甜椰坊自家制甜品專門店 (已結業)

椰汁甜品是我至愛, 因為貪其夠香, 早前相約同樣愛椰香的朋友一齊去甜椰坊食過夠~ 門面有四條紅色燈箱, 好易找.店內用的是普通膠椅, 若果能換上白色椅, 整體感覺會好一些.甜品選擇非常多, 有與椰汁有關的甜品.有一系列照顧到不太喜歡椰汁的朋友, 例如傳統中式糖水.亦有新式的凍撈及爽凍冰.先來傳統的中式甜品 - 紅棗元肉燉海底椰 $35, 熱呼呼的甜品在秋天吃就最感滋潤. 這碗糖水很足料啊~甜度非常適中, 喝起來很順喉, 部份海底椰夠腍, 而我就集中吃元肉和紅棗等補氣血的.另一款熱食甜品是花膠甜椰 $68, 要食這個就需等候15分鐘準備時間. 花膠是名貴食材之一, 切碎後放入椰皇與蛋白一起燉, 好滑嘟嘟~ 感覺上吃完後皮膚就會同樣滑溜, 而且味道十分可口, 自己可吃光一個.花膠有少少難咀嚼, 若可預先煮腍些少, 再放入椰皇內燉會較好.yummy!! 飄來榴槤之香.....店員一放下, 榴槤的香味就隨之飄來, 好誘人呀!! 忌廉汁及椰汁上浮著金柚, 但寶物尋歸底.有一湯匙份量的榴槤肉呀~ ~ 味道極似貓山皇, 但我相信不會啦, 因為貓山皇很昂貴, 吃真一點, 應該是金枕頭, 與忌廉汁及西米

最後一日假期要好好享受! 約左朋友去大埔食dinner，下晝行行下街覺得肚仔餓餓地又想搵地方坐下，地膽朋友仔就介紹左黎遢下呢間甜品!雜果小丸子涼粉-本人係好中意食小丸子既，所以見到小丸子既甜品實在係大開心! 呢個甜品好在唔會太甜，小丸子又煙煙軔軔咁，涼粉亦唔苦，西瓜同芒果都好甜!膽粗粗叫左個心太軟試一試，因為係中式甜品鋪試西式甜品，其實好易中伏@@ 幸好佢個心太軟都不錯，真係有流心嫁! 同埋都唔會太甜，食完唔會覺得膩，至於個曲奇雪糕就普通左啲，味道不怎麼樣呢!間陳叫得做甜椰坊，想必椰子類既甜品幾出色?所以嗌左呢個試一試!都係有我最愛既芒果同小丸子，下面係椰汁沙冰，最意想不到既係佢下面仲有個椰汁果凍咁既野，食落又幾好味喎!

與潮福屬同一集團的甜品店, 以賣椰皇甜品為主；椰皇甜品又引起我的甜筋了, 以往都是幫襯甜心心, 有時就許山山, 今次要嚐嚐甜椰坊了。秋天了, 溫度雖然仍然熱但喉嚨乾、喉嚨不適的狀況是沒有可以欺騙的, 更加需要椰皇滋潤。甜品店採用簡約、平民化的裝修, 牆上掛有不少海報大小的甜品圖片, 可惜絕大部份也貼上停售兩字。寫明店內不設茶水供應, 吃甜品卻沒有茶水清清口腔, 就如點了窩夫但沒有茶水可供解渴。特別點了一冷一熱的甜品來吃冷甜品代表：芒果金露  $30溫度是比室溫低一點, 並不會冷到難以入口；芒果金露裏有芒果汁、芒果肉、芒果爆珠、冰糖啫喱, 我會點這碗全因為被冰糖啫喱所吸引, 入口彈牙, 質感是比啫喱稍韌但又比蒟蒻軟身, 味道輕甜亦帶清, 頗特別!熱甜品代表：海底椰甜椰  $45說是熱但實則是暖, 吃一口暖暖的, 又甜又潤；海底椰的椰香味清新, 凝膠狀口感較滑, 配上滑溜燉蛋白, 吃得喉嚨舒服, 別忘記把椰皇肉也吃掉, 滋潤又養顏呢!

