甜品大少 (已結業)

吃甜品也可以走兩場,由千口甘出走,大家便來到"甜品大少".估不到同牛一樣有幾個胃.中西合壁的甜品店,除西式甜品之外,也可吃到桂花糕,雪耳糖水等中式味道.不過甜味沒有分中西,總之係甜品便可.桂花糕的杞子份量不多,入口味道清幽,心太軟道香濃而帶點流心.不可能每次在街舖也要同"神級"的洲際扒房心太軟去比.這個做得也算不錯了.焦糖焗蛋香濃兼滑溜.至此眾人的甜胃,才得以滿足.大坑的食店通常在浣沙街一帶,而甜品店亦是在附近的舊樓.甜品大少的地理環境,相比較為輸蝕,當大家在"裏大坑"晚飯過後,通常也會在附近找甜品吃.行到出甜品大少的路口位,個個已經捧腹離場了.

一行5人9pm 黎到甜品大少,應該未係peak hour 的關係, 當時入面冇客, 睇見meau 有好多甜品都暫停, 心已一沉, 唯有係有限既choice 入面簡啦.點知想叫雪耳燉世界一蘋果, waiter 話已停, 而家轉左燉雪梨, 不過今日雪梨都賣哂 !! 想叫蘋果金寶, 又冇,. 乜都冇都唔知攪咩 !! 好啦, 卒之叫左心太軟, 番薯糖水+番薯小丸子, 雪耳桂圓紅棗清心丸糖水 , 芒果黑糯米.心太軟 正正常常啦番薯糖水+番薯小丸子 等左半個鐘至黎 !! 番薯糖水唔夠薑味, 番薯小丸子幾特別.雪耳桂圓紅棗清心丸糖水 好多料, 唔差芒果黑糯米. d糯米有殼 ! 椰汁太少又唔夠甜, 泰國餐廳比好食10倍總括黎講.. 我唔會再黎.

做大少有沒有錢也不重要，最重要的是有內涵，而今晚我和女友遇到了一位，一位在天后區的大少，一見傾情。坐下了店內的一角，與女友先看看餐牌，原來此處除了有中式的甜湯外，也有不少西式甜品的選擇，但我和女友面對中式甜品眾多的選擇下，已經是花多眼亂，所以最後只選了兩款中式的，一個是薑汁湯圓，另一款是蛋白杏仁茶。過了不久，也有得吃了，先來的是蛋白杏仁茶，這碗連蔡先生也讚過的杏仁茶，除了夠哂熱之外，一羹舀起一看，杏仁茶內有大量的蛋白，真的是濃密得很，所以入口一嚐，除了濃濃的杏仁味之外，蛋白的味道也是超強，加上口感非常幼滑而稠密，相信店家真的是生磨杏仁，然後對輕煮的蛋白及杏仁茶也是經過了多重的過瀘，才有這個細滑的口感，真的很棒！收上二十八元一碗原來也不算過份。之後的薑汁湯圓用上透明的碗子盛着，淺黃色的薑湯，薑湯可算是有薑味的，但絕對可以再濃一點，辣一點，幸好其甜度又不高，喝起來也還可以；至於湯圓，其糯米皮挺厚的，咬下一口沒有很豬油味香香的味道，雖然質地也可說是腍身及黏糯，但厚厚的皮予人有點硬實的感覺，在內的麻蓉餡正正常常，夠滑而有芝麻及油香，但總體來說，灣仔碼頭的雪藏湯丸煮好了，也會比它好吃，所以此點也

10月22日（星期四）晚，我和女友吃完極咸的潮州“打冷”後，我本想去買飲品，奈何女友眼中暫時祇有這位「甜品大少」，極速地來找“大少”，我這位“三少”惟有先忍耐一下。可能時間尚早，店內長期祇有兩檯客。這裡的甜品選擇頗多，中西式皆有，看了一會，女友決定要特色Baileys芝士餅，而我就要朱古力心太軟。特色Baileys芝士餅不知有何特色，反而真的吃到有淡淡的Baileys味，芝士味濃郁，口感鬆軟，果然不錯；差不多吃完芝士餅，朱古力心太軟也是時候來了，賣相不錯，不過戳破蛋糕後，朱古力流心度嚴重不足，近乎實心，而且外層蛋糕的朱古力味竟比內裡的較濃厚，這個心太軟可以說是不合格。功過相抵，這次祇能給予ＯＫ！

