甘味讚岐手打烏冬

营业中

休息中

某日中午, 跟同事外出午飯, 因原來心儀的食店已滿座, 左看看, 右看看, 見這店內還有很多空位, 也不理會「伏」不「伏」, 先坐下再說好了.因為天氣太熱, 我點了一份明太子漬角切魚生飯($70)配凍檸檬茶, 另再多配一份天婦羅蕃薯($8).大約10分鐘, 點的食物上桌了.挺大的一碗, 飯上面鋪滿了魚生, 配上紫薑片和沙律菜, 樣子貌似不俗. 只是, 我不懂為什麼要把沙律菜放到碗裡面...先嘗一下魚生, 雖然樣式挺多, 但是感覺有點不新鮮, 所以...最後吃了一半也就「放下」了.另外, 多配的天婦羅蕃薯, 味道一般, 沒有一般日本蕃薯的甜味...沒有了要再來的感覺...可惜了.

叫二人餐。炸蝦係返熱既，咬到第三啖都食唔到隻蝦，炸粉厚過我面皮！二人餐入面包魚生過壽司，當然魚生唔新鮮係必需啦，係超級市場質素，三文魚直情唔敢食。佢地menu話自己出名烏冬，就完全無口感。杯青蘋果梳打係綠色糖漿藥水，痴線！另外加個個清酒煮蜆仲癲，無酒就蜆食五隻三隻有沙。食到以為自己咬碎自己隻牙。燒鯖魚，就得面頭有七味粉味，入面完全無味。我呢世未食過咁難食既日本料理唯一正常既係杯麒麟啤酒正宗浪費食物

話說今日要番學諗住去CWB打定肚，走左上去皇室堡甘味試下。見到餐牌知道呢度主打係烏冬但之不過下晝已經食左麵，所以叫左個飯餐。冇預期蠔會好出色但唔想食豬扒，所以㨂左吉列廣島蠔定食，而餐飲就叫爽滑涼粉冰(雖則有啲怪)。我嘅選擇係超錯！碗麵豉湯打開以為係白蘿蔔湯，係冇味嘅。碗飯七成暖又章埋一舊🤨，吉列蠔都幾難食，蠔冇期望唔評論，但個粉漿真係不得了，炸到外面硬到C😟至於杯涼粉冰真係不敢恭維，完全冇味嘅😥至於稍為正常係沙律嘅青瓜絲同蟹子😲

餐廳環境不錯，服務人員很好！因為有帶BB，有什麼需要都會幫忙。食物整體不錯，牛舌烏冬入口即溶，想吃小辣人士很推薦！鹽燒鯖魚真心推介，點醬汁就無腥味！食物份量都剛剛好一人一份。

係銅鑼灣返工，搵食真係唔容易，一係貴，一係就無位。皇室堡有幾間餐廳價錢中價，又通常都會有位嘅，其中一間就係甘味烏冬店名有讚歧烏冬，所以我通常都係叫烏冬，午餐都有飯可以選擇。今次試鹿兒島簿豚肉烏冬，$68，仲有95折，銅鑼灣黎講算係好抵啦。黎到個樣同相都幾似，無中伏！都幾好味，溏心蛋夠溏心，豚肉都滑，湯底都ok!午餐配飲品，咖啡奶茶柚子蜜都可以架，唔洗額外加錢。朋友叫蕃茄烏冬，湯底都幾濃幾好味！埋單每人$65，抵呀！

以前甘味的門外總是圍著人，但後來烏冬店愈開愈多，就難免有所比較；今次在皇室堡吃晚飯，看到甘味不用等位，而且已N年沒吃過，現在分店又少了好多，就再試試啦～店內坐位不算寬落，而且和隔離枱也頗為接近，典型的兩人方枱；這次點了兩款烏冬，小食及兩款飲品，豚肉烏冬 - 肉的份量很多而且不會太薄，肉質也不鞋吉列豬扒烏冬 - 炸粉不會太厚，也不會太乾雞翼 - 超細隻，除了雪味，就只有面的幾粒鹽味....不建議叫 （照片看似好大隻，但其實只有約兩隻手指多的寬度）提子梳打 - 正常味道青蘋果荔枝梳打 - 只有青蘋果的酸味，沒荔枝味就烏冬的口感來說，丸龜會比甘味的彈牙，甘味的會稍為硬一點；不算差但還有進步的空間。

