甜品老媽 (已結業)

終於有時間寫返食評啦 , 呢個係我第一個係 or 寫的食評 .....某個星期六和幾個朋友去了呢度食甜品 , 都去到幾 full , 不過搵到位 ....呢一區得呢度有得食雪花冰 , 於是叫了兩個同朋友 share 食 ....幾好味喎 , 不過份量就唔算太大 , 但係 25 蚊 (加生果 or 配料好似 4 蚊定 5 蚊) , 都叫做 ok 啦 ~同埋試了個法式燉蛋 , 都幾好味 ....整體都 ok 啦 , 店內空間唔算太窄 , 不過我想提就係老闆娘好 nice 好好人 , 俾左 d 紙我地寫返 comment , 我見到 d 人真係俾心機畫呀 ......同埋同老闆娘傾計 , 知道佢仔仔都係度幫手 , 佢好靚仔同埋好 nice 嫁 , 所以我下次都會再去呀 , 哈哈 ~

昨晚同個老友記來到食甜品，由於佢食個榴槤腸粉覺得唔錯，所以帶我來品嘗，果然唔錯 然後當然要點我最近最喜歡的台灣雪花冰，個藍莓味麻麻地，但仍然透心涼 之後聽到有新嘢，決定一試，凍的梳乎厘 (士多啤里味)，其實小妹想點chocolate 的，太受歡迎，賣哂，但這個甜品值得再試 估唔到老闆娘真的冇介紹錯，so good

想去食好耐 之前一直搵吾到因為要係東大街行到好入好入今日同朋友終於去試左嗌左個牛奶冰+朱古力漿($25)+串燒雞肉($10)個冰淡左d 但係口感一流賣相都好吸引 好得體串燒好多選擇 味道亦都好好價錢合理 $10/$12一串 (睇吾同既燒法)冰其實有d貴不過好大碟 都抵番哂

老媽甜品在筲箕灣已開了很久了....可惜, 我住在這裡很久也沒有去...原因是...本人太懶了...HAHA若不是上次在朋友的介紹下....我也不會吃...結果...令本人十分驚喜了所以計....上次吃完一次之後, 覺得回味無窮...故此...今次又帶朋友仔去多一次了我地3個朋友叫了3款雪花冰...有朱古力啦(香濃又好味, 好似食緊一粒又一粒的朱古力甘)......益力多啦(感覺...奇怪, 真係好奇怪呢...可能係配上士多啤梨的關係)...同芒果味(呢個係最穩陣, 唔怕味道怪, 所以感覺都OK架)....結果, 我地3人都覺得3個都OK架....雖然本人未食過糖伯府, 但就甘吃一次老媽甜品, 已經有好好印象了....

自從佢開左之後都成日去食.因為我本身都鐘意食冰,我通常都係食芒果雪花冰加芒果,D冰做得唔錯,係個碟就差D囉,用碗會好好多

第一次食雪花冰, 試了芒果冰底和綠茶冰底, 前者芒果味很濃, 真係落足料, 綠茶較淡, 但朋友說這裡比其他店舖做的已經是很好,下次會再去試試牛奶和紅豆冰底~服務很好, 店員有禮貌, 臨走前甜品老媽還問我食物的意見,很有誠意呢

有點想回味糖百府的雪花冰，奈何遠在旺角，知道港島也有后，立即來試了。價錢比糖百府好像還便宜幾元，叫了個牛奶冰加愛玉凍和乳酸魔豆。加五元可選一種生果，揀了草莓。冰很快就上了，分量只有糖百府的一半，怪不得較便宜了。加五元的草莓原來才只有兩小粒，又怎樣用來撈冰呢？撇除分量不說，其實味道不錯，愛玉凍香甜軟糯，魔豆則很有趣，一層薄皮爆開了入面還有乳酸，兩者都是和雪花冰配搭很好的配料。雪花冰本身較糖百府的更輕，真正像雪花，奶味不特出，其他味道可能會更好。生果則太少了，不建議叫。冰的邊際成本應該不會貴的，其實分量大點，客人可以食得更暢快，生意應該會更好的。

早前見到老媽出左飯餐所以今日同呀媽黎呢度試下~我地總共叫左牛柳粒飯餐+芒果腸粉+凍喳咋個set包括茶+飯+甜品(+$1)飯好好味~d牛柳粒煮得好稔好入味飯亦煮得岩岩好~但係食曬就會覺得好膩= =因為個source係甜甜地而個甜品係紅豆莎超稀= ="""""芒果腸粉保持水準~腸粉好滑~d source酸得黎好醒胃~而喳咋d料超多..幾乎成豌都係豆不過d豆煲得唔夠林..= =

