甜品森林

营业中

休息中

今晚聽完戲同老公去左美乎甜品森林食甜品。因為老公話之前睇雜誌見話依到甜品好特別，有我鍾意既檸檬茶果凍。首先，我地叫了招牌芒果布丁，因為聽說用了半果芒果所製作，果然食落除了有陣陣蛋香外，還有大量芒果肉，實在用料十足去製造，依家無街外已經得好少地方會用上雞蛋製作芒果布丁，因為不能放得太耐。之後，就係我喜歡既檸檬紅茶果凍，此外貌來看，似係檸檬茶加上椰果，但食落才發現，係用上伯爵茶茶所泡出既紅茶所製，加上新鮮檸檬汁，兩者融入為一，確實係全新創作的甜品。最後，就係芒果糯米磁，聽說數量不是很多，因為老闆娘驚雪得太耐會令糯米皮變硬，所以有緣食到便係緣份。除了大大粒新鮮芒果，加上軟滑的皮，確係令人十分滿足。總括來說，家庭式經營小店在香港已經好少，而質量又高的甜品真係太少！

其實一向對呢間甜品舖冇咩好感以前試過買過蛋白杏仁茶,結果見店員係雪櫃攞出黎放微波爐叮雖然可能因為當時啱啱開門,不過見到咁既情況就已經冇打算會係佢到再買糖水食不過今日屋企人突然好想食甜品,落左去買買左碗芋頭西米露返黎一打開,根本好似水,西米得個少少,芋頭一粒都冇差D想直接攞返落去退貨不過屋企人話算啦食落口...得個甜字甜甜甜甜甜食到一半已經唔想再食,即刻飲左成杯水呢間果然係一個伏,以後絕對唔會再買!!!!

呢間甜品面積雖然細，但其實服務好好，姨姨一路掛住笑容，大大加分。我地叫左：沙冰：芒果底伴火龍果，甜而不膩，清甜既感覺十分良好。森林涼粉撈：小弟叫既係芒果味，一上碟芒果已經就黎滿溢，就黎漏曬出黎！滿滿既芒果粒配上清新既涼粉，料又加得足，我會一試再試！整體黎講，服務各樣都唔錯，比好多大型連鎖舖都還要好，希望大家可以支持小店！

六記是美孚的性格小店，從前吃過她的桑寄生茶、薏米水和果凍都真可潤澤心靈，我向不好甜，要吃的時候必是身心均很喝甜才吃。今天又冷又凍又下雨，想起上次在長沙灣虎沙鵝店意外喝到的杏仁茶，十分滋味，特來六記吃一碗，一看已知不妙，明明叫杏仁茶，但濃如糊，甜厚重差不多蓋了所有杏仁味，幾次想放棄，但不想暴殄天物，勉力喝完。歸家路上甜味膠着喉頭，不快。

返屋企途中, 胃空空, 想食少少嘢, 茶餐廳又太飽; 終於去咗食甜品.  知道這甜品店存在已久, 但因為唔太順路, 所以一直都無去過.好細的一間舖, 零裝修, 這樣更好, 唔洗夾錢比裝修!! 座位大約有二十個, 不竟這處是住宅區, 可能外賣居多, 在店內二十分鐘左右, 外賣堂食參半.毫無心水食乜嘢, 見到隔離枱食緊南瓜西米露, 就要了一碗.  等得有少少耐, 可能中途加插了外賣.  入正題  好有南瓜味, 有兩粒好硬的小粒, 可能係籽,  証明佢係磨的, 不大是開粉.  這是糊類物體, 無粉就不太可能了.  但係南瓜磨得很綿, 綿得來, 仍有南瓜一絲絲的特質.  不太甜, 但就我個人認為可以再減少一點糖. 可惜那些西米就不合格了, 有些是一舊舊, 沒有分開的, 這有些失望. 不過我仍然會再去試.  下一個目標係合桃露.

冬至晚上，家人都入了元朗，本以為會獨個兒在家中「做冬」，幸好有朋友專程來我家附近吃個晚飯，不至於孤伶伶，在荔景的美心吃畢晚飯後耳猶未盡，而且「做冬」最重要當要有個湯丸，而荔景區內沒有糖水，於是與朋友走到美孚吃糖水。第一次到甜品森林是去年的十一月，是特意在Openrice搜尋出來的，否則我也不知道在美孚新村會有甜品舖的。因為吃湯圓是我的目的，所以一到來我們第一時間是要檢查一下餐牌以確保這店是有湯圓供應的才進內。終於我的芝麻湯圓來了，配上這店特製的薑湯。這天其實天氣蠻凍，加上從荔景走來美孚都吹了一陣風，所以吃這個薑湯，簡直令我全身回暖。薑湯充滿老薑的辣味，而且配合適量的片糖，不會過甜。湯圓有五粒，外皮煙靱，中間芝麻餡有點流沙，而且帶有濃烈的芝麻香味。朋友點了個較簡單的蛋白杏仁茶，我淺嚐了一口，味道較淡，杏仁味不足。我們其實頗幸運，我們兩個人入內時坐了一張四人枱，之後不久店內已再沒有位子了，而且越來越多客人來等。我之前試過這點的楊枝金露亦做得不錯，芒果味香而且份量足。雖然說美孚的甜品店不多，這店已有這個市場優勢，但相信是因為質素才足以令這小店得以維持下去的，所以這兒已成為我在美孚其中一家推介

