甘の季節

营业中

休息中

三個月前曾經幫襯，今日假期再次光顧，點了桂花芋圓涼粉，完全沒有味道的甜品，桂花凍冇味涼粉冇味芋圓冇味，再配合沒有花奶沒有甜味的涼粉水作為襯托，向店家要求花奶增加香味．，結果是要加錢，無語，以後不會再幫襯

一入到鋪頭冇乜人，我同朋友兩個人問圓檯坐唔坐得，短頭髮戴眼鏡既老女人店員就好惡咁講4人檯兩個人唔可以坐，之後就叫左我地坐埋側既細檯又逼又唔好坐。開頭都覺得算啦，人地做生意都唔易，點知依個先係惡夢既開始。第一，甜水鋪入面冷氣唔夠涼食個糖水都辛水辛汗。第二，亦都係最攞命既一點，個短頭髮戴眼鏡既老女人店員長期用屎忽對住我哋張檯，行為令人噁心，本身位置已經夠逼，仲要用個屎忽對住我地，我同朋友即刻冇哂胃口，糖水都係食左幾啖就走人。香港地食野坐得唔舒服都預左，但冇諗過個店員成間餐廳咁多位唔企係要企係有人食緊野張檯隔離。食物質素普通，服務態度同質素係0分，唔會有下次。

同朋友夜晚喺尖沙咀睇完戲想食碗糖水，第一次到訪甘之季節，店舖細細但坐滿客人，我哋當日等咗約十分鐘就可以入座了🤤.當日我哋叫咗薑汁湯圓同蓮子陳皮紅豆沙，鍾意辣薑嘅朋友一定要試吓佢嘅薑汁，食完個人即刻暖笠笠🔥湯圓皮就比較厚，視乎個人口味~ 紅豆沙嘅陳皮味都好香濃，兩款都推介喔😬😬#hungrykuuu_hongkong #hungrykuuu_tsimshatsui #尖沙咀美食 #香港糖水舖 #香港好去處 #香港美食 #hkfood #hkgoodwest #相機食先 #食好西

喺尖沙咀食完飯，想同朋友坐低傾吓計食個糖水，就嚟咗呢間尖沙咀少有嘅中式甜品舖👍🏻店面裝修舒服企理，燈光同裝飾度好有文青feel，不過地方就唔大，座位都比較狹小。甜品選擇多樣，傳統糖水同新式甜品都有(*ˉ︶ˉ*)╴ ╴ ╴ ╴ ╴ ╴ ╴ ╴❀ ╴ ╴ ╴ ╴ ╴ ╴ ╴ ╴ ▶ ∗︎*ﾟ芋圓桂花糕涼粉🌼當初就係見到佢張相，被吸引咗入嚟，試到枱實物都非常精緻✨好耐冇食涼粉，質地同仙草比就偏硬身同易咬，係令人懷念嘅啫喱質地😋桂花糕晶瑩剔透，好靚🥹質地同涼粉相近，有淡淡嘅桂花味，非常清新，適合我呢啲麻麻桂花糕嘅人。芋圓味道就正正常常，好斷口唔算煙靭。▶ ∗︎*ﾟ 楊枝甘露🥭好多時去食中式糖水都會叫楊枝甘露，係令人滿足有清新嘅甜品😆呢碗楊枝甘露質地比較水，入口輕盈，芒果味唔算太重或者太甜。不過就好足料，有唔少芒果肉、西柚同西米。╴ ╴ ╴ ╴ ╴ ╴ ╴ ╴❀ ╴ ╴ ╴ ╴ ╴ ╴ ╴ ╴ 呢間甜品舖地點好方便就腳，作為飯後甜品都不錯😋 下次再訪會試下佢其他menu！

