生記菜館 (已結業)

廟街 未入夜但條街很靜(冇遊客)生記燕姐 嗌晒救命話好淡餐牌加咗價 質素冇進步 退步咗蠔餅 細$ 45 哎呀 …… 差預早煎定 少蠔 唔脆 油淋淋(蠔餅都係食興記好 $40 蠔多即煎)窩蛋牛肉煲仔飯~$40牛肉醃味千梳打味 飯唔夠大熱 打旦唔熟倒什會炒麵~ 上錯咗河粉 材料質劣 河粉油淋淋

收工經開廟街，就自自然然諗起廟街煲仔飯。平日食開另外果幾間較多人去既煲仔飯，反面會想試下第二間換下口味。雖然天氣有d熱，坐喺街邊食都係有種唔可以取代既香港風味。一個人食好易搵位，滑雞煲仔飯加蛋，好滿足。滑雞非常入味，不過斬骨斬得有D碎，所以成日咬到骨。但總體黎講都比同一條街其他煲仔飯好食。不得不提佢個煲仔飯豉油係比同一條街其他果幾間好食，係門面比較細間D，但野食黎講都係生記最好食，而且唔會太over-rate左，啊姐服務好好，見我一條友食飯走過黎同我傾計。

帶朋友去佐敦買海味，行咗兩家海味店，買咗好多嘢，之後一齊去附近廟街逛街，順便食晚餐，隨意揀了一家菜館，未入去，店員已話樓下無位，要上樓上，我們二人上咗二樓，坐低叫餸，叫了臘腸排骨煲仔飯45元、細炸蠔餅40元和椒絲腐乳通菜35元，淨睇價錢，幾平宜。上菜速度算快，臘腸排骨煲仔飯嚟到，焗兩分鐘後才開蓋，飯好香，自己落豉油，豉油唔太咸，食落才發現排骨本身好咸，臘腸味道正常。至於炸蠔餅，含蠔量唔多，炸得好油膩，雖然蠔餅下面有張索油紙，但是蠔餅都係好油膩。椒絲腐乳通菜味道一般。臘腸排骨煲仔飯和蠔餅的份量均算正常，椒絲腐乳通菜份量偏少。整體而言，價錢平宜，味道稍差。

是日氣溫11度，最啱就係食🤩煲仔飯🤩，而落嚟佐敦就超多選擇啦！本來一心諗住食最出名嗰間四X，都預咗要掛排隊排1個鐘，沿途經過呢間生記，見到好多人食，連街外都有十幾枱已經坐滿，鋪位入面有人剛剛走，二話不說即刻就坐，價錢平過出名嗰間，不過選擇就只有17款，但有我至愛白鱔，男朋友叫咗鯇魚腩，另外一個細蠔餅同埋通菜，蠔餅先到，好脆口，蠔仔多，最正係個蠔餅醬，酸酸辣好開胃煲仔飯雖然份量唔大但夠飽嘅魚都好新鮮不過米飯略微濕咗啲通菜炒得好有鑊氣，好爽口，價錢平又好食，下次唔洗排長龍食X季囉

應該有十年未到過廟街食煲仔飯，今日心血來潮要來食返次！久違的廟街無以前咁熱鬧，煲仔飯菜館都無以前咁旺，唔記得以前有食開邊間，就隨便搵一間入去。門口既叔叔不停招徠，我地就咁入左去，要上'樓上雅座'，嬰兒車就放樓下，叔叔搞笑咁話「放心，唔會抄牌！」🤣我地叫左一個窩蛋牛肉，冬菇滑雞，蠔餅，炸大腸。窩蛋牛肉飯d牛完全無味，只係用眼睇落似牛既肉冬菇滑雞飯反而好香甜煲仔飯重點飯蕉太過火，黑哂食唔到蠔餅好似浸油咁炸大腸就好味好多久違的味道有點令人失望，但再隔一段時間我一定會再來，始終這是回憶的味道。

去到廟街有好多間嘅海鮮菜館，真係唔知入邊間，見到呢間啲蠔餅炸到好厚身，就是入咗呢間，俾啲蠔餅吸引左入去，叫咗個豉汁蒸白鱔飯，味道不夠豉汁又太少，鱔又唔夠爽口想像中差

宵夜23:30 師傅收咗工 冇得叫窩旦牛肉飯 $35 但有……潤腸排骨飯$40 份量足排骨多低食排骨肉有咬口 唔霉飯香但唔夠大熱 潤腸香口什會豆腐煲~$60 細煲仔上 份量一般 冇蔥白菜底 材料 燒肉 豬潤…… 細虾仔尤魚2件鮮味 豆腐嫩滑香口細虾仔 有黑色腸白菜仔生銹煲仔飯低食

對於一眾胖徒來說，數到廟街的煲仔飯店，首推興記，但要數小炒的話，這家生記海鮮菜館亦屬不差。一名胖徒推介之下，有一大堆胖徒不同意，走散之後，我們人影都不見。於是我們二人一於承勢吃個街坊小菜：包括煎蠔餅、豉椒田雞以及椒絲通菜，餸飯或是餸啤酒都應該一流。蠔餅略油……但就要邪惡得夠油夠香口的才算好味吧！嫌餅的是蠔仔略少，不算多汁，未吃了夠喉也。豉椒田雞乃友人之大愛，看見他吃極都不停口，應非凡品。椒絲腐乳通菜，條條油潤，濕滑且入味！一眾胖徒，確實逃之又逃。

