甘永泰魚蛋 (已結業)

去到長洲不可能不到甘永泰一轉, 一嘗魚肉釀豆卜的美味...$15串好貴, 而且3號風球都仲要排隊, 好彩都係排左5分鐘攪掂...終於到我啦, 點知一食... 凍O既... 好想叫佢番炸但係又會無炸老左...覺得你收我行我$15串, 點都有番d似樣俾我食啦, 唔好因為做起左人氣搵到錢就可以亂黎, 不知所謂無下次

記得小時候來長洲遊玩，臨落沙灘之前大人們總會買一大盒甘永泰，預備餵我們這些化骨龍；玩沙玩水玩得累了便跑回雙親那處討魚蛋吃，好不天真愉快。男友在稍早之前吃過大大粒的魚蛋，對那些濃濃的口味沒興趣，反而在旁買了較為親切的甘永泰。近幾年甘永泰都與時並進引入了不少其他口味的丸類，但我的目標只有一個：魚蛋。平日我不喜歡吃魚蛋，唯這兒的較得我歡心，一串五粒的魚蛋細細粒，爽滑彈牙，帶點魚味又帶點胡椒味，完全沒有我怕的粉粉腥腥之感，味道是挺好但平均要三塊錢一粒，值不值得就見仁見智了。

飯後第一站，我們來到甘永泰魚蛋，為的，當然是美味的魚蛋啦～不過今日小妹就不食魚蛋，改食魚肉釀豆卜啦～一串五顆魚肉釀豆卜($15)，細心的用紙把串串包好，食的時候也不怕弄髒～魚肉釀豆卜炸得鬆脆非常，而魚肉則十分彈牙，不用蘸醬也很夠味~ 小小得一串當然不夠啦，但一次過也不能多吃～因為魚肉釀豆卜是即點即炸的，熱騰騰，多吃會熱氣呀～師姐們點了大波波魚蛋跟普通魚蛋，她們說，味道也不錯~

長洲多魚蛋食就緊咖啦，但係依一間賣既魚蛋係即刻炸既，食落彈牙又好香甜，就算冇醬點都好好好味。 另外仲有炸豆卜魚肉，咬落我就覺得豆卜乾左d，但係魚肉就好有彈彈地牙，變有咬感。 因為呢間好多人，基本上一炸完就交手俾客人，所以間店都好好咁俾左張紙黎吸油!

長洲第一站，朋友們都話要去食魚蛋先落船行去廣場，門口已經有好多人，店家簡單在店外放不銹鋼架賣魚蛋，款式好多我買最原始嘅大粒魚蛋，$10一串兩粒，好彈牙有魚味，唔會好咸，簡單就已經好好味！店員陪姐好爽手！快靚正！

在復活節假期到長洲，人多到淪陷了，不過我真的很長時間沒有入過長洲這離島。聽說這裡有大波波魚蛋，還聽說甘永泰的是最好吃。作為一個小小食家，無理由唔排隊試下，淪陷都係咁話。其實未行到甘永泰之前，都見到其他地方有大波波魚蛋，原來到處也是，但也堅持食呢間最多人排隊既﹗魚蛋沒有傳言那麼好吃，只覺一般，不過又有朋友說很多人是買一大袋回家吃的。還有墨魚丸算是好吃，不過未至於非吃不可，吃後也沒有大印象。

每次去長洲必定會整返串黎食，真係遊客既恩物，每次都排曬長龍，想食就要睇下你有冇毅力係陽光下排下隊。其實排隊時間唔會太長，因為店員好快手碌完一串又一串。今次，一落船就黎排下隊，叫左魚肉釀豆卜$15，墨魚丸+三角形魚蛋，蝦丸$20。其實每次到長洲覓食既都係黎黎去去都係個幾款，大魚蛋，糯米糍，芒果甜品。魚肉釀豆卜$15 係三串入面最出色既，不得不讚用紙巾包住可以滴下油同唔洗弄髒手，個豆卜脆到卜卜聲，但魚肉就熱辣辣，差啲熱親個咀，唔會有醬汁點着吃，但經已好夠鹹啊。真係好熱氣，不過做小食真係一流。墨魚丸+三角形魚蛋  墨魚丸有原粒墨魚，好彈牙，但炸後略嫌太鹹。三角形魚蛋都好鮮味，爽囗彈牙的。蝦丸$20  算是最貴的一個，味道不突出。小食的價錢算中等，但三種也偏鹹，油膩一定有，因為是炸的，其實可以一試，不過唔洗太大期盼。評分7.5/10

復活節紅假第一日趁熱鬧入長洲～～～ 哇～ 真係好。熱鬧！ 人多到呢！！ 在碼頭勁勁多人排上船排隊，在長洲勁勁勁多人排隊買野食！近乎每一小店都要排😅我地排左10多分鐘（唔算耐）就買到😆✌️雜丸$15 咩都有～（都係第一粒最好食）大魚旦$10 ～ 好彈呢間係彈牙d~所以排都係值既😳🙈我地食完～條排隊龍長到呢🙈🙈🙈多過我排時一倍（好彩姐😂）

長洲賓客人數多。多數人客。。。係咪因為領滙啲商場倒模出黎。尖咀旺角銅記又開滿金鋪藥房。香港人假日要敗走外島。呢個復活節竟然 日日都幾萬人黎呢個小島。而我係其中一個。咁當然每個人入長洲都有唔同既目標。賞櫻。燒炭。曬太陽。又或者好似我咁食野！落船第一站梗係食個大魚蛋先啦。食大魚蛋梗係食甘永泰啦。排一陣就有整番個魚蛋花先。叫左四款分別係大魚蛋。墨丸。蝦丸同炸豆卜。大魚蛋夠大。當中空氣成份唔少。魚蛋鮮味彈牙。一定要襯熱食。唔係會縮水同巢皮。墨丸彈牙之餘仲有好多墨魚粒粒加強口感。蝦丸係睇你好唔好彩唔係日日有。可惜胡椒粉落得太多。蓋過左蝦既味道。炸豆卜反開黎釀。豆卜炸得香脆。要加老麥雞翼醬。你可能會話炸丸姐有乜咁特別。除左成個長洲都賣之外。最緊要食緊魚漿唔係粉漿。係唔會食到成口都係粉既感覺。

