甜心良品 (已結業)

經常來呢度食薄荷朱古力心太軟，我試過普通朱古力心太軟同埋特濃朱古力心太軟，但係最後都係離不開薄荷朱古力幾隻味，我已經叫大size架啦，次次食完大size後，都係唔夠喉～～～～～～佢嘅雪糕溝埋啲朱古力流心嚟食真係冇得頂～～～～有時候喺元朗餐廳食完之後其實可以過嚟sugar mama呢度食飯後甜品，我相信你食完一定返尋味～^_^ 環境方面呢度比較細，繁忙時段會比較多人，不過老闆都可以開啲新台俾你～～～～～

所有事情都有一個限期，這間糖水鋪亦不例外，經營多年的sugar mama 終於也劃上句號。興許這會是它最後一篇食評。來到最後一晚，甜品的款式大都售罄了，最後我點了一份朱古力情人。老闆很快便送上了這道甜品，經典的原味心太軟配以朱古力雪糕和兩片班戟，賣相不算精美，但有親切的感覺。心太軟的味道還是一如既往的濃厚，內裡的朱古力流心比起普通的甜品鋪更加濃，令人再三回味，雪糕雖不太特別但也絕不遜色，再加上班戟更是令人非常滿足。來到終結的一剎，吃的其實已經不是味道，是回憶。和無數人在這裡的一點一滴與心太軟的甜味同時湧上心頭。回憶過後便是曲終人散，唯有寄望有朝一日能在其他地方再次看到它重新開張。

我就最鍾意食心太軟架啦......元朗都有好多糖水舖.....基本上我都食暈晒啲心太軟.....唯獨呢間有得俾你揀不同口味同濃唔濃郁嘅心太軟.....每次我班九龍友入親嚟元朗搵我食飯....食完飯之後都會來呢一間糖水店食心太軟.....佢哋都食都唔捨得走....其實如果冬天呢....坐喺出邊都幾浪漫嘅....你淨係睇下佢哋呀....心太軟一款野......都已經90幾種野俾你揀.....你話不吾不得了呀...

入元朗食飯，食完飯食唔飽就梗係要去食甜品啦～4人同行，叫左4款甜品:日落黃昏: 即係芒果西米露加一個雪糕球，之但係冇芒果肉，只係有D類似芒果沙冰放係面。蘋果金寶脆脆+雲尼拿雪糕球: 蘋果肉係熱嘅，雪糕係凍嘅，加埋一齊就又凍又熱，幾過引。焦糖窩夫: 個窩夫好好味，暖! 脆! 甜! 可以講晒。蛋白梳乎里: 個碗邊搽左好多油先拎入去焗，焗出黎好似好鬆咁，但係D油回流番去個梳乎里度搞到佢唔好食。元朗其實有好多甜品/糖水舖，唔一定要黎呢間食嘅。

試過咁多心太軟, 始終係SugarMaMa既心太軟最好味~!如果你對雪糕球既味道無咩特別喜好, 朱古力情人會係比較抵食既combination! 用正常size既價錢食到XL心太軟佢既心太軟每一次都無令我失望! 每一次都係超流心, 而且朱古力醬同蛋糕既比較造得岩岩好! 唔會乾到唔流心, 又唔會俾d朱古力醬浸到個蛋糕淋beibei, 絕對值得一試迷你格仔餅熱辣辣, 𥚃面好煙韌, 幾得意!但雪糕唔夠滑, 有碎冰P.S.- 而家每張枱都有ticktick紙, tick完自己行去落單- 唔會有水供應- 周圍更有無數既memo提你, 佢俾食環署打壓, 所以你要食快d, 讓返張枱出黎但佢新年都收左我加2服務費

