甜在心 (已結業)

天氣太熱，去左食糖水消暑下，行街經過，見到都多人食，所以入左去食啦，叫左個窩夫同雪花冰雪花冰，好食，可以自選配料同醬，最岩咁熱食啦，仲叫左個窩夫，咁就中伏啦，一d都吾好食，窩夫好林，吾脆，好粉，好似放左好耐咁結果係，，，無下次，下次吾會再黎啦，

話說同壽星仔o係油麻地食完飯,佢話食糖水,行下行下就黎左佐敦本來想試下對面o個間綠茶甜品,但係好似好多都係waffle或者蛋糕,飽左d...行左入黎甜在心先發現原來呢度有飯食架,都幾好可以同一間野食完咸o既就食埋甜見到佢圖片有得黑白涼粉撈埋一兜,但menu上面又冇呢個選項,問左一位唔係好清楚o既侍應,佢再問另一個人先知道係可以咁樣撈o既雪糕就是但揀左個芒果味白色o個隻其實唔知係咩黎,又同黑色有少少唔一樣質感,不過都係幾爽口o既壽星仔要左個綿綿冰,仲要雙拼口味朱古力o個邊好味過芒果~因為芒果明顯淡好多~~要左煉奶,冇其他醬咁明顯;其他配料要左可可脆,椰果同乳酸爆珠唯一要講o既係,爆珠真係唔係人人都鐘意o既野...下次都係唔好揀呢隻配料,同埋乳酸味係頗酸的..

同朋友喺附近食完晚餐之後覺得唔太飽，所以就想喺附近搵間甜品店，然後就入左呢間甜在心，朋友叫左個凍嘅法式焦糖燉蛋，而我因為比較鍾意傳統嘅甜品，就叫左個芝麻糊加花生味湯丸。先講個燉蛋，其實味道唔錯，唔會太甜，水準都同一般嘅甜品店差唔多，但略嫌就太細，基本上幾啖就食完，友人更用佢喺法國食果d做比較，令佢覺得呢個燉蛋係極之細。而我個芝麻糊雖然分量算都多，但我希望佢會更加細碗，因為真係唔太好食，雖然都算滑嘅，但絕對唔香，更加食落好苦，反而個湯丸對比下就幾好食，幾香花生味，個皮都好煙韌。我基本上食左3粒湯丸同幾啖芝麻糊唔就唔想再食，希望下次去佢會有所改善。整體佢環境幾舒服，價錢合理，每人20蚊到，而值得贊嘅係服務態度唔錯。

在佐敦吃過晚飯後，經過擁有無數甜品店的白加士街，順帶當然要吃個甜品啦! 原本想到松記，但太多人，最後轉到甜在心一試。雪糕伴楊枝甘露，可選擇朱古力、曲奇、芒果等味道雪糕球，而我則選了曲奇味，曲奇雪糕軟滑，沉在楊枝甘露中，味道亦匹配，楊枝甘露西柚足料，亦不太苦，整體味道不錯。朋友點了雪糕菠蘿王子冰，起初以為配料是菠蘿，原來是菠蘿雪糕，她說來到時有點失望，菠蘿雪糕味道不太突出，一般般，而水晶珠不夠多。牛奶OREO綿綿冰，可自選朱古力、芒果等醬之外，亦跟3款配料，而我們選了乳酸爆爆珠、水晶珠及朱古力脆脆，味道好特別亦夠凍，綿綿冰充滿著香濃的OREO味，入口即溶，加上配料足夠，是不錯的選擇!環境雖然不太寬敞，但尚可接受，與朋友們吃過甜品後，坐了一斷時間亦不會催促我們離開。