在民聲冰室吃完晚飯, 見還有胃納兼有「畢直」, 夾了全家人吃甜品去。頭號目標小甜谷因為門外正在拍攝電視劇而暫停營業 (不過就多了個餘興節目 ), 就正在離開大坑的路上見到了甜品大少, 而且星期一至五下午 3 至 8 時有特價糖水供應, 心想不如試下都好。時候還早, 初時店裡只有我們一枱人。店子以白綠二色小鳥為主題, 貫徹大坑的小家碧玉的味道 。早些時候還聽聞這裡有燉世界一蘋果供應, 但看來現在已沒有了, 只有一味不知什麼燉日本梨, 但索價 50 大元一個, 還是不要太放肆, 揀些特價糖水吧。二十年陳皮紅豆沙 (特價 $10)聽媽媽說, 二十年的陳皮其實不算太老, 是以陳皮味不是很濃烈芳香, 雖然夠杰身, 但部分紅豆煲得未夠起沙, 也有幾粒蓮子, 不是很特別啦。 薑湯黑芝麻湯圓 (特價 $10)媽媽點的, 薑湯夠香辣, 值得一讚; 可是 5 粒湯圓的皮都比較厚, 幾有咬口, 而芝麻餡不多, 這味還是回去福元吃為上算。雪耳桂圓紅棗清心丸糖水 ($25)這個呢, 不在特價餐牌內, 也賣的有點貴, 不過我和弟弟想吃也就要了。看樣子幾藥材, 有雪耳、桂圓、紅棗, 清心丸是方型的啫喱狀粒粒, 滋補

5/11(四) 9pm浣沙廚房後傳,步行到"甜品大少"喫甜.小店僅容納3-4張小桌,我倆5人瑟縮於長餐桌,點了北海道牛奶布甸$35,咖啡焦糖燉蛋$35,杞子桂花糕$18,綠茶豆腐沙冰$30,蘋果金寶$40索價媲美酒店,水準卻不成正比.桂花糕淡而無味,那些杞子末大多要用顯微鏡才能看出來!蘋果金寶鬆散不堪;綠茶豆腐沙冰味道似豆腐加綠茶粉及糖水,若收$10杯,我沒話可說!至於牛奶布甸及焦糖燉蛋只能評為可進口之作,但絕非讓人賞心悅目.當向侍應要求碗碟時,竟端來滴出水的咖啡碟!服務+食物+環境,足可割蓆!

　芒果雪花冰　＋　奇異果汁　＋　柚子肉　＋　蕃薯小丸子　蕃薯小丸子＜－－　比較不吸引　芒果雪花冰＜－－　很清甜，原來加上奇異果汁味道都幾特別．令外，雪花冰還做到一層層的口感，十分好！！　　柚子肉＜－－　很香甜　　朱古力心太軟　＋　朱古力雪糕　　朱古力雪糕中間有一舊舊朱古力，口感很特別。　有朱古力漿在蛋糕中間流出，有溫暖的感覺，味道不太甜，值得推介！　

特別推介心太軟...值得一試...中秋節去完維園, 同屋企人想食下甜品甜下坐低透下, 去左附近甜品大少食野...叫左心太軟食, 裹面仲熱, 底部有蛋糕底, 好有口感...賣相唔錯, 加埋個朱古力雪糕.....食完就岩岩好~~

吃飽飽~兩個人一路傾一路行~最後去左呢間未試過既甜品店叫左﹕朱古力心太軟-配朱古力雪糕﹕個心太軟不是想象中好~好地地我唔明白點解要放舊士多啤梨系上面﹐令到個top淋晒。不過內裡溶出黎既都叫唔錯喇。但不得不提﹐最意外驚喜係選配果個朱古力雪糕!!!! 雪糕唔太甜但係入面真係一舊舊朱古力﹐極度有口感。綠茶雪花冰-配oreo和煉奶﹕雪花冰底味道好濃郁﹐唔似其他好稀甘無味道~ 配上oreo 同煉奶﹐都幾夾服務就無咩特別喇~因為甜品店~落左單﹐放下食物都唔好打擾食客~所以呢個唔錯~~~

