甜意糖水小食

营业中

休息中

間糖水舖開咗十幾年、但真係一年比一年難食、行過好多次、想食糖水最後都無買、今次比個機會自己、買左碗腐竹白果蛋糖水…老實講 好甜..請問甜到點食呀？$25係平，各位仲買唔買喎em自己睇相吧原來要200字先可以比公仔

踏進這家餐廳，香氣撲鼻，嗰種暖笠笠嘅歡迎真係話唔到口。🍜 開先，嚟碗「燉奶」先，溫暖又順滑，正中下懷，簡直係冬日暖笠笠嘅最佳選擇。點可以錯過「鮮蝦煎蠔餅」呢？外皮金黃，脆卜卜，裡頭滑嫩嘅蝦肉同蠔味大滿足，個蠔餅足夠脆，蝦肉又爽彈，真係諗起都流口水。之後有碟「乾煎牛河」，牛肉香濃，河粉滑溜，汁勁夠味，好食到停唔到口。勁想再黎多碟！「糖醋里脊」又係一絕，甜甜酸酸嘅汁適合任何味蕾。啖啖肉，每一口都令人唏噓不已。講真，食完之後感覺自己好似重拾咗小時候對美食嘅樸素熱愛。🧡要點名讚下「芒果布甸」，呢個後甜得嚟不膩，正宗嘅芒果香氣，食落開心晒！食物好吃之餘，服務員嘅親切服務更加是錦上添花。無論幾忙，佢哋嘅微笑同耐性都不減。總括嚟講，真心推薦大家黎試下，唔會令你失望嘅！👍

呢間糖水舖好似由我細個到而家都一直存在！屹立不倒一定有佢原因！我好似都係嚟過食一兩次咋呢日同朋友嚟呢佢食飯，想食啲有舊款式嘅糖水，而唔係雪花Feng嗰啲，所以就嚟呢度試吓，上網搵仲存在呀嘛！我哋嗌一碗傳統嘅再嗌一碗有涼粉嘅一齊食綠豆沙豆腐花唔會太甜，海大嘅數量好少嘢都食唔出未！不過簡簡單單OK嘅！雖然話佢價錢好平，但係佢都幾細碗同埋材料可以慷慨少少呢碗$34嘅自選nolo太細碗了，叫做咩都有啲可以滿足貪心寶寶嘅慾望，揀咗涼粉海底椰木瓜西瓜！甜品加西瓜真係好㗎，不過佢所有嘢嘅份量都唔多，最多就係椰奶食過之後覺得其實佢都唔係話特別平，因為佢個份量比較少

今晚同朋友去開馬鞍山食飯，食嘢返，梗係要四圍搵吓糖水食，行去邊見到呢間糖水冇乜人，價錢又幾抵咁，所以入咗去試吓見到啲撈撈都幾抵食，朋友就好想食楊枝甘露，我就揀咗款撈撈試下，冇諗過真係會用芒果汁，所以成碗甜品芒果味勁濃😍😍😍😍😍😍😍😍眼食食物都幾抵食，店入面仲有中式甜品，下次可以試下食，唔錯既選擇不過店鋪細左啲，所以唔敢傾太耐，驚外面有人等位，整體黎講都係街坊生意，價錢實惠💪🏻💪🏻💪🏻💪🏻

馬鞍山糖水鋪選擇唔多，朋友吹水聚舊事旦揀黎食。份量唔算大份，所有食物平平無奇，不過勝在餐牌多選擇。叫左啲腸仔魚旦小食、小丸子、擂沙湯丸。間唔中食下，當支持下啲小店。

每次食唔飽, 都會諗起食碗糖水滿足下.中式糖水唔太多選擇, 要做得精, 亦唔係間間做得到.既有西式, 亦有中式既糖水甜品供應. 通常我都係會叫個幾款, 外賣拎返屋企先食既.石磨芝麻糊完全唔係溝粉整出黎既, 所以唔會做到一舊舊, 甜得黎亦好重黑芝麻香味, 重點入面係加左飯, 應該係米糊, 所以令到成碗有杰身既口感.另外黑珍珠涼粉亦都係我常叫既, 以前見倒黑珍珠會覺得好肉酸, 但原來食落去都特別, 同埋纖維高好有益既, 再加上唔係成日食既紅毛丹, 雖然無荔枝咁甜, 但無咁燥, 而且都夠清甜, 再配埋涼粉, 3樣野好夾.