一年一度工展會又到，適逢聖誕假期，緊係要同屋企人去行下由下午行到天黑，大家都行到攰，想搵地方坐低食野，最近就係維園隔離既皇室堡喇。上去行左個圈，發現間間食肆都要排隊等位，唯獨呢間唔洗等，就入去試下睇完menu都見幾多選擇，我就揀左吉列豬扒烏冬，要蕃茄湯落單之後好快就有得食，烏冬熱辣辣，正呀蕃茄湯底有兩年蕃茄，顏色就夠，但食落味道稍為淡左d，無乜蕃茄味。烏冬就淋左d，我比較鐘意食彈牙烏冬，而豬扒就脆卜卜，好味不過好熱氣價錢就每人大約六十幾蚊，冇野飲，貴左少少，不過假日再加上係銅鑼灣區，都可以接受啦

今日想食烏冬。見到呢間日本野，有出名讚岐烏冬食。一於就試下去喇！唔洗等好耐位就可以入去喇！😍被安排了坐卡位，環境都幾闊落，幾好坐。唔錯！有好多種類既烏冬俾你揀！今日就揀左下蕃茄濃湯底食。仲揀左吉列豬扒試下喇！另外仲有啲追加優惠。可以用優專價叫三文魚壽司，一啲小食咁。我就加了三文魚壽司喇！仲叫左刺身同炸雞軟骨食！黎到喇！刺身都唔差，正常size,食落都ok新鮮！ 炸雞較骨就一般般，可能本身都無咩肉食，所以食落口都好似食炸粉咁，食到好細粒既雞軟骨。個蕃茄烏冬反而有驚喜。湯底好濃既蕃茄味，酸酸甜甜咁，連埋個湯一齊吃。好好味！吉列豬扒亦炸得幾好味。肉質不會太老。炸得剛剛好。沾埋沙律醬吃！唔錯！👍

係銅鑼灣食晚飯除左貴，仲要有排等位。呢間甘味每次黎都唔洗等位，地方夠大唔洗搭枱，環境唔會太嘈，食物款式多，價錢又唔貴，所以一諗唔到食乜好，就求其黎呢到食。每次都會食佢嘅烏冬，雖然無乜特別，但每碗$5x-7x真係算抵食啦。以前會幾喜歡佢個蕃茄湯底，不過慢慢覺得普通湯底好似仲好味。豬手烏冬，$60好抵食，仲可以加$15有杯梳打，佢個青蘋果梳打都幾好飲。另外再加一碗燒青魚，但味道一般。之前試過佢嘅炸雞軟骨，除左舊炸粉大舊，肉同軟骨就得丁丁咁多，唔太推薦。

好久冇去皇室堡食飯，去完GU行街，就順便上去食飯。唔想食米飯，就揀左食麵。環境舒適，又唔駛等位。發現都幾多完化，除左烏冬，多左好多小食。仲發現原來甘味係別府集團的。自己落單都幾funny。天婦羅拼蟹柳蕎麥麵($64)蝦十分小，炸粉多。好多海苔，麵底都幾大份，可惜太稔。柚子蓮藕餅($38)幾fresh，係中式店食過，唔知原來放係日式店一樣得，藕餅夾住肉碎炸，不錯，可惜柚子味不夠濃，已向店員加了柚子鹽，如加柚子醬dipping會更完美。

