甜入心 (好運中心) (已結業)

勸大家，無咁高EQ都唔會幫襯呢間糖水店！今日Happy Friday本應應該好開心，但因為呢間店舖既服務太惡劣，首先，等位既時候已經等左一小時，本應以為糖水應該好快食完好快走得，我同朋友叫左每人一碗糖水，等了大約30mins，我同朋友個兩碗糖水都未黎，但發現隔離枱遲過我地坐低d糖水都早過我地黎，原來侍應將我地碗糖水比左隔離枱，其中放錯既一碗因爲隔離枱無order，最後比返我朋友，但仲欠我一碗糖水，事實上係個侍應將我個碗糖水放錯隔離枱，之後催左好多次，侍應都話d糖水整緊，但個時已經晚上11:45，糖水店12:00就關門，難道要我用15mins既時間食一碗糖水？我同朋友都要趕車返屋企，而且無諗過一碗糖水都可以整咁耐，終於知道點解當初喺門口要等咁耐，原來呢間糖水店d糖水出得咁慢，最後因爲要趕車所以好火同侍應講cancel我個碗，但侍應堅持我碗糖水已經整好就出架啦，當時我朋友已經食完碗糖水，侍應就局我將糖水打包，我好人接受了，但心諗：我買外賣既話唔洗同朋友等1.5hrs，以後都唔會再去呢間糖水店，就算碗糖水有幾好食都無用，咁差既服務，唔夠人手做野不如唔會開門做生意！經過今次之後唔會再幫襯呢間糖

這晚因為食晚飯唔夠飽，但又因食飯地方啲嘢唔多啱食，所以無再叫其他嘢食，索性埋單揾過其他嘢食。但埋單後又唔多想食返啲正餐，所以俾我諗到食甜品食飽佢，而且有機會可以試吓成日經過而又無幫襯過嘅甜品店。入到去地方光潔但坐位好逼，今日天氣都好凍，但一入到去佢哋可能通風無開，所以好焗吓。睇完餐牌叫咗芝麻糊及朱古力窩夫。先講芝麻糊，感覺像沖粉的，味道一般，可能間舖啲客比較少點這類甜品，所以比較無咁出色。而朱古力窩夫賣相ok，但食落窩夫唔夠熱，朱古力雪榚唔好食。兩樣加埋就變得唔好食了。而價錢方面正常價，如果有機會再嚟的話，下次可能會試佢啲布甸產品。

今年香港天氣寒冷日子較多，冬日吃一些暖烘烘的甜品實是滿足！我在沙田的甜入心甜品店選擇了兩個養生甜品，就是燕窩蛋白燉木瓜和椰皇燉鮮奶湯丸，絕對是很適合女士養生美顏之品。店鋪內擺設很舒適，而且更有自助水果茶，很適合與朋友相聚暢談。椰皇燉鮮奶湯丸 $48原個椰皇上枱，立刻就嗅到甜品椰皇香味！每一口也吃到嫩滑又暖胃鮮奶，鮮奶香味很重，內裡更有些西米，一口爽一口嫩滑，雙重口感。而湯丸更是黑芝麻，既香濃又煙韌！吃到一半分量，我更挖出椰皇肉，慢慢咀嚼，椰皇肉除了有椰香味道，更吸收了鮮奶香味，感覺很滋補。燕窩蛋白燉木瓜 $55淨看甜品名稱已經覺得很滋補養生，哈哈。木瓜香味撲鼻而來，原來熱食時口感很軟綿又香濃！木瓜表面更鋪有燕窩和蛋白，如一口吃到三種食材，就吃到三種口感（木瓜的軟綿、蛋白的嫩滑和燕窩的清爽）！蛋白也是暖烘烘的，口感很滑很香濃。而甜品師更放了一碗蛋白和燕窩在旁，大家更可自行再放到大瓜上吃用。此時，你也想吃一些暖烘烘的甜品嗎？

朋友約好了請我食甜品。聽他說這間不錯就決定在這兒坑一坑他的錢吧 哈哈😎飯後時間最多人，店內座無虛席，不過等位不算耐。但我見店員手忙腳亂地出出入入，等候號碼都搞亂晒，應該好累了😰。由於店內太迫，全部都是人，環境實在太嘈。我點單時是朋友做中間人傳遞店員訊息，而我回答店員時係嗌交咁嗌出聲😂😂😂本來想叫榴槤冰，但是店員說剛好賣晒，真的很可惜呢😭。之後我決定叫椰王布丁。布丁有自家製嘅味道。充滿蛋香和奶的細滑，焦糖也不苦澀。甜甜的配上椰汁有意想不到的合拍。仲有一些啫喱，那個我倒覺得一般吧。可惜個啲椰肉完全刮唔到。我朋友是男的，仲要是運動健將，都沒辦法刮得出。可想言之有幾硬😰😰這個龍顏大怒（龍眼椰果冰）我偷食了幾口。椰奶同我點的一樣正。雪糕和啫喱都還好啦。整體來說幾好食。由於環境太嘈。我同朋友大家都聽不到大家😂😂食完都好快走了。

