甜椰坊自家制甜品專門店 (已結業)

今日同好紙美喺大埔區郊遊完~食過early dinner,諗住再黎一個美味甜品為今日做一個美好的完結,大家喺呢頭都唔係咁熟路,所以問下人邊到有好甜品食,回覆之下知道選擇唔多~最後緣份帶領黎到呢間~可能時間仲早,所以未有好多人~餐廳唔大,感覺上D枱放得几密,可行的路很少...我地三人坐下之後,服務員放下餐牌就走左去~我地自己睇下牆上面D推介品,數量唔多,外觀唔係好吸引,仲好多都已經貼左張''暫時停售''..噢~我地唯有睇下其他選擇,好唔容易先喺餐牌上MARK到D心水~馬尾長長的服務員妹妹幫我地落單,我地點左個綠茶雪山,佢就指住牆上的綠茶紅豆雪山,我地就指住餐牌上的綠茶雪山,佢再一次堅持係咪牆上的綠茶紅豆雪山 >_< 救命...我地就話OKOK... 就"綠茶紅豆雪山''走紅豆...服務員就重覆左三四次咁話: 綠茶紅豆雪山走紅豆'' ,期間又寫下單又拎轉頭望下門口的老闆.好似唔知點落單,最重要係佢個頭係咁拎,佢條馬尾不斷咁撥到我的咀面...>__< 講到呢到真係唔想再同佢有任何溝通.我絕對明白小妹妹可能因初步出社會做事,不免有少少混亂~只係覺得有D基本的待人

星期日晚到男友家吃飯，之後我地又黎大埔廣場地舖既甜椰坊吃甜品呢間鋪既甜品份量OK，感覺食材新鮮、足料，所以係我地飯後甜品常光顧店鋪之一什果芒汁小丸子 $35男友點的，望落好豐盛~我試左幾粒好小丸子，有咬口~男友一口氣吃完~海底椰燉鮮奶 $33我點的，心想有潤燥功效，亦當女人補一補~做到椰香、奶滑，甜度剛剛好~椰子、椰果令整體口感豐富~而份量對我來說太多，吃剩1/3要男友完成~

是日，食完晚飯9點幾，想食番個甜品吹下水。由元朗搵到大埔，由B仔搵到松記，間間都爆曬人之際，見到呢間漆黑中嘅螢火蟲出現左，入面坐位比起其他糖水鋪闊落好多，岩曬俾我地吹下水。叫左個38號甜品，名呢家野我真係記得差，但佢係芒果冰底配4款配料。有my favorite嘅粟米片，加上甜品必備嘅小丸子，配上甜到漏嘅芒果粒，最後放一球雪糕上去。配搭得非常之好，每一樣野分開食就獨當一面，夾埋一齊食又唔錯喎。芒果偏甜，冇咩酸味，同芒果冰底個味差唔多。小丸子都算放得多，同許留山嘅小丸子份量有咁上下。雪糕係曲奇味雪糕，就咁食比較好，同芒果冰唔係咁夾。整體嚟講唔錯，份量好多，少少地當做個晚餐都仲得。下次食再嚟食。

嗰日係元朗食完野，諗住係元朗食埋個A仔甜品先返黎，點知多人到HIHI，唯有打道回府，返大埔搵。返到大埔諗住去BUG仔食，又係勁多人。放棄之際，見到E間，又未試過，即管入去戰一戰。位真係幾多，街出面都有枱。睇一睇個MENU，都幾平WO 衰鬼。佢應該係出名D椰，但係我真係飽，所以叫左個焦糖燉蛋。個焦糖成量適中，唔會太厚太多。個燉蛋軟硬適中，但味略淡。有個朱古力曲奇雪糕，有多幾片芒果，收你30才，都算係咁。食完飽飽就返屋企沖涼訓，好彩真係近，攰都HIHI。哈哈