今次去左食小店甜品叫左個紫米露，傳統湯水風味，有點家的感覺同埋擂沙湯丸份量大，價錢優惠小店環境一般，唔算大下次會再叫其他糖水試試整體評分：4/5味道：4/5環境：4/5

食左飯想搵糖水食，但係食開個間今日休息，所以求其係外賣APP搵間糖水舖。APP上寫住呢間舖有4.4分(十分好), 點知就比佢伏左總共叫左6個糖水，其中一個係楊支甘露，超級甜！勁重糖水同埋d芒果汁味好假，跟本用糖水去掩蓋佢個個本身好難食既芒果汁，食左一啖掉左另一個世界級難食係小朋友都識整既芒果布甸，成碗野面頭浮現黑色，好明顯係用爛芒果打汁再整布甸，而且仲要係用d唔靚既芒果，食落口有草青味仲要好似落唔夠漁膠粉，俙到不得了，完全唔係一個正常芒果布甸既，又係食左一啖就掉左其他比較正常係雜果西米露，另外我都叫左2碗涼粉，好失望佢係用糖水底，或者係我一相情願涼粉會跟椰汁/花奶最後仲叫左個芝麻糊+湯圓，最好食就係d湯圓，因為係攞貨唔係自家出品希望店家用心改善一下出品，不過我都唔會再有下一次幫襯

啱啱喺白石打完波突然想食糖水，見馬鞍山附近有一間仲未收工，而且又見有人夜媽媽都去幫襯就諗住試下，點知超級伏🤦🏻‍♀️🤦🏻‍♀️🤦🏻‍♀️order左楊枝甘露布甸 ($35) & 楊枝甘露豆腐花 ($35)，碗野好甜，而且我咁大個人都未見過楊枝甘露係冇芒果架，係一粒仔都冇，成碗野好似甜奶露咁😖 個布甸好”張”口，豆腐花算滑，但係好硬身，好似杏仁豆腐咁，可能佢真係杏仁豆腐花啦🤷🏻‍♀️ 食完覺得完全浪費左今日個quota😭

落單個啊姐態度完全唔掂，黑口黑面，好似全世界欠左佢咁十點半去到寫住營業中但係好多款賣哂，入面開得三張枱，仲要好逼，大家去食之前真係三思而後行，永不幫襯，小店都係咁話

今次在著名美食沙漠馬鞍山搵食。附近有體育館、游泳池，做完運動食返碗甜品真係一流。以前讀書時成日黎呢到食宵夜，當年同學都叫呢間鋪頭做「大粒西米」，應該係呢到嘅招牌菜。以前揀自選刨冰比較多，今次揀咗自選撈撈。咁多配料選擇一定可以搵到啱自己嘅口味今次揀咗海底椰，醒唔起係硬硬地嘅野，仲諗住輕鬆食，自己揀錯，無得怨人。雪糕食落似係x巢牌，但唔肯定。朋友揀咗以下配料店內座位得十個左右。無影相。以前十幾人黎食，店員會喺門外開摺枱俾我地坐，容易嘈到民居，要保持音量收細啊。

趁著幾天假期入了Camp，開始一連串熱血青春的活動(對於我來說是燃燒生命)。其中一項當然是「夜訓」及「去夜街」啦~ 夜深與友人結伴「食糖水」，別有一番風味，成個人都年輕左。我本想食腐竹糖水的，但一路走來太熱了，想吃點清爽消暑的，讓身體降降溫，於是點了「自選撈撈」：西瓜、芒果、椰果及小丸子。撈撈原本配的是花奶、椰汁及芒果汁，但太多口味混雜未必是件好事，所以我省略了芒果汁。西瓜份量可接受，但芒果略嫌少了一點，椰果我喜歡正方粒的比較有咬口，這裡用的是幼條狀的，下次或者可試試以海底椰代替。小丸子有驚喜，質地軟糯，口感很好。「自選撈撈」$32餐牌

真係離晒譜，呢間野真係野食又衰質素又差。叫碗芝麻糊，真係稀到好似飲水食鼻涕咁樣，仲要一patpat,無啦啦有硬塊。另外叫個桂花糖水，真係甜到嘔電甜到痴線，你係完全想像唔到點解咁整。簡直好似飲緊西多士果d 糖漿咁。飲幾啖就覺得好酸，肯定係煲足全日，煲到酸味走晒出黎。最難接受就係個落單呀姐，又串咀又迫人落單。真係當你提款機，完全冇當你係客咁。仲要嘜鬼都要最低消費。又冇寫冇講，真係話收幾錢就幾錢，亂咁黎。總之就唔駛入黎食。當見唔到就好。

態度差，食物又差。叫外賣自取，明明叫芝麻糊加湯圓，返到屋企一打開芝麻糊加雞蛋。已經即刻打電話，講左10秒都無，條友仲話打錯，過份擺明欺騙客人。芝麻糊又無味，態度又咁樣，好難會再幫襯。

今次黎到無咩人...可能時間比較早...雖然無咩人..但呢到環境好逼脅...空間感好細...所以啦啦聲食完就走人.. 佢有時會開啲戶外位..但我唔會揀...夏天驚小強...冬天又凍！叫左腐竹糖水..甜度算係適中既..腐足都煮到好爛！ 今次無叫多隻蛋...因為實在太飽....之前都叫過中式糖水..芝麻糊.不過不失..唔會太稀...至於其他糖水無試過...唔知點..睇食評話佢地態度差..今次又無乜野...馬鞍山呢啲劣食之地...真係不能要求太多...