係太古食完晩飯諗住食糖水，入咗間中式糖水舖頭。哇一碗普通芝麻糊都成四十蚊喎！我當唐打咗個突呀！梗係唔食啦，留返去屋企附近係糖水舖好過。冬至當日，都夜晩十點幾竟然唔洗等位。睇返個 Menu 即開心晒，起碼價錢合理，唔會俾人當水魚咁擋囉。冬天食樹記腐竹薏米小丸子 ($26) 就啱晒，熱辣辣又潤喉。雖然無雞蛋好似差咁啲嘢咁，不過有煙煙韌韌嘅小丸子補返數。香草黑糖綠豆沙加湯丸 ($19 +7) 仲好食，無腐竹薏米糖水咁甜添。綠豆沙嘅份量勁多，好豐富。另外加咗份芝麻湯丸，一份兩粒。冬至食湯丸就夠團圓啦。

尋日同奶奶老公一齊去咗沙田行街，夜晚食完飯就去咗搵糖水舖諗住食甜品。泊車嘅附近搵到呢間小店就入去啦。呢間糖水舖店仔細細，不過裝修都算唔錯，俾人一種溫暖嘅感覺。喺門口嗰度有一個自助添飲區，係提供免費嘅英國水果茶，味道就十分之淡，冇乜特別。我哋三個人分別叫咗三個甜品。我叫左個番薯桂花王子👇🏻其實味道一般，我就鍾意佢夠薑味，甜度可以增加少少，最可惜就係唔夠熱👎🏻老公就叫左一個芒果雪花冰👇🏻樣子平平無奇，不過就合乎預期，都算唔錯啦至於奶奶就叫咗一個芒果出浴👇🏻其實佢係芒果肉加芒果沙冰，下半部份就係椰子肉，同埋用椰子水做嘅啫喱做底，呢個最好味👍🏻三條友食咗＄119，算係價錢合理。不過冇乜驚喜所以去到沙田下次都唔會醒起有呢間小店。特別一提係服務員嘅態度，我覺得麻麻地，講嘢唔係望住你，禮貌一般。👎🏻👎🏻

今日工作經過沙田， 食完午飯之後 ，覺得天氣乾乾燥燥，想食啲嘢滋潤一下。路經呢間甜入心，見到門口裝修粉紅色感覺好溫暖，立即吸引了我入內。平日下午唔算多人， 入去即刻有位坐，一個人仲可以慢慢食。環境非常舒適餐牌我個人好貪心，一眼已經睇中冬天滋潤既椰皇燉奶， 另一邊又想食再補身啲嘅 榴槤班戟，就一於叫曬兩個啦~桃寶燕窩椰皇燉奶 (熱) $59 - 用料相當充足，滿滿的鋪滿曬成個椰皇面， 一上枱時熱辣辣， 一啖入口 ，鮮奶非常嫩滑，加上燕窩一啖暖入心，又滋潤又養顏，冬天滋潤甜品非佢莫屬! 100% 榴槤pancake $42 -真係100%榴槤肉放入個pancake, 冇溝任何其他嘢。啖啖榴槤肉，對我呢個榴槤控非常滿足。 榴槤屬正野，香氣撲鼻，入口香甜，今次真係夠晒補~ 最後仲有免費英式茶比你飲，淡淡地清清口都幾好~下次要黎試下新餐牌，紫薯系列望落都相當唔錯~

秋意正濃，令人想食碗暖暖糖水滋潤滋潤是日在沙田晚餐後，走到好運中心的「甜入心」食糖水。講到滋潤，當然要點一個椰皇鮮奶，重點是她加入了桃寶及燕窩桃寶即桃膠，能潤燥，有助通便，加快排出體內多餘廢物！而燕窩則美顏，兩者都是女仕恩物滿滿桃膠及燕窩之下是香滑燉鮮奶，鮮奶奶味濃郁，口感軟滑！除了滋潤還是滋潤，食完即時變漂亮男友則點了芒果出浴，光是賣相已甚得年輕人青睞。甜品上層用上呂宋芒果，果肉鮮甜非常，配有有咬口的小丸子及芒果汁。下層其實就是椰青啫喱，由椰青水做成啫喱清新解膩，與芒果出奇地配合！兩款甜品埋單不需$100，價錢貼地，難怪每天人full house

跟朋友食飯，吹水唔夠喉當然下場去食糖水啦，但又唔熟悉沙田邊度有得食糖水，後來問人介紹左來呢間甜入心。雖然舖面座位唔係好多，但環境都舒服。菜單的甜品選擇也不少，呢個芒果綿綿冰好colourful ，見到都好開心

晚飯後 10pm 左右過到嚟都已經乜都無。『雞蛋布丁』... 無！『榴槤 pancake』... 無！好啦，我哋最尾叫咗『焦糖布甸撻』同埋『芒果吐司粒粒山』。其實本身係想點三個甜品架，但係佢叫乜都無，揀無可揀啦。。。『焦糖布甸撻』用咗小湯匙裝住，一啖一粒，方便進食。而且味道剛好，唔會太甜。『芒果吐司粒粒山』真係推到成座山咁高，食到好飽。另一抵讚嘅係佢落咗好多芒果醬，所以唔會最後得返啲乾淨淨嘅吐司粒。另外有個開心大發現，佢嘅 menu translation 都幾特別～  『雞蛋布丁』VS 『焦糖布甸撻』：大家都係 pudding，但點解一個係『布丁』，另一個係『布甸』？究竟有乜分別呢？另外嘅『吐司粒粒山』，英文翻譯為 ”Baked Toast Hill”，笑咗！

