田中日本料理

营业中

休息中

前幾日放工好想食日本野，但已經好攰，就買外賣返屋企食，諗起好耐無食嘅田中，平時佢好多人嘅，所以我會早咗打去叫咗先💎三文魚腩刺身必食，勁肥美💎三文魚壽司、魷魚壽司、炸蝦卷田中出名大大件，啲蟹子多到流出來💎燒油甘魚鮫肉質好滑，唔會鞋口💎燒羊架無咩要求嘅佢算燒幾好，唔會燒到乾哂其實佢都出哂名好食夾大件，雖然勁好味就唔能夠講，但最重要係抵食，2個人食咁多都係300蚊有找推薦度🌟🌟🌟🌟（5星最高）

所有壽司都大大件，元朗嘅出名老店，但如果想早啲入到去食嘅話，就要早少少，大約6點鐘去排隊，就會冇咁多人😉【三文魚刺身$75/6片】師傅切三文魚刺身嘅厚度有一隻手指咁厚，一旦咬落去，超級肥美嘅感覺，非常之鮮美，食完之後好有滿足感~哈哈👍👍👍【三文魚壽司$28/2件】三文魚好似一條人魚尾巴咁長，外觀好靚之餘，仲好好味，抵食之選！【芝士鰻魚卷6件$55】濃厚的芝士覆蓋著卷物表面，芝士係燒過的，十分香濃，雖然鰻魚比較細粒，但有芝士彌補。如果你想食鰻魚，可以直接鰻魚壽司。因為這個鰻魚比較細粒，可能放入口中未必食到鰻魚嘅香味。【三文魚頭煲$55】三文魚頭好滋味~最後我連湯都飲埋添!好味!【肥牛拉面$45】肥牛數量都足夠，有粟米，魚蛋，海帶等等配料了，質素還好，可以一試。【軟殼蟹天婦羅$65】軟殼蟹炸得好香脆，加上沙律醬，十分滋味~【天婦羅炸蝦$68/6件】天婦羅炸蝦係即點即炸，上台嘅時候仲係熱辣辣。總括而言，幾好食，好脆口，粉漿又唔會太厚。除此之外，仲會附上一碗天婦羅沾汁，給你解熱氣!【鹽燒鯖魚$42】鹽燒鯖魚稍為有點乾身，但配上檸檬汁，有一種清新的感覺。【芝士年糕$28】芝士年糕外脆內軟，有好濃

我最近了元朗出名的日本餐廳，這是區域中的一間老店，我認識這間餐廳或應有20多年歷史，每天晚上排隊等候他們美味的食物也是司空見慣。在一個繁忙的夜晚，我等了約30分鐘，但它絕對是值得的。這家餐廳最吸引人的特色是在魚生下的大舊壽司飯。🍙 如果你問我要推薦哪一道菜好吃，但真的很難推薦，因為好像每樣都非常美味，價格也合理。我嘗試了三文魚壽司、鰻魚壽司、三文魚籽壽司、卷物、希靈魚和豆腐皮壽司，所有壽司都很棒。需要注意的一點是，他們沒有英文菜單。服務是可以接受的，但不是特別好的。當我和朋友聊天時，服務員多次打斷我們，讓我們加水收碟。總括來說，我推薦這家餐廳給所有喜愛港式壽司的人。餐廳在社區中的悠久歷史和食物的質量使它成為所有尋找抵食美味壽司體驗的人必訪之地。

大食之選好鐘意食田中壽司外賣🥡外賣二人份量😂可以食一日真係好大份！刺身特長😂😂😂飯都大舊 中滿足真心抵食要飯有飯要餸有餸外賣吾洗等位慳返好多時間反正食吾哂都要打包

今日台灣朋友返來香港，和她去元朗好多年出名大粒既壽司鋪！但去到就見到由3月14日開始加價🥲🥲🥲就咁睇餐牌真係每樣野加左$10左右，可能我哋細食啦，兩個人食完之後先係每人$100！其實佢啲份量都算大嘅同埋好食✅

田中嘅壽司🍣出名大大件仲有鮮味，三文魚同鰻魚都係長到手掌咁長 軟殼蟹反卷好巨型又抵食 一份有4件 所有刺身都係好新鮮同大塊 炸蝦天婦羅🍤一樣係大大件 食落都鬆脆薄炸粉 海鮮炒飯不過不失 但真心唔建議食朝鮮餃子鍋😅😅 留意返有限時用餐嘅～不過出面長期排緊咁多人 小編都唔好意思坐咁耐😂😂

夜晚身在元朗，好耐無食田中，就去排隊今日星期日，唔算太多人，等左半個鐘左右就有位，但入到壽係有幾張吉枱，清哂野，唔明點解唔安排人入去。食物方面：壽司，超大舊飯，基本上叫幾件已經開始飽。刺身係超大塊既。拉面無食到，但見枱枱都叫左最少一碗。不過最想講既係「燒茄子」碟野一上枱，我同老婆對望……心諗唔係呀？又無粉又無調味，完全係「蒸」茄子，根本唔係燒！太令人失望！如果想食清淡既人可以一試。佢有天婦羅汁配埋，但個汁無味到一個點！最後野未食完啲職員已經想收，大佬我食左半個鐘都無，有無咁急？食到一半問佢有無水飲先斟俾我，簡直invisiable。今日叫回味完，唔會再食。

田中日本料理位於元朗青山公路12號恆發樓地下, 由大棠路輕鐵站向恆香方向行兩個街口便到. 這間食店算是頗受歡迎, 如撞啱假日或午飯晚飯人流多時是要等位的. 用餐時間限制在45分鐘, 為了能充分利用用餐時間, 人們多數在輪侯時便已預先訂餐. 有時不想等位, 便會買外賣回家. 食店之所以大受歡迎, 很大程度上是因為魚生刺生新鮮及大塊. 這種珍寶大切法確實令人感滿滿, 與那些知名日本連鎖壽司店的一小塊一小塊入口的感覺不可同日而語. 值得推薦的是三文魚腩碎飯, 食完後感覺成肚都係三文魚, 性價比高!

