甜椰椰 (已結業)

每日都有不同的特價食物可供外賣，另外，我比較推介的是該店的榴槤甘露，甘露有很香的榴槤味，而且有榴槤製造的不同甜品，喜愛榴槤的人士一定不要錯過。另外我亦喜歡朱古力心太軟，剛焗起來朱古力熱騰騰好好味。

沙田河畔附近獨市糖水舖，啲位都幾迫，完全無走廊咁滯，得條勁窄既路，但係呢度附近真係得一間糖水舖好似都冇咩選擇食飽飯同朋友想搵個地方傾吓計就唯有再試多次呢間囉，上之食過焦糖燉蛋，印象中唔錯所以今次又再encore，外面嗰層焦糖都算幾好食落去博博趣亦都唔會話非常之甜如果燉蛋呢就非常之滑好似出邊食開啲雞蛋布甸咁，有朋友就叫咗呢個團團圓圓，但係枱面上面寫個價錢係唔啱嘅而家個價錢去到 $42啦，而且睇想就知圖文不附，請自行衡量。落單嘅時候店員全程黑面，問一句呢非常之唔願意咁樣答，只係問團團圓圓有冇熱嘅，佢反晒眼好唔想答咁樣，因為落左單代表佢要出菜，會好辛苦。直到我地就黎食完，有另一員工上班先正常返。總括嚟講其實呢間鋪頭嘅質素唔差，選擇都幾多但係如果啲店員能夠比多少少禮貌整體就會好好多啦。

痴線好難食食完個冬至飯唸住出街食埋個糖水第一已經坐得十分之唔舒服唸住食榴連飄香又無之後就叫過咩雪山楊枝甘露啦仲難食過七仔糖水仲有個朋友叫咗湯圓我食晒成碗楊枝甘露都未黎無心機不如唔好做啦

There aren’t many choices for desserts in this neighbourhood and we were surprised to find that this one is still open at 9:30pm.There’s a wide selection of desserts, ranging from traditional HK sweet soups to more creative ones. However, most of them are pretty overpriced.I had this purple rice sweet soup and even added $9 for a scoop of TASTELESS vanilla ice cream, and ai was very disappointed! The purple rice was undercooked so it’s way too chewy and the coconut flavour couldn’t be tasted at

喺沙田河畔食完晚飯，食完都仲未夠飽，所以就求其入左黎食甜品，點知就中左伏🤦🏻‍♀️先黎最伏嗰碗。一見到呢碗紅豆沙都想嘔。。。。。。個賣相係差到有啲似污水渠啲排斥物，完全唔會想食。到鼓起勇氣試左啖，真係稀到唔知咩黎，浪費左$24。 芒果布甸都唔香濃，唔好食，得個滑字。球雪糕好硬，又口冇味，仲要加$9先有。🤦🏻‍♀️🤦🏻‍♀️🤦🏻‍♀️🤦🏻‍♀️🤦🏻‍♀️最後呢碗最正常，無論味道同賣相都係。芒果味幾濃，仲有蛋白味，唔會過甜。

住喺沙田圍附近幾年，已經成日去幫襯，平日通常食窩夫，心太軟同椰皇，全部都好好味，尤其楊枝甘露椰皇（下次有機會補返張相）但今日啱啱食完飯比較飽，所以最後決定只叫咗個香蕉船，食物方面，雪糕始終係攞貨返嚟，所以叫做不過不失，勝在多味道選擇，好似有七定八款。但係今日我要讚嘅係佢哋嘅服務，今日可能星期日，人客比較多，我晚上10點幾去到要排隊，我一個人，預計應該唔使排好耐所以照排。大約2分鐘到就有個姐姐安排我坐一張二人枱，雖然佢哋忙到甩轆，但依然細心講解邊啲嘢食冇貨邊啲好食，仲慢慢話俾我聽有咩雪糕口味選擇，（我個人比較麻煩,諗口味都諗左勁耐🤣)，最後大約5分鐘就有得食，雖然可能大家覺得香蕉船好易整，但其實當時真係好多單，如果我係呢度嘅員工，我相信我黑左面好耐啦！