儘管GU開業一陣子，人潮卻未減退，為了去GU朝聖，我與男友已筋皮力盡，不願多走數步路，索性在皇室堡的食肆挑一間吃好了，最後選了很久沒吃過的甘味。吉列豬扒蕃茄湯讚歧手打烏冬素來是我的最愛，可是這次在各方面有點失望。先談主角吉列豬扒，它的外層炸得不夠金黃，色澤偏暗，我心知不妙，果然它炸得過火，乾巴巴的，一點也不酥脆。而且內裡亳無肉汁，硬邦邦的，好不易咬。蕃茄湯頭方面也不見多好，雖然色調紅透極了，可是不像其色般濃郁可口富蕃茄味，淡淡的味道。烏冬的彈牙度則合格，沒有被湯頭浸得軟爛。至於男友則選擇滑蛋豬扒二十穀米釜飯，始終男生比較重米氣。配菜粟米沙律作開胃小吃，不太特別。二十穀米釜飯採用多種穀物米飯煮成，除口感豐富外，亦比較容易飽腹，加上滑蛋汁使米飯不會過硬，方便入口。滑蛋豬扒的肉質相對吉列豬扒厚實嫩滑，外層較鬆軟，不過略嫌外層少許油膩，宜再處理好一些。

因為肚餓於是乎去咗食呢間，但係食完就覺唔係好抵食， 仲發現到會面入面有條百潔布絲，衞生認真麻麻😅😅 叫咗兩個嘢食一個係肥牛溫泉蛋烏冬另一個係吉列芝士豬扒配蕎麥麵，唔知點解兩個個湯底都有一隻鹼水味，特別係蕎麥麵公仔鹼水味好重，唔多接受到，講咗個溫泉蛋肥牛烏冬先， 雖然啲牛肉好重牛肉味 ，但d肥牛好孩，好干，難入口，第二碗蕎麥麵，份量都幾多但係好重鹼水味，以前啲唔好淋， 不過個炸豬扒作非常好食， d芝士雖然唔多但係入面魚子，卜卜聲唔錯， 不過食食下晝見唔到條百潔布斯喺度好核突😲😲😲

上一次光顧此店已是一年多前了，今次湊巧經過便光顧一下。二人胃口都不太好，少吃點好了。點了粟米沙律但忘了拍照，粟米蠻香甜的。平日我是不吃炸芝士年糕的，又油臆味又膩，這次試了一件，沒有油臆味，而且感覺不油膩。蒸蛋質地較結實，略嫌不夠滑。壽司不錯！中規中矩的，所以不作評論了。蕃茄餃子有點驚喜，正失望著原來蕃茄餃子只是多加一碗蕃茄醬汁，吃下去才發現肉餡也有少量蕃茄，淡淡的蕃茄味令餃子添加了一份新鮮感，不太喜歡重口味所以就沒有點蕃茄醬汁了。飲品方面比較吃虧，荔枝梳打太多氣了，有點嗆喉，而且荔枝味不夠。相反，柚子蜜就太甜。

銅鑼灣皇室堡的甘味讚岐手打烏冬,環境ok,食物1般,同朋友去食飯,環境有落地大窗對正維園....正餐廳不是太多人,我點了海蘚烏冬,1眼望落,感覺非常豐富,懷著興奮心情食野!蝦天富羅,係勁林,食落味係好淡,機本上可以講係無味!溫泉蛋,𤉋過火,而家變左𤉋熟蛋!碗烏冬,湯味淡,而烏冬都係好麻LO!1夾即溶開,我真係唔知佢放左幾耐,先拎出黎!飽碗麵只係和暖!希望可以改善下午

下午同老婆出銅鑼灣買野,經過皇室堡見肚餓,就食呢間甘味。之前去過幾間分店,食物質素同服務都好好嘅,但嚟過呢間之後,我對呢間甘味改觀。下午茶時段,叫左個帶子炒飯,牛肋蕃茄湯烏冬。帶子炒飯,普通一碟炒飯而己,無乜驚喜。跟住個牛肋蕃茄烏冬。。湯底非常“傑”一試,湯底太濃張menu又無寫係濃湯,點解會傑撻撻嘅??。。。另外個蕃茄湯太酸,酸到入唔到口,就算濃湯都唔會好似漿糊咁啦最後叫左杯熱水成杯倒哂落去先至叫入到口。仲有。。啲蕃茄係爛嘅另外店員服務態度都幾差,除左落單果下,叫佢攞杯水,同叫野飲,個店員好似好唔耐煩咁。。。客人嚟食野仲要睇埋你面色???真心想同佢講:唔想做就唔好做啦,轉行啦!總結係以後都唔再嚟