影片
营业时间
今日营业
12:00 - 22:00
星期一至日
12:00 - 22:00
以上资料只供参考，请与餐厅确认详情
旺角聞名的餃子店，殺入荃灣，還在荃灣地鐵站上蓋的綠楊坊，實在方便了⋯⋯每次到訪，都大排長龍，幾次都是多人到得要買外賣，但由於新店，晚飯時段外賣也要起碼20分鐘，落單店員會告知，所以每次都是落完外賣，可以在商場行附近走一個圈才能提取，都咪話唔誇張⋯⋯於是揾日避開繁忙時段冇咁多人，過來堂食拜會下⋯⋯這裡的飲品平均$12 size 比較袖珍。麻辣菜甫~堂食的麻辣菜甫，筆者很喜歡，陣陣麻香，未算太辣，味道適中。而外賣餃子會附有少少菜甫，一讚。酒醉豬手~豬手未見入味，酒香未算濃, 可能太多人流浸得未夠耐。番茄湯底西洋菜餃~除了雞湯底，筆者較喜歡番茄湯底，加上菜甫，酸酸辣辣很醒胃。西洋菜餃，多菜少肉，很適合夏日炎炎冇乜胃口的日子。蛋麵煎餃麵餐可選蛋麵、台灣麵、米粉及米線。洋蔥牛肉餃作煎餃也後受歡迎。整體來說:餃子種類選擇多，就算不吃豬肉餃子，也有牛肉及羊肉選擇。外賣的餃子盒裝獨立包裝，一讚。
继续阅读
這店舖開張一段時間，今天下午有時間就過去試試。主打賣餃子的店，香港好像不多，以前去過八方雲集吃，賣水餃和鍋貼為主，都是一種特色。這次看這間賣的餃子，種類有12款，也算多樣化。其次是麵類、小食和飲品。餐牌一眼看完，簡簡單單，進來吃的客人都是吃餃子為主。全店面積大，用木製的檯椅，另有四張單人座，可獨自一人對窗進食。掃碼下單，點了煎餃子麵(5隻)，餃子要粟米芝士雞，米粉，蕃茄薯仔湯，走蔥。因為餃子是即叫即煎，所以要等差不多20分鐘才來，如果趕時間吃湯餃較快。餃子和米粉上檯，我下單時選了走蔥，但送來的米粉見到一匙蔥花，顯然職員不夠細心看單，沒關係，自己把蔥放碗邊算了。米粉上有一堆蕃茄薯蓉的材料，入口涼涼的，要自已把材料往湯內拌勻才熱，這個湯底較清淡，蕃茄味不濃，可以吃到粒粒蕃茄肉和薯蓉。5隻煎餃子的焦黃程度有參差，不過要脆口的部份還是有的，餃子內裏充滿粟米粒和芝士雞肉，可能是芝士的關係，味道有點偏鹹。自己最喜歡是每隻餃子都是熱熱的，這樣才吃得滋味。檯上有一盒辣菜脯供客人任吃，我覺得這個味道不錯，菜脯十分爽口，口感帶點麻辣但又不過份，十分醒胃。全店差不多是自助型式，自已下單，要喝水自已取杯倒水。店內有設最低消費，每位40元。
继续阅读
5-5-2024(Sun)會合去完教會嘅老公食晏，食邊間?佢話呢間，係都要食醉雞麵。咁好啦，佢先搵位，都係坐返上次個位（上次食評係3024年5月1日刊登嘅呢篇:https://www.openrice.com/zh/hongkong/review/yeah-%E5%89%B5%E6%96%B0%E5%8F%A3%E5%91%B3%E9%A4%83%E5%AD%90-e5437555），老公就揀咗$50.00嘅醉雞麵，要雞湯店灣麵，同$12.00嘅凍豆漿。我就揀餃子，有咩特色餃子呢?好似上次已經試晒，今次見到洋蔥薯仔牛肉餃子，就要呢個啦，就揀$46.00嘅湯麵，要台灣麵。 老公幫我喺QR code入單，但就冇呢隻餃子，於是我問侍應，係咪冇呢個餃子?佢哋答呢隻只可以煎餃子。於是我就改要$50.00嘅煎餃湯麵，都要台灣麵同番茄薯仔湯。落完單，凍豆漿到嚟，今次飲管唔係插入杯豆腐喥，亦唔係放喺枱上，而係擺喺杯蓋上，不過我哋俾返飲管佢。