甘の季節

营业中

休息中

其實入一間甜品店，真係都唔係坐得耐快交枱今日同朋友食呢間野，啲野黎到食緊，突然有人行埋黎想我地埋單，真係好愕然我地照埋單，個侍應仲話唔係趕我地走喎，但朋友話另一個侍應企係到望住我地食（因出面有四人等枱），但我地前後都只係坐左十五分鐘，又唔見得佢追早我地既人埋單先？後面兩枱一枱日本，一枱泰國，侍應同人傾計勁開心，簡直合乎Hello HK既形象。真心唔知呢間野係咪唔休做香港人生意？定驚香港人會走數？見好多人話有女人成日罵員工，唔知係咪講短髮四眼女人，見佢話入面開到音樂好大嘈嘈閉😂😂其實真心唔覺得有咩咁嘈囉最後走喇，因我地被逼提前埋單，當然係直走啦！朋友走最後，有侍竟然用普通話問我朋友埋左單未，朋友當然勁不客氣話你地逼左我地埋單啦😂莫講佢呢間野食物只算一般，價錢偏貴，仲要咁既服務，真係早執早著呢間野唔會有下次

諗住食完飯同朋友食糖水，之前食過覺得唔錯，推介朋友食尼間3個人各嗌左一碗糖水，點知糖水上左5分鐘，重食緊，出面有客等位，即刻叫我地埋單，明明隔離枱（旅客）早過我地黎+ 5個人食2碗糖水唔催人但催我地埋單走，男侍應重話唔係催我地走，但隔離女侍應已經做出收碗動作，完全bad feeling.15分鐘後食完行出門口，另一位女侍即刻用普通話問我地俾左錢未😑對旅客服務態度就勁好，對普通客人就…體驗太差，再冇下次

前兩日同朋友行尖沙咀，突然想食糖水，於是就嚟咗甘之季節哩間糖水舖試一試喇～😋❤️我哋試咗佢哋嘅桂圓馬蹄爽同花生腰果合桃糊。桂圓馬蹄爽有濃郁嘅桂圓香味，爽滑嘅口感同馬蹄嘅清甜真係一絕！至於花生腰果合桃糊，口感濃郁順滑帶住多重香味。😋❤️糖水係香港嘅傳統美食，甘之季節嘅糖水真係保持住傳統味道，用料新鮮，味道濃郁。不過就係要留意啲糖分，唔好食得太多啦！❤️‼️

留意番 依間野真係唔駛食都可以夠晒飽因為你可以由入去開始就一肚氣我地一行4個人由頭到尾無任何要求 入座無人帶唔緊要餐牌無打算比我睇都算啦野食唔得掂問係邊度比錢 仲要比人話無腦我唔知原來而家個員工做得唔好被老世鬧鬧完之後佢心情唔好就可以將情緒轉嫁比個客其實間店既男員工 廚房既人都無乜問題最大問題係果個垃圾既女員工俾個無腦既鬧無腦先至令人最嬲🖕🏻

只係食完飯搵個糖水食，無諗過咁都要比人鬧。我地4個人一入去，無人係門口，見到吧台有4個位，問左ok就坐低。坐低左無人比menu，唔緊要；我地擰去後面自己拎。因為我坐係出菜位隔離，個紥辮女侍應一直係隔離出菜，有幾下唔知佢要望廚房啲咩，個人挨落黎我度，都算。之後我地埋單，我朋友都係揚一揚張單叫一句「埋單」，個紥辮果位女侍應就話：「埋單係果邊呀，門口果度呀，呀小姐！呢度出菜架！用下個腦都知唔會係呢度埋單啦！有無腦架？」我聽到佢講嘢就即刻啤住佢，可能佢自己都心虛啦，後來越講越細聲。買單嗰陣我忍唔住同埋單嗰個侍應哥哥講：唔該叫你同事客氣啲。我發誓以上說話我完全無老作，亦唔係打手，因為我真係好嬲，嬲到要即刻上黎打comment。如果你要質疑我有冇喺度食嘢我可以話俾你聽，我地張單食左$158，食咗兩個芋圓桂花糕涼粉，一個椰汁涼粉西米露，一個椰汁芒果西米露。之前再睇吓人哋啲comment原來條女唔係第一次鬧人。出嚟打工唔理你老闆點樣樣鬧你，你唔係攞啲客嚟出氣囉。由頭到尾，我地都諗住拿拿臨食完就走，對個女侍應講過既只有「4位」，「埋單」食品黎講，中規中矩，價錢都中等。但如果個女侍應仲係咁，都唔洗旨意有回

