甜椰坊自家制甜品專門店 (已結業)

有晚朋友入大埔搵我借車用 咁就順便去吹下水傾下陳年舊事 就帶左去大埔中心食糖水 本身諗住食松記不過見好多人就轉地方 聽人講甜椰坊幾好食 咁我地就去試下 去到都要等佐一陣 入到去 我地就點佐 芒果布甸 燕窩甜椰  兩樣都好食 最緊要係唔會太甜 因為之前去親其他甜品舖食親都好甜 好似食糖咁 依間就唔同 甜度適中 份量又岩岩好 價錢又唔貴 又唔太多人 係一個吹水既好地方

次次嚟親甜椰坊都系食同椰子有關嘅甜品，慢慢咁都忽略咗其實佢都係一間普通嘅甜品店，仲有其他甜品食嘅....夜晚行街行到已經過咗飯點啦，肚餓嘅感覺完全無曬，但係又覺得唔可以空腹唔食野，啱好附近有甜椰坊，就嚟食啲甜品補翻數啦！單睇個店面其實唔算好大，環境唔錯。不過menu上邊都幾多野揀嘎，特別我最鐘意嘅芒果系列甜品，班戟同小丸子一定要試！！！凈喺睇圖片就覺得唔錯，而且價錢都唔算太貴。芒果加小丸子嘅搭配，再加埋雪糕同埋少少粟米片，芒果略酸，小丸子本身系無味嘅，不過同埋雪糕、芒果一齊食味道ok~~ 芒果班戟，只能夠講同一般甜品店嘅班戟差唔多。不過班戟入邊嘅芒果都算俾得比較多，仲有就系好多cream！心太软，戒开少少入边啲朱古力酱就会自己流出嚟，食得多都唔会覺得漏...

nee排天氣都唔系好好，潮濕到乜咁，成個人都無咩精神。好想穩D野來開心下。約咗朋友去行街吃飯睇戲shopping。Sat約咗朋友JOE系大埔附近shopping，散散心。然後我話我想食芒果甜品。霖起之前都有來甜椰坊食過，就同F來食了。海底椰甜椰。原個椰子的燉品我自己都係食唔少。燉雞湯，燉排骨，燉奶。普通的椰青我哋都飲得多。呢個海底椰，就系夠滑，味道覺得好清新，不會甜膩。一個人食唔會覺得好大份。鮮奶好滑，椰汁香味都好濃。應該都系新鮮椰汁。芒果涼粉。NEE個我自己點嘅，我覺得味道好好。我比較中意食芒果類甜品。其實都系好清新，涼粉味唔苦，好都地方食涼粉唔知點解我覺得同龜苓膏有點苦味。芒果好新鮮，唔會澀，分量都大。我食完已經覺得超級飽。最後一個同F一齊share嘅，香蕉船。因為我食完涼粉都覺得好飽，呢個我無食好多。JOE話味道中意，距中意香蕉類甜品，朱古力有D點綴，賣相我覺得好靚咯，而且都系有芒果嘅。因為我話中意芒果，我朋友JOE又繼續點呢個，雖然最後都系距食曬多。很不錯嘅，中意椰子類甜品嘅F，都系一個唔錯嘅選擇。

今晚同朋友係大埔lee邊閑逛，剛好肚仔餓餓地，經過甜椰坊門口見到今晚客人唔算太多，決定入嚟食返餐先。入到嚟坐低打開個餐牌，發覺里面好多甜品嘅價格都好抵食咯，樣樣睇落去都好似好好味咁，一下決定唔到食乜先，好難選擇啊，霖咗一下，最后點咗一個燕窩楊枝甘露，同埋一個巴芙山。楊枝甘露係甜品店嘅特色，我哋每次食甜品都幾乎會點一份，好食又營養，今次再加上有燕窩係入面，肯定更加香滑滋潤喇。而巴芙山就係賣相吸引口感又唔錯嘅甜品，天氣熱果陣食佢就至消暑喇。等咗一陣兩個甜品就上餐了，果然好有效率，燕窩楊枝甘露嘅材料好足啊，真系可以見到晶瑩剔透嘅燕窩係柚子粒下面，份量仲幾多下添，老板真係落重料喔，味道同之前食開嘅楊枝甘露差唔多，勝在羹羹都食到西米同水果，唔會因為價格優惠而偷工減料，lee點要比個大大嘅贊先，巴芙山嘅味道都唔錯，士多啤梨新鮮多汁，泡芙又脆又甜，雪糕也香滑，值得一試啊！