長洲另一個必食就係大魚蛋。去左2日，日日都食，你就知有幾咁好食啦！2日係2檔唔同鋪頭買，但始終都係甘永泰係最好食，我自己覺得其他買大魚蛋既鋪頭都係係甘永泰到入貨HAHA因為係一D鋪頭個到買佢地既魚蛋食，一食就知佢係冇解凍直接煮，雪水味好重，好明顯唔新鮮啦！我以前又好，依加又好，我食咁多次，甘永泰既魚蛋從未出現呢個問題。入正題啦！！我係個到食左大魚蛋 墨丸 蝦丸 同 豆卜個個。因為佢全部丸都係即叫即炸，我建議唔好即刻食。先講大魚蛋，佢既魚味好重，有鮮味，唔會似街市買個D好重粉味，好彈牙，真心食到係打出黎既魚蛋，10蚊2粒，不妨試試啦，呢個VERY GOOD！！蝦丸啦到，去咁多次長洲都係第一次食，好似唔會成日有，睇你個好唔好彩，蝦丸唔係成日有，真係有佢既原因，佢蝦丸既味同平時個D有分別架，雖然咸左少少，但同大魚蛋揮得住，如果佢都整到咁大粒，我覺得都冇得輸。呢個VERY GOOD！！墨丸係好個人既最愛，佢呢隻比平時既彈牙同鮮味，但唔及得魚蛋同蝦丸咁有驚喜，但因為係我自己最愛所以我都覺得幾正，呢個就GOOD啦！豆卜個個水準有D下降，可能係佢入面魚肉唔夠多，搞到成串野有D淡，如果有汁點下應該會好

年初三入長洲行山前掃小食，緊係去最長龍既魚蛋鋪。條隊長到幾間鋪，20，30人排緊，雖然好快買完散，但不停有人排，長有長做。有雜款，又有大大粒魚蛋。一般各串 $15。大大粒魚蛋兩粒只係$10。一行四人試左四串，加每人一粒爽魚蛋。蝦丸彈牙爽口，墨丸比平時既更有味。魚蛋同魚蛋片都特別重魚味。鯪魚丸有少少魚腥，不過都接受到，而且都比較彈牙。最正當然大大粒魚蛋啦。又有魚味，又大粒又爽彈。熱辣辣好好味。仲有魚肉讓豆卜，豆卜反開反讓魚肉，所以炸得好香脆，而且食落唔膩。

甘永泰魚蛋@長洲甘永泰既大魚蛋絕對是長洲最知名的食物，附近亦有不同種類的魚蛋，包括有曾上TVB 100強美食的時來食坊(可參照本人食評)等等。但是甘永泰始終是最多人排隊。魚蛋為香港最具地道食物，小販可以＂篤魚蛋＂，河粉麵也少不了魚蛋。而甘永泰魚蛋總是吸引不少人＂遠征＂攀山越海到長洲試試新鮮魚蛋。店外環境到長洲時，天氣並不太好，現在香港的藍天白雲的日子越來越少。走了大約5分鐘，我們到達甘永泰門面。首先看見紅紅的招牌寫上甘永泰5個大字，而且有幾個大舖位。再之後看見＂只此一家＂證明太多同行與其競爭。而幸運的是，今天人比較少，沒有以往排隊的人龍。記起往時，有機會要排30分鐘。進到店舖，首先看看招牌大魚蛋，再看看其他一串串不同種類的魚蛋，包括墨魚丸，八爪魚丸等等。我們最後決定試試大魚蛋以及自家制魚蛋。我們對此期望亦很大。魚蛋即叫即炸，大約等了2分鐘，魚蛋終於到手。甘永泰的嬸嬸總會體貼地將紙巾包住魚蛋，＂索一索油＂，服務態度亦非常友善。甘永泰的魚蛋大多是以油炸製作，所以＂索一索油＂就能令油膩感降低不少，更能突出魚蛋的鮮味。甘永泰店內並沒有座位，所以要站在門外食。可以說是有更多香港＂篤魚蛋＂的風味吧

...................................好多人丫，個個都買番幾串食試下先這間的墨魚丸雖然炸得十分香口，但是味精太重了我需要飲大半支的飲料先可以解到渴又唔甚麼特別好食或沒甚麽特別唔好食只係一串普通的墨魚丸

This place is known for giant fish balls.  They are a well known snack on Cheung Chau and after being told that I couldn't go to CC without trying them, my wife and I got a stick each.The ladies at the stand were friendly and got the balls in the oil quickly.  After taking our cash, they sent some hot fish balls our way.  They were nothing special.  They had no sauce and therefore, tasted of almost nothing.  They were innoffensive, but bland.  The outside had a satisfying pop to it upon biting i

入長洲第一件事去試甘永泰魚蛋，阿姐推介自製手打的白魚蛋，魚味濃彈牙爽口。反觀所謂的巨型魚蛋是來貨，得個大字可以不試！買了白魚蛋，墨魚丸及蝦丸BBQ﹐一盒$70唔平呢！三者中依舊白魚蛋最出色，墨丸亦香咬落墨魚粒滿滿，蝦丸則普通，但整體當然比街市貨出色不少！