甜魔魔 (已結業)

我都係近排先知甜魔魔執左我其實幾欣賞餐廳的紫米露椰皇。熱辣辣椰味重的紫米露下面會有蛋白的東東，再加埋椰子肉真係幾好食，我去左起碼5次都係食同一款甜品，風雨不改。睇黎，我又要發掘下新界區的甜品好去處了。

石板街朱古力窩夫 Rocky Road Chocolate Waffle $48.係門口見到好多窩夫😍 花多眼亂 食咩好呢 (過左5分鐘...) 終於揀左呢個石板街 好期待呀賣相ok 但個窩夫唔夠實淨 唔洗好大力就切得開 食落唔夠脆 係個口度散開 好鬆散 (個人喜歡食落口好實在 好飽滿既感覺) 至於個雪糕係我鍾意食既朱古力曲奇 仲有蜜糖星星同合桃杏仁做伴碟 都ok既

今日專登黎大埔覓食..之前朋友有介紹呢間既窩夫..所以專登黎朝聖..可能係因為星期日夜晚既關係..唔算多人..唔洗等位..叫左一個石板街朱古力窩夫..等左一陣...個窩夫同平時果d唔同..切到一小件..擺碟幾靚..但食落好散..無平時窩夫果種實感..係脆既..但唔係預期中想要既窩夫效果..可能其他味既窩夫會好d..因為我見到隔離枱既朱古力窩夫係一塊塊..感覺實d...今次係選擇上既錯誤..好失望..😣😣

甜魔魔 Magic Dessert公主凍椰 $42Coconut Pudding & Coconut Jelly呢度既signature dish, 果然好食😋 上面係用椰奶做滑溜溜震騰騰既椰子布丁, 入面係椰汁同椰肉, 底層再有椰皇水做既jelly, 帶椰香又清甜爽滑. 3者mix 埋一齊食, 口感椰香味加倍, 贊~ 呢排天氣熱, 如果唔係叫熱既燉椰應該更香🌞綠茶雪花冰 $39Green Tea Iced天氣咁熱最岩食冰, 入口即溶冰解暑解渴一流😆 呢度冰幾有驚喜, 綠茶味都幾濃, 最重要係甜度剛好♥ 冰上既唔係煉奶, 而係用左忌廉奶所以唔會過甜, 紅豆蓉一樣好少糖, 所以食極都唔會膩, 唔錯😙

自從上一次帶男朋友食過一次之後，男朋友就一直對佢佢個椰皇甜品念念不忘，所以今次難得入黎大埔，當然要再帶佢食一次雖然鋪頭細細，而且地點偏僻，但真係長期都迫滿人！之前傳出佢執笠嘅消息，一直覺得好可惜。好彩今日去到仲見佢開緊，都算係老懷安慰！男朋友諗都唔諗，就決定叫番上次個公主凍椰$42，可想而知佢有幾掛住呢個甜品呢個甜品最底層的是用椰皇水所做的啫喱，唔單止充滿椰皇的清甜，而且非常爽滑! 啫喱上面放了一個椰奶做成的布甸，Q彈滑溜，同樣充滿椰香味，配埋周邊的椰汁一起食，食落更香更滑除咗凍椰外，我地仲叫咗一個石板街朱古力窩夫$48，同樣做得出色窩夫好濃朱古力味，食落唔會太甜，最重要係佢真係做到外脆內軟，配埋側邊嘅雪糕、cream、棉花糖同蜜糖星星 一齊食，一冷一熱，口感豐富，如果以甜品鋪計，呢到都算係我最鍾意嘅甜品鋪啦👍🏻👍🏻

我喺上水粉嶺大埔住咗超過十五年 呢間糖水店屬於我暫時嘅首選!!!!! 我最鍾意食佢哋店嘅窩夫同埋乳酪， 基本上全部都可以當正餐食，因為所有嘢都好大分 特別是佢嘅乳酪，食完一杯完全唔使食飯可以頂肚頂一晚， 窩夫亦都係我嘅首選，我同太太兩個人食先食得晒， 不過價錢少貴 店內座位比較窄，而且座位很少，通常星期五六及假期都要等一段時間才可以入到舖，店內有會員制但從未試過成功食夠金額做會員。生果多，又有雪糕，但無得選雪糕味道

I first tried their dessert a month ago and absolutely loved it. Their coconut, egg white, milk with sesame balls is ON POINT! we have also tried their waffles which is great value for money as it's enough for 2 people. The place is a little crammed and you have no personal space so i normally go there in the afternoon when there are hardly any people around. A must visit for those who have a sweet tooth and want a taste of traditional chinese desserts with a twist. 

