生記飯店 (已搬遷) 新店位置

今日黎到呢間生記海鮮飯店同媽媽慶祝生日，估唔到可以意想不到咁好食。我哋叫咗個鹽焗雞，隻雞望落平平無奇，其實相當入味，每一件味道都好好，唔會太咸。之後黎嘅椒鹽鮮魷真心覺得好正，個粉漿一啲都唔厚，啲魷魚又新鮮，所以整出黎特別好食。再叫咗個薑蔥蝦乾爆鮑魚，啲鮑魚都幾大隻，啲蝦乾嘅精華入哂啲鮑魚度，好爽好彈牙。最後黎埋個白菜仔，為今餐慶生飯劃上句號。

懷舊餸菜的餐館, 老店在老區, 自然保存著一份味道。2款前菜, 不用多說雲耳爽口, 皮蛋彈牙白灼鮮尤, 火候剛剛好, 彈牙又唔老煎藕餅, 不過不失以前的家常菜, 令人回憶整頓飯最弱的一味, 雞味欠奉炸工可以的, 可惜味道上扣分已經忘記了的豬潤湯不腥, 肉薄, 小朋友也讚好蟹控必試梅子汁的酸甜味把蟹原味引哂出來蒸茄子, 無得輸沒有帶子, 換上茄子, 一番新味道水準之作2大發明發揮得好好傳統糕點米芝連, 無可否認帶來一班生客, 要保持老香港的粤菜味道, 介紹給各地的人, 加油啊

今年兩餐母親節晚飯都在生記慶祝。總括而言食材一流，菜式不會過分花巧，每道菜都充滿廚師的心思、炒功、技巧。貨真價實！基本上沒有一道菜是不好吃的。超級適合一家人聚在一起，不想做菜麻煩又想吃一點平常不會做的菜-該油的油該清淡的清淡，超贊！服務態度認真，服務生八面玲瓏。碗碟乾淨，座椅整潔。不太擠迫。一定要繼續支持！ Ps 海鮮時價要留意還吃了酸薑皮蛋蒜蓉木耳泥鯭粥咕嚕肉豬潤<必食!!!!!總之叫什麼都不會碰釘

同長輩出街食飯，食中餐就包無死，一定岩佢地胃口！生記係長輩提意話想黎食既，因為呢到有好多買少見少既傳統中餐菜式，佢地話好有童年回憶，做細既就梗係跟隊黎試下啦。好鐘意酒樓既環境，仲保持住細細個舊式酒樓既風味。晚市六點鐘開始食，我地早係兩星期前己經BOOK定台。六點黎到人數就未好多，但由於佢限定八點一定要交台，所以我地準時達陣！先叫左個韭菜浸豬潤食，我地八個人，豬潤就岩岩好八件。豬潤好粉粉地，清清地幾好味喎！之後再上左錦滷雲吞，呢味我真係第一次食，但長輩一邊食就一邊話，佢地細細個出街成日食架！炸雲吞比起一般既大同厚皮，因為佢地配上酸甜既配料夾埋黎食。甜酸汁入面仲有叉燒、大蝦、魷魚等等材料，夾埋食，都幾特別喎！長輩以前黎過，好有經驗，一早預訂左Ｄ菜式，因為有Ｄ出名既菜式唔預訂係無得食架！我地就訂左呢個梅子鴨，隻鴨超大隻呀，上台真係好震撼。梅子醬似生炒骨隻醬， 酸酸甜甜。隻鴨好入味，好開胃！配茶有超多(真係超多)芋頭，芋頭煮到好粉，好味！其實仲有食其他菜，但食食下唔記得左影相（太為食了哈哈）最後只係影左呢碟白糖糕，食到最後酒樓會送既。平時我唔係好鐘意食白糖糕，因為唔鐘意個陣酸味，但呢碟真係幾好

我覺得佢個藕餅唔夠咬口可能切得太細焗魚腸 好多地方都冇得食喇朋友覺得有啲苦但係我覺得好好食可能加多啲陳皮會好食啲啩枸杞豬潤真係好好食口感上有啲似鵝肝非常juicy朋友叫咗兩碟佢竟然仲有得食椒鹽炒魚雲堅香口囉 鹽焗雞我覺得真係鹹咗少少肉丸魚粥好清甜又夠滑非常綿生炒骨夠惹味唔會好厚粉同埋呢度有個好得意嘅牛肉肉餅出面冇得食㗎椒鹽鮮魷送酒一流炸鯪魚球加蜆介 飲酒食一流有咬口朋友話 幾廿年裝修冇變服務非常貼心都唔係第一次食㗎喇會再返嚟食