食完壽司廣再搵下咩地方食甜品, 其實心目中經過甜品大少過門不入, 因為次次都去小甜谷, 今日揸定" 宗旨", 食完就知會唔會起"中 指" 要等約15 分鐘上枱, 感覺唔食得都睇得 ,賣相幾靚主角皮比較厚, 一乂按下去後, 朱古力介乎流唔流之間, 拎住相機都影唔到靚位,雪糕有幾片杏仁片既, 增加了咬口都幾有心思, 朱古力味道頗濃, 整體唔錯, 只係價錢偏貴了點, 想比笑與ok 之間 , 你地食完自己件判斷啦

整天嘅活動都在大坑一帶進行。於「Café on the Corner」歎完下午茶，再訪「民聲」醫肚，又是食甜品嘅時候了。Madam有好提議，嚟到呢間甜品店。見門外招紙，其重點推介係雪花冰，估唔到呢種台灣小食會突然間成為坑間食品熱爆榜嘅首位。友人J正在戒食令中，筆者三人一人點了一款甜品。筆者之選心太軟($40)，有一半是為了喜歡吃朱古力嘅太座。等了大約十分鐘，熱烘烘嘅心太軟蛋糕及冰涼嘅vanilla雪糕呈現眼前。心太軟這款甜品困難嘅地方就係焗爐溫度嘅控制，如果唔係朱古力就會「爆肚」而出。蛋糕皮烘得香脆，有淡淡嘅朱古力芳香飄出嚟，用匙破開其表皮，朱古力漿緩緩流出，入口有微熱，味道較濃郁。朱古力漿嘅熱混合雪糕嘅冷，一冷一熱，配合得天衣無縫。原本令筆者稍微吃不消嘅朱古力甜味，被vanilla味中和，變得更平易近人；madam嗌了apple crumble($40)，表面舖滿玉桂粉，烘得十分香脆，不過筆者對煮過嘅蘋果有抗拒感，看madam好像食得津津有味，想必然令madam滿意嘅甜品；可憐太座「粗身大細」，有好多嘢唔食得，只能點了蘆薈粒燉雪耳糖水($16，確實名字已記不起)。糖水是清甜滋潤，好啱

第一次同 B 去這間甜品店間野唔係好大....不過都坐滿人可能因為 d 甜品 ok 掛試下先~~~~~oh......叫了牛奶雪花冰 + 士多啤梨醬 + 杏片賣相好靚呀!!!!!夏天食最好feel.士多啤梨醬如果可以俾多少少就更好了

星期二晚(即昨晚)因工作關係到大坑,再加上某雜誌曾介紹此店鋪,所以早少少出門口首次光顧這間甜品店。在門前望進去,好細,而且只有職員三位,亦係老闆,未有客人,同時間佢地亦望返我,非常熱誠的招待我,有點不太習慣,我猶疑很久,,最終點了一個榴槤味雪花冰+oreo餅碎+士多啤梨醬(問職員有甚麼醬配搭最好,她建議練奶,不過我最怕練奶,因太甜,之後她便介紹士多啤梨醬給我)比我預期中的細碟,雖頗高身,不過刪上枱有點兒溶了,初嘗第一口的雪花冰,榴槤味的確很重,(若果像我喜歡吃榴槤的人,確是佳品),灑上少許oreo餅碎,的確很點兒像吃榴槤味的cookie & cream既雪糕,不過的確要吃得很快,跟溶雪鬥快...然而我十分鐘內便吃完了,亦因為很細碟....總括黎講,一試無妨,因價錢不比人便宜的。我想如果順路的,我想我還是會再去吧。因對地瓜圓十分感興趣。

唉 ... 日日行過，都以為ok 終於同MOO 試下 叫個芒果黑糯米 同桂花糕 .... 超失望 .... 先講我個桂花糕 ... 超多杞子，搞到個糕勁酸；用D桂花，多到苦 .... 又多渣 MOO食嘅 芒果黑糯米，D椰汁開 "希" 晒 又有陣 "特別" 味，MOO話其他都係咁都係第一次MOO只係order o左1個甜品 .............. 個名太響但連基本嘅都搞唔掂...

環境太細 , 服務一般 , 店員做到無晒笑容 ~~榴金歲月 ~ 朋友吃到一半就發現膠片 ~~ 換過一個新 !!!排隊等位無秩序 , 無專人負責 , 店員無溝通 , 好亂 , 好多冰都無晒味 !!!吃一次就夠了 !!!