甜品老媽 (已結業)

5-6-2010筲箕灣 eating trip 最後一站嚟到街尾呢間「老媽」, 朋友食西式的甜品, 我就連食兩碗中式糖水, 不過 3 款「推介」食物之中, 只得 1 款好食, 離開時都有點「媽媽聲」:-楊枝甘露 ($28):「湯底」係芒果汁, 夠真材實料, 不過甜度一般;「粒粒嘢」就以西米及星形椰果為主, 前者似水間珠多 d , 咬落硬卜卜的? 後者就無乜特別; 面頭當然仲有柚子, 不過唔多甜, 可惜. 唔算好難食的一碗糖水, 但「楊枝甘露」一滴花奶 / 椰汁都無落, 仲係「楊枝甘露」嚟0架咩? 唔喜歡. 朱古力心太軟件呍呢嗱雪糕 (好似 $35): 軟心度 ok, 但蛋糕焗得太熟, 質地乾乾的, 拮落又會剝落成碎; 朱古力漿及蛋糕的朱古力味尚算香濃, 不過實在太甜了, 印象麻麻. 雪糕我就無試喇, 不過朋友「勸(我)唔好試」, 睇怕... 杏汁蛋白 ($26): 質地夠滑喉夠「牛奶」feel, 杏味點到即止, 好清潤的感覺 蛋白雖然唔係「蛋花」又唔滑溜, 不過一舊舊的幾有咬口, 反而幾啱我. 呢個反而幾好食, 值得試試.放低 50 幾蚊, 印象一般, 楊枝甘露直程

叫咗blueberry cheese cake 同埋 榛子朱古力蛋糕.blueberry cheese cake 幾好食.榛子朱古力蛋糕 就好普通, 都ok.行過食就ok, 老遠走去試就唔好喇.睇到老闆背住個客, "妙"佢... 無乜禮貌.

粥棧小廚隔幾間舖，就是這家在OpenRice有不錯評分的甜品店。當然不會錯過，趁順道就進內一試。店內供應西式甜品，如: 木糠凍餅、雪糕拿破崙、法式焦糖燉蛋、朱古力心太軟、梳乎里、藍莓芝士蛋糕、歌劇院蛋糕、焦糖燉蛋車里子批，價錢由$28-$34不等。老媽創作甜品方面有: 芒果腸粉、芒果椰汁河和榴槤腸粉，價錢為$24-$28。中式糖水方面有: 杏汁蛋白質、楊枝甘露、椰汁香蘭紫米露、湯丸、白果腐竹糖水、雪耳木瓜糖水等，價錢為$13-$26。今天點了藍莓芝士蛋糕、歌劇院蛋糕和椰汁香蘭紫米露。藍莓芝士蛋糕 – 芝士味很香，蛋糕本身的濕潤度適中，不會過乾過硬，不過有點過甜。藍莓醬的份量也適中，最誘人的是蛋糕面上所鋪的又圓又大藍莓粒，整體來說是可以的。歌劇院蛋糕 – 內有所謂濃朱古力及咖啡蛋糕，層層相間。可惜朱古力味一點都不濃，當然也不夠滑。突然間很懷念Epoch的7-Layer Valrhona Chocolate Cake，這塊歌劇院蛋糕真的被比下去。雖不致於極之難吃，但就令我非常失望。椰汁香蘭紫米露 – 這裏最不知所謂的一個甜品，糖水稀稀的，不覺有椰汁和香蘭味，更不夠甜，只有紫米的味道，很有貨

楊枝金露　　好有心機的製作，汁底全是芒果汁，細心地加入星星型的果凍，入口非常舒服。西瓜涼粉　　雖然普通，但因為那天很口渴，這個己是全店最解渴之選；奶很少，很"傑"，如果加多一點水及冰塊就更消暑。這個甜品西瓜只有４、５粒，賣廿幾蚊，似乎貴咗D。值得一提的是，老闆娘對員工的態度很差，在顧客面前放聲辱罵及奚落她的伙記，埋單時仲跟我強調：「對不起，我的伙記真係好蠢架！」做得一手好甜品的人，品性沒道理是如此的。　