我們點了以下甜品，都好好味公主凍椰（椰子布丁配椰青啫喱）金芒凍椰（大片芒果、芒果沙冰、椰青啫喱）紫米熱椰（紫米露配椰汁燉奶）芝麻湯丸熱椰（芝麻湯丸配椰汁燉奶）燒金圓迷你QQ薯

去咗呢間甜魔魔,等咗陣就入得.入面啲位都幾迫,甚至連行路都唔係太暢順.呢度係以新派甜品為主,窩夫,心太軟,綿綿冰,乳酪,中式糖水等都有,可謂集百家之大成.好似冇乜較吸引或較有特色嘅,我見隔離檯嘅小朋友叫咗香蕉船好似幾得意,於是就揀咗佢.船身係一整條開邊香蕉,中間夾著三球分別係曲奇味,朱古力味同芒果味嘅雪糕,上面就用士多啤梨點綴,再不規則咁灑上迷你棉花糖,迷你M&M朱古力豆,蜜糖星星餅,仲插咗兩條百力滋做帆.賣相令人重拾童心,都真係幾開心嘅.因為所有材料都唔洗額外烹調,將生果切好,再同其他嘢組合晌一齊就完成,只要唔係擺咗好耐唔新鮮嘅話就唔會難食。朋友嘅石板街朱古力窩夫,係用鮮忌廉,迷你棉花糖,果仁同曲奇味雪糕伴碟.我食咗少少,窩夫同我之前晌第二度食到嘅有少少分別,呢度嘅質感唔脆唔腍同較鬆化,我覺得佢個質感有少少似布朗尼.但佢嘅朱古力味唔濃,感覺一般,不過朋友就話OK.

每個星期食一次糖水 但係唔同地方因為想試下每一間的味道，都冇令我失望，都幾好食，好評。外型好睇，味道又好食，值得表揚。哈哈哈，我不是專業的食評家，但係味道真心不錯，都係值得去的一間。支持！繼續努力！

大埔有間專門用椰子殼整好多唔同種類既甜品糖水，見佢咁特別，不如試下先。裝潢無咩特別，普通甜品鋪咁樣，簡單既佈置。叫左三個甜品試試！「乳酪凍椰$42」呢個淨係睇賣相都已經贏啦，乳酪唔會太酸同唔會太甜，配上細粒棉花糖，m&m朱古力，星星脆脆，都幾豐富既。「燕窩熱椰$75」呢個表面已經見到燕窩，食落都唔錯，不太甜，味道剛剛好。「芝麻糊熱椰$45」呢個芝麻糊都好滑，但唔係好夠芝麻糊既味，都不過不失既。最後，一定要講既係，食完記得食埋椰子殼內既椰肉啦，唔好曬野嘛！

多重層次，底部為曲奇雪糕，中層大量難吃啫喱，再上層為蜜糖星星，乳酪雪糕為杯頂澆上士多啤梨醬，更壤有金色的硬珠，士多啤梨爲襯邊，插入一塊牛油格仔曲奇。總括黎講，味道不錯，唯啫喱及金珠個人不太喜歡

是日在大埔BBQ後，一班人意猶未盡，故搭車返出大埔黎個下場。眾人要我推介，我便帶大家來甜魔魔，因為椰子系列可以試下。因為星期日，一行人等左超過20分鐘先有位。一坐低，當然叫個椰王潤潤佢啦。今次叫左紫米蛋白燉椰王。紫米唔太甜，我最欣賞紫米下面的燉蛋白，好香好滑。成個充滿椰香同蛋香。朋友們叫左香芒凍椰，芒果有啲酸，但下面布甸都好食，不錯。至於椰王燉雪蛤仲正，加入清心果一齊燉，又香甜又滋潤。反而我覺得佢招牌公主凍椰就只是一般，布甸椰味不重，雖然都香滑，但如果選的話，熱椰較吸引，尤其在這種微涼的天氣

與朋友行完梧桐寨就出返大埔墟隨便入一間甜品店hea下呢個pancake已經係3個之中最有水準，熱騰騰嘅pancake加曲奇雪糕，上面有數塊香蕉加少少杏仁，雪糕融落d pancake上食落去有一種冷熱嘅感覺呢碗杰到好似漿糊難以入口，起初以為杏仁茶無咁杰再溝合桃糊再會好夾，怎料兩種口味都不遑多讓，又甜甜到食唔到合桃和杏仁味最後一個雪糕涼粉西米露，又係同一款雪糕，一般好味

食飽飯, 當然係要食返碗糖水叫大滿足啦...鋪頭唔起眼, 起橫街最入, 見佢幾光猛整齊, 人去試一試每人叫左1個甜品, 我揀左芒果小丸子幾抵食, 雪糕可以揀味, 我揀左曲奇味>v< 正正芒果沙冰底, d冰幾綿, 好幼, 撈埋小丸子, 仲有蜜糖星星0, 一個入口就融, 一個inin unun, 個脆卜卜, 夾得好好, 有不同享受..但雪糕我依自己喜好揀左曲奇味, 都知唔會MATCH碗野, 分開食~又得呀! DADDY呢個有MOCHI~>V<媽咪要~金露小丸子...個人認為我自己果個最抵食又好食