我愛甜品，總覺得甜味是種能讓人產生愉快心情的調味。最近我家附近開了這間甜椰坊自家制甜品專門店，離家只有五分鐘的路程而已，所以我經常相約朋友們在這裡吃甜品+吹水。今次我點的是燕窩楊枝甘露 ，材料有燕窩、金柚、西米、芒果、芒果汁。碗上放滿好養顏的燕窩，分量很足。 甜中帶酸的芒果汁加上軟滑的西米入口濃郁幼滑，整個味道相當豐富，好吃!朋友點的燕窩甜椰 ，上檯時熱辣辣的，感覺超滋潤好適合女生食用。上面同樣放滿燕窩，椰汁味好香濃，但朋友說偏甜了一點，如果可以有少甜的選擇會更好。我看到巴芙山的相片好吸引，就多點一份跟朋友分享。 巴芙山材料有巴芙、水晶珠、忌廉汁、芒果肉及土多啤利，巴芙有好軟滑的忌廉夾心，質感鬆軟，浸入忌廉汁內不會太甜，意外的好吃。另外我前幾次試過甜椰坊的雪花冰都是非常好吃，在夏天吃冰凍又消暑，也是我的推介之一!!

其貌不揚的甜椰坊內藏驚喜甜品！怪不得非繁忙時間都有街坊幫襯。舖面沒冷氣，環境衛生遲合格，店員沒表情，牆壁四周貼滿甜品照片，但全部mark住停售，老老實實，有種唔知想點的感覺…叫得甜椰坊，只對它的椰子甜品有興趣，點了一熱一凍比較一下！凍食的是丸子椰皇，椰肉已打成沙冰狀，不論是椰肉或是丸子都沒有extra的甜味，完完全全是是椰子本身的甜。吃到底部，竟發現有椰子水做成大菜榚，好聰明的做法！熱食的是海底椰椰皇，內裡是清甜的椰汁，極度滋潤，秋冬養顏之選。(還有別的如燕窩花膠的，當然價錢亦稍貴。)底部是燉蛋，滑溜滿分！朋友吃了別的甜品，朱古力綿綿冰意外地濃郁，不是只有顏色沒味道的那種，而且還好大碗，兩個人都夠食。芒果乳酪和泡芙塔我覺得是不過不失之作。其實小店如果可以稍為改善一下門面，我覺得不難大受歡迎。當然啦，街坊生意亦有街坊生意的好，但這裡的員工又欠一份親切，可惜！

食完午餐行陣街，又想食下甜品，黎左商場門口嘅甜椰坊，店小小但甜品款式幾多喎。小丸子椰皇，凍食的，椰醬打成沙冰，下面仲有椰清水做成嘅啫哩，煙韌嘅小丸子加埋清甜椰子汁同椰子肉，口感豐富又好味。友人叫嘅海底椰燉椰皇，熱食，無試但聞到好香。友人叫的，試左少少嘅芒果乳酪，甜甜酸酸幾正，粟米片增加口感。自己點的泡芙山，泡芙鬆軟，忌廉甜甜的，賣相幾靚。還點了朱古力雪花冰，朱古力味濃，好大碟冰好抵食，哈哈～小店門常開著搞到室內唔多夠冷氣，食返個凍甜品balance下，一人四十幾蚊可慢慢嘆吹下水，ok啦～

大埔一直有好多甜品店, 但近年好似都不敵韓風, 人人都熱衷於食雪奶慢慢大埔既甜品店人流比以前少放工後好累，食完飯一個人係大中行佐一陣, 等緊朋友飲野於是隨便搵佐一間甜品鋪hea下，於是黎佐甜椰坊門口唔算好靚好華麗, 反而有一種舒服放鬆既感覺叫佐一杯椰汁小丸子， 入口冰冰涼涼清甜非常!!!小丸子好煙韌好的色, 夾埋椰汁味既沙冰(我唔肯定係唔係叫沙冰)估唔到竟然非常夾! 而且食完仲好醒神令原先已經食飽飯既我忽然有反D胃口!底部有d椰汁 啫哩,口感似大菜糕爽口得黎又清甜! 香濃既椰汁不停流入口中, 真係好滿足!偶然入黎, 估唔到可以食到咁好味既小丸子! 下次一定會叫多D朋友黎試多D唔同款!