車仔雪花氷好特別, 層層疊疊, 自己配搭, 唔錯芒果河及西瓜河好好味, D河粉又有彈性 ~~ GOOD

有一陣子沒到脊箕灣東大街了，原來開了很多不同種類的食店，其中最喜愛的便是這間糖水店了。兩口子在附近吃得飽飽還是心思思去一趙，二人共吃一但綿綿冰。以住吃過這裹的蓄石榴、牛奶及芒果冰底都很有本身的鮮味，最好就是冰底、鮮果、漿汁、配料可全部可以自由配搭，而且價錢很合理。綿綿冰外，還有很多其他種類的甜品如杏汁蛋白，湯丸及芒果腸粉等賣相不俗，要一試。這次嘗試榴槤配煉奶漿汁加星星芒果椰果，簡單又清新。是吃飽後再加添的滿足感。

琴晚同老公及阿女，一齊出街食飯，去咗東大街，原來依条街多咗好多新食店。原本想去∮ 棧，但又冇訂位！路經一間"甜品老媽"有飯、有甜品食，阿女就提意入去食。我哋叫咗甜酸芝麻鷄 飯、沙爹雞扒飯 、咖哩班腩飯。味道都唔錯阿女話啲魚好好味呀！我嘅芝麻雞塊都好熱辣辣，個餸另我好開胃，原本話食唔晒啲飯嫁......點知食晒！老公話嗰雞扒沙爹汁少咗啲！大致上都ok好味。飯後仲叫咗：榴槤雪花冰、芒果雪花冰。榴槤好有金 枕頭味呀好好食.....阿女鐘意食，嗰個芒果雪花冰加咗芒果肉、星星椰果。全部食晒！話好飽呀！下次一定要再嚟食.............

今晚同朋友去左間甜品店食飯.....因為諗住可以食刨冰...點知有驚喜!!!4個人點左唔同既野食....4個人都話好味...我食义燒拉面, D义燒係自家製.....日式.....味道好特別..好野味.....D面話說係胡蘿蔔素面.....感覺好彈, 好爽......其他朋友都係D料好新鮮....估唔到甜品店都有咁好味的飯食.....睇得出佢地有心種去做野....

專登去筲箕灣食晚飯，之後再食甜品，點知想食恆河咖哩，但等咗一陣都冇位，於是走去食咗甜品先啦！我去咗甜品老媽食冰冰，聽聞佢個湯丸都唔錯，試試啦！好失望一心想食花生冰底，點知佢話賣晒！唯有轉我未試過嘅紅豆啦，但係個冰嚟到時好似已經溶挭咁我就叫個姐姐換過個，但係佢話當D冰好硬時去刨係會咁其實我之前去糖百府度食，個老闆話當D冰起唔同硬度時去刨就有唔同就嘅形態。總之甜品老媽個冰唔係一片片啦最後換咗個蕃石榴冰底($29)，個冰底味都幾夠同出、我+乳酸魔豆、椰果，份量都唔算少。再嚟到個凍綠豆沙+小元丸($21)，綠豆沙唔太甜、又起到沙，味道幾好，但個小元丸就失望咗D，湯丸裡面唔夠香、個皮又太厚，唔合格。我都係覺得麻蓉好味D、香D。

「雪花冰」聽就聽得多一直都想去試無意中發現原來筲箕灣都有一間終於心郁郁忍唔住走去試原本想試咖啡味可惜已經賣晒唯有揀綠茶味啦@@幾好味個口感真係幾似雪糕不過冇咁甜感覺上仲健康過雪糕XD"可惜份量就少左d 耐唔耐食一次冇咩所謂啦令我愕然既係個男侍應拎雪花冰俾我個陣竟然將隻匙更直接擺係"木台"面就算唔拎張紙巾擺係碟邊都ok丫...希望下次再去唔好再見到真係幾唔衛生架!_!

27/6/2009 (Sat)考完試，為了獎勵自己，於是來這裡試試聞名已久的雪花冰。我八時半去到，不用等位，不過已幾乎坐滿人。接近九時，有很多人在門外等位呢！芒果雪花冰配榛子醬 ($25)：可能榛子醬的顏色淡，所以表面上看來好像沒有醬似的，但吃下去則有淡淡的榛子味。芒果味和榛子味不算濃，但反而因此就算吃一整碟也不會太漏。雪花冰好味，不過略貴。