與友人B吃過日式燒肉後, 我倆都想吃些甜食, 於是來了佐敦. 本來想吃松記, 不過見到門口那大堆等位的人後, 立即打消念頭. 那時剛好站在一間叫做“甜在心”的甜品店外, 見店內坐滿客人, 而店員又說有位, 於是入去一試.我們被帶到走廊的唯一一張空枱, 店內的枱其實頗迫, 環境也頗嘈雜.餐牌上其實有不少新派甜品供應, 不過友人和我都較喜歡傳統甜品, 所以不約而同地選了芝麻糊！ 我點了手磨芝麻糊 ($20). 芝麻糊尚算幼滑, 沒有一舊舊起粒, 應該不是沖粉的. 但可惜沒有芝麻香味，稀身而且帶點苦味, 可能是沒有下糖吧! 所以都頗難吃.友人B點了芝麻糊燉鮮奶 ($24), 她說燉奶一點也不滑, 芝麻糊部份一樣不大好吃.店員的招呼其實不錯，不過甜品質素有待改善.

食完dinner，就去了吃甜品 lol環境唔錯，唔洗等就入得 so nice !!款式好多~中式傳統糖水又有，西式甜品又有我選了焦糖燉蛋(熱), 朋友選了楊枝甘露配豆腐花焦糖燉蛋好的色,好精緻。面頭既焦糖色澤唔錯,金黃色... 而且好香~ 特意叫佢唔好比太多焦糖,少糖少甜 感覺唔錯。而且D燉蛋好滑 , 溫度暖暖的好岩冬天食  朋友的楊枝甘露配豆腐花, 賣相都不錯 芒果好甜 ~(可能浸過糖水?.?)  不過豆腐花好純好滑.... 絕對唔會有渣 ! so far so good 

甜品鋪近來在香港都頗盛行。原因之一係甜品鋪的簡單。亦難食有限。公道點說，這裡的甜品也很正常，不算出色，中上吧。先點了個最簡單的芝麻糊。可能真的太普通，就是不外如是的感覺。沒有太甜，其實這一點我喜歡。但就是味道也沒有特點。吃完了就白駒過隙了無痕跡。回家寫食評時已幾乎忘記了味道。然後要說今次的重點，叫了個綠茶紅豆雪糕班戟。但在等了五分鐘後，侍應生還是過來問我，是綠茶紅豆嗎？（餐牌上都沒有綠茶搭其他的組合。）確認後又大概十分鐘，芝麻糊都食完了。才珊珊來遲。兼且，是來錯的。不知怎的來了綠茶香蕉。。。（而我不太食蕉）慶幸，他們最後有後補一盤紅豆給我。奈何整件事的感覺就落差了。但話說回頭，扣了印象分之下，食落都唔差。綠茶雪糕與日本餐廳食到的一樣香，配合新鮮出爐的格仔餅還是會令人食得開心的甜點。考慮到這是如此簡單的工序（相對茶餐廳的繁複），雖然甜品味道還可以。但整體給予分數我會給他不合格。但又未至於要劣評予"差"，公道一點都俾個"ok"

同老婆食完晚飯想搵地方坐吓，入去點咗椰汁紫米露加切芒果同芒果沙冰。 紫米露算大碗但好稀，食落冇勿味，芒果大細更只得menu上6成。芒果沙冰夠哂涷，但係如果你做蒙瓶試飲，一定要細心品味先知道係飲緊芒果冰，因為同冰水既距離唔係太多，結果未飲完就走咗。

身為一個甜品迷既我，去到邊就搵甜品搵到去邊，啱啱今晚去左佐敦食晚飯，食完就俾我搵到呢間甜品舖，一見到佢個名就好想入去食，佢叫甜在心佢中式傳統糖水又有，西式甜品又有。今晚比較想食中式傳統糖水，所以叫左個熱芝麻糊燉蛋白，食甜品之餘可以養顏，一舉兩得佢上層係芝麻糊，下層係燉蛋白。芝麻糊唔太甜，ok滑，唔會食到芝麻碎。我特別中意下層既燉蛋白，好滑又唔好重奶味，啱我口味仲有好多想食！下次再尼食！

友人到附近買蛋糕，就在它的對面有家甜點店看到需要小排隊，心想應該不錯吧，就進來嚕誰知道...沒一樣是正常的變壞了的榴槤班戟，吃落又酸又怪即刻退掉拍不出來真實的效果，但已夠嚇人像泥水般的樣子，味道更是...比較像話的奶凍，但味道也是普普中雷了 ><""""