今天心情差到爆表，決定來個甜品嚟發泄一下負能量，夾硬扯咗佬友仔S出嚟聽我訴咗咁耐苦，係時候請佢食翻個dessert補翻數喇！嚟到甜椰坊，望見個餐牌肥妹我嘅心情已經好咗30%，因為真係好抵食吖，表示我可以點多份落肚了，咔咔！今次豪d請佬友仔S食翻個熱燕窩甜椰嚟潤一下，佢成日話比我魔音催殘咗一個下午，成個人謝曬喔。肥妹自己點咗一個熱海底椰甜椰、蛋白杏仁茶燉鮮奶，點完等食嘅肥妹心情已經好咗50%喇。等咗幾分鐘我嘅甜品就上枱喇，熱熱嘅海底椰甜椰暖心又暖胃，里面好多海底椰，嚼得過癮，椰奶好香滑，食得好滿足吖。蛋白杏仁茶燉鮮奶同佬友仔S一齊share，可以食到好香嘅蛋白鮮奶味，不過整體味道有d淡，可能怕太甜嘅話好容易膩喇。至于朋友嘅熱燕窩甜椰一樣係份量有翻咁上下，佢話燕窩燉得好入味食落有椰奶味，椰奶又吸收曬燕窩嘅精華，真係好好味喔，仲話要將燕窩食得干干凈凈。睇見大家都食得咁開心，心情一下好翻曬，原來食甜品真係可以提升人嘅幸福感咖！

今天同兩個佬友SHOPPING行咗幾條街，行到腳仔攰，決定整返個HIGH TEA透透先，之前記得大埔lee附近有間甜椰坊，好掛住佢嘅海底椰，于是拉埋我班佬友行多兩條馬路過去食甜品。可能今天lee個鐘數仲係上班上課時間喇，過到去我哋居然唔使等好耐，真係LUCKY! 我哋一人要咗一份單點，坐低食下傾下閑計就透咗成粒鐘，好在老板心地好，沒趕客喈。先講下朋友嘅香蕉船，賣相好QUTE吸引，$40有交易，價格真係好實惠，材料仲好豐富先，三只口味嘅雪糕球加兩半香蕉造成小船，上面鋪一d小丸子同芒果搭配，水果新鮮，雪糕香滑，好睇又好食。跟住係我中意嘅海底椰甜椰同另一個佬友嘅燕窩甜椰，價格分別係$45同$68，老板用一只椰子來燉椰奶，落足料，海底椰同埋燕窩放得滿滿，仲有放西米增加濃稠感，睇落都已經棒棒噠，羹羹都食到餡啊，食入口更加無得彈，口感甜而不膩，香甜濃滑，營養又滋潤美顏，好多女仔嚟到都中意點lee兩款啰。 

周末難得悠閒，下午陪家人外出飲茶後，再約好友在家附近吃糖水+吹吹水，而我最愛的糖水店，必選大埔廣場甜椰坊，我每次在大埔完晚飯，都愛來這裡吃糖水。基本上每次來到我都必定會吃甜椰糖水，今次也不例外，我跟好友一人點了一款，我點的是燕窩甜椰(熱)，而她則點了蛋仔甜椰(冷)。燕窩甜椰上面放滿燕窩，好滋潤。下面的燉奶椰汁味好香濃，口感細緻幼滑，配合燕窩咬起來帶有膠質的口感，非常美味。朋友的蛋仔甜椰，上面的布甸很滑帶蛋香，但個人認為還是熱的好吃。另外也點了香蕉船跟友人分享，香蕉船由三色雪糕、芒果粒，小丸子、星鑽及朱古力汁組合而成，雖然雪糕是普通貨式，但材枓及味道都很豐富，不錯!