飲吓先，今次甜返少少同都夠凍，OK咗。3分之後老公嘅醉雞雞湯台灣麵到嚟，當然雞同都分開上，我食吓雞先，佢酒味幾濃，而雞胸嗰舊好嚡，唔得。1.5分雞湯就同上次食湯餃子嘅一樣，唔夠味。1分等好耐，我嘅煎洋蔥薯仔牛肉餃子番茄薯仔湯台灣麵至到嚟，餃子有5隻，都脹卜卜，食落，啱啱煎起，好熱同脆，味道好夠，唔使蘸醋食，見到有洋蔥粒嘅，但薯仔就唔多見到。5分至於番茄薯仔湯台灣都呢?唔知係咪驚啲麵會腍，夾起時係仍黐埋一堆麵，未煮開，之後散開到，佢口感正常，湯嘅味道都濃郁，唔錯嘅。5分而菜脯呢？由於上次食過唔辣，今次就放心試，點知冷不防，今次辣咗，我唔再食喇，而老公食到佢哋有蝦米喺入面，不過梗係都好辣呢。環境:呢日冷氣明顯開大咗。服務:原本都冇乜嘢，係我老公想問用QR code落單係咪冇 洋蔥薯仔牛肉餃子時，叫極3個侍應都聽唔到， 因為佢哋一直對住門口傾計，於事我就大聲啲叫，短頭髮戴眼鏡嘅就應我行過嚟答我哋嘅問題。到埋單，呢個侍應負責收錢，我俾$120.00佢找，佢就找4個核突嘅2蚊銀我。我唔明點解要咁散同專揀核突嘅俾我，係咪我哋問佢哋嘢係阻住佢哋偷賴?我哋食完呢次，已經問係咪冇第三次?因為啲特色餃都好似已經試晒。而呢個收銀咁做，彷彿幫我做咗決定，唔使嚟第三次咁。抵食係2.7分
继续阅读
甜記應該係我暫時食過嘅餃子店之中會不停想encore嘅店，有時夜晚唔太肚餓但又要食啲嘢，就會諗起餃子，然後就諗起甜記！身為餃控嘅我，食過幾次都仲係覺得好食，佢個湯底係蕃茄薯仔湯，飲落唔覺重味精。因為食過2-3次，所以都影低左啲相。湯餃食過：椰菜冬菇雲耳豬肉餃白菜豬肉餃韭黃雞肉餃湯餃來講因為我鐘意食有爽口感，咬口感嘅餡料，所以會揀雲耳呢類嘅餃，餃子皮算薄，餡料多。白菜豬肉餃就無咩特別。韭黃雞肉餃幾有驚喜，個餡有幾多韭黃，而且幾香韮黃味，同雞肉又幾夾，食過一次之後都有再叫多次食。煎餃食過：洋蔥薯仔牛肉餃粟米芝士雞肉餃牛肉餃只有煎無湯，第一次食嘅時候噴汁，不過真係幾好食，好香牛肉味！粟米芝士雞肉餃就感覺比較少芝士，不過我鐘意食粟米嘅關係所以都鐘意食。
继续阅读
甜記餃子終於開分店開到入黎荃灣，又近左一大段距離，之前要特登出長沙灣店食，有少少麻煩，依家真系可以成日食了。長沙灣分店愈搬愈大，非常好，唔洗成日排好耐隊👍🏻今次叫外賣甜記系屋企食，—雙拼湯餃-粟米芝士雞肉餃+菜芯豬肉餃配蕃茄薯仔魚湯 $67 （堂食$48）甜記既粟米芝士雞肉餃+菜芯豬肉餃+韭黃雞肉餃+南瓜忌廉雞肉餃係我最愛既餃子。除左款色多樣，有訪間比較少見既味道，有較多選用雞肉整成既餃子，比其他店舖既餃子比較健康無咁肥膩，唔會好多油滴出黎亦都唔會溝左好多肥豬肉，對於長期減肥人士，滿吹左熱愛餃子既心，但無咁邪惡，算係一種恩物🫡-蕃茄薯仔魚湯，飲完唔會覺好口渴，好飲，不過外賣就得細細兜湯，多啲會更好。—京蔥羊肉 煎餃 $78 （堂食$52）京蔥羊肉 好juicy 亦都好惹味，就算外賣食，表皮都唔乾，食個下都仲脆脆地，煎得冇穿冇爛，唔會漏汁，不過堂食就一定更好食，更香口。—醉雞 $65 （堂食$50）醉雞既質素唔穩定，有時會好入味好好食同好滑，有時就味道上差啲，唔夠入味。食過幾次都係比雞髀位肉質比較嫩滑，今次比雞翼同雞胸肉，份量自然多左，不過肉質上就真系一般，而且味道較淡，可能真系睇彩數🤣總結來講，餃子堂食更好食，更抵食，外賣少貴，個人認為長沙灣分店較好食
继续阅读