46蚊，價錢ok。我今晚又係最後一個客，阻住佢地打烊，佢地都明白我係啱啱落更，仲傾左兩句最近啲生意。喺呢度，食嘅唔只係涼瓜牛肉菜飯，仲有係人情。

聽舊同事講聯和墟其實都有唔少餐廳又平好食，成日都行開呢頭但都唔多知。今晚就去左馬會條街既呢間平民上海野試一試。餐廳望似普通既茶記，唔望清楚或者入黎食都唔知係上海野黎。想放愈多枱招呼愈多客人係好既，但放到出入有少少困難就可能要執執位。Menu見到野食價錢絕對唔貴，而且見開既上海野都算齊。Partner話叫手撕雞同茄子斑腩，我樣樣都岩食，係想個餐跟個菜飯同湯麵。手撕雞跟湯麵黎得算快，個雞一上黎就聞到好香既花椒同蒜味，仲以為佢會好辣，但又唔辣，只係麻同香。想食辣既，大可以叫口水雞。湯麵都唔係求求其其，望都幾好，湯都唔係淡而無味既淥麵水，但可惜既係個麵淥得太奈，林左。手撕雞既份量唔少，肉質都嫩，夠味、夠麻、夠香，唔錯。當然，雞個底一定浪左幾舊青瓜，但唔算多，而且有個汁可以撈，有幾舊好似拍青瓜咁既瓜我仲開心。至於個茄子斑腩，可能因為唔算多人叫，廚房要即叫即整，所以一上黎熱辣辣，魚柳仲脆，只係要等佢十分鐘左右，好在我地清左個雞佢就到。茄子煮得夠林，魚柳size ok，炸漿唔會太厚。個送既醬汁好夠味，算係濃味既汁黎，送飯就岩，不過其實都幾油。見佢餐牌有d野食有個辣椒符號，而呢個送冇，但佢就偏偏係辣既

自從搬了舖後，感覺少了一份人情味了，不過食物的味道基本上沒變，價錢也只是加了少許，瓏門依舊是我跟同事的飯堂。新店跟舊店一樣迫，甚至乎…其實更迫了，午市不一早出來搶位就不用吃了，而且要預左不斷被調位啦。山東手撕雞菜飯個人強烈推介的一味，呢度個手撕雞堅正。下層有一支骨外，其餘已經去骨啖啖肉，調味微辣帶強勁蒜香，雞皮香口無脂肪，可安心食都無罪惡感。菜飯軟綿有咬口，好吃。鎮江骨菜飯甜甜酸酸的鎮江骨很入味，已炆得軟腍，一咬已經去骨，不會黐牙。麻辣口水雞菜飯口水雞亦是另一款推薦菜，哈哈，個辣汁好正，鹹香麻辣，辣度都幾勁㗎，而且雞件滑溜，沾上醬汁好好味。五花茶飲品有好幾款涼茶，好似話係自家煲的，微甜幾對胃，但實在太細杯。基本上黎親都係食手撕雞或口水雞，除非賣晒，一般不會試新野。

午飯時間來到聯和墟唯一一間上海菜餐廳。午市平時都多人這裡。本來我最愛的上海菜是黑醋排骨，但是他們沒有，叫了鎮江排骨，要了菊花茶（還可以加錢要大杯），四十多元。菊花茶先來，細細杯，正常味道。主角來到，排骨算大大件，醬汁偏甜，很鼻涕狀雖然不是重點，肉質正常，有點冷，後來見到已經一早煮了大量在廚房，可能只是林上熱汁，白飯正常。總括來說味道普普通通，價錢當然也不算貴，但也不會特別再來吃。但始終係聯和墟唯一一間上海餐廳，所以如果想食上海野都唯有在這一間，但其實連鎖式的上海姥姥都比佢好。

之前黎親呢間野都係跟男朋友食擔擔麵，不過藍妹麻麻，今次決定叫其他野試下。好耐冇食過炒年糕啦，雖然怕飽，但都決定叫黎食。—五花腩炒年糕賣相就麻麻嫁啦，不過味道真係唔錯，好夠味！😍年糕既份量岩岩好，唔會太飽但絕對夠食。料都唔少呢，好多塊五花腩，切薄片，藍妹嫌佢有啲乾身。😔整體完全係藍妹既口味。😆

瓏門小廚間中就會拉埋媽咪去瓏門食野 超鐘意佢既擔擔麵 個人認為佢既花生醬味好重 次次都飲哂啲湯咁濟如果要介紹 都可以試下佢既手撕雞同口水雞 雖然肉質唔係好林 但係味道惹味 醬汁正鐘意食雞翼既我 成日見到雞翼就會食 呢到既炸雞翼都唔錯 外皮脆又香之前有次食過獅子球 反而覺得麻麻 裡面好似唔太熟咁 怪怪地