男人放假接放工，未到晚餐時間，但又有點點餓，於是上openrice 尋覓一下沿途甜品店。找到位於大埔廣場的甜椰坊，地舖位置方便易找。蛋仔甜椰 HKD42驟眼看，以為是雞蛋布丁加椰王燉奶/蛋白，但原來是雞蛋布丁加椰王凍，再淋上淡奶。椰王凍感覺新鮮，口感有點像大菜糕，味道是非常清甜的椰青味，配上滑滑但味道不大搶的布丁和淡奶，整個甜品變得清新不膩。香蕉海棉窩夫 HKD33窩夫是冬甩形的，得可愛特別，暖暖的口感軟綿，伴上熟度剛好的香蕉和曲奇味雪糕，合格有餘。心太軟 HKD43同樣是跟曲奇味雪糕，如果可以有其他選擇便更好。還好伴著上的芒果新鮮又夠甜，加回分數。心太軟有做到流心，朱古力的味道也算濃，蛋糕的口感普通，整體算合格。個人認為甜椰系列會較出色，加上店內甜品價錢相宜，地點又算方便，也可以一試。

話說前排去開大埔shopping ~ 晚飯後見到依間糖水店爆晒人主力「椰子野」就又試下先～佢俾我嘅感覺好許留山但佢係椰子版！我同男朋友就點左佢地嘅三大力推！分別係木瓜燉鮮奶、椰皇奶凍、芒果豆花。我自己本身好木瓜，而且深明木瓜嘅好處，熱食更係對女仔健康好，成隻木瓜上，上面有鮮奶同好似大菜糕碎嘅野～ 甜度同奶味岩岩好～而且木瓜味超出！再試主菜>個椰皇不得了！佢用原汁椰皇水做左啫喱！好好味呀！而個奶凍又出奇夾埋椰皇啫喱好有feel!

自從朋友搬來大埔, 我們來探望他而進大埔的機會多了。  下車後的第一個動作竟然是去吃上次吃得滋味的椰皇  (✪ω✪)花膠甜椰  (熱)  $68說是熱但實則是暖, 吃一口暖暖的, 又甜又潤；舀下去的第一羮, 原來在花膠碎及椰漿底下是燉鮮奶, 呷一口頓時一陣暖意在縱橫全身, 花膠碎有丁丁的腥味, 質感是既有豬耳軟骨的脆脆, 亦有帶黏糊的膠質狀態。  讓人有暖入心的燉鮮奶, 滑溜程度可叫是吹彈可破, 奶臊香濃, 甜度適宜, 邊吃燉鮮奶邊吃椰皇肉, 更增加了一層潤而不燥的味感。

那天到大埔探一探朋友，順面逛一逛中學時常到的商場，突然發現這間甜品鋪。貪吃的我們便入去光顧。這裡出名燉椰皇，便點了燕窩燉椰皇。*燕窩燉椰皇燕窩數量比預期中多，口感略爽。而椰皇香味撲鼻，口感軟滑，味道微甜，對小妹而言十分足夠，十分適合怕肥的女生。*芒果奶凍周邊的芒果甜度滿意，芒果汁內含有少量果肉。奶凍的好奶味是足夠的，甜亦屬微甜。但略帶軟感，不知是時間的關係還是魚膠下得不足，小妹認為弄硬/挺身一點會較好。