新開甜品愈開愈多，什麼松x什麼蜜x什麼彩x等等。。。十幾間甜品，但是只有幾間做得長久並水準依舊！住在大埔的我試盡大埔新新舊舊的甜品舖，其中一間必須推薦的就是這間的甜品！甜品舖光線充足，環境乾淨，因為媽媽和弟弟在家不外出，所以選擇了外賣，我們吃了：1.原隻椰皇椰汁燕窩燉蛋白hkd68（前）好正好正好正，蛋白熱辣辣，椰汁香濃加上滑溜的蛋白和燕窩，微甜！很多甜品舖用了雪耳扮燕窩，但這舖用的真的是燕窩，雖然是碎燕，但好比其他濫竽充數的甜品舖！冬天熱食簡直一級的享受！抵食！推薦！2.蛋仔甜椰hkd42又是原隻椰皇外賣，椰皇內白色的肉很容易就可以刮出來吃，又滑又綿！甜椰的底部是天然椰水製成晶瑩剔透的啫哩，啫哩彈牙而且味道很清香！！上面的是布丁，幼滑又香濃的蛋黃味！一口清香椰水啫哩再一口香濃布丁，看似相同的東西，其實是不同口感和層次！正！必食！推薦！3.椰汁花膠燉蛋白hkd47這個蛋白熱食和凍食也很正，花膠厚身碎上，熱食椰汁是流質的，但吃到一半我決定放入雪櫃留晚餐後享用，凍後一樣很好吃，原本流質的椰汁變成了啫哩狀，充滿膠質！蛋白不會因凍後變得粗糙，反而由滑溜變成更加厚實！美味！滿足！推薦！這間的甜品

到潮福海鮮晚飯後，到隔離舖位的甜椰坊，來個飯後甜品是最好不過的!發現這裡的甜品質素，比起連鎖甜品店還來得美味。和媽媽及囡囡各有所好，一人點一個，吃到飽飽的。媽媽要滋補的，有燕窩椰皇(熱)， 超多燕窩， 一排排的，口感像吃魚翅似的，燉奶部份，超香滑，奶味濃郁， 又不失椰皇的清香，超正!我就點了金黃凍， 有涼粉、芒果、芒冰、椰果、雪米糍， 色彩繽紛一點。雲呢拿雪米糍與其他材料都好夾，芒冰沒有過份的冰冷，也沒有咬到冰粒，另外，芒果亦很香甜，與其他材料拌勻來吃， 口感豐富又涼快。囡囡的芒果海棉窩夫，忌廉曲奇雪糕夠晒冰凍，慢慢細匙細匙地食用，不怕凍親喉嚨； 窩夫是暖暖的，口感鬆軟，蛋味適中，唯間中有點鬆散。

又是回大埔的日子，我也不知道為何我每次回去總是為了探望醫生，這次要見的不是西醫而是牙醫! 我等得你好苦呀，你知嗎? 我為了見你一面，已經要在個多月前預約，也難怪，你實在是一位很有醫德的醫生.你問我，為何我沒事沒幹又走來檢查牙齒. 我說，我的智慧齒長成了好一段時間，但令到我前排其他牙齒移位了，我很想把它拔掉，就如同十年前一樣. 你說，即使拔掉，也不能回到從前的模樣，唯有再箍一次牙，才能回復舊貌! 想當年，仍是小六生的我，帶着鋼牙升上form 1，那時箍牙並不普遍，同學也覺得我很奇怪，我的鋼牙實在是我初中時期的陰影，要我再重回當年的光景，我想想已覺痛苦.你就是如此一位仁醫，我看來就是一條水魚，只要你開聲，我會乖乖奉上數千元與我的智慧齒永別，但你說，不用把它拔掉，就讓它好好待著. 最後，我只是送上百多元診金就離開了診所. 我為自己節省了數千元而高興，也為了自己不用做小手術而慶幸，相約住在大埔的朋友吃甜品，慶祝一番.友人提議到大埔廣場吃甜品，本想去松記的，但發覺Neway舊址開了一間以椰皇作主打的甜品店，也就進去一試.小店陳設簡單，牆上掛上甜品相片作裝飾. 甜品款式也多，除了主打的椰皇甜品，雪

今日和友人食飯過後 發現了一間新開的糖水店 名叫甜椰坊椰皇小丸子 ($5X)椰香撲鼻 , 小丸子口感適中 , 非常好咬口,最值得一讚 椰皇底有椰水做的大菜糕 , 晶塋剔透~賣相什佳~十分有心思而且有點點沙冰在底, 更為消暑~原個西瓜盅 ($3X)西瓜新鮮清甜 , 加上蒟蒻和鮮製的西瓜冰 完全是消暑的佳品!朋友都搶著要吃, 西瓜肉都給我們划清光了!而西瓜的形狀”的的色色”, 什為討好!兩個都值得推介~ P.S.唯一美中不足鋪頭沒有水供應!