去咗百老匯電影中心，決定行去廟街食煲仔飯。雖然而家唔係冬天，但煲仔飯四季都可以喺廟街食到。係得廟街食，當然係大排檔模式，都唔會預咗坐得好舒服，但又唔係太差。兩個人叫了兩個煲仔飯，分別是田雞煲同白鱔煲。之後想叫多個小炒，見隔離枱嗰碟鮮魷賣商可以，就決定試下呢個油泡鮮魷。份量都幾多，魷魚最怕過硬，呢度就冇呢個問題，都幾好食。煲仔飯嚟到，要先焗多5分鐘，才可以食。太肚餓了所以沒來得及拍照，白鱔煲總共有五大片，以＄55價錢來說也算合理。另一個煲仔飯是田雞煲，一打開佈滿田雞，感覺上比白鱔煲抵食。

本來諗住返台灣前食返個煲仔飯，誰不知興記無開，就走左去生記。等就唔洗等嘅，但環境好差，一入去一陣豬味，地下、枱面都好污糟。4個人簡單地叫左三個煲仔飯、兩個餸⋯一個臘腸滑雞、窩蛋牛肉、咸魚肉餅，豉椒炒蜆，一罐可樂同一罐忌廉。全部最好嘅係兩罐汽水，係真係凍嘅。臘腸滑雞正正常常；窩蛋牛肉無牛肉味；咸魚肉餅最衰，比個魚鰓我地，肉餅濕淋淋；煲仔飯失敗，濕，飯又少，可以唔食。豉椒炒蜆好大碟，但係多殼多沙，又大又細，失敗，可以唔食。炒菜芯，真係名副其實“油”菜，油到可以照鏡，失敗，可以唔食。去廟街想食煲仔飯真係唔好貪快唔等位去生記，失敗，千祈唔好食！

好多人喺油麻地食煲仔飯都會食嗰啲排隊啊餐廳，是齊晒咁多間最好食一定係生記。佢哋個蠔餅，真係超多蠔，我梗係你每食一口有一兩隻蠔，炸得好鬆脆但唔油膩。再講下佢地個通菜，抄得好入味香口但唔會水濕濕個油泡魷魚好滑，吵得啱啱好唔會老鼓椒炒蜆更加唔使講，唔似同區某間出名嘅煲仔飯店全碟都係得殼，真係粒粒都有肉，吵到開晒夠入味最後講下佢哋嘅煲仔飯，點解我會話生記最好食的原因係因為佢飯焦比例啱啱好，同區每一間煲仔飯店，唔係飯焦過度就係窿，食一兩啖飯就係焦，生記比例上飯焦好好大家試下啦 一定有驚喜

今晚去食煲仔飯，只係咸魚肉餠煲仔飯，等咗一個鐘都未嚟，問伙計，check都唔check敷衍答整緊，再等十分鐘都無，隔離檯遲嚟嗰個已經有，明顯漏咗單，再問佢，佢話「唔等得，唔好食」，大佬，唔想做生意咪閂舖囉，天寒地凍等個飯成粒幾鐘都無，仲要畀伙計兇，貼錢買難受。另外叫咗個腐乳炒通菜，完全無腐乳，通菜係淥完先炒，一pat pat,濕到死，難食到勻。蒜蓉開邊蝦，啲蝦又霉又臭，食一隻已經唔敢食。重點係，食完番屋企屙。勸君勿以身嚐膽。

d姐姐態度勁差，d嘢又唔系特別好食過人，唔會去第二次；四個人一張臺，最到落柯打，最遲未嚟，叫d阿姐跟跟，唔跟都算，仲話唔食就走😓，今時今日咁嘅態度，真系好唔掂

宵夜廟街 煲仔飯 ＆ 蠔餅 必食嘅以前排晒隊嘅”四季“加晒價仲細煲咗咁就行咗去“生記”試吓 收12點冇乜客餐牌一大堆 …小菜 海鮮 煲仔飯 蠔餅…燕姐(似係老闆娘)招呼親切 善交談幫襯咗幾次 食後感……… *11月嗰次 點咗蠔餅 煲仔飯x2 蠔餅~$35 黑色油 蠔少細乾 加咗pat甜醬窩旦牛肉煲仔飯~ 30元 底食好味潤腸排骨飯~$35 底食好味肉有咬口唔係醃到過爛林軟 但飯底過燶乾*11月中再食 要求煲仔飯唔要燶 係得嘅臘腸排骨飯~ 夠晒熱 飯軟熟 微焦窩旦牛肉飯~ 很快上枱 牛肉唔得有梳打味打隻旦落飯面 旦焗咗5分鐘都唔熟 仲有水氣什會炒河粉~ $45 材料多 夠鑊氣好味道但比較油肥 細虾仔有腸 *12月再食 加咗5元價…… 排骨煲仔飯 keep倒好食嘅豆腐魚頭湯~$70 湯甜 魚雲滑 新鮮但材料少 飲湯後有口渴會再食…… 煲仔飯

本第打算快快脆脆唔多人排隊就去呢間食去到呢間野已經唔多人食我諗住叫個，白鱔加雞加臘腸既煲仔飯落單個呀姐話好貴，咁我就問呀姐幾錢？咁本身個飯我睇menu白鱔就55蚊加雞再加臘腸佢話 75蚊咁咪好囉.講真！錢唔係問題！就咁加啦！之後朋友就要個田雞加雞加臘腸留意返..個田雞飯本身都係55蚊之後老闆經過話要80蚊‼️咁我地覺得價錢唔太合理岩岩話75蚊而家話80蚊咁我就問落單條友條數點計 加雞幾錢 加臘腸又幾錢佢話唔知 老闆話事...🌚落單個個呀姐話打份工昨之後朋友就好嬲拎袋走人姐係其實食個煲仔飯都海鮮價勁唔合理 如果menu有寫明加雞加臘腸幾錢會好好多而唔係佢地話加幾錢就幾錢‼️‼️‼️