生記山西刀削麵

营业中

休息中

話說上星期叫左三個外賣，揸車返到屋企先發現本來的酦菜魚飯，餐廳俾錯左麵。於是打返餐廳同佢講，因為已經揸車返到屋企，唔可能換，於是佢答應下次送返一個飯俾我。打開個麵，痴實晒一餅野，整都整唔開，好似咬麵團咁，好難食。昨日我又買外賣，同佢講上次送返一個飯俾我，點知餐廳唔認數，我沒跟他爭辯，買飯走人。

第一次食甘樣既口水雞。真系令我眼界大開。叫外賣。明明相系我平時食開個款。。一拎盒外賣。我仲諗緊自己叫左啲咩野食？點解會有茄汁既物體。賣相已經唔吸引。食落去點解變左花生醬帶有輕微辣。仲要個醬杰撻撻。

Lunch同同事黎到，唔洗等位直接入。叫左老壇酸菜魚米線加凍檸茶。個湯底好好味，少辣對我黎講都幾辣要係咁飲野。不過我同事就覺得唔夠喉話下次要叫中辣/大辣。佢個魚既份量好足，酸菜都多，叫米線都係正正常常冇乜特別。$67黎講我覺得幾抵食

早兩天和朋友吃晚飯，去了一間位於觀塘的刀削麵店。我叫了豬扒刀削麵餐及上湯菜苗，朋友則叫了一碗大大的酸菜魚刀削麵。刀削麵很彈牙，有口感，有驚喜。豬扒及以菜苗味道還可以。下次會再幫襯。

天氣開始轉涼😝😝嚟到觀塘區想搵啲酸酸辣辣嘅嘢食經過門口見佢外貌雖然唔係好出眾仲要行樓梯上去 未食過佢哋餐廳嘅 經過都未必搵到最鍾意搵平民地道小食嘅我一於膽粗粗去試吓一食又幾好吾錯喎～👍🏻兩個人食65蚊一個酸菜魚+白飯65蚊一個水煮魚+白飯（個人認為佢哋嘅酸菜魚好食啲 冇咁油膩 魚嘅份量十足👍🏻)係性價比高之選！！好可惜佢哋唔做跨區外送 住得比較遠嘅我 未必會專登過去食

呢間價錢，味道算👌🏻。 我食過酸菜魚，蝴蝶腩都幾好。試過有職員唔俾2人坐卡位，話有4人點算。呢d 安排，見人見智啦⋯ 唔知係咪師傅，唔帶口罩，係舖面行黎行去。有職員拖地，感覺似趕客（得返我一個堂食）我走既時候，爭d 成個跣低

機緣巧合之下經過哩間刀削麵店，位置好唔起眼！當時唔知食乜好，所以就求其搵間入去試吓！點知入到去，竟然見到有我最愛嘅酸菜魚😻OMG其實當時諗，唔喺專做酸菜魚，會唔會好伏㗎，但抱住一試嘅心態試下！反而有驚喜- 🔸酸菜魚米線 $58魚片夠多，冇魚骨👍🏽湯底夠酸，啱哂我哩啲愛酸人士食用😍米線滑身，啱喺爽口米線👍🏽哩個價錢食到咁多魚片嘅酸菜魚米線，真心推介😻-下次會再嚟試下水煮系列！同埋食埋晚市嘅酸菜魚，睇睇會唔會有分別！哩間係冇期望之下嘅驚喜，值得翻焯嘅一間小店🤤

📌麻香水煮鱼汤面💰65（吃不了辣的可以吃酸菜鱼口味的）超大一份！胃口比较小的姐妹两个人share都没问题特别香，看起来油实际上不油，汤都好喝都是鱼肉也不会出现鱼骨鱼头之类的，鱼肉特别嫩，感觉一夹就碎，面特别劲道，一吃就知道手工做的和我以前吃过的刀削面不同，从未见过水煮鱼酸菜鱼的，有点像四川口味结合📌招牌水果茶💰8点水煮鱼刀削面会搭配一杯热饮我们换的水果茶，搭配热辣的刀削面，喝一口简直不要太爽！！！！柠檬百香果调制的，超好喝每桌都有人点！📌凉拌豆腐丝💰16普普通通无功无过，下次试试他家的猪耳朵蒜泥白肉啥的🤤-位于观塘市中心，环境普普通通的小饭馆，位于2楼，需要走一层小楼梯-推荐指数：⭐️⭐️⭐️⭐️⭐️💰人均：50-100

作為米線愛好者最近網上大推的酸菜魚米線最重要是在公司附近放工來試一試·差點去錯了荃灣山西刀削麵觀塘分店要吃酸菜魚是斜對面的生記山西刀削麵。🐟🍜老彈酸菜魚湯刀削麵（$58） 加娃娃菜（$6）🌶小辣份量十足酸菜夠酸小辣剛剛好魚片是用生魚滑身而且不會一夾就散開娃娃菜配酸魚魚湯超吸味但刀削麵略嫌太淋身。🐟🍜麻香水煮魚湯米線 （$58）🌶中辣點了中辣但不麻不辣湯底很有大陸風味米線口感反而不錯但就是缺少了辣勁。麻辣蝴蝶腩 （$28）份量不多不少有咬感但不會煙韌軟爛重點是它的麻辣汁超級惹味用來沾魚吃或者當拌面吃也超夾！！。雖然吃完有口喝感有味精也是預料之內但不算太嚴重可次有下次試試整盤酸菜魚🐟✌🏻