2019年2月23日 星期六今日約咗自己屋企同埋老婆嗰邊嘅屋企人一齊食飯佢哋揀咗一間傳統嘅老店，自己都唔記得細個有嚟過呢度食食飯嘅環境就古舊一些，嘢食唔錯價錢亦都OK我哋叫咗幾個唔錯嘅廣東古舊菜式，可惜同屋企人食全部唔記得影相叫咗個黃沙豬膶，味道唔錯。豬潤又唔會煮得太老啱啱好叫咗個鹽焗雞，五個人食咗半隻，食落似新鮮雞。煮得好食。雞肉入味蓮藕餅，份量唔少味道唔錯仲有一個泥鯭粥，好味，感覺冇味精。唔錯睇嚟佢返平時嗰啲質素好好

今晚一行七人生日飯，揀咗灣仔生記。咁多年來，呢度都係保持傳統粤式酒樓格局，簡簡單單，企企理理。每次生日飯局，都係放盡去叫，大擦一餐。嚟呢度指定菜式一定叫鹽焗雞、生炒骨、薑蔥豬膶。鹽焗雞原隻上，外皮焗得帶點脆，雞肉乾身咗少少，唔夠鹹香嫩滑。生炒骨就保持一貫水準，甜甜酸酸好味道。薑葱炒豬膶最出色，豬膶爽滑不嚡口，一上枱，即被秒殺，同枱人連薑葱都唔放過，可想而知有幾滋味。酥炸筒蠔熱辣辣登場，炸漿厚薄適中，不過味道就寡咗少少。豉汁蒸魚雲好惹味，同白飯係最佳配搭。上湯竹笙浸豆苖，普普通通，不過不失。豉油王炒麵有水準，出色之作。泥鯭粥夠鲜味，粥底綿膩，不俗。飯後甜品仲奉送一大碟白糖糕，清甜中帶一點酸，完全係兒時的味道，童年回憶返晒嚟。

踏入生記，比到我既感覺係一個字，老！裝潢老氣、食客老，侍應老、連菜單全都是老家常菜，彷彿時光倒流20年。也許就是這份老的原因，差不多每碟餸菜都令我讚嘆不已，完全感受到老師傅（我猜測是老的）的功力，刀工好、炸野好、味道好，連一碗粥一碟炒飯也做得非常之咁出色，平凡菜中盡見不平凡，也能吃到唔係度度有更加唔係度度好食既厚切豬潤枸杞（超勁潤味），藕餅又係勁好食，食完即刻覺得平時酒樓食到果d係不值一提。其實仲叫左好多餸不過清得太快相都無機會影。待應的功夫也是一流，盡見歷練！我個人認為呢度既食物係有酒店級粵菜既水準，比一般連鎖酒樓超班太多！！如果同屋企長輩食，唔要求高大上環境同名貴菜式既話，我覺得呢度係好好既選擇😍😍

記得之前屋企人生日係呢度book 左2圍食過圍菜一來到環境比我感覺有點懷舊，好似返返去80年代，果陣食到出面好少食到的中菜， 印象中有家鄉手磨煎蓮藕餅、大豆芽肉鬆生菜包、蜆介鯪魚球等都同出面食的好唔同，仲要道道都好好好味所以對生記呢間店印象好深刻，心諗一定要再來，最近有個朋友係外國返來指明想食中菜，即刻令我諗起生記呢間老字號，今次帶朋友來食左佢地的四道招牌經典菜，朋友食完都鑽口不絕 我地好快就清晒d野食，好滿足的一餐飯，同上一次色一樣感覺甘好，很推薦呢間中菜餐廳！

落雨落到個人“牛”曬甘，今日唸唔到食乜，同事又提議生記啦！次次唸唔到食乜都會去生記既，唔知典解。如果大家有睇小編我之前寫關於生記既食評都知道我對呢間餐廳唔特別喜歡，皆因d食物唔係好IMPRESSIVE加上佢又標榜自己系米芝蓮，小編就更加覺得唔值呢個稱號啦！但今次呢餐飯系改觀左既，好過前幾次去食，個三色蒸水蛋真系超水準之作，爆好味！豆腐班腩都唔錯，起碼d班腩唔係UN滋甘細粒，西芹蝦仁不過不失啦，整體黎講系好過上次幾倍，覺得都值得米芝蓮推介食府既。今次特意黎幫佢評反，但希望佢KEEP到個水準啦，小編認為好食既餐廳唔少但保持到水準既就真心唔多啦！

