生原創(蛋包飯)

营业中

休息中

知道呢間蛋包飯一段時間, 尋日甘岩行過, 就入去一試, 之前有望過餐牌, 見到中午係有SET的, 但原來晚市係無的, 但都入到了, 就試一次啦.太座叫的係牛肉蛋包飯, 我的係黑豚蛋包飯, 牛肉蛋包飯, 牛肉係混入炒飯入面, 味道係唔錯, 但牛肉份量少到搵唔到甘制 (HKD68), 打個比喻啦,  吉X家的普通牛肉飯, 牛肉的份量應該可以做到幾客蛋包飯, 黑豚蛋包飯, 即係一個普通的蛋包飯+一塊炸豬扒 (HKD88) , 係唔係黑豚唔知, 但非常油膩, 其實個飯都好油膩, 我結果食剩大約1/3的飯, 另叫了一客南瓜薯餅, 味道唔錯, 但HKD38先得一塊, 好貴囉, 晚市仲要加一, 兩個飯+薯餅 HKD214, 唔值呢個價

i今日掃墓完路經這間蛋包飯專門店，決定試一試先！一入這店見到很多用蛋做主题的裝飾，好有日本feel今次我order左一個叫噴香牛肉蛋包飯試下，飯未到已經有沙律食，這個清清地嘅沙律配上酸酸地嘅汁，都ok喇！之後飯一到，真的有蛋香樸鼻感覺，次我跟茄汁，沒有我哥哥叫的咖哩汁香。這間蛋包飯是用日式炒飯底，不像其他用茄汁飯，給我一種驚喜！一定會返黎再試。

雖然在元朗開店也有一段時間，小妹一直說要到來一試，但未有幸來朝聖。今日適逢Dse開考第一科首先就為考生加加油。蛋包飯對我並不新鮮，因為不時有機會到日式料理店吃過，但這家蛋包飯在天后的總店十分有名，就連美食節目也介紹過。五十多塊的午餐在元朗算是高價的。生原創蛋包飯吉列三文魚蛋包飯$58  包沙律及汽水樽裝的忌廉很久沒有看過了，兒時風味，忌廉是我最愛的汽水。沙律有青瓜蕃茄生菜，略嫌沙律醬汁不夠，像吃清水洗的生菜。我點了限量的吉列三文魚蛋包飯，因(限量)二字吸引了我。三文加上黑椒及鹽炸過後有吉列的脆皮，但三文魚卻不會有腥味，肉質結實不會散掉的三文魚肉。加上醃漬瓜及蕃茄令蛋包飯更有清新的感覺。再者蛋包飯內的飯是有洋蔥及黑椒炒製而成，有點點鰻魚汁的醬油味，飯粒炒至粒粒分明，應該是珍珠米，因為米粒煙韌。蛋未至最滑溜但蛋味撲鼻。咖哩汁的咖哩汁未有香氣撲鼻，淡淡的咖哩味吧！這個份量未免太大吧！一個小女生應叫'少飯'，不要浪費食物啦！評分：7/10可以用較重的咖哩汁，份量大友人的澳洲和牛蛋包飯$58 她說牛肉粒只有五粒左右，希望可以有更多，她愛蕃茄所以配在面的蕃茄也清光光。蛋包飯的料跟我的一樣，只不

這個蛋包飯已經是比較舊的食評了，之前與友人一同去教會參加分享會，完場後見時候都不早了，便找地方吃晚飯。友人提議吃蛋包飯，小妹倒沒所謂，反正未來過~坐了近門口的位置，友人說蛋包飯好大碟，可以share食，然後再散叫小食。都好，反正小妹不嗅米氣~友人之前吃過鰻魚蛋包飯，小妹當然說要試試其他的，便點了 爆脆魚柳蛋包飯，有3種醬汁可選，茄汁/咖喱汁/白汁，食日式蛋包飯當然配茄汁較好，選了前者，還可另加$18轉流心蛋，挺膩的便沒有加了。真的很大碟，估計應該有2大碗裝滿的飯量，剛好2位女孩子一人一半，面頭呈Z形澆上蕃茄汁，酸甜味不太搶，蛋皮煎得乾身，沒有太蛋漿的效果，內裡的飯粒粒粒分明，炸魚柳正常。另外叫了小食 明太子蛋卷，雞蛋形成一層一層的，雖不重蛋味，但雞蛋很嫩滑，配合明太子的鹹香，都幾好食，尤其適合蛋痴怪的小妹。晚餐另配飲品熱咖啡+$8，味道尚可。蛋包飯的餡料還有帶子、海鮮、豚肉、海膽等選擇，至於蛋皮方面，破格加入不同的食材，做出不同顏色和口味的蛋皮，如鮮紅色的紅菜頭、青bb的菠菜汁和黑染染的墨魚汁等。