那天中午，我跟兩位食友到美孚試食越南菜！   食完越式午餐，我提議到 <多多麵飽西餅> 買紐結糖！然後，食友帶我們走到 <甜品森林>，目的是為了品嚐班蘭雪芳蛋糕！ 美孚新邨這個大型屋苑擁有 99 座！  聽食友說一邊單數座數，另一邊則是雙數！這樣！對郵差及訪客也容易找到！ 我們走到大型的石屎森林美孚新邨終於找到 <甜品森林>！  位置頗為格攝！  不愧為「超級女」食友！  什麼地方也難不到她！ 恰巧！尚未到甜品店之前，電訊商致電給我續約！  那麼！由她們決定食什麼甜品吧！ 這是一間有心小店，甜品以天然、健康作賣點！街坊價之餘又有特色！   踏進店子，裝修骨子！有個舊組合櫃！滿載小食、物品！還有她朋友寄賣的小物！甚至失物待領！  不同的書籍增添品味！  給人感覺好像置身別人的家中！很有親切感及隨意自在！ 熱情好客的老闆娘跟我們傾計，有不錯的交流！班蘭雪芳蛋糕 $13聽老闆娘講香港較難找到質素較好的斑蘭葉，斑蘭葉來自新加坡，口味正宗！ 記得上年契妹嫁到新加坡，臨走，還在機場買了班蘭蛋卷給食友！相信也令她很回味！ 

筆者雖然愛吃，但為人極之懶惰，尤其是近排天氣酷熱，總愛躲進冷氣房，幾乎全沒心情四出覓食。不過食友比我年輕又有活力，喜愛捐窿捐罅找一些有特色的食肆，哈哈，可能是愈隱蔽就愈有挑戰性嘛！這天在美孚吃完越南午餐，先由想買紐結糖的食友帶路，去「多多麵飽西餅」買些飽點、小吃；再由甜姐兒引領下，來到這間門面亳不起眼的「甜品森林」吃班蘭雪芳蛋糕。原來食友約於兩年前出席  OpenRice Dinner in the Dark 活動前來過，可惜當日甜品店休息，跟它緣慳一面，所以這天決定再來一碰運氣。原來這糖水舖很的骰，一派街坊小店格局，不過環境唔錯，夠曬清幽寧靜。相信店主和附近街坊關係不俗，據聞連這塊掛牆黑板也是由其中一位顧客兼區內住客送贈的。這份甜品 menu 印刷得很精美，色彩繽紛，非常吸引。原來食友特意到訪，就是為了要一嚐這個班蘭雪芳蛋糕。班蘭雪芳蛋糕 ($13)，其實斑蘭蛋糕是新加坡必買手信之，皆因那股濃郁又獨特的斑蘭香味，真使人一吃愛上。不過據店主講，香港較難找到當時得令的斑蘭葉。至於這件蛋糕，入口的確幾鬆化，而且好有 home made feel，不過就仍嫌斑蘭香味唔夠突出，未能滿足口舌之欲

I initially planned to come here on the 15th of November in 2011 because there was a dinner in the dark event nearby.It happened to be a Tuesday so it was closed, but the guy at the newspaper kiosk was really helpful because he spoke really good English!Almost two years later, I am here again and its open!Cute calender!A nice rack of booksCute hand drawn noticeAs well as the nice interior, they support the environment and participate in upcycling.★☆★☆★☆★☆★☆★☆★☆★☆★☆★☆★☆★Pandan cake:Anyway, I was

