影片
电话号码
60302985
营业时间
今日营业
15:00 - 00:00
星期一至日
15:00 - 00:00
以上资料只供参考，请与餐厅确认详情
搵到一間甜品店舖位於天水圍嘉湖銀座、這間《甘の季節》整間店面比起一般糖水感覺靚好多🤔、佢嘅裝置我覺得唔錯、色澤柔和坐着食甜品都幾好😚、款式都算多選擇有糖水、甜點、飲品、沙冰、小食等！芋圓桂花糕涼粉 $43呢一款甜點都好豐富配答特別😯加咗份小丸子係入面、芋圓色澤配埋桂花通透好靚😍、整個煙糯加清香軟綿桂花糕、多重口感都唔錯！朱古力窩夫 $26草莓窩夫 $26呢兩款窩夫賣相都睇得吓😍、上面配搭不同配料🤔、朱古力味帶點香甜軟綿滑口、草莓清香配粒粒脆口感、加埋窩夫香噴噴啖啖咬口好正😋！糖不甩 (6粒) $29呢一款地道美食糖不甩🤔、都有好久冇食過只係好簡單、做到都好好食糖不甩、上面放咗芝麻、花生碎、沙糖等、令到粒粒口感入口煙糯好好食😋！熱蛋白杏仁露 $39呢一碗蛋白杏仁露白叨叨散發香噴噴味😚、整碗入口啖啖軟綿蛋白😋、配埋杏仁露香甜好夾、整個我覺得係呢個乾確天氣、飲番碗夠哂滋潤☺️！楊枝甘露$41呢一碗楊枝甘露金黄色賣相、色澤鮮艷好吸睛🤤、飲到入口散發清香味😙、啖啖粒粒西柚口感芒果香甜味道、整碗嚟講味道都好好味😋!燒賣(6粒) +$15呢一份燒賣街頭地道小食、望見冇乜特別🤔、食到入口啖啖香菇味😚、又有啖啖豬肉口感😋、加添埋佢嘅豉油汁令到味道更加美味！
继续阅读
天水圍糖水鋪真係唔多，之前在尖沙嘴食過這家糖水店 - 甘之季節。原來銀座開左間新既😋同樣有招牌的芋圓桂花糕涼粉供應。🔸花生腰果合桃糊在花生合桃糊基礎上，加入腰果，沒有合桃的苦味，口感順滑，超香超濃郁，溫暖又滋潤，看似樸素又十分養生。🔸芋圓雪糕楊枝甘露三色芋圓 +橙黃色的芒果，顏色鮮艷食慾大增。芋圓QQ軟糯。楊枝甘露， 裡頭有不少大塊大塊芒果肉，白柚肉，西米和椰漿，而花奶或鮮忌廉的部份，就用了高級雲呢拿雪糕去替代，相當聰明而有效做法。🔸草莓窩夫新鮮即製，牛角包窩夫上層鋪滿 草莓忌廉絲滑，有加入cream cheese，味道濃郁。美味的驚喜。🔸蒸牛肉球傳統而懷念嘅味道，小時候食的牛球裏面有好香陳皮味道， 上枱時附上一包喼汁 (是牛肉球嘅靈魂呀~）🔸蒸香菇豬肉燒賣高質，啖啖肉有咬口無肥膩感，有細心配埋辣椒油。🔸糖不甩除左用花生粉及砂糖，亦都加入了炒香的白芝麻，椰絲和花生粒，增加了口感和白香味。每款甜品還可以加配小食， 燒賣牛肉球糖不甩等，飽足又balance。一邊食一邊都見到好多人嚟，買外賣糖或者 外賣平台外送單。佢1130pm last order，不過如果再做夜多少少應該會吸引到d後生黎👍🏻行行下覺得凍凍地，在銀座搵個地方歇歇腳，食少少野。這裡是一個不錯的選擇。
继续阅读