吃過精彩的川菜之後，意猶未盡，繼續甜品下場。反正KK要去宏買蛋糕，而對面又有間糖水鋪，大家都沒嚐過，就近近地碰碰運氣。排了一會兒隊，輪到我們了。選好幾款甜品，分別有雲尼拿奶凍，以及綠茶奶凍配十勝紅豆。前者質感和味道都對辦，配的一球曲奇雪糕，沒太多投訴。但，綠茶奶凍就一點也不醇厚，那紅豆更不像話，這真是十勝紅豆?另外的榴槤千層餅，我還未趕及試第一口，朋友已高叫是酸的，我亦不再冒險，退回去好了。椰奶爽滑目黑配芒果雪糕，味道至少是正常，但那球味道甚假的芒果雪糕，拖低了分數。我和Thomas都要了咖啡，看見色水，都知唔妥當，呷一口，必須立即放下。

今晚一大班人放工之後去咗佐敦嘅一間糖水鋪，唔知食邊間嫁，所以見到地方唔錯就行咗入去啦。甜在心～我地入到去叫咗我地嗰個都想食嘅楊枝甘露，而其中一個朋友叫咗楊枝甘露加芒果布甸！嗰楊枝甘露不過不失，唔會話有太重奶味，但係又唔太重嘅芒果味！不過都幾足料嫁，啖啖都係芒果肉，所以都唔會話好甜。而個芒果布丁，當然都係啖啖果肉啦，再加上凍冰冰嘅楊枝甘露係絕配。環境唔錯，入到去唔需要等，雖然係細細間，但都有大枱啱哂6-7個人嘅聚會。亦都有2個人嘅沙發位，好啱情侶去嫁！我同班朋友最中意嘅除咗甜品，係佢地啲座位！可能係番工企得耐，一坐咗上去，軟綿綿咁好舒服！

剛剛食金牌火鍋，接著食甜品調節一下。明明，我落單無要棷果，無啦啦收多＄6 ，好在有單。呢個水晶棷果龍眼冰, 一粒龍眼都無，都唔緊要，問佢，佢話打左落D冰，食左兩啖，只有棷汁味，一點龍眼冰都沒有。總評：一點好感也沒有，MENU上所提的少糖，其實得都覺得好甜。不過，服務上，還好，起碼有更進"有叔味"的薑汁燉蛋白,同退番$6棷果錢。

吃完晚飯，想繼續下場就去了吃甜品 之前在這家吃番茄麵就多~還是第一次吃甜品。款式很多~幾經辛苦大家才選好吃那些XD！椰汁紫米露～不過其實朋友不是點這個的，落單時已經出錯了Orz這個是白色的涼粉(?) 平時吃的涼粉都是黑的。試了一下，其實白色涼粉就是椰汁味道啊~楊枝甘露配豆腐花^^ 上面的芒果很甜~ 甜得有點過份(不知是不是浸過糖水呢?)有朋友說晚飯時間未吃飽XD 所以就點了這個雪糕窩夫。頗吸引的樣子~下次再來的話可以試試這個^^ 

  原來一心去著名的澳洲牛奶公司拜訪一下它的炒蛋, 但等侯的人龍已長得看不見盡頭, 便想在附近尋覓一些 ''代替品''. 尋尋覓覓間, 終於搵到一間價廉物美的店舖. 本應是甜品鋪, 但竟然有麪餐, 意粉餐, 飛碟餐我這個慳家妹, 選了個$20的雙併三文治餐連UCC coffee. 炒蛋和火腿都是即煎的, 還熱烘烘的, 大大啖咬落, 炒蛋十分之厚同有口感, 火腿亦好香, 加上一杯暖苙苙的UCC coffee(應該是instant的) 真係人間一大樂事重點是員工十分之有禮貌, 照顧亦細心周到, 值得一讚!! 下次一定會再來試下這兒的主打-----甜品