甜品叔叔

营业中

休息中

成間舖頭， 空無一人 ，我們一行三人, 個個高大威猛，彪悍身形， 自然想坐得舒服啲 。店員 告訴你三個人只可以坐張四人枱， 我話成間舖頭淨係得我一台客都冇得揀 ，佢話轉頭會 好快坐滿， 要留返啲 大枱畀客人坐 ，由於過份嘅擠迫 匆匆吃完便結帳走人 。到我哋走都係入多兩個人 哪裏來的高朋滿座 。 至於食物質素 雪糕好細舊 芒果 冇味 椰汁西米 西米未煮熟透 椰汁份量好少， 好似水溝 另外芋頭河粉 廚房 有少少良心， 都唔會有啲咁嘅出品 。永久blacklist。

諗住食飽就去食個甜品，經過呢間甜品店就試下。我地分別叫左芒果冰，楊枝甘露配豆腐花，白芝麻湯圓。白芝麻湯圓有小小特別，食落好似食緊花生粒咁。最衰係楊枝甘露既豆腐花，完全係硬既，係豆腐布丁多過係豆腐花，而且味道淡

今日係旺角食完公司飯 飽飽滯滯散下步行行下去到太子我又食得落啦😂😂😂幾時都話甜品係第二個胃真係無錯😋😋😋經過呢間甜品叔叔 吸引我嘅係一陣陣嘅榴槤香即刻入去睇下有咩榴槤正嘢食我叫咗個榴槤金撈 其實佢同楊枝甘露差唔多不過芒果轉咗榴槤咁解 今次仲加咗啲亞麻籽唔知幾時開始我真係好鍾意食榴槤😂😂😂但有時叫完都驚人地覺得臭朋友就叫咗芝麻糊老實講我唔係幾識分點先叫好食嘅芝麻糊我單純覺得佢幾香幾滑😋😋😋

嗌咗個楊枝甘露以為好穩陣 點不知嚟到冇芒果汁 全部都係好稀嘅白色汁 食落去似齋飲糖水問佢可唔可以加返啲芒果汁 佢就話冇 話楊枝甘露就係咁樣另外嗌咗個喳咋 又係冇味 好水 好搵笨

夜晚嗌外賣app嗌咗五個糖水，等咗超過一個鐘，三個榴槤撈，一個芒果撈河，難食到震撼我嘅味蕾，榴槤撈淡到不得了，應該係落咗榴槤味香精，啲榴槤肉仲細過粒鼻屎，朋友食嘅芒果撈又係勁淡，冇乜芒果汁，完全係浪費quota浪費金錢，人生冇食過咁難食嘅甜品🫠

覺得呢度好似夜晚都好多人，不過整體都麻麻😯。芒果撈，諗住係芒果西米露，應該唔會差，點知都唔太好食🥲芒果都夠甜既，西米有d霖，唯一覺得好係唔太甜！另外芒果軟雪就係綿綿冰，43 蚊其實都唔係好多，性價比偏低，水果ok

早左少少食完dinner，成為入店第一台客，朋友叫咗楊枝甘露比較甜，芒果汁又係比較甜，如果好似中式糖水咁減糖會好好多既。我嗰份芒果雪沙😂個名係咁上下啦，幾乎次次都嗌，一人食先夠喉，我唔會分俾人嫁，好夠凍，甜得又唔假，有香甜芒果香，大約四十幾又唔貴，幾似當年許x山，像真到有4成。環境普通，住家式咁，呢頭好少甜品店，所以算係有啲壟斷咁。我friend嫌棄無乜西式甜品，話餐牌好中式，不過我耐唔耐先去1次，普通食下當坐下咁，感覺又還好。