與好友們在元朗晚飯後，因有數不之盡的話題，確感有意猶未盡，另覓地點坐下再談天說地，首選當然是甜品店，因不想到大型店舖進食，以及不熟悉這區，隨意地找了這店…可惜…中伏了…當坐下時看了一眼餐牌，想也沒想便確定了甜點，就是我最愛的榴槤…外觀看上去沒大問題，還嗅到香香的榴槤味道，一進口卻完全沒有味道，連糖水甜的味道也沒有…唯一有的味道是雲呢拿雪糕的味道…是我問題還是不是榴槤不太好，真的難以確實…但連甜味也沒有，這點很易確實了…再來點了榴槤班戟，外觀真的如早上吃的奄列似的，幾可亂真。中間切開後也是飄出香香的榴槤味道…外皮軟硬適中，內裡肉質卻非常軟淋淋的，不知是否要配合內裡的忌廉所致，而這次多了少許榴槤味了，但就感覺怪怪的…而兩位朋友就分別點了香蕉船，先來的是雙球的香蕉船，裝飾還可以吧，感覺真的像船似的，但感覺總是怪怪的，與普通單點的雙球雪糕沒大分別，只是多了把傘…當另外一位朋友點的三球的香蕉船來到，我們便恍然大悟了，好大的分別唷，只是一球雪糕與十元不到之差別，可以相差這麼多，至少有香蕉及多一點的裝飾，完全令到雙球香蕉船十分唏噓唷。最後我才發現，這店首選要吃的是心太軟，我們竟沒有意欲點選，但就因此

我最喜愛的甜品就是心太軟，可惜，並非間間都能做出有水準的質素，如果要推薦，必定是這家小店出品，大廚的心太軟，做得非常出色。 先講甜度，甜而不膩的味道，是我最愛！外層焗得鬆軟，切下去，內裡的朱古力漿慢慢流出。 這次，我點了玫瑰花味雪糕，但吃不出玫瑰花的味道，雪糕帶點酸甜而且夠冰凍，伴一口心太軟一起吃，一冷一熱的口感，在口腔𥚃打滾。吃心太軟，一定雪糕要夠冰凍，才有那種同時冷熱的感覺，這小店，做到了！

係元朗呢檔最出名就係心太軟我地食完正餐就當然黎呢到食甜品之前其實都食過幾次心太軟不但止多款,而且係即叫即整今次黎到好鬼熱,但係得番出面D台好好彩我地未諗好食乜就有人走即刻鼠左入去今次我地2個人係嗌左個中SIZE既心太軟等左大約20分鐘個心太軟先上到黎我地2話不說就馬上食但係...令我地大失所望就係個心太軟太熟冇左流心個效果成個口感唔同哂令我有D減分!!!因為佢間餐廳要每人至少嗌一樣野所以我地就嗌左個雞軟骨小食WELL...大家可以睇下黎到就係咁既樣完全未開始食係明顯炸得太耐同埋D軟骨勁細粒!!!所以今次係失望而回!!

星期五的晚上，進去了元朗打算吃個宵夜。見到網上對Sugarmama的評價挺好，而又出名吃心太軟，所以便抱著很高的期望進去。筆者點的是酒心心太軟，配上香芋味雪糕，價值: $59! 說真的，以價錢來說，並不便宜，可算是十分貴。但當時抱著極高的期望進去，所以也不介意。等了十五分鐘左右，終於送上心太軟! 上檯那一刻，覺得十分香，而且賣相都不錯。但是吃下去，心太軟不流心之外，而酒香味蓋過了朱古力的香味，所以變得沒有重點，令人失望。下次再入元朗，應該不會再試Sugar Mama的甜品，CP值極低! 

這天一家人去了sugarmama吃心太軟，點了大的特濃朱古力心太軟配草莓雪糕。等候呈上的時間比較長，大概15-20分鐘，但是是可以理解的。等了一段時間終於可以吃了。心型的心太軟是很特別的形狀，首先把心太軟的面層弄開（開蓋），可以看到裡面的流心朱古力非常多，吃下去不膩，而且朱古力味很濃，非常值得推介。來到sugarmama，不能不推介心太軟，不愛吃太甜的可以選擇特濃朱古力心太軟。草莓雪糕就不過不失，吃下去有點似gum的味道，但是還可以。這裏環境有點擠，衛生程度還可以。