琴日夜晚同朋友一齊去食見多人排 應該都yummy一去到拎位 侍應姐姐話好兇狠咁同我講：你地係最後一台堂食架喇心諗 咁怪既 唔係應該同之後既人講咩？但anyways喇等左十分鐘 我地29飛聽到叫28號 諗住下台入得點知佢唔係叫29 係叫30號飛心諗 咩料呀 又話我地最後一堂但冇喇喇比之後既人入先？？？十萬個問號 行上去問佢 佢話得喇得喇 你地下張係點知叫我地4個人坐bar台然後侍應姐姐話 冇架喇得bar台但我見到打尖既30號飛坐圓台心諗無野呀？ 我地望真啲 個原因係因為佢地餐廳bar位max係4人 而個呀姐想快啲收工ko啲last order 就夾硬咁入位 想賺多張6人台既錢 但又要趕收工所以就比30號飛既人打尖 夾硬入講真食得糖水都係為左同fd嗲多兩句兩個人坐bar 台 無問題但4個人坐bar台 仲要係被打尖咁請問個位侍應呀姐3個問題：1.點解拎飛個陣要兇我同我講我係最後一台堂食？2.點解我係最後一堂 但會有下一堂打我尖？3.點解你為左趕收工就夾硬入人？之後啲呀姐趕收工 野食未到就叫我地先買單黑口黑面呢啲 都唔使再多講只可以講 不嬲都好尊敬服務同飲食業既人但講真 你如果要趕收工 就唔好

甘之季節📍Tsim Sha Tsui夜晚經過見到呢間甜品舖好似幾受歡迎🥳 決定試吓~桂圓馬蹄爽 $36馬蹄切到細細粒好容易咬，但又keep到爽脆口感，食落又好清爽嘅感覺😌 甜度啱啱好，做飯後甜品幾好，又唔會太飽，如果有多啲桂圓肉就好喇花生腰果核桃糊 $35質地好濃稠，感覺好足料😹 呢個都幾飽肚糖不甩 $28正常發揮嘅糖不甩，唔算好特別味道🌝🌝🌝🌗🌚環境🌝🌝🌝🌚🌚服務🌝🌝🌝🌚🌚抵食🌝🌝🌝🌗🌚整體🌝🌝🌝🌗🌚

朋友話呢間糖水鋪次次好多人排，咁琴晚人少少就排下啦。周圍啲人講外省語言，正常遊客區。等左陣就有位，樓面加收銀得兩個阿姐，好忙但態度親切有禮。芒果綿綿冰：質地柔軟而且多汁，味道較甜，但係同啲可可粉吾夾。如果同等價錢 $90，我覺得sharishari出色一條街。蜜餞白果腐竹糖水： 同佳佳簿身好多，比較水，無乜腐竹味 $30。唯一好食嘅係啲白果，甜得嚟好糯。總括嚟講係一間好普通嘅糖水店，裝修比較乾淨企理簡約風，係尖沙咀又真係無咩選擇。

尖沙咀食完飯諗住食個糖水啦，唔睇由至可，一睇先發現原來尖沙咀係咁少糖水鋪😂 終於搵到間入去試下，叫左芋圓桂花糕涼粉同朱古力Waffle。芋圓桂花糕涼粉：呢幾樣野夾埋唔係唔好食，但就係3樣獨立既野，無咩特別。不過份量真係少左啲，雖然話係尖沙咀，不過呢個質量係真係無咩值得講。另外仲有個朱古力Waffle，面頭都有啲Oreo碎同朱古力碎，就係Waffle去熱壓，都係無咩特別。整體而言，如果唔係尖沙咀少糖水舖都未必會揀佢，因為就係無咩特別同小貴🤔

護院糖水好味，桂花糕彈牙可口！雞蛋加$5不過不失涼粉正常爽口，護院各有千秋，個人最鍾意橙色有啲煙靭唔係蛋啊係厚嘅，但係唔會太硬鍾意食舖頭唔大但係環境舒服，而且有獨立廁所服務就正常冇乜服務咁樣，類似一啲Cafe小店 不過呢度啲人都會浸水俾你飲嘅蛋白杏仁茶勁Rich勁好味暖笠笠亦都有好多蛋白好實在價錢偏貴，但係佢質素好，所以食甜品食咗$106都覺得唔會嘥錢，始終好滿足呢度我見到仲有雪花冰緊其他嘢下次可以試吓