跟親友晌美孚食完飯，親友嘅細路又話想食甜品，因為酒樓嘅甜品選擇唔多，所以就過嚟區內唯一一間甜品專賣店。上次同老婆嚟試過佢嘅芒果黃金撈同生磨芝麻糊，前者有啲新意又幾好食，後者就令人失望而回，一正一負，總評都只可以喺俾個OK，唔知今次又會點。特色朱古力芝士餅 $25小弟揀咗依個朱古力芝士餅，講話「特色」，有啲言重，不過入口朱古力味跟芝士味都幾平衡，唔會話邊個搶邊個嘅味，而口感亦都頗柔滑，算唔錯。洛神花椰果果凍 $16夏日嘅解暑之選，以洛神花做嘅果凍，本身已經帶有酸酸甜甜嘅味道，入口又一朕清涼，令人感覺好清爽、好涼快，而內裡嘅椰果令口感多變一啲，一客4粒，大家分享就最好不過。招牌糯米糍 $20有芒果餡或紅豆餡，逢星期六、日供應，一客4粒嘅糯米糍「身形」挺健碩，大大粒沾滿椰絲，糯米皮加入芒果汁搓成，再入埋內餡嘅芒果肉，食落滿有芒果香，果然不負招牌之名。今次所試嘅幾款甜品都比上次好，都值得比個笑佢。不過，回顧番其家食家嘅食評，見佢啲甜品多年都無乜點變，近來晌外面試咗好幾家新開甜品店，都喺有新意，有質素。甜品森林晌依區最大優勢，就算稱得上「獨市」，周邊有賣糖水嘅都只喺兼營，好似地鐵口附近嘅燉奶佬。

睇完戲返到美孚，老婆突然話請我食糖水，其實美孚無咩好嘅糖水鋪，除金裝燉奶佬外，晌內街仲有一間「甜品森林」，打正旗號專賣甜品、糖水。店鋪瑟縮恆柏道內街，對區外人嚟講都幾難搵，而且店舖細細，一邊長梗枱，另一邊喺摺枱，逼逼狹狹勉強坐到10多個人，但就仲逼過晌綠林。所以，區內外賣客居多，打個電話落單，轉頭計啱時間落嚟拎，唔使多等，又唔使同人逼，返歸慢慢嘆。「麻雀雖小，五臟俱全」，咪睇佢店舖豆腐潤咁細，所賣嘅產品都唔少，分為傳統滋味、推介涼粉、馬蹄露系列、紫米露系列、精緻糕點、森林獨家、果凍系列、大菜糕系列…等等。每個類別唔講，素描張外賣紙俾大家參考仲實際。芒果黃金撈 $20餐牌有一版彩色大頁，圖文並茂喺店方推介，第一眼就睇中佢個芒果黃金撈，以楊枝甘露、鮮芒果肉搭芒果布甸嘅組合，都幾有新意。最上層嘅楊枝甘露幾清香，內裡仲有好多西米，面面又有粒粒柚子，不過柚子肉唔算好甜，且帶微澀；中層嘅芒果肉雖則唔多，但味道頗鮮甜；至於打底嘅芒果布甸，都幾挺身，但略嫌唔夠柔滑。賣$20，一次過有3重滋味，都划算喎！生磨芝麻糊 $22老婆果然喺傳統派，又喺點糊，個芝麻糊等咗好耐，印象中都有近10分鐘，唔通生磨？相信

被名子吸引的，點了'拍拖小丸子'($22)：在薑湯內 + 一粒芝麻湯圓 + 一粒花生湯圓 + 一大堆小丸子。湯圓和小丸子是滑滑糯糯，加上薑湯夠薑夠辣，不會太甜。很對口味﹐鐘意非常呢﹗外賣了班蘭蛋糕(早餐)和芒果布丁(老公宵夜)，老公一路食一路讚。

吃過晚飯也當然要來點甜吃,住美孚的友人帶我來這個小店,應該是家庭式經營小店,都很casual的友人點了一份熱紫米,我則點了一份熱喳喳!店員會問要加奶還是椰汁,相當細心!熱紫米看上去是不錯的,友人也說很好吃!而我點的喳喳煲得很淋很香,如果可以加上幾粒芋頭粒我會更喜歡!服務很好,也見到不少人晚上會來光顧,班蘭蛋糕賣相也不錯可惜胃納已容不下呢!下次來美孚可以再來吃!

我叫左個楊枝金露，失望！！芒果酸，西柚唔知點解食落去硬硬地，總之就唔好食又貴。而我男朋友叫左白果腐足糖水，超無水準，腐足煮到容唒，好似番煲又番煲咁，味又唔得失敗！！

同朋友D係屋企附近食野下午茶食一食甜品, 一諗就諗到六記 (反正都接近獨市xD)黎到就叫兩個招牌菜: 芒果布甸 同 芒果什果大菜糕芒果布甸有幾層, 有芒果肉, 有布甸, 芒果味好濃, 而且好有口感芒果唔酸, 而且有一點甜味芒果什果大菜糕既大菜糕好好食, 有旦花係入面, 幾清新而什果都幾清, 冇咩加糖水而且芒果汁都幾好食