一行幾人堂食完順便想加多張外賣單帶走，點知惡夢就開始….. 一開始我直接搵待應落單，佢就叫我自行嘟QR code 教我揀外賣就得，當時佢望住我撳機撳到去入信用卡資料個頁，由於個app落外賣同堂食會有啲唔同，外賣可以選擇自行輸入credit card 同email資料直接pay埋落order，咁我order完就收到email話我的訂單已成功提交，銀行信用卡亦出現此payment record，但一直等等等都未等到外賣出現，咁我地就詢問員工外賣嘅進度，點知佢地就一句撻埋嚟：「我地無收到你張order喎。」不斷表示佢地只跟系統做野，系統無就係無，咁我地嘗試展示電郵訂單及信用卡付款記錄，但當時幾位員工都扮聽唔到，完全無人再理我地，無視我地嘅詢問，之後當我地再次要求佢地可唔可以搵人跟一跟張單或者搵到位有決策能力嘅員工幫幫手，有位疑似比較資深嘅女員工就行嚟，一嚟就質問我地：「你地用咩落單呀？俾咗咩錢呀？你地張單未俾架喎」我地再三解釋唔係堂食order有問題而係仲差一個外賣未到，甚至示範一次點樣經佢地個app 直接俾錢叫外賣，佢望都無望到，完全唔聽客人講罰，仲冷嘲熱諷：「哦 原來係你地自己無啦啦俾錢

/甘の季節🇭🇰/#sa尖沙咀篇 #sa甜品篇 ➖➖➖<文青風中式糖水店🌸> ➖➖➖呢間店前身係一間越式文青cafe 已經無做 轉手變成一間中式糖水店 環境風格都無點變🤣食物方面主打中式糖水 都有主食 最近都有綿綿冰🍧 消暑一流～亦都好岩做飯後甜品🫶🏻➖➖➖1️⃣芒果綿綿冰 $90 Size 適合兩人share 芒果肉份量算幾多 內外都會有 芒果醬會稍甜啲啲 果肉大粒啲就更好✨面頭有Oreo 碎做點綴冰都keep 到唔會好快溶 亦都食到芒果味～冰嘅口感偏向實在 另有士多啤梨味🍓➖➖➖2️⃣芋圓桂花糕涼粉 $40 之前其實都係想食佢😆整體甜度適中 有四色芋圓 份量較桂花糕、涼粉少但口感煙韌！ 幾鍾意個口感~ 茶味都幾出桂花糕q 彈幾清香✨➖➖➖3️⃣楊枝甘露$42夏天最岩食✨😆呢款都唔太甜 入面有西米、芒果粒同西柚碎 都幾足料～➖➖➖4️⃣蛋白杏仁露 $42稀稠度岩岩好 正常水準🫶🏻蛋白都唔會好鞋～ 杏仁味幾香濃 唔會食到成口粉 ➖➖➖📍甘の季節 @amainodessert 尖沙咀堪富利士道6A號地舖

尖沙咀想搵糖水食，行過見到間清新木系裝修甜品小店，又見門口餐牌有綿綿冰🍧朋友點了杏仁露保持正常水準，而天氣開始熱喇，我就覺得是時候食冰冰！🍓綿綿冰不是有很多配料的，但旁邊還有一些曲奇餅碎入口多了份層次感，而且，入面還有一粒粒白色麻糬，還加了花奶，食到尾都仍然很美味。▪️杏仁露 $35▪️草莓綿綿冰🍓$90✿ ✿ ✿ ✿ ✿ ✿ ✿ ✿ ✿ ✿ ✿ ✿ ✿ ✿ ✿ ✿ ✿ ✿ ✿ ▫️ 甘の季節 (尖沙咀)📍 尖沙咀堪富利士道6A號地舖✿ ✿ ✿ ✿ ✿ ✿ ✿ ✿ ✿ ✿ ✿ ✿ ✿ ✿ ✿ ✿ ✿ ✿ ✿

呢間開左冇耐嘅甜品鋪飯後時間經常都full house，今日一早黎到避開人潮，店舖小小，裝修簡約木系feel，menu都有頗多選擇，今次叫左芋圓桂花涼粉 $40，色彩繽紛，有四色芋圓，口感都幾煙靭，綠茶味最濃烈，桂花糕都有陣陣嘅桂花味，涼粉好爽滑，幾樣嘢加埋一齊食，感覺清新涼快🥰美味指數🍽：8/10 環境指數📸：8/10整體表現💜：8/10CP值指數😎：8/10