食過港九新界廿幾間既心太軟，無一間做到呢度既外脆內流（除了貴花甜的香蕉心太軟好一些，但最近食過一次差了）只因出面全都是用同一個形狀既模，所以出面的心太軟多數是很厚蛋糕流心很少，但呢度既心太軟係心型模，平面較闊受熱快才可以做到蛋糕脆薄，勁多流心，匙羮叉進去已經feel到好脆(無錯係叉進去，因這裡的匙羮兩邊有齒的呈錐型，這個用來食心太軟加雪糕是超配的 出面少見），每次都叫大朱$49（大的原味心太軟，有普通，大，特大三個size)，我喜歡由中間吃起，生果和雪糕可放進流心池內點來吃 特別一讚是這裡的雪糕，雪得很硬，平時好多剛放下雪糕已開始溶，但這裡到食完都沒有溶掉，雪呢拿味很香和重，顏色偏微黃，不是出面很假的雲呢拿味。心太軟的味道夾雜住一些烤的味道很特別，不會太甜但又夠濃，大愛 很久前在這吃過放題，試過蘋果金寶，這個也很好味，但其他的芝士餅，燉蛋，西米露...都很一般，所以每次來只叫大朱就算了。下次有機會試一下班戟($2x)

元朗一向都多甜品店,今次我就去食sugar mama,叫左2個心太軟,一個配士多啤梨雪糕,另一個配合芒果雪糕.心太軟好好食, 內層D朱古力醬暖暖地又慢慢地咁流出黎, 聞落去已經有好香既朱古力味, 食落去當然充滿濃郁既朱古力味, 甜度適中, 加上有冰凍的雪糕配襯, 非常好味!!仲有一個特別D既位係佢既心太軟係心形既,呢點同其他甜品店唔同!!!

每一次甜品，吃的都是差不多的甜品，不是用生果做的，就是以朱古力做的，今次也不例外，今次吃的也是用生果做的甜品。來到元朗區，都有好幾間甜品店可供選擇，今次選擇的甜品店，位於康樂路的甜心良品，主要是就腳。到達的時候，從門外看到內裡的情況，一個客官也沒，卻在枱上放上了留的牌子，於是走了入去，問問店員是否可以吃甜品，店員答說是，便趡下來。在餐牌中得悉心太軟是招牌甜品，分大小和特大三個碼子，可是在下卻沒有興緻吃，也有傳統的糖水和一些小食。然而在下還是點了經常吃的甜品。日落黃昏。是一款芒果西米加上雪糕，可算是一款極為普通的甜品。當上桌的時候，大感不妙，只有芒果汁加上西米和芒果雪糕，連芒果肉也欠奉。雖然有芒果汁的甜味，可是欠缺芒果肉，在下也覺得欠了誠意。當中的芒果雪糕，雖然甜味可觀，也頗滑溜，但始終都彌補不到有芒果肉的存在。在下想也許不會再回頭吃這家的甜品了。

一個落大雨既晚上,食完飯好想食個甜野,再吹吹水.記起依個角落依間餐廳,有我為佢添食既甜品-心太軟見openrice d人有好多都彈佢個甜品buffet or 團購中伏.不解釋...我係呢到亦只會再食心太軟佢既心太軟有咩咁特別?其實你見到個樣唔係話靚仔,都係Chocolate Molten Lava Cake + Ice-cream (都有幾多味揀) ,極其量放多幾粒生果, 但我就係鐘意佢係心型既心太軟...原因唔係為食字字食個心,只係平時個d心太軟多數都係上窄下闊,圓形模,1叉入去d漿就流哂出黎...但依個心型模,平面夠大,我可以食個cake 又食哂入面d朱古力漿.....添食指數: 7/10

本身諗住同朋友一齊開心下，期待左好耐~於是我地專登去左元朗。一去到就俾張COUPON佢，店舖冇咩客人，但逼我地坐喺近門口位吹風。本身我地以為可以開始隨便ORDER，點知  佢遞左一張差唔多咩都冇得供應嘅ORDER 紙過嚟我地已經好火爆，尤其是芝士蛋糕得番new york cheese cake揀，又冇咩芒果嘅甜品，得個芒果布甸我地算數，所以叫左最出名嘅心太軟，心太軟係幾好食，不過心太軟已經全間鋪最好食嘅甜品。但個火焰雪山真係食唔落口，硬到好似石頭咁，啲味又奇怪。期待嘅芝士蛋糕終於出現，點知細到好似一蚊咁，個厚度只係兩個五蚊疊埋嘅厚度咋，我地所有人都呆左。面包布甸雖然係幾好味，但賣相真係接受唔到，一小灘(一蚊SIZE)咁放喺個碟。原先以為芒果布甸係會用杯裝，誰料到芒果布甸得個三粒8立方厘米大。下次都係唔好咁容易上當。