元朗一間以蛋包飯做主題的餐廳，我地梗係點兩個不同口味的蛋包飯試下:澳洲和牛+豚肉，配咖哩汁。中午的時候人不多，只有兩三枱客人，但上菜時間都幾慢，可能個飯要即叫即做。個樣ok,但好油膩，啲飯炒得好燶，唔好入口，最好食就係隻蛋皮。試過一次，短期應該唔會再食，價錢偏貴，味道一般。

店內外均以蛋為主題，內裏暗暗的。點了 個牛舌蛋包飯，有小沙律及飲料。牛舌蛋包飯，牛舌切粒與內裏之炒飯夾在一起，大失所算，還心想是兩大片牛舌放在蛋包飯旁。不要緊，打開蛋包，切粒牛舌，不太乾，但比不上原片牛舌般肥美滑溜。炒飯味道不錯，飯不算少，少咸香，鑊氣一般，外面的蛋亦不小。其實，蛋包飯目的只是以蛋包著飯而不漏出，故雞蛋一般較熟，並無特別過人之處。如果可以在旁邊位置加點滑溜的半生蛋漿，拌飯來吃，相信會令人更滿足。友人的吉列三文魚，店方稱作限定食品

今天陽光很好,放假去元朗食午餐,聽朋友說過有間蛋包飯蠻有特色所以便決定試一試這種食物當我的蛋包飯來到我面前時,平平無奇,就是有件怪東西放到桌面上,但當侍應拿刀在這"怪東西上介上一刀時"立即令我眼前一亮亮亮亮亮亮亮亮亮亮亮亮亮亮,噢!蛋汁活生生的在流動,蒸氣飛楊的時間,令我要極速為它拍左相便開餐~~~可惜,味道淡口,香味不足,沒有令我更興奮的感覺,相反有一點失落.......

之前聽d朋友講呢個蛋包飯唔錯, 於是就同幾個朋友專登走入元朗試下, 不過搵咗一陣先搵到喺邊度, 然後去到發現都幾多人排緊隊, 可能因為係星期日掛...咁既然係出名食蛋包飯, 就梗係要試下個蛋包飯la, 味道都唔錯, 而且有唔同味可以揀, 同埋入面d飯都幾多, 蛋味十足同D飯match埋一齊好夾。價錢又唔貴所以都幾抵食, 都算係不枉此行!!!

因為忽然想食蛋包飯，見佢新開咪試下，我同老豆分別叫左海膽同牛，牛肉戈款普通喇，海膽戈個我真係唔識欣賞，我覺得好咸，無咩海膽新鮮味，試過唔會再試。我老豆都覺難食。

自從係台灣食過蛋包飯之後，香港都好少有蛋包飯可以滿足到我呢間絕對係其中一間令我滿意既蛋包飯餐廳店內裝潢幾靚，特別鐘意蛋蛋吊燈同相中既蛋牆，隻隻蛋都有d好鬼馬既表情，我係望住d蛋食蛋包飯是日午餐菜單，我既目標係蛋包飯所以都冇留意其他，蛋包飯有4款，加$18就可以轉流心蛋，不過第一次食呢間野，我都係穩穩陣陣食住個普通既先跟餐既沙律，幾開胃，餐前食d菜又健康d好快就黎喇個蛋包飯，我叫左個日式海鮮蛋包飯，簡左最經典既茄汁，成個賣相都好靚，食蛋包飯個賣相係重點，呢個蛋包飯就夠飽滿喇篤開個蛋就見到好多海鮮既飯，值得一提係呢個飯材料好足，啖啖飯都有好多海鮮，仲有好多蛋汁，本來我意為流心蛋先會有咁多蛋汁，原來普通都好有蛋味，美中不足既係海鮮有少少沙總括黎講，呢間餐廳都係中上水準，咁既價錢直頭係抵，下次我都係再試下唔同味既蛋包飯，其實見到隔離枱既流心蛋都有d後悔自己冇嗌到，下次一定要試下！

年頭去完日本食過當地嘅咖喱蛋包飯，非常回味，返嚟之後諗住嚟呢度懷緬一下嗰種味道今次係第一次嚟試食，order咗無骨芝士雞翼，魚柳蛋包飯，黑豚蛋包飯，兩客都是流心蛋等食物時覺得裝修都幾特別，幾用心，用蛋做提材，但裝修從來都唔係我返轉頭再食嘅原因賣相還可以，但係一放入口...飯...濕得滯，加埋蛋汁同咖喱汁...我真的無言了...味道唔夠豐富，如果諗住用汁去掩飾，最後只會變成汁撈飯...無骨芝士雞都ok嘅，香口野，好難唔好食feel到店主係想做好件事，但係食物質素先係最重要