本身都鐘意食酸菜魚，但有時啲餐廳一叫就係大大盤，好難再試其他菜式。呢間麵館主打酸菜魚湯底，所以平日晚上就嚟試一試！麵館位置有啲特別，沿大街向上行，見到招牌再行樓梯上。店內環境衛生尚可，係有種大陸餐廳嘅潮濕感覺😂前菜點咗涼拌海蜇同蒜泥白肉本身對生洋蔥有啲抗拒，但拌海蜇嘅汁夠濃味，唔太食到生洋蔥嘅生味！對呢碟前菜好有驚喜🤩至於蒜泥白肉，雖然只有5小舊，但味道出色！加上預先捲好，方便入口！假如中間加一塊小青瓜，相信味道更清新！至於主菜，同朋友一人點咗一碗酸菜魚麵我選擇咗酸菜魚手拉麵，小辣！酸菜魚湯味道出色，不會過咸，酸菜又夠酸！對於平時譚仔三哥食開酸辣湯嘅我，呢個小辣剛剛好！而啲魚雖然唔知係咩魚，但好滑好多！至於手拉麵麵質都算Q彈，對於平時食拉麵鐘意食硬麵嘅我，下次再嚟食嘅話可以叫佢整硬少少！而朋友點咗酸菜魚刀削麵，大辣！可惜嘅係辣椒油味蓋過酸菜魚湯嘅酸，加上刀削麵嘅麵好似煮得太耐，無咗咬口嘅口感。整體而言，$58食到碗好味酸菜魚麵，仲送港式飲品，果然係性價比高！

Lunch時間，觀塘d食肆周圍都係人，見到呢間樓上鋪山西刀削麵好似幾抵食，試下先🤗🔸蘭州牛肉手拉麵（$46 凍飲+2）見到哇一聲，好大碗呀😂個湯幾香唔油味道都ok, 拉麵即拉即煮，口感好好，牛肉份量都多，好入味，經過既朋友絕對可以試下，環境都幾乾淨，lunch set真係幾抵食👍🏻

中伏體驗單據都upload埋上來比大家睇1. 叫左一個刀削麵麻辣湯底: 個湯得少少咸同辣味之外乜味都冇，好似滾水加味精溝出來咁，而家完全冇”麻”既味道。2. 另一個刀削麵係叫左茄湯: 就係上面果碗🙂一望就知冇茄…比少少紅色望下敷衍下都冇😒茄味有冇就唔洗講啦……3. 餐牌寫加豬大腸係$8出到來加左$15 (呢個冇影到)落單之前有問個阿姐 佢話望餐牌加幾多錢就幾多(因為每樣餸價錢唔同)4. 凍檸茶走甜: 乜嘢叫走甜？！我既理解係0糖。但杯野一來甜到噴😒叫個阿姐換，佢問: 唔係少甜咩？ 當係佢聽錯，佢拎去話沖過。返到來杯野少左冰之外冇變過🤡樣樣都差。一粒星都唔值。唔明點解仲會有生意？🤡🤡🤡🤡🤡唯一一樣既係海蜇係有味既！有味咋唔係好食😂

分量和味道不錯食物服務方面真的沒什麼問題但餐廳外的環境有一個小缺點餐廳前有一條樓梯雨天或濕了水之後會好「冼」一唔小心真係會有意外發生平時去的時候也沒問題但今日下雨，上樓梯易，落樓梯難

觀塘角落人龍刀削麵近排在牛頭角工作，每次食午飯都頭痛😥，好似去咗中環咁！準時一點⏰就來個動物大遷徙🦬🐃🐫🐄🦒🐘🦓！要搵位都幾難！所以要搵間好食嘅好重要！唔係排到隊嚟又唔好食！就真係衰過唔食🤣！朋友介紹下鎖定目標😠！一放食飯9秒9，逢人過人、逢🚖過🚘，跑到去觀塘呢間麵店！講真，因為佢屈咗上二樓，所以唔帶路都未必搵到😌！去到已經人山人海排曬隊😭！堂食外賣嘅人一大堆😓！我等！結果係值得嘅😚！🌼老壇酸菜魚刀削麵 $58包飲品幾乎每台都有叫😂！大大碗，魚肉量多😙！生魚🐟製嘅魚肉片夠厚夠滑👅！個麵好粗、好有咬口！夠正宗！食食吓突然聽到嘭！嘭！聲！原來師父在半開放廚房即場整麵😍！廚酸菜及芽菜好好味！必試🤩🤩！🌼蕃茄🍅魚湯麵 $58包飲品個湯超級濃，好好飲🤪🤪！本來都叫刀削麵，點知來咗手拉麵，就試吓喇😆！一試發覺仲好味😆！啲幼幼嘅麵好掛汁！🌼蒜泥白肉有心機👍🏻！比「坦」仔嘅好食！每舊肉中間都包住一片青瓜🥒，再逐一捲成一圈圈！口感味覺都一流😋！🚚生記山西刀削麵觀塘康寧道45號宜安中心1樓B室

今日出開觀塘途經見到有間食山西刀削麵，因為以前去山西旅行嘅時候食過覺得好好食，見到餐廳寫住山西刀削麵一於去試吓同以前我食嘅一唔一樣先餐牌寫住即削即煮，今次揀咗老壇酸菜魚同埋麻香水煮魚試吓，另外仲帶咗個蒜泥白肉做小食，酸菜魚個魚湯好鮮甜，亦都帶有酸味好開胃，麻香水煮魚就差咗少少，可能要去返川菜館食先比較正宗，蒜泥白肉嘅白玉比較厚身，我個人比較喜歡薄身，我覺得個醬汁唔夠香，如果個醬汁可以加番啲麻辣落去會仲好食啲