Location location location, 食完飯就腳，相靚，想食中式甜品尖沙咀真係唔多選擇，第一次試，只能說合格，價錢適中，只係甜左少少，服務都ok友善，喜歡bar 枱位，可以再俾機會。

同朋友睇完戲，周圍搵糖水鋪，見到尖沙咀有間門面正正常常都唔差既糖水舖，點知入到去用apps叫完，糖水普通到不得了，仲有一碗係好淡好稀，叫左魚蛋燒賣，黎到個樣好似清水煮完比包豉油你自己落咁，7仔叮果D都好食過十倍，不過都唔緊要，都算叫做放得落口，價錢唔係貴，唔好比太大期望。但係重點係服務差到呢，叫幾次都唔認，明明聽到都扮聾就咁係面前行過，真係忍唔住講粗口，咁既服務加上咁普通既食物，開到係尖沙咀真係不得了，老闆請到D咁既員工真心慘

完全係因為食物個樣先入嚟食，門口排左十幾個人，間內好細得廿個位左右，番檯都快既，但係清潔枱個張布有啲味道😅😅叫左個朱古力窩夫，好的骰好似個番梘咁大，但係好食嘅再黎多個桂花糕芋圓，好靚仔但係無味😅😅

呢間我覺得係一間好正宗嘅廣東式糖水舖，佢買嘅都係我哋食開嘅芝麻糊啊，合桃露啊，紅豆沙綠豆沙，薑汁湯圓，番薯糖水等等，都係以前細細個食開嘅，呢幾日我食咗兩次呢間糖水舖，總共試咗三樣嘢，第一樣係桂圓馬蹄爽，第二樣係蛋白杏仁露，第三樣係蜜餞腐竹糖水。桂圓馬蹄爽同埋蛋白杏仁露我覺得都好有水準，糖水最緊要夠熱！至於腐竹糖水就正正常常啦。我鍾意以前啲腐竹糖水啲腐竹仲有一片一片。桂圓馬蹄爽 - 34蚊蛋白杏仁露 - 42蚊腐竹糖水 - 30蚊價錢實惠！

尖沙咀甜品舖唔算多，多數都係西式甜品店，想食親民價中式糖水店選擇唔係好多😅呢間甘之季節有好多傳統中式糖水好似紅豆沙、蕃薯🍠糖水等等，又鄰近K11附近非常就腳🥰而且全木系裝修好有台灣小清新感覺，可以打下卡扮文青😚📍楊枝甘露 $42 🧃🥭楊枝甘露都算幾足料，有滿滿芒果肉🥭、西米、柚子粒，食落甜而不膩😋📍桃膠椰汁西米露（熱）🥥 $35熱既桃膠椰汁西米露香氣誘人，椰汁味道非常香濃，加上養顏恩物桃膠，岩哂女士們🤤

天時暑熱, 真係好想食啲冰涼既野呢間甜品店位於：尖沙咀堪富利士道6A號地舖係K11行完街想搵地方坐下見到呢間甜品店入面都坐滿人，應該唔錯，一於入去試吓！店入面裝修簡約，整體都好乾淨我地點左最多人叫既芒果綿綿冰同芋圓桂花糕涼粉😆⭐️芋圓桂花糕涼粉呢個比較特別，出面好少有咁既配搭，桂花糕好清，好香桂花味，芋圓係用左台灣芋圓，所以更加Q彈，好好食，加上唔會好甜，岩晒怕甜既朋友仔！⭐️芒果綿綿冰綿綿冰好綿密，有陣陣芒果奶香，食落透心涼，食到底有啲白色好似麻薯既粒粒，口感好特別！.總括嚟講：我覺得呢間甜品店都唔錯既，雖然地方唔算大，不過佢有個吧枱，另外成個設計都令人感覺好Chill,食物方面都唔錯，價錢方面合理，黎打下卡或者抖下都唔錯👍🏻