就咁睇落色澤有d暗淡, 芒果既大細岩岩好, 一啖一口, 果肉爽口, 因為易家唔係適時季節所以有d酸。 呢個楊枝甘露都幾足料, 有西米露, 西柚。 食落除左有芒果既酸味, 仲有西柚既苦澀味。

甜椰坊可算是大埔我最常到的甜品店。（也許其他的每次都是大排長龍，尤其松記，哈哈）它的出品都非常有水準。芝麻糊燉鮮奶，海底椰甜椰，及雪糕小丸子都是我喜歡的，但今次要介紹的是該店的招牌甜品--蛋仔甜椰。先不評論味道，僅是賣相已令人唾涎三分。蛋仔甜椰構思新穎有創意，以原個椰皇剩著清甜椰子水啫喱，上面放著香滑雞蛋布甸，灌入濃香椰奶，再配以椰皇裡薄薄的鮮椰肉，未放進口裡經已大飽眼福。味道方面也很出色。 雞蛋布甸雞味濃郁，而且十分幼滑，入口即溶。 值得一提的是椰子水啫喱，啫喱比較清但充滿椰香，質地爽口，與雞蛋布甸剛巧形成一個對比。椰奶將雞蛋布甸及椰子水啫喱融和，互相輝映，卻沒有蓋過任何一角的味道。鮮椰肉點綴了整個甜品，用鐵匙羹從椰皇上刮一片椰肉配上甜品，既好玩又好吃，與朋友邊聊天邊打發時間一流。鋪面不大仍尚算寬敞，在晚上11時光顧的甜品黃金時間來說輪候時間亦不久。店內光線充足。多為年輕人光顧。這款甜品只售大約四十多元。從下單到食物上枱的時間亦很快。總括來說，此款蛋仔甜椰甜而不膩，色香味俱全，而且價錢合理。食肆環境亦很理想，令人感到舒式。

與友人一行8人第一次光顧朋友點了椰子類甜品說是椰子較細,,所以收得較menu上的價便宜上面的一層沒很普通但椰子底部有驚喜！！！說不出那些是什麼,,但配上椰汁～～好味道～～！！我則點了蘆薈西瓜盅～～！！味道不錯！西瓜很甜很多汁！看上去貌似份量不多,,但吃完也很飽！！另朋友點的雪花冰也好大份～！！結果吃不完﹣V﹣

去到嘅時候空無一人，坐低之後，我嗌咗一個小丸子椰子(凍)，發覺裏面係冇果肉，十分奇怪。而且實物同張相完全不符，啲椰汁只係得張相嘅2/3。如果係好味嘅話，比40蚊食一個椰子絕對唔係問題，但呢個椰子實在差到一個點！另外叫左一個雪糕小丸子，$38,第一啖ok，但係啲芒果勁酸，而且個雪糕球硬到可以掟死人！仲有小丸子十分痴牙！以前食水準都冇咁差咖！從價錢到賣相，完全無一可取之處🌚只可以用差字嚟形容！

第一次光固，叫左綠茶雪花冰同朱古力心太軟。綠茶雪花冰竟然是略帶苦味，好似落多左綠茶粉咁，並且缺乏甜味。朱古力心太軟偏淡口及比較細份，食過多間也沒有這間那麼細份。總結來說，質素偏差，不會再光顧。

今次是第二次光顧。1. 先講食物：不錯，但過分的甜。2. 環境：店內座位很迫，座位坐的不舒服，但地方算乾淨。3. 服務：有堂食紙要自己填; 再交給店員，店員服務就好一般，收銀的應該是店主吧，她就不用說了；態度差及一點笑容，這還不重要；最重要是給地兩個5毫子都不收；超沒禮貌說⋯我們全不收毫子的😡，心想⋯吓，在香港店舖不收毫子是犯法的。總結：下次不會再光顧了，口味不夾我們，因為超甜了，還是去回老地方：松記同彩虹 適合我們口味。