「王者以民為天，而民以食為天」，我們這些平民百姓， 緊係要醫飽個肚仔先 不過， 時至今天，我已把句子改為「民以食為鮮」， 食物愈是新鮮，其營養價值也愈高 所以我很重視飲食健康，Keep fit + Keep Health, 市面上出售的包裝食品，大家要留意保鮮期限呀!出去吃餐, 無法看保鲜日期,甘就要靠 ＂眼觀＂ " 舌嚐 ＂ 和 "嗅聞" 今晚一早訂好位, 友人特别點名要吃 ~ 泥鯭粥, 買哂就無, d泥鯭新鲜不在話下, 重要是來自大海, 無泥味, 兼無甘多污染! 魚的 size ok 㗎, 內臟清潔得很好, 無 味 反而魚的甜味落哂去綿滑的粥内, 呵呵, 無幫魚仔拍寫真添, 不好意思, 皆因太飢餓了韭菜浸豬潤 ~ 真不可不吃! 爽, 太太太爽 肯定新鮮, 豬潤無得假, 一隔夜便轉黑, 煮太久便變硬! 真是少d技巧都滅亡 鹹魚煎肉餅 挑選味道不過咸或淡的鹹魚, 餘下就是它的咸香, 混合鮮肉搞制, 加上"煎＂至香脆, 啱哂我多喝2杯

今日在灣仔和朋友聊天後，打算在此區晚飯，想起上次登門此店卻原來己爆滿，今日姑且再闖一樓。到時剛好6 時，櫃面說今晚已滿但若7時許走可以騰一張枱給我們。我們當然卻之不恭。記得以前我常帶朋友來吃，大家都很喜歡這店的傳統菜式。反而自此店得到米䒦蓮垂青後我很少再來。今日是10號，但枱上只有一張父親節餐牌，店員忙解釋，一張餐牌前後兩頁紙，一目了然，目的是方便大家叫菜。 心想現在生意難做，店員也懂得語言藝術。我們叫了招牌古法鹽焗雞、家鄉手磨蓮藕餅及百花蒸豆腐。 雖然三個菜，但己經差不多要五百元，古法雞有點少，肉質雖頗嫩但貴了一點。 蓮藕餅和豆腐份量大，保持質素，但我們覺得價錢又貴了。我們聽到附近兩枱人都各向自已親朋說了同樣評語：「貴左」。不知是租金加了還是米䒦蓮效應。對我們來說，可惜今次吃完沒有了以前的滿足感。 自己都有點為自己的感覺嘆了一聲。

我和同事都喜歡光顧生記食lunch，質素唔係差但唔認同佢係米芝蓮囉？唔通晚飯和午飯既水準差咁遠？我地點左西芹炒蝦仁、芙蓉蛋、蒸豆腐同埋豆腐火腩魚塊。其實唔係話難食、但真係好一般茶記水準囉，咁佢既價錢係抵既、67元一個飯跟一個餸和一碗例湯，其實以中環灣仔呢d地方黎講係好抵既。但係我覺得食咁既質素不如是但去一間茶記好過。所以我次次都係跟大隊、同事唸唔到食乜咪去幫襯佢囉，我都無所謂既但好唔agree佢呢間米芝蓮囉。我寧願價錢貴d、真係比到米芝蓮既lunch我就會開心好多囉

Delicious - especially the Salted Chicken and the aubergine. Will definitely be making this our local go to with friends. I like that you can take wine if you have a special wine and the corsages appears to be reasonable - we didn’t this time but will consider this for next time.

經常到這裡附近，聽朋友講過。可是就是沒有機會去嘗試。今天難得有空，便與友人一起去嘗試過午餐。 雖然餐廳所在位置鄰近地鐵站(步程5分鐘內)，可是它是位於一幢大廈內一樓。大廈門口只有一個燈箱指示，會較容易錯過。 餐廳門口貼了「米芝蓮推介餐廳」。 走進去，餐廳的內部環境似乎有點簡陋。 由於未到午飯時間，因此不多人，有不少空位。 但令我感到奇怪的是餐廳員工告訴我們需要搭臺，方可享用特價午市優惠。於是我們便只好搭桌。 我們從餐牌上叫枝竹炆牛筋腩和川椒雞球。 我較欣賞的是川椒雞球，因為香味濃郁，而且所有雞球經已去皮，更顯細心。它所用的雞肉亦嫩滑。 而枝竹炆牛筋腩這道菜雖然味道亦可口，可是牛腩略嫌細小及炆的時間可能過長。 整體而言，這間餐廳的性價比較同區同類型餐廳為高，值得一試。