4月8日（星期四）晚，未吃串燒前，和女友逛東大街時見到有不少甜品店，我們吃完串燒後當然又到甜魔時間，這次我們選擇了來這間很有特色的甜品店。店子不大但人客卻不少，我們就坐在路旁的細小二人檯，女友看到有很多選擇，思前想後就決定要杏汁茶蛋白，其實我還有點不適而沒有甚麼胃口，但不想掃女友的興致就要碗熱的椰汁紫米露。杏汁茶蛋白先來，未吃已經聞到很香的杏仁味，我試了一口，杏仁味的確很濃厚，而且口感幼滑無渣，隔渣的功夫做得很好，反而蛋白比較失色，口感和味道都不突出；椰汁紫米露的賣相不俗，香濃的椰汁下得恰到好處，紫米軟腍卻蠻有嚼勁，而且甜度適中，可惜我實在有點不適，吃了幾口就沒有再吃，要勞煩女友替我善後。雖然未能有幸一賭老媽真面目，但老媽的甜品做得不錯，應該會再來找老媽的！

早期都有去呢間野食, 不過d飯越食越差, 每個汁都只係有甜味, 好難頂.而且, 凍0茶係唔可以叫走甜架, 因為無喎.仲有d雪花冰, 同人地比佢真係差得緊要, 一堆堆唔知咩咁, 又貴.店員既態度亦唔好呀, 自己帶酒去飲, 唔比唔緊要, 唔需要出言罵人架嗎!總知以後都唔會再去食呢.

於權發晚餐後來這裡吃甜品,點了招牌的上元丸和杏汁蛋白糖水。上元丸就是自家製的湯丸,內有花生、芝麻、糖冬瓜等,個人感覺一般, 而且皮不夠煙韌。反而杏汁蛋白糖水值得一讚,杏仁味頗濃, 蛋白也夠滑,如果可以再「杰」身少少會更好。下次再試試蛋糕。

幫親左幾次嫁啦~ 由第一次只係得甜品食, 到依家連飯餐都有啦!!!杏汁蛋白,好滋補養顏啊~~~~ 味道好清甜, d杏仁味唔會太搶, 連我lee個唔鍾意杏仁味o既人都鍾意食!!! 不過覺得今次冇上次整得咁滑~~~榴槤腸粉, lee個簡直係一流, 特別係個腸粉皮!!! 因為實在滑溜溜啊~~~ 而且味道唔會只係得椰汁味, 真係好讚!!! 夾埋個榴槤, wow, 大家愛榴槤o既真係要一試, 唔洗次次都只係食榴槤飄飄maCHEESE CAKE, 估唔到連lee度都有cheesecake食, 哈哈!!! order左個藍梅cheesecake!!! 賣相一流, 而且味道都好好, 好軟滑~~~ 不過始終覺得o向cafe食cheesecake個感覺會夾d綿綿冰, 第2次o向lee度食架啦~~~ 味道同賣相都唔錯, 不過d配料就冇乜新意~~~所以食左2次都足夠啦~~~ 下次要試其他新甜品!!!umm, 下次lunch time又可以試下佢d 飯餐

啱啱食完安利, 未夠飽, 見到老媽甜品無人, 即管試吓Order左:1) 芒果河粉 - 河粉其實係蒟篛, 味道美味, 創意十足2) 榴槤棉花冰 + 魔豆 - 非常榴槤, 老媽話d冰係鮮榴槤做 (有少少懷疑 ), 魔豆裡面好似益力多咁之後試過榴槤腸粉 - 腸粉都係蒟篛做, d榴槤非常得手, 榴槤Fans一定要試 (*最好等榴槤當造先)

The cake looked really good on display so went in to try them, however both were disappointing.Chocolate cake with orange liquor:Absolutely no taste in orange whatsoever, only the pieces of orange on the top.There was no alcohol taste either, and the whole texture was very crumbly.Opera:Looked like an authentic Opera cake with layers, however tasted nothing like the real thing.

They have all the recent sweet raves - dessert "ho fun", "cheung fun", fluffy shaved ice - plus all your regular chinese sweet soups, grass jelly, sago mix. Choose your own fruits and toppings to go with it. The taste is comparable to the other nice establishments, i.e. in Tai Hang, and the price is a little bit cheaper. The walls are decorated with handwritten comments from their customers. They also serve lunch deals during the day.

同女朋友行完街街, 落去筲箕灣食晚飯, 不過2個都唔肚餓, 就甜品當晚飯啦之前成日經過都未入過去食機緣巧合昨天上開飯網睇到呢間有新食評所以自己都去試下啦本來想試串燒,不過想試間更出名的, 所以就無試啦第1次,當然係試d招牌野啦剛剛座位旁邊有之前報紙雜誌的剪報,就試左芒果腸粉和杏汁蛋白啦芒果腸粉:賣相ok吸引,裝飾的jelly都好味,粉皮好滑,芒果好甜好大條(我女朋友仲問我現在d芒果係唔係當造架?)杏汁蛋白:好多蛋白,而且杏汁的味好重,不過稍微稀左少少total: $50下次試下心太軟先^^