買左涼粉和熱合桃糊， 涼粉唔夠凍，合桃糊唔夠熱。凍粉味道還可以，但合桃糊簡直不知所謂，好杰，感覺落左好多鷹粟粉，有一舊舊的粉，加上完全唔熱，感覺好核突， 食左幾啖，已經頂唔順，可能太多人幫襯，所以整得好拿西。。。。

呢個心太軟一拮落去唔洗切一半d朱古力已經流哂出黎唔會流得幾滴就冇好似食緊蛋糕咁朱古力既甜度同濃度岩岩好。一個字正🤙🏻👍🏻另外仲叫左杯椰青水飲幾鮮甜解渴但又唔似係落糖令到佢鮮甜真心值得一試。去到既時候間野都差唔多坐滿但野食都黎得幾快

呢碗野錦都要44蚊，簡直係垃圾，啲椰汁烏冬爛晒，以為生果安全，蜜瓜係益嫁..唉.......永不會再幫襯..............................

叫屋企人幫手買左碗紅豆沙番來食，一打開已經覺不得了，應該改名叫紅豆水吧，透明膠碗睇到水還水，豆還豆，係米溝左水？又味又稀。甘就收$26，呢間野真係無下次，越做越差。

夜晚食飽飯諗住買碗腐竹糖水返屋企食，點知一等就等咗20分鐘，返到屋企諗住開嚟食，點知唔滿之餘，仲要得渣！我諗佢哋係賣哂又唔出聲，喺個煲底撈到大半碗就算！真係極差，以後都唔會幫襯！

叫左一份芒果芒㦸同榴槤班㦸，本來見到塊皮有啲燶有啲失望，但食落去塊皮一啲都唔鞋口，好滑！細問之下先知原來係人手整 唔係機打 所以無可能完全唔燶 見佢咁有誠意就加翻啲分啦 不得不提2份班㦸都好足料！芒果班㦸係原塊芒果切半擺入去 唔同有啲鋪頭係切粒 之後加一大堆cream整到好脹咁 當然食得出啲芒果係好靚好甜既呂宋芒 cream係好香奶味唔係死甜既cream！ 但29蚊扺唔扺就好睇個人啦至於榴槤班㦸就更加出色！入面成3分2都係貨真價實既榴槤肉壓成既榴槤蓉 超級香！！榴槤愛好者一定要食！唔知點解加埋個綠色既皮好開胃 食多幾份都仲得！

之前試過佢地嘅芝麻糊、同心太軟都幾好，以上三款椰皇係最出色。今次試腐竹雞蛋薏米，糖水超足料，啲腐竹唔會煮到融曬有口感，好正！都真嘅，通常啲staffs都係小妹妹，服務同工作態度一般。哈哈算啦不過。

搬黎成年都未試過，人人都話唔好食。昨晚有機會，老公買左个原个椰皇加湯丸，湯丸都okay，一食椰皇，曄...燉左幾耐放左幾耐，未食過甘難食//芒果西米露又無味 生果唔新鮮。。。。太太太難食

諗住心情麻麻去搵甜品食整靚返個心情，點知去到叫左個朱古力四重奏，送上黎個樣都ok但食落嚴重中伏囉朱古力雪糕>>來貨不用加工，最安全但唔係好食既一個提拉米蘇>>cream同蛋糕雪到又硬又乾成件石頭咁心太軟>>入口酸過食乳酪，原來有新款甜品酸太軟？朱古力布丁>>布丁出水…明顯係變壞左果種出水，店員仲要同我講“出水係正常既”…因為用保鮮紙封瓶口，乜封瓶口倒汗水會用匙羹挖布丁時係布丁裡面出水既咩？真係新科技失覺晒原本諗住已經心情唔好算數唔想食食評，但回家已經肚痛，叫人以後點幫襯？