中秋假期同屋企人去天水圍銀座嘉湖商場呢間甜品舖試吓，大家去食湯圓團團圓圓😝😝一心係想食湯圓，但係原來呢間糖水舖嘅食物選擇非常多，款式非常豐富，而且價錢唔貴，平均二十零蚊就有一碗，當然亦都有一啲貴價少少嘅譬如綿綿冰等等，但係綿綿冰可以幾個人share嘅🤩桃膠芋圓涼粉 (10/10)- 好好味！ 材料非常豐富！😆😆甜度適中！糖不甩（10/10）- 同朋友一齊分享，一人一粒！😻😻蛋白杏仁露 （9/10）- 呢客糖水比我想像中多蛋白！一啖杏仁露一啖蛋白，正！🥰🥰花生腰果合桃糊（9/10）- 好香合桃味😝😝好滑！有熱有凍！岩大眾口味！朱古力窩夫（加配湯圓和雪糕）（9/10）- 呢個窩夫好好味呀！估唔到窩夫上仲有厚厚的朱古力慕絲，我地加咗湯圓和雪糕，加配的材料係分開上！芒果綿綿冰🍧（10/10）- 呢個必食！ 好多芒果肉！好多Oreo 碎！夾埋一齊好好味😻😻香菇豬肉燒賣（9/10）- 呢個就不過不失！正常燒賣味道👅🤣 有甜品加配價$15/6粒😊😊我哋仲有好多甜品未試呀，要得閒過嚟試吓😍😍甘の季節 (天水圍)天水圍天恩路12-18號+WOO嘉湖一期地下G86A號舖
继续阅读
未到新年已經開始不斷的食煎炸食物、火鍋、燒烤, 又乾又燥熱, 剛好看到有家糖水舖, 立馬去滋潤一番! 店內裝修簡潔柔和, 甜品、飲品種類多選, 還有咸點小食呢! 椰汁桃膠芋圓 ~ 桃膠超大粒, 芋圓很煙靭, 椰汁味很香, 一口一個滿足! 花生腰果合桃露加湯丸 ~ 超多種口感, 很香、很滑、很濃, 堅果味十足, 入口順滑, 加上芝麻湯丸, 層次太豐富! 糖不甩 ~ 點糖水便可以優惠價享用一客, 同樣的軟糯又滑, 椰絲、花生很香, 很滿足! 朱古力窩夫 ~ 雪條般的造型, 賣相一流! 窩夫香脆, 朱古力 CREAM 很香濃綿滑! 香菇豬肉燒賣 ~ 點糖水便可以優惠價享用一客, 作為燒賣 FANS 的我, 必點!牛肉球 ~ 沒有濃濃的羶味, 不錯!
继续阅读
【元朗區】【甘の季節】食完飯過大西北做嘢，當時唔太肚餓嘅情況下就搵咗遇星哥食糖水。嘩，不過喺天水圍要搵間甜品店都唔容易，我就喺嘉湖一期呢邊見到呢間有啲日式風情嘅甜品店，咁就梗係要試吓。入到去咁啱有位就坐低咗，覺得佢哋裝修幾簡約，店員嘅服務態度又好。遇星哥試咗 $37 嘅「芋圓桂花糕涼粉」，上菜嗰陣睇佢個樣冇乜特別，芋圓地瓜圓配啲桂花糕咁。但遇星哥話好好食，啲桂花糕好清香咁話。我就試 $39 嘅「蛋白杏仁露」，我呢碗就熱嘅，杏仁味好出，蛋白亦都好多同埋好滑，冬天食呢碗可以話係甜入心。我見佢哋有牛角窩夫食，試埋個 $26 嘅「朱古力窩夫」，個窩夫本身焗得好香，啲料又勁滿，一個唔小心就會食到周圍都係，我見隔離枱有學我點食，哈哈。遇星哥都話唔夠喉，佢就試多個 $52 嘅「芋圓雪糕楊枝甘露」，我有試啖，係正嘅。埋單 $154，咁抵。。。（地址：天水圍天恩路12-18號+WOO嘉湖一期地下G86A號舖）
继续阅读