甘潮潮式甜品焗飯專門店 (已結業)

朋友叫左個唔知咩榴槤something, 好好食wor! 唔係講笑, 我唔好榴槤都覺得好食真係不得了. 然後我個香蕉西米露好令人驚喜. coz 我smell 香蕉時覺得好生, 但食落又甜wor. 仲有d 西米大粒到好似椰果咁, 但又ok wor! 未試過食糖水食得咁開心. 下次再試其他野先~~有一次再去發現冇開, 幾驚已經執左...

晚飯過後,與友人同行搭車番歸,經過呢間甜品店門口,望入去全店橙色為主,加上黃燈,感覺有點warm,友人隨我視線望去,立即不停大數此店威水史,又乜乜明星常客,又點點唔食過訓唔著,比佢講到飽都變餓,立即仆入去食飯後甜點,其中友人極力推薦"榴槤焗布丁",小弟本身又好此道,明知耐都要order,等野食期間周圍望,哇,果然明星合照貼到周圍都係,同友人邊望邊講,4,5個字之後,主角終於出場,雖然大熱天時,但係見到0的煙都覺得香噴噴好正,但係一食之下,發覺竟然平平無奇,可能之前友人吹得太厲害,感覺有點像玩跳樓機,其實布丁完全不難食,可能.....朋友講多了可能.....自己想多了可能.....明星太多了.........

食烏冬後, 好想食甜品. 在海防道邊行邊想地點. 又唔想去新港的foodcourt. 唸住去亞士厘道踫踫, 原來這裏有間甜品店(真out! )甜面幾光鮮, 橙色燈箱令氣氛幾醒神. 晚飯已吃, 所以對意粉飯無興趣. 只點了清心丸蓮子紅豆沙及清心丸蓮子綠豆邊. 這裏用的是厚邊白飯碗, 外形幾新穎, 感覺幾"潮", 加印象分!! 男友的紅豆沙煲得有點起沙, 蓮子鬆化, 我鍾意!! 我的則包括了我所喜愛的食材, 清心丸啦(好鍾意那口感), 蓮子啦, 和綠豆邊. 但綠豆邊有點硬, 要用點力去咬, 但幸好, 我寧願有咬口多過淋身的. 食完好滿足!!!會再去多次的!!

食左個xo醬蝦球炒菠菜麵, 好好味d蝦好新鮮, 唔錯唔錯另外叫左個醬爆雞球炒一丁都幾好味, 炒得好好, 但好spicy~ >_<飲左杯strawberry 多多, ok既, 但又未至於好好飲最後食左個blue berry布甸, yummy~總括來講, 都真係幾好味下次會試焗飯因為見到隔離枱叫左個焗飯好香~ hee~不過都有少少貴...

食完晚飯仲黎左呢度食甜品..好鍾意個裝修，橙色比人一種好精神的感覺一打開，見呢度好多特別的甜品見人地食的主菜都好似不錯啊叫左個楊枝甘露..好味..唔會太酸又大碗仲叫左個麥提莎奶皇丸...都幾特別..但我覺得太甜..同埋其實有少少唔夾服務好好..成人有人幫你加水個洗手間都好好如果一班人黎可以坐梳化..不俗哩

今日我朋友叫左我去甘潮eat糖水...我本來都唔知eat咩好...但係有個伙計推介我eat焗布丁...跟住我咪eat囉...等左好耐...好耐...中意有得eat喇...好香好滑..唔錯...nexttime我會eat下其他野...個伙計真係冇介紹錯...哈..

同朋友去搵野食.....就去亞士厘道....未試過甘潮~~佢果個<xo蝦球菠菜麵>好好味啊....d甜品都好好味,就好似我食過果個<甘潮露湯丸>....大家經過尖咀一定要試下....佢d waitress服務都唔錯....起碼有笑容...

呢日我地睇完邊城，行行下來左呢度。呢間野都幾多明星來開飯喎，好似周麗淇呀，鄭嘉穎咁。個類似老闆娘的女人幾好招呼，猛話ｄ野好食，其他員工的服務態度就差ｄ。由於時間太晏，所以個個都食甜品，我地就食飯。我地叫左個芝士叉燒飯同蜆肉意粉。叉燒係日式既，好多芝士汁，個蜆肉意粉好香，少少辣，都幾好味幾有創意。但係呢間實在太貴，如果可以平多10蚊就好啦。

Alot of the a la carte stuff was sold out,so ordered fruit tea and spinach noodles in XO sauce with prawn.The portion of the noodles was quite small, but had about 7 big prawns so that was quite OK, however a bit expensive for 68 dollars with an extra 10% on top.The fruit tea was disappointing though, because it tasted more like warm orange juice, and the tea wasnt clear.