阿女最近主動同我去下街,上星期就去了大埔 ，大埔都是新界區，我同阿女較小去，想吸收一下大自然的空氣，大埔相比其他新界冇咗高樓大廈，規劃發展上少改變，我同阿女去了大埔廣場行下,又想吃甜品，無意中見到甜椰坊,下午時間冇人會來吃甜品。海底椰子露有不少椰肉,我呢Ｄ師奶梗不會浪費，我同阿女都覺得幾好

這天Ⓢ到大埔跟同學聚會後，閒逛一輪來到這甜椰坊自家制甜品專門店門前，看來不太多人呢，可以即時入座！即管試一試原來最近在做九折優惠呢，所以我們叫了三個甜品打了9折，很划算呢！畢竟原價還不是很便宜的啊場內環境很光觧雅氣的。先上一個《香蕉伴奶凍》（$31），奶凍和香蕉都是被奶浸沒著的，所以很香觧奶味道，而且奶凍亦做得很幻滑，口感一流香蕉半浸在觧奶中也淋了些朱古力醬，味道份外香濃而且大家看～香蕉是被切成薄片放在旁的，方便連同奶凍一起進食，很貼心也很細心哦！接著呈上的是《燕窩楊枝甘露》（$52），楊枝甘露就吃得多，燕窩楊枝甘露還是頭一次呢，沒想到不算太貴的價錢就吃得到呢，燕窩份量還不算少的呢楊枝甘露底也不馬虎的啊，西柚粒是完全不苦澀的，芒果味道又香甜，抵讚最後也就是我們最期待的一道甜品《心太軟》（$43），這個甜品打從呈上時，已被它的外觀所吸引呢！右邊的是一球很出色的朱古力曲奇雪糕，為甚麼說它很出色呢？因為它當中還混合了不少活生生、實實在在的朱古力塊，不論是口感上還是味道都為甜品生色不少呢！（因為要吃到一半才能拍得清楚裡面啊，所以請大家無視第2張照片的醜態>口<）至於心太軟，也是

燕窩甜椰 估不到有不少燕窩，味道亦不太甜,椰子味甜味剛剛好，燕窩同椰子味好夾,亦不會太甜,我覺得幾好,這個是屋企人所叫,天氣咁熱仲點這個，吃完熱到出汗西瓜汁味道不太甜,真是新鮮榨出來，飲下去時候冇加冰加水海底椰鮮奶椰子味好重,奶味亦好濃，有不少椰果,淡淡椰子味道甜味剛好近來陪伴屋企人時間多了，今日同屋企人去了大埔行下, 大埔真是好少去,屋企人想去大埔這個寧靜社區，我同屋企人在大埔附近行下街,今日的天氣好熱,屋企想吃冰涼甜品，在附近找下有冇甜品店,就在大埔廣場發現一間甜品店叫甜椰坊,原來是中式糖水店，屋企人愛吃中式甜品，決定試下甜椰坊 ,可能中午不是太多人吃甜品，店内不是太多客人，我同屋企人點了4個甜品，我們坐下冇耐就看下餐牌，價錢普遍合理，服務都OK，這裡冷氣不足夠，甜椰坊都幾好吃，地方不算大,座位坐得十分舒適，下次再去大埔都會再光顧

呢度系一部分餐牌，可以比大家睇睇。叫左小丸子紫米露，total $26,對比滿記果D我覺得好抵食。由於自家製，我覺得好似健康D，少D調味劑防腐劑咁樣。 D小丸子幾彈牙，擺落去果陣見到D糖漿，紫米露見到好多椰汁，所以好香。加上系糯米同埋加左椰汁，所以食一碗已經好飽，加上$26wo，最岩同女朋友出去食野唔夠飽，落第二場糖水時候叫。放心，就是有糖漿都唔會好甜，因為糯米會稀釋左甜味。