食過晚飯後,順便食埋飯後甜品,係大埔的甜品店,我有好多都食過,上網搵到呢間甜椰坊,未食過,甜品賣相吸引左我,便去試下了。裝潢是簡約主義的設計,時間尚早,唔太多人,之後越夜就開始多人了。即睇有咩食,以椰皇作賣點,必試下呀。蛋仔甜椰(凍),$42。賣相十分吸引,用椰皇殼盛載,感覺有誠意,濃郁椰汁香味,雞蛋布甸,口感又滑又彈,味道少甜,底層像是大菜糕,爽口,有清甜的椰香味,幾好味呀。燕窩甜椰(熱),$68。份量十足的燕窩,好豐富,燉奶口感軟滑,味道香甜,好滋潤呀。巴芙山,$43,用一口巴芙砌成一坐山的模樣,賣相有心思,巴芙口感酥脆,加上軟滑的忌廉及芒果粒、士多啤梨、水晶珠配料,幾好味呀。賣相有特色,甜品味道不俗,好滿足的飯後甜品呀。

來大埔探朋友，落雨濕濕只好待在商場，行完一輪街，好想吃甜爺爺的東西，無意找到這間甜椰坊，地方都算闊落，簡單乾淨的設計。凍冰冰最適合吃熱騰騰的糖水，看見有整個椰子的甜品，即刻令我心動。我們點了熱花膠甜椰（$68）和燕窩甜椰（$68），這些養顏滋補的甜點好吸引，光是放著，椰奶味也會隨隨飄逸，奶味濃郁香滑而且還有滑滑的奶凍，配合花膠和燕窩，感覺吃完皮膚也變好，雖然價錢不高，但分量也很足，很超值。兩者大至一樣，其實只是花膠和燕窩之別，個人比較愛燕窩，味道較清淡較為夾。除了美顏的甜椰外，我們也點了法式脆糖蛋（$30），賣相和味道屬一般，焦糖脆面略為不夠味，燉蛋也不夠香滑，但朋友不愛重蛋味的甜品，所以她覺得挺不錯。

今日星期六只需要返半日工，就打算放工后去大埔休閑放松下，順便同阿妹去果邊穩食，大埔比較少去，可以講人生路不熟，但吃貨的世界就系去到邊都可以穩到靚嘢食，我地去到都三點幾喇，咁就打算穩個地方解決下午茶再周圍逛，見到甜椰坊裝修都可以就入去穩嘢食喇。芒果乳酪同香蕉船，芒果乳酪放左D脆皮系芒果肉上邊，芒果肉系新鮮果肉，唔系罐頭，好甜，無咩酸味，果肉都算多，雪糕系原味，都幾重奶香味同埋都算滑，同脆皮一齊食，兩種味覺，幾好。香蕉船分量都幾大，一整只香蕉仲有芒果味雪糕球，上面仲鋪左D西米同芒果肉，好新鮮嘅水果，雪糕球芒果味好好食，西米都好Q彈，一個甜品有咁多品種，覺得都幾抵食，一次食咁多嘢。覺得最好食嘅就系呢個燕窩甜椰喇，用原只椰子來燉燕窩，牛奶同燕窩燉得好香，好夠火候，而且好多燕窩，老板好重手，咁舍得放咁多燕窩，完全夠兩個人分嚟食，牛奶同燕窩好香滑，又唔甜，食完覺得成個人都靚曬。

今日我系非常的開心，畢竟所有的事情都朝著一個很好的態勢發展，出來食下甜品繼續keep住我的好心情先。無論如何都是要食的榴蓮班戟，除咗系因為價錢好抵之外，我地仲覺得味道非常正，榴蓮班戟的大小分量就好適中喇，雖然圖片睇得唔系好清晰，但係榴蓮班戟嘅樣子同顏色其實都系好靚的，不會很甜的味蕾，而且入口的感覺是同一般的班戟相比更加的滑，榴蓮味的班戟是只會加分，味道真係令人冧爆，食完仲想繼續食吖！芒果同榴蓮都系一樣的令我食到如癡如醉的地步，芒果布甸是相比班戟又系完全不一樣嘅甜品，芒果味也是很濃鬱的，很有口感，咬開一啖之後呢，我可以見到很多的果肉，芒果肉真的系好多，好正，好好味，芒果肉很多的分量，使得我地食到好happy，而且芒果布甸表面仲有添加咗啲奶，不會很重味道，發覺芒果同奶其實都出乎意料的夾，環境都好舒適喇，服務又好，正！