甘棠燒鵝

营业中

休息中

環境：就係南華會個保齡球館隔離，有啲吵，一邊食嘢一邊聽住出邊啲碌ling聲衛生：基本都合格，唔會話肉眼可見有邋遢嘅污漬食物：燒鵝賣相可以，但係鵝肉韌咗些少，唔係好入味，醬汁應該有花生醬，好彩個人對花生唔過敏

燒鵝過得去，價錢唔平，但係冇想像中話特別咁好食，因為嚟得比較晏，所以剩下可以選擇嘅部位唔多，有機會會嚟試多次！白切雞就霖得滯，唔係好夠火候，應該就係冰鮮雞嚟！皮蛋都OK，幾開胃！

甘棠燒鵝老闆是已故鏞記酒家第二代掌舵人甘健成的堂弟甘焯霖，他請來前鏞記燒味主廚棠哥出山，主打傳統燒味。2019年在南華會1樓保齡球場旁營業。是夜掹衫尾有得食，菜單如下甘一刀叉燒鹵水生腸鹵水墨魚涼拌海蜇脆皮乳豬一隻仙鶴神針秘製燻鵝一隻拼燻雞蛋陳皮蒜子蒸班腩豆腐底甘棠小炒王金銀蛋莧菜肉絲炒麵甘一刀，是選每一件豬肉的分佈，前端肥肉，然後半肥肉，最後是全瘦。甘一刀是切了肥肉和半肥肉，烤得發焦，再一大塊一大塊斬出來，這部份的肉有限，要吃這道甘一刀，得預訂。甘一刀叉燒鹵水生腸鹵水墨魚涼拌海蜇脆皮乳豬一隻仙鶴神針秘製燻鵝一隻拼燻雞蛋陳皮蒜子蒸班腩豆腐底甘棠小炒王金銀蛋莧菜肉絲炒麵燒鵝例牌

環境：整體都算OK，冷氣夠力，地面乾淨，比起一般茶餐廳好啲食物：叉燒好味，肥瘦相間，肉質豐盈，燒鵝就係真係有啲普通，作為招牌反而冇叉燒好食，建議改名做甘棠叉燒好過服務：都唔會太差，基本都跟到足

趁住去大球場睇波，特登幫襯呢間出名燒鵝專門店試吓點好味，打開餐牌，發覺價錢天花板，一碟清炒時蔬都要$138碟，1/4隻燒鵝下庒收220。於是2人不如叫2碟叉燒、燒鵝雙拼飯試吓算數，見例湯$18 一碗，就問夥計今晚例湯是甚麽，回覆是西洋菜煲牛鞦魚，於是叫了2碗，首先講食物方面，燒鵝普通，四圍都吃得到，不值咁貴，叉燒就不磡，又乾又柴，好失敗，碗例湯尚可，吃完，諗住只此一次，不會返頭，於是出舖面埋單走人，心諗$220 可以，怎知要$386 ，細看張單，嘩！乜每碗例湯收我$90嘅，2碗共$180 ，有冇咁亂嚟呀，細問之下，佢解釋話晚市無例湯，但餐牌卻有例湯$18碗，只有燉湯西洋菜牛鞦魚湯4-6 位，每盅$730 ，所以就屈我每碗收$90 ，真係亂咁嚟，成個飲食業比呢啲害羣之馬搞彎晒，我拒絕支付，我話我清楚同侍應講是$18 的例湯，不是你所指的無標價的例湯，所以我只付例湯$18 一碗算數，唔收就報警解決，誠哥有云，君子愛財，取之有道，希望飲食業同儕要有誠意去做生意，飲食業才不會走下坡。

甘一刀叉燒真係一定要試，係我呢幾年食過最驚喜嘅叉燒！脆皮腩仔，肉眼可見非常一般，毫無特色！甘棠懷舊金錢雞，個個推薦都話好好食，我就真係食唔慣！招牌燒鵝，失望至極，食得出都唔係當日新鮮燒嘅！

個個都話個酸姜皮蛋幾好味，話係招牌菜嚟，仲話係流心皮蛋，結果一試其實就同超市賣果啲冇乜分別。最失望嘅都係燒鵝，假假哋都係招牌嚟點可以差成咁，啲鵝肉韌到咬唔郁！唯一好食嘅都係叉燒，不過太肥膩！

餐廳就在保齡球場旁邊，出品應該係屬於比較舊派嘅粵菜，本來就係慕名佢哋嘅燒臘同埋鹵水去打卡，有啲失望，乳鴿有啲腥，鹵水嘅味道冇果種鹵水食材時間沉澱嘅味道，最好食果味居然係碟菜心

要我嚟打分嘅話十分應該可以打到6-7分，先講燒鵝，食材食得出係靚鵝嚟嘅，考慮到成本鋪租，收得呢個價錢絕對係無可厚非，但係醬汁就有啲食唔慣。叉燒就略微肥膩咗少少，基本食一啖已經唔想再夾第二舊。同行有內地嚟嘅朋友，根據佢講法就係呢個level嘅出品係絕對唔值呢個價錢。

店內面積不大，睇啲裝修風格就係似一間老字號嘅店，人雖然唔少不過好彩唔洗等位，老細就叫我哋幾個搭台，本來想影相不過坐得咁逼就費鬼事影。兩個人點咗燒鵝拼叉燒，叉燒肥瘦相間口感偏甜，不過唔係好油膩，燒鵝皮夠脆但係肉好鞋，個人推薦叉燒多啲

朋友外國返嚟，話想食燒鵝，諗唔到有邊一度，海港集團，朋友話已經食咗好多次，咁就帶佢試下出名嘅甘牌燒鵝，最後朋友覺得個燉湯好正，燒鵝反而普通，好傳統，比較肥少少，如果鍾意食傳統燒鵝嘅，就會喜歡，餐廳餐牌唔多款式揀，但係侍應們好有禮貌，朋友有兩個小朋友，小朋友覺得有保齡球聲，跟住喺度食嘢好得意

齋聽個名就知道呢間係一間以燒鵝聞名嘅餐廳，今日專程嚟一試究竟！整體感覺都係可以嘅，餐廳環境同其他茶餐廳差唔多，出品唔會話特別驚艷，不過價錢就有少少貴，有啲菜品甚至係其他茶餐廳一倍，個個都極力推薦叉燒，個人覺得麻麻，我偏向燒鵝，呢個招牌叉燒實在太肥膩，食唔慣

食呢餐真係唔容易，爬咗好大段斜坡先搵到，就係間保齡球館裡面，嚟嘅時候已經過咗繁忙時段，所以人唔多。網上都話叉燒同埋燒鵝係必點，叉燒味道可以，肥瘦適中，分量剛好夠。燒鵝本來想點下莊不過冇晒，剩下嘅都係啲比較鞋嘅部位，味道都過得去，不過唔算得上話好味。

講真，嚟得甘棠肯定就係為咗馳名全港嘅燒鵝而去，不過真心麻麻哋。環境雖然唔係話好豪華，不過裝修都幾企理，服務都唔錯，就係燒鵝嘅出品弱咗少少，唔入味，皮又唔夠脆，啲肉汁水又唔係幾夠！

一坐低個夥計就不停催促咁問我哋飲乜，我話我哋睇陣菜單再決定，一臉好唔耐煩咁！例湯味道可以，不過如果搭配燒鵝食我覺得會有少少搶味，燒鵝有啲鞋口，啲醬汁好鹹，如果主食唔係配白飯嘅話會好油膩！