甜品森林

营业中

休息中

BBQ完之後總係好想食個糖水潤一潤個喉嚨，估唔到美孚咁大個屋苑，要搵間糖水舖咁困難🤔 最終都要靠 #Openrice 幫手，先知道六座有食甜品嘅地方，不過餐廳地點極之偏僻，唔係有電子地圖喺手，都真係幾難搵到😅甜品舖地方比較小，不過勝在獨市生意，無得選揀下，我叫咗碗 #綠豆沙 下吓火，我啲朋友就叫咗其他甜品，最搶眼嘅可為我對面果碗 #什果涼粉，色彩繽紛，感覺好消暑🤤 而我果碗 #綠豆沙 就無咩特別，淡淡地唔會太甜，算係可以啦！

晚飯後, 我覺得加一個糖水就更完美了.我尤愛中式糖水, 當中以"舊式"糖水更深得我心.這晚點了一個芋頭椰汁西米露($25).芋頭煲的很綿, 配上濃濃的椰汁, 正.這店感覺很家庭式, 給我一種很舒坦和家裡溫暖的感覺.吃完糖水, 就可以鳴金收兵了, 哈哈!

呢間甜品小店空間不大，而且店員（係咪店主？）很友善，很溫暖。同friend 係附近燒完烤就來食個甜品，十個人來到差唔多霸左成間店XD 甜品係好味，而店裡面感受到既人情味更好味。very good！

係附近嘅BBQ場燒烤完，即興想食糖水，附近無乜糖水店只係搵到呢間，所以就去試試。店內有好多唔同類型嘅甜品選擇，有中式、蛋糕、鮮果類等。我地叫左鮮果森林撈同芒果小丸子撈。鮮果森林撈有幾個自選配答，我好想食芒果布甸，所以揀左芒果布甸做’主菜’，配雜果同花奶。芒果布甸內有香甜嘅芒果肉，無令我失望。當日嘅雜果有西瓜、哈蜜瓜、火龍果同椰果，每種生果感覺好新鮮而且好甜。值得一試！芒果小丸子撈同樣都有幾個自選配撘，分別係芒果汁、梛汁同花奶。咁就揀左芒果汁，入面有芒果、椰果同小丸子。最正係啲芒果粒，又多又甜又新鮮，小丸子好煙韌，有咬口。價錢亦唔貴，會再食！除左食物之外，服務態度值得一讚！店員好nice，即使時間唔早，都唔會因為趕住收工而催你食快d，仲叫我慢慢食添

看了某報章的報導, 來到這家美孚的小店, 它開了十幾年, 在一個很不起眼的位置, 沒什麼人留意到吧, 中午過去也只有很少人。可能見到新面孔, 店主招呼很好, LUNCH有森林簡餐, 主要是意粉或飯。跟餐送湯, 是西式的磨菇湯, 有粒粒口感, 但不算太濃味。意粉可自選配料及醬汁, 這個是茄醬磨菇雜菜粒, 有點小失望, 意粉比較淋, 像茶餐廳煮出來的樣子, 雜菜粒也偏少, 意粉多料少, 食落有點寡, 小店應該可以足料一點, 做得更好才是。跟餐+$8有滋潤飲品, 是自家煲的, 選了南北杏蘋果雪梨茶, 滋潤度可以, 有冷暖熱揀也貼心。

孕期走到最後 會不會因此放棄周圍試野食？不會！但只能鐵路沿綫 並且以健康熟食為指標 是日想去荔枝角公園散散步 到不太熟悉的美孚開拓一下先！呢間甜品森林 不只有甜品啊！店子不大 但光猛整潔 各樣設計令人聯想到小課室呢餐湯- 南瓜粟米湯 加有黑胡椒 令整個湯很醒胃 不俗餐飲- 南北杏蘋果雪梨茶 $8 午餐+ $8可配 可選蜂蜜洛神花茶/ 檸檬香茅茶/ 菊花羅漢果茶/ 南北杏蘋果雪梨茶/ 博士茶（南非國寶茶）較平日餐廳的咖啡/茶養生健康 而且温度除冷熱外 仲可選暖 岩晒怕熱辣辣但又唔想飲凍飲既我越式香茅炆雞（微辣）配紅米飯 $50 店子的是日精選 賣相一點不花巧 很家常的感覺 炆雞出奇的香滑美味 底下的菜亦索晒味 加埋紅米飯 感覺清新健康！蛋黃醬蘑菇煙肉意粉 $45 OK見到食評大都盛讚店子的蛋黃醬意粉 就試試啦！意粉份量雖多 汁也很夠 但味道偏淡 汁料也包覆不到意粉 不推介整體來說 食物不算驚艷 但有營健康 價格亦合理 可以再來的