工作過後又未到晚飯時間但又肚空空的, 行過巴士站旁發現有這間甜品店, 正好讓自己竭竭腳鬆一鬆; 餐牌選擇不少, 除了甜品也有窩夫及吐司等小食, 不過一見到有榴槤甜品, 當然是第一選擇啦! 其實餐牌上榴槤的選擇也額多, 見餐廳主打都是椰皇, 那就選推介的榴槤飄香椰皇子吧! 椰皇上枱時摸摸它, 很夠凍, 才發現原來內裡裝的不是椰水, 而是用椰水製成的果凍, 加入水晶珠及椰子雪葩, 當然還有主角榴槤, 口感很豐富, 滿足了貪心的食客; 可能因為是凍食, 上枱時榴槤味不太強, 不過一放入口即時滿口馥郁,  榴槤肉很夠香味, 質感也新鮮, 不會很鬆散, 吃到最後還有椰皇肉可吃, 想不到偶然經過這裡會發現新驚喜

每次來到甜入心，椰皇燉鮮奶湯丸是我的至愛，椰皇是天然食品用滑滑鮮奶燉，未吃已經感覺養顏，甜入心的西米是頗有咀嚼口味，我喜歡這種感覺，配埋皮薄充滿芝麻香的湯圓，是我必吃的甜品。芒果吐司粒粒山（芒果雪糕、焗吐司山、芒果醬）送玫瑰茘枝凍飲這款午後套餐~~~美味又飽肚的下午茶，送埋三款凍飲任揀其一，我選擇玫瑰茘枝凍飲，很有美麗妃子的感覺，撲鼻而來是玫瑰花香，茘枝味道有也很清新，很配合這個季節的特飲！芒果吐司粒粒山有芒果雪糕做粒粒山的山峰，是食得又睇得的雪山，練奶和芒果醬像溶化的雪，舖滿吐司山，大大粒吐司焗得香脆可口，我們分享後，又來一次美人照鏡了！雖然有外賣優惠，但我喜歡安座店鋪，欣賞甜入心很不錯的裝置。恭喜，實至名歸！依照有免費自助英式果茶提供，但免費朱古力噴泉則暫停了！

食完晚飯當然要去食甜品啦，去到沙田新城市廣場附近見到有間地舖糖水舖叫做「甜入心」，門口都有好多人喺度等緊位，我哋兩個就入去試吓。入到去好舒服，因為餐廳嘅裝修好似草原嘅感覺，而且顏色以粉紅色為主，女仔一定好鍾意。店員好快就俾個餐牌我哋，而且服務態度好好，好Nice。係等糖水之際，我哋見到近門口嘅位置有個「自助花茶機」，有啲頸渴，即刻斟兩杯來試吓，飲落去好清香嘅花茶味道，而且唔甜架，開胃同埋清熱氣之選。餐牌上除咗甜品之外，仲有唔同款式嘅吐司，我哋就叫左一個「煙肉吐司」share食，大約等咗唔夠15分鐘就有了。賣相已經好吸引， 吐司好香脆，而且面頭上面好多配料同埋木魚，遠處都聞到好香嘅味道。吐司切開成四份，一啖咬落去除咗有好香脆嘅麵包糠口感，同埋香濃嘅番茄醬煙肉味道，仲有淡淡濃郁嘅芝士同埋木魚，而且唔算太熱氣，值得一試。食完熟食之後，我哋每人都叫咗兩份甜品試吓，朋友就叫左「大連榴槤pancake」同埋「OREO薄荷奶昔」，我就叫左「燕窩燉木瓜」同埋「侯爵72心太軟」。新鮮嘅「燕窩燉木瓜」，等左大約10至15分鐘就已經有得食，木瓜半個上，中間裝住燉奶同埋燕窩，而且額外仲有一個碗仔裝住同等份量嘅

同朋友行到肚餓，緊系想穩野食啦，但我估吾到朋友戴我去依間食，一開始仲唸緊食甜品點夠飽，但點知原來入面都有幾款熟食，有意粉個d，真系冇得輸，個次我就系食完個意粉，再食返個甜品朱古力雪花冷，雖然意粉吾系話勁勁勁好食，但都吾差，個甜品都幾好食

屋企嘅老闆們向來對甜品好有要求，甜品又唔可以太甜。路過沙田見到食評話呢間小店的甜品最好，於是買咗一個招牌椰皇布丁一試。屋企嘅老闆一食就大讚，布丁奶味香濃，甜度適中，椰汁啫喱清甜可口，椰味十足，大老闆愛不釋口。俾左啖啫喱細老闆試，跟住就不停開口要食。好味嘅原因就係真材實料，甜而不膩！個人覺得如果個布丁份量多d就好啦！