正夕新年, 約了老朋友聚舊, 一行8人就餐.第一次光臨, 但食後感係......試過就算了.無骨芝士雞翼：咬落去淋淋的, 都唔知食緊乜, 芝士味不濃波菜帶子蛋包飯 :原先對"蛋包飯"充滿好奇同幻想 仲加左錢轉流心, 點知落枱後, 切開後, 只係覺得里面濕淋淋, 一PAT PAT, 味道淡淡的, 失望!鰻魚蛋包飯 :其實打開之後, 都唔覺有咩材料吉列黑豚 :又係炸豬扒一塊, 不過不失牛肉餅 :好似炸到到過左火既牛餅, 里面有芝士, 今次食到芝士味了墨汁蛋卷 :又係淡淡的炒雜菜 :無乜特別燒茄子 :又係淡而無味的.總括來說, 全部食物都係口味偏淡的(利申: 本人亦不是重口味之人). 而且份量跟價錢完全不成正比. 只可一, 不可再!!

一年一度情人節諗左好耐去邊到食好，想試下新野，所以今次揀左Omerice試下。人數：2人等候時間：0分鐘 (因為一日前已經打左電話訂位)點選的食物：鰻魚蛋包飯(流心蛋、茄汁)，明太子蛋卷，無骨芝士雞翼。食物款式唔算太多，有蛋包飯，鍋物，串燒，刺身等。但沒有壽司鰻魚蛋包飯：推薦既鰻魚蛋包飯有d令人失望，雖然蛋做得好好外面乾物入面有少計蛋汁，但係鰻魚粒極少，味道太淡。本人平時都食得好淡下，但係呢個飯真係冇乜鰻魚味同咸甜味。明太子蛋卷：呢個蛋卷有2種食法，鍾意食濃味既可以直接食，鍾意食淡淡地既話可以加d白蘿蔔茸再食，味道唔錯，明太子既味道好鮮，但係如果你本身唔係好接受到有少少腥味既話，唔係咁建議試呢個無骨芝士雞翼：芝士好軟唔會太濃芝士味反而冇乜雞味，唔會炸得太燶，十分適合小朋友食。

其實我幫襯呢間野都已經有一段時間架啦, 每次響元朗諗住食日本野, 都會黎呢到。 因為同區嘅所謂日本料理全部都只係大堆頭製作, 而且質素仲好參差, 反而呢到我都食左成年, 佢地都KEEP到個水準, 確實值得一讚!今次約埋朋友黎, 一行4人都食左好多野下。天氣咁凍, 就叫左個牛肉豆腐鍋, 明太子蛋卷(未映相已經食晒), 海膽蛋包飯(加左$18做流心蛋, 滑好多香口好多!!!), 仲有我每次都要食嘅串燒牛舌同埋芝士無骨雞翼, 之後仲叫左個炒雜菜。串燒牛舌厚薄啱啱好, 加埋本身嘅油脂, 香口好味!牛肉豆腐鍋份量好足料!有好豐富嘅雜菜底, 仲有D水晶粉, 吸左個甜湯底好好味!同行朋友覺得甜左少少, 但我就好鍾意蛋包飯加左流心蛋個效果真係好唔同, 雖然會等耐D,但絕對值得, 而且無響其他舖頭見過芝士雞翼, 食左咁多次都仲係覺得好食, 店員話我知個芝士醬係佢地秘製過, 唔係普逍芝士, 唔怪知個味咁特別啦!店內擺設好得意, 有心思除左食物質素穩定, 佢地嘅服務都唔錯, 有禮貌, 茶水好足, 抵讚!

  今日與朋友《元朗農墟嘉年華之漁米之香》活動後，往生原創(蛋包飯) 食lunch，小弟點了鰻魚蛋包飯，另外order了無骨芝士雞翼，什菜炒牛肉、雞軟骨和凍咖啡，食物質素不錯，店子裝飾全是蛋，好得意(lunch原本送沙律但我們三人都不食沙律，唯有退回!) ，無骨芝士雞翼好重芝士味、什菜炒牛肉好大碟和雞軟骨好香口，今餐每人$144，食得飽飽不錯，如果舖子賣埋雞蛋仔和燉蛋就好正，感謝朋友推介。