那天同事帶我來這間小店, 第一次來這間店食午餐; 點了一客鮮茄鴨胸意粉, 配雜菌湯; 意粉鮮茄汁夠濃, 意粉份量夠, 軟硬度適中, 鴨胸份量也夠, 味道實屬不錯! 食得出用的是新鮮食材, 不是開罐頭, 應該也是即叫即炒,  特別是這款自選套餐, 可隨客人喜好不同組合; 雜菌湯足料, 味道濃郁, 不似一般既例湯例水; 以套餐$50的偎碼來說, 可算抵食超值! 看見同事$8加點咗蜂蜜洛神花茶, 我也後加了檸檬香茅茶, 味道清新, 幾醒神! 同事點的雜菜燴紅米飯, 算是素菜, 較合淡合味, 試咗兩啖, 味道OK!仔細看餐牌, 套餐選擇不多, 只有 5-6款, 但以 50蚊上下有這樣的素質, 在區內算是超值, 值得推介!

今晚又是孤獨一人晚餐，今次試下甜品森林，平時我黎呢度食甜品多，最鍾意食芒果黃金撈。呢度本身都是由甜品做起，後來加些小孩煮食班，再後來做埋午餐晚餐。今次我試下晚餐。揀左蛋黃醬蘑菇煙肉意粉餐今日是日餐湯係野菌湯。好足料，好多菌，還有黑椒調味。呢個蛋黃醬磨菇煙肉意粉，賣相好足料，煙肉完全食到係即煎，好脆口，但略嫌蛋黃醬唔夠濃，好少蛋黃汁。但整體都ok, 份量都好夠。早排打得邊爐太多，飲返杯蜂蜜洛神花茶，滋潤滋潤。

這一年因工作忙, 好久沒空寫食評, 近年尾, 才決心坐下來寫!來美孚探朋友, 然后朋友帶我們來吃晚飯; 点了店家推介的是日精選套餐- 糖醋排骨, 配糙米飯, 还有送蘑菇湯, 湯菇味濃郁, 新鮮味道不錯, 可知並非罐頭湯开水; 排骨大大件, 香甜又夠軟冧, 很有屋企味道。老婆選了一款蜆肉意粉,吃的津津有味, 說比的上酒店餐廳的水準, 而且比我那份套餐便宜$5元, 頻說超抵, 更多得朋友的介紹。食完正餐加甜品, 旦白杏仁茶維持水準, 香濃順喉, 另外点了份招牌鮮果撈布甸, 新鮮生果夠多, 份量不少, 食完夠滿足!

網站介紹呢間美孚甜品小店，食評寫得幾好，地點係難揾到，但都想支持吓小店咪試吓! 去到見到店舖內已經有兩枱客，又有人等緊外賣，理應唔太差。。。店長推介杏仁蛋白茶，叫佐兩碗 '熱' 既杏仁蛋白茶，合桃露然後見到店員係雪櫃拎佐兩碗差不多frozen佐既野出來，然後聽到開微波爐既翻叮聲。。。然後拎到枱上既兩碗野係唔凍唔熱既。。。同店員講唔熱既？佢拎返去再叮過! 點知，佢可以連埋隻膠匙羹一齊叮，然後冇野咁放返係你面前比返你食。。。冇下次。。。好恐怖。。。

和朋友剛好在美孚附近，想找間甜品店就來到了這𥚃。OpenRice指示上說在F出口是錯的，按下地圖的位置也定位在美孚鐵路站而不是店鋪位置，害我們白繞了一大圈。.店家是幾位婦女打理，很有小店很討好的感覺，店員也很主動跟你說話，我聽了店員介紹點了一個榴槤流心，來到碟上的形狀看來是經常細心設計的甜點，用Cream營造了像刺蝟一樣的榴槤殼，看起來很有心思。.味道坦白說不是特別太討好，榴槤味主要來自Cream和榴槤蛋糕，和我期待著可以一大口一大口，像吃榴槤班戟一樣鯨吞榴槤果肉的期待產生了極大落差。.整個甜點就像是榴槤蛋糕的感覺吧，可惜是實在太少榴槤果肉了。