是日打算到東大街找吃的計劃簡直就是諸多阻滯，由於多個想試的地方也未開門，所以唯有吃過咖哩之後，就來吃個甜品好了，這間甜品舖，就在安利魚蛋粉隔壁，等候安利的人龍真的是長得不得了，但我們就順利的就座。此店子主打是賣甜品，但其實也有鹹食供應，我們一心來吃甜的，所以也馬上研究甜品的菜單，邊看邊發現牆壁上貼有不少的鼓勵及讚美的說話，其中一張說其心太軟超讚，立時不作他想，先來一個心太軟，知道因為其製作需時，之後與女友稍加討論，最後要了一個中式甜品，乃杏仁茶蛋白。先來的當然是杏仁茶蛋白，碗糖水是熱騰騰的，未吃已經嗅到有杏仁的香味，喝下一口，果然非常有杏香，而且一點也不會有杏仁磨過後的微粒，吃感是非常之幼滑，單以杏仁茶論是很棒的，蛋白吃起來也有蛋白香，但較意外的竟是，蛋白不是以蛋花的形狀浸泡在杏仁茶中，所以吃起來當然不太滑身，可能店家想大家有點咬口吧。之後千呼萬喚的心太軟也來了，雖然碟頭是細了點，但以一個三十六元的心太軟來說，又不能要求太多，從短片內也可見，以匙羹割開心太軟外層的蛋糕，巧克力漿是緩緩的流出，沒有澎湃的感覺其實才是正常，當然又不可以不流心，但這個慢慢的流動，代表了巧克力漿夠香濃，不會太多

今日去左幫襯衣間甜品~一行三人+ 一個兩歲唔夠既bb~入到去~鋪頭入面牆壁位痴埋一張張a4紙過左膠畫晒公仔既野~間野入面冇卡位只有圓櫈~咁唯有靠牆坐啦~如果唔係bb都唔知點坐~由於間野既牆痴滿晒野~bb仔一定係手多多會蚊~實在冇辦法~如果bb係都要搞~你話佢鬧佢~佢都唔收~咁唔通要綁住佢?如是者免麻煩唯有俾餐牌bb玩跟住收銀阿牆就走黎一野搶左個餐牌話唔好整爛~我已經覺得唔太高興~如果係怕整爛~可以過膠或者同我地d大人講聲~我地可以俾返佢而唔係就咁o係bb手上一手搶左去~當時我都覺得算數~(態度一般)一路食既時候收銀阿嬸都已經眼啤啤~因為佢搶左bb手上餐牌所以bb就蚊牆上既野~不過冇蚊到落黎~~而bb仔叫食就一定會衣衣丫丫~bb唔會識得控制音量~bb唔識講野~bb大叫亦係好平常既事因為bb學緊講野會練習發聲~食到七七八八就黎走~收銀阿嬸就走過黎鬧我個bb叫佢細聲d~我實在忍唔住問佢「點解其他客人講野咁大聲唔叫其他客人細聲d? 」收銀阿嬸「講野唔同尖叫~bb係尖叫」me「你開餐廳就預左嘈架啦~你而家開圖書館呀?」收銀阿嬸(接唔上~講第二樣)「細路仔要教架!」me「我教唔教個仔~點樣教個仔~

一頓只可充饑、不甚回味嘅越南菜之後，madam提議再食一頓甜品。在東大街吃甜品，「老媽」是最出名的了，顧客數量可知一二。是晚每人各選一款甜品。首先是木糠凍餅，其實與木糠布甸無疑。同樣是雪得非常之堅硬，不是咁輕易用匙「撬開」；入口無疑是充滿奶香的，不過吃起來很費勁，筆者對之不甚矣矣。拿破崙蛋糕高高的，酥皮極之鬆化，問題是怎樣才能吃得企理。答案是除非閣下天生異稟，一啖可以吞下，否則是「滿目瘡痍」了；就算真的可以一啖吞掉，又可來樂趣呢！好的拿破崙蛋糕，講求的是酥皮嘅層數，而不是高度。以層數多、結構緊密，富有牛油香為上品。以前嘅Grand Hyatt，又或者近期熱爆嘅九龍城黃生嘅舖頭，是一個好示範。最後是蛋白杏仁茶，水了了的，入口杏仁味稀薄，吃了一口，沒有再吃嘅興趣了。是老媽年紀大了，造詣退步了嗎？再仔細研究牆上嘅留言卡，當中有不少是出自同一小朋友嘅手筆。再看網上嘅食評，雪花冰最受歡迎。看來，是筆者選擇錯誤了。