深宵想食糖水，叫外賣揀中呢間，貪佢有腐竹糖水⋯點知腐竹不見，亦無味，只有「糖」水⋯一啲料都夾唔出亦食唔到⋯賣相似嘔吐物⋯⋯味道更係極度失望可能見識少啦無諗過一個如此普通到不能再普通嘅中式糖水都可以難食到咁⋯為了免運費而叫多左2款榴連撈河—竟是科學榴連糖味⋯⋯⋯河粉尚算滑 可入口 但主角差係補救唔到雜果西米露揀左花奶底咩味都無 除左花奶⋯就好似飲緊淨花奶既感覺 唔知食緊咩事後睇番OP 先發現原來真係揀錯鋪之前已有不少前人勸告不要試⋯睇黎下次要做左功課先⋯真係不可一不可再

經過太子想入去一間糖水舖度試一試。叫咗一個榴槤金撈。一個字差。沒有榴槤只有榴槤汁加西米。柚子好酸又不甜。好似飲榴槤汁咁。係我食過最難食嘅榴槤撈。佢應該改名叫榴槤汁。不建議大家食這間榴槤金撈。

今晚叫咗個外賣自取芝麻糊湯圓，第一啖食落口已經覺得無味，睇個顏色係深灰色，唔係黑色，加上個口感係好薄身，無黏稠感，稱不上係芝麻糊，芝麻湯就差不多。湯圓就一般花生湯圓，味道正常。

星期 五 梗係要豪啲啦食完飯其實都飽飽哋不過又想食下啲芒果嘢咁就嚟嗌 捱咗過佢哋最出名嘅甜品 你試下都幾多人坐到冇乜位啦好快食完我就走覺得係誠意小店囉嗯都係啲港式咁樣 不過勝在夠多款老闆娘又親切

這店的港式甜品樣式算多，也新穎。有金撈系列，有河粉系列，亦有中式糖水及甜不甩！值得一讚的是店員（不知是否老闆來）的服務態度很好，會主動為我們推介食品。我們點榴連金撈，店員建議我們選併西米或蘭香子，因為其他的材料會想對地把生果的味道沖淡。榴連金撈（蘭香子/西米）。果然無推介錯。有柚子的甘甘，又有椰果的甜甜，加上榴連汁。芒果班戟。芒果夠大粒，皮都好食。通常有個問題，cream唔夠凍/實口，呢樣可以改善。糖不甩。

嗰日夜晚10點幾去，都幾熱鬧。三個人嗌左兩個「榴槤撈」， 一個蛋白杏仁茶。食物質素差嗰個咁嘅榴連，其實只係將榴槤味嘅汁、涼粉同埋花奶撈埋一齊，雖然30幾蚊但係完全唔值。碗蛋白杏仁茶仲衰，根本搵沖劑開嘅網絡差於是乎就喺度等啦，咁等嘅時候梗係會用電話啦，點知嗰度好似結界咁咩都收唔到，全程load空氣, whatsapp、電話都收唔到。我哋仲要已經唔係坐得好入，坐喺近門口位都收唔到。真係好廢服務差三個咁嘅所謂「甜品」等咗我成30分鐘，仲要啲嘢應該係現成好簡單，點知都係要等咁耐。唔知係咪太夜嘅關係，啲waiter叫極都唔應。都唔知點解開到六年...

行過見到易拉架去試下啦！天氣凍凍地 諗住食個熱既糖水啦！叫左紅豆沙$23 唔算貴但真心難食過酒樓稀到無得再稀！雖然寫到明話健康要求會無咁甜但唔等於水一般有味水嗎？！另外再叫左薑汁湯圓$25薑湯係水加少少薑味？ 薑水？皮厚都算 睇到滾完再滾 皮爛芝麻無香味 又唔滑真係好勉強食反正唔會再幫襯！想食熱又唔熱！不過值得一讚既係 個廁所幾乾淨既😅放低清潔費都ok既

在太子住咗五六年，至今都鐘意放左夜更過來食糖水，老闆人和藹可親，都係香港傳統糖水，啱食又抵食，一般都唔多人，以前係次次點一碗喳喳，而家好鐘意佢嘅楊枝金撈，希望老闆生意興隆