印象中，美孚就只有這家甜品店能站得住腳 ，近年還擴充了成為佔兩個店鋪的甜品店。這小店的甜品選擇不多，但卻足夠令我和羊媽媽一再光顧。（當然，離家很近是一個原因，但有時候我們在旺角尖沙咀等地吃完晚飯，也會回到美孚這裏吃甜品。）餐牌非常簡單，毫不花巧造作，就和這裏出品的甜品一樣。這個腐竹薏米糖水顏色很對板，腐竹經已煮溶，整碗糖水豆味香濃，甜度適中；薏米也煮得很淋，吃着吃着整碗就消滅掉了。這碗湯圓最精彩的是薑水，雖然天氣這麼熱，不用喝薑水暖身暖胃，然而這薑水喝下去，感覺非常舒服。整體來說，這甜品店的甜品都不會偏甜，味道溫和，作為飯後甜品就最適合不過了

同老公係甜品森林食過兩次糖水，覺得 ，見佢有lunch & dinner set，今晚就去試下 。一去到，見到menu幾吸引，就走入去大鋪，但full咗 (差唔多八點)，就去糖水嗰邊坐低 。一坐低，就聞到好香嘅蒜蓉味 ，一心想試下佢嘅蒜蓉蜆肉意粉 ，老公就叫咗蛋黃醬煙肉意粉。等咗陣，先來咗個 雜菌湯 ，味道略淡，但菇味突出。再等多陣，被告知意粉沽清 ，極度失望之餘 ，惟有轉陣，改食鮮茄鴨胸飯 ，老公同時被告知煙肉所剩無幾，但會加返d鴨胸落去補數。當時我心諗8點都未到，咁快就沽清d 食材 。與此同時，店主好好招呼地贈送兩杯健康飲品︰洛神茶同香茅茶俾我地。 好好飲呀 跟手就黎埋我個飯啦~~ 等左陣，老公個飯都黎啦~~ 店主話所有材料都俾晒老公   之後剩返吞拿魚包乍~~哈哈~店主真係好好招呼~~整體黎講，佢地既食材都新鮮同健康 。 雖然今晚等左好耐先有得食(今晚人手唔夠)，但因為有濃厚既人情味搭夠，決定要打邊食評讚下佢地先得。 大家去支持一下啦。

同朋友一放工就搵間甜品店聚聚～呢間舖都真係有d難搵到位置有點兒隱蔽 要問下人先搵到一入去其實都幾細吓 得三張枱不過食食下慢慢多人 聽到職員話可以去隔離坐 原來隔離舖都係佢地🤔天時暑熱 即刻叫野食先我點左一個招牌嘅鮮果森林撈+意式奶凍+芒果汁粉量都好夠 而且芒果汁份量足以每食一啖都有～味道好香濃 不過就蓋左奶凍嘅味道水果份量好多 非常新鮮～ 簡直透心涼然後我朋友點左楊枝甘露小丸子我冇食到 但朋友意見都不錯小丸子暖暖的 真係即叫即整不過楊枝甘露比較凋稀一點會更好

「甜品森林」喺美孚區少有打正旗號嘅甜品鋪，前後都試過幾次，不過，印象都唔喺好深。你話好好食又唔算，好差咩又未至於，最有印象就喺佢鋪位「豆腐潤」咁。最近，美孚街坊老友同我講，甜品森林有個新轉變，就喺擴充咗，晌隔離加開間大鋪叫「森生活」，賣好多健康產品之餘，仲兼做飯市 ，主打套餐，依一晚就拉咗兩位街坊一齊嚟食。入到餐廳內，當然咪以為會佈置到成個森林咁款，低裝修簡約，樓底算高，樓櫈配襯都比較雜，少少家居感。所有食物出品，都喺由隔離甜品森林個廚房一手包辦，再從兩個單位打通嘅小窗戶傳過嚟。從門面，做咗一格格嘅櫃，已見擺放咗好多健康產品，上到閣樓，別有洞天，一角都喺健康、環保嘢 。不過，見佢閣樓都未用盡，仲有好多空間，或者第時有更多發揮。佢哋個套餐好簡單，主菜 + 餐湯或飲品，賣$45；主菜 + 餐湯 + 飲品（名為甜品森林全餐），賣$50，供應時間：12:30pm-4:30pm及6:00pm-9:00pm，無加一 。餐湯雖然寫住有4款，不過，是晚只有南瓜湯及什菌湯供應。 南瓜湯 雖然間鋪營運感覺都家庭式啲，但做個南瓜湯都似模似樣，撞忌廉，下黑椒碎，朋友覺得味道唔錯，個南瓜味幾香甜。而