係尖沙咀同朋友仔食飽飽又想傾多陣？食個甜水就最岩啦～最近見到有間新開嘅糖水店成日行過都未有時間試下, 難得今晚時間尚早, 就拉埋個朋友一齊試下! 小店除左有中式糖水仲有西式甜品, 有凍有熱, 有傳統亦有新派, 岩哂唔同年紀嘅朋友仔!⭐桂圓馬蹄爽車車揀左熱嘅桂圓馬蹄爽, 食落爽脆清甜幾足料, 帶淡淡嘅桂花香, 甜度適中幾好食⭐紅棗雪耳糖水岩岩嚟完m就要食番d紅棗糖水補補去, 味道清甜滋潤⭐糖不甩口感煙煙韌韌好軟糯, ,沾埋花生芝麻碎更滋味⭐芒果綿綿冰新推出嘅綿綿冰勁大個, 芒果味道香甜, 沙冰質感綿密, 口感清爽, 入面仲有一粒粒軟綿綿嘅糯米糍, 口感極為豐富

🌟餐廳：甘の季節📍地址：尖沙咀堪富利士道6A號地舖💰價位：$50以下⏰營業時間：星期一至日15:00 - 00:00📱電話：54190634尖沙咀堪富利士道新開咗間甜品店，想試好耐啦～今晚早收工又一早食完晚飯，可以慢慢散個步再食甜品😬走小清新風，裝潢簡約，好岩幾個女仔坐底傾計歎甜品。———————————————————🔹 草莓綿綿冰比起一般綿綿冰口感會較綿密，味道好似食緊草莓糖咁，面頭有OREO碎，圍邊仲有木糠碎，都幾有層次。———————————————————🔹 芋圓桂花涼粉好得意既組合，芋圓Q彈，桂花糕清香、桂花味濃，底層仲有好多爽滑涼粉。———————————————————🔹 蛋白杏仁露口感順滑充滿杏香，蛋白滑嫩，份量都唔少，熱食特別滋味。———————————————————🔹 朱古力窩夫賣相可愛，朱古力忌廉甜而不膩，窩夫酥脆惹味。———————————————————

🧇尖沙咀 小清新裝修甜品店草莓棉棉冰朱古力窩夫🧇之前成日經過堪富利士道的一間甜品店，裝修風格係小清新嘅風格，唔講以為係一間Cafe，以白色為主感覺舒適，最近推出了綿綿冰，呢幾日感覺開始熱 tea time 時間去了試一試🧇朱古力窩夫 $25朱古力窩夫個樣幾得意，好似支雪條咁，上面舖滿朱古力忌廉，仲要幾滑如果朱古力味再濃啲就更好，窩夫係幾酥脆口感，估唔到嘅係價錢都幾抵食🧇草莓棉棉冰 $90草莓口味的棉棉冰口感棉密整個都充滿草莓糖的味道，中央放入了麻糬粒粒增加口感，旁邊仲有好多曲奇餅碎一齊食更有層次📍 甘の季節 (尖沙咀)尖沙咀堪富利士道6A號地舖

食完晚餐就喺尖沙嘴附近搵間甜品鋪食下一餐鋪面乾淨同裝修好靚但芋圓桂花涼粉味道一般桂花糕無咩味涼粉硬硬地少少清甜 但有d單調花生腰果核桃糊幾好食幾香加左西米一碗份量剛剛好唔駛等位

一家人去呢間嘢食糖水,我就叫咗個腐竹糖水,未食過啲腐竹糖水可以係乜嘢料都冇,又甜到死；另外妹妹叫嘅杏仁茶係酸嘅,另外叫番薯糖水同埋糖不甩都係超難食,成家人都話呢間嘢難食

呢間新開甜品鋪位於尖沙咀鄰近A出口地理位置相當方便無論係中式糖水或新派甜品都一應俱全最近仲推出咗好吸睛嘅綿綿冰好適合嚟緊嘅炎夏食🔸芋圓桂花糕涼粉 $40呢款廣東甜品幾特別，比較少甜品鋪有呢個配搭。芋圓口感Q彈，桂花糕有淡淡嘅桂花香味，口感滑嫩清新。涼粉有爽口嘅口感，食完有清涼感。🔸椰汁芒果西米露 $40椰漿鮮香純正香濃，糖分均勻，唔會太甜。，而芒果嘅清新果香令人耳目一新，西米Q彈有咬口，口感更加豐富多樣。🔸芒果綿綿冰 $90芒果味道非常突出，香甜爽口，質感柔軟，鮮果味道十分濃郁。冰沙綿密柔滑，芒果醬香濃醇厚，仲配有糯米糍。呢個甜品質地綿密、口感清爽，係夏天消暑嘅好選擇。