十二月廿三日晚聽完音樂會打算搵野食, 都唔知食咩好, 平時lunch成日都係附近食飯, 唔想放假出到黎又係食番果D野, 我話去亞士厘道, 但黎到又唔知食咩好. 見到呢間野新開, 於是是是但但就入佐去, 我地叫佐個蜆肉意粉, XO醬蝦球菠菜面, 馬碲沙清心丸, 同芒果奶皇丸. 呢度D野真係幾好食, 食完之後心情都好番少少. 尤其是個芒果奶皇丸好好食, 雖然好貴, $21得三小粒, 但食過之後好似上癮咁, 想心思思返黎再食過.不過呢度既服務有待改善囉, 淨係叫斟水都要叫四次先至真係有人埋黎斟, 真係完全唔掂. 同埋D座位鬼咁窄, 行都行唔到咁濟. 雖然呢度D野係好食, 但如果服務質素同環境唔改善下既話, 就算幾好食D人都未必會返黎幫襯.

佢地搬o左過阿士厘道~尋晚同朋友過o黎食甜品~ 我叫o左個椰汁芒果馬蹄露，朋友叫o左個澳門木糠布甸~椰汁芒果馬蹄露- 基本上就係馬蹄露+ 芒果+ 椰汁~ 無任何特別，不過仍可入口澳門木糠布甸- 呢個就見朋友食得好辛苦囉~ 要好似食雪糕o甘慢慢刮…太實太硬喇！朋友食o左幾啖就忍唔住要我係度同大家講聲~ 當然最後係無食晒啦~

玫瑰花麥精湯圓$35芝麻湯圓用麥精做湯底再加玫瑰花...感覺好清新好特別湯圓幾好口感麥精就好似一盒紙包麥精咁玫瑰花瓣自問好out, 無諗過玫瑰花可以食得, 食落好幾新鮮咁ar三種咁簡單材料加埋, 效果好新鮮, 雖然價錢本人覺得貴d, 但就一定值得一試

試咗個釀雞翼,入面係粉絲、冬菇絲、黃芽白...好濃南乳味,所以比較鹹.不過唔係好食到雞皮/肉.不過不失啦...另外之前試過幾種dessert,有個好似叫桂花麥精雪蛤膏,真係聽個名都知怪味.另外有店員落力推介的炸糯米糍(芒果/麥提莎),芒果不錯,麥提莎則吃不出是什麼味.藍莓焗布甸,味道偏淡.其他潮式糖水不錯,但稍甜.有時太特別並不一定代表好...值得一讚是店員都很熱情=)了

lee個焗飯幾好食....另外朋友叫了個泡菜肥牛炒飯....味道一般...另外跟餐個款糖水太甜....p.s.lee度上野既速度比較慢....於是我問佢點解杯熱檸茶咁耐既...佢竟然答我拉緊茶....

今日去尖沙咀食lunch。度度都好多人，見呢間細細間好少人，個menu都ok咁就入去睇下啦。點知真係令人極度失望!! d人做野效率真係超低，我叫個lunch (泡菜肥牛炒飯+飲品+甜品，凍飲加3元，要$4x)。我一路做自己野一路等佢上菜，個陣時間舖得幾個客，一半已經係食完係度傾偈，咁我諗住應該好快會上。差唔多半個鐘後我開始唔耐煩，個飯仲未到，但我見隔離個客早過我到都仲未催，同埋我自己又唔係真係好趕時間，咁我就費時催佢啦。跟住好啦終於上菜，點解係個不知名意粉，我同個waitress講唔係我既，佢個樣好唔信我咁去check左幾次單。但我入黎就係為左食呢個飯，一定唔會叫錯，而且我唔鍾意食意粉，所以我堅拒唔要。跟住又係等，照理做錯左俾客係咪要盡快補番個飯俾人? 但唔知佢點解又要搞咁耐(個時己經無乜客)。好耐之後佢終於俾左個飯我。個waitress就係放我枱面一句道歉都無就走左。咁都算，但佢無俾匙我，我真係唔知點樣食? 食落去個飯真係普通過唔普通，我相信我屋企炒真係5分鐘就搞掂，又唔駛焗，真係唔知佢點解要花咁耐整一個咁既飯。食完個飯，到甜品，又係等。隔離有人等唔住連個甜品都無食就己經走左。係椰汁