田中日本料理～住喺元朗嘅我由細食到大！次次都要排隊，今日見到冇乜人,要45分鐘內食哂,不過依排人唔太多都可以慢慢食！佢最出名嘅就係三文魚刺身大大塊！你見到三塊三文魚等於平時六塊超級抵食！而且唔貴！ CP值勁高！另外叫左幾件大大件壽司同埋最愛食軟殼蟹！

相信係元朗好多人都會聽過同食過呢間壽司今日食完都忍唔住影相share俾大家三文魚壽司🍣大大件，仲長過我手掌雖然魚鮮味唔太足夠但勝在夠大件😋入口勁有滿足感軟殼蟹加州卷🦀蟹炸到脆卜卜，加上爽口既三文魚子正呀😝刺身飯🍚維持左佢既特色呀，都係大大碗🥳刺身都幾厚切70零蚊仲有麵豉湯送🍲雖然而家壽司店開到周街，但呢間都係我平時想過下壽司癮既首選😋雖然鋪頭唔算闊落又限時食45分鐘但真心大件夾抵食

又要唸今晚食乜！😅唸咗幾種選擇，最後揀咗日本菜，食烏冬！間餐廳之前去過，覺得食物質量唔錯，今次再試，點咗三文魚壽司和豚地獄烏冬。三文魚壽司三文魚長長一片，外觀鮮嫩，令人食慾大增，點埋鼓油和wasabi，唔錯。豚地獄烏冬湯底選咗火紅紅的激辛味道，因為想提昇味蕾刺激，湯底有海藻、芽菜、粟米粒及肉碎，口感豐富，豚肉薄切，非常爽嫩，烏冬夠滑又彈牙，配埋惹味湯底立刻胃口大增。店員服務有善，間中不忘為顧客加茶，非常貼心。下次再來！

Friend話介紹佢私人飯堂帶我地黎田中，開頭見門面咁普通估唔到有驚喜，早啲黎排咗三四個號到我地。啲壽司上到黎真係嚇親🤣🤣🤣今時今日仲會有呢啲大件夾抵食既壽司，我最愛嘅鰻魚同埋三文魚腩壽司有手掌咁長360度包住舊壽司飯應該都仲有凸；軟殼蟹卷料足，外層包啲魚子爆滿；天婦羅拼盤有蝦、香菇、茄子、紅薯同蕃薯，全部脆卜卜😋；花之戀頂頭有粒帶子，成舊入口勁滿足啊！！我捻呢間係食過絕對翻兜，全部大大件又好食！！忍唔住想介紹朋友黎既餐廳lor🥰🥰🥰～

中學回憶既一餐太夜黎到所以牡丹蝦已經冇晒，求其叫左個炙燒三文魚腩頂肚。好耐冇食，其實呢間日本料理唔係特別好食，某啲食材唔算好新鮮，不過佢就係有種回憶既味道lol質素冇以前咁好嚕，不過個蟹子沙律好大碟，想過日本野癮都可以食下既

元朗大大件壽司邊個食？🌸壽司定食$79⭐️⭐️⭐️☆☆有10件壽司：三文魚、帶子、腐皮、北寄貝、八爪魚、玉子、加州卷，每件壽司都算新鮮，正常出品，壽司飯有點微暖，每件壽司都好大件好多飯，傻婆R食到後面好盡力都要放棄左1舊飯，因為真係好飽！🌸魚生飯定食$69 ⭐️⭐️⭐️⭐️☆大大碗魚生飯，三文魚超新鮮，帶子夠鮮甜，甜蝦超大隻鮮甜同有膏，北寄貝爽口，八爪魚有咬口，三文魚腩碎好味，拌飯一流。傻婆T都差少少才食得晒，堅大碗！🌸鰻魚壽司$38⭐️⭐️⭐️⭐️⭐️非常長又大大條鰻魚，十分邪惡，鰻魚冇乜骨唔錯🌸三文魚壽司$28⭐️⭐️⭐️⭐️⭐️非常長又大大條三文魚，食落十分滿足🌸日本生蠔$28⭐️⭐️⭐️⭐️⭐️十分新鮮，唔會腥，超鮮甜🌸鹽燒三文魚邊 跟餐送⭐️⭐️⭐️⭐️☆一人有2件，煎得十分香脆，夠晒入味，有些有骨，但明顯見得到🌸菊花茶 跟餐送夠凍👍夏天黎講好重要午餐黎講甘既價錢同份量，性價比十分高，每個午餐set都足夠令人飽肚，開放式壽司吧可以見到師傅努力切刺身整壽司飯，雖然係小店，但座位都算可以，環境衞生尚可，不過當日坐正下欄隔離真心差d，其他位會好好多！======詳情======田中日本料理元朗青山公路12號恆發樓地下========

田中在元朗一向都是吃巨型壽司的好地方，每件壽司都是超巨型，而且非常足料，最出名的是壽司上的三文魚或者鰻魚有一隻碟長。而刺身方面就每塊都是厚厚一片，魚味濃郁，油香豐富。除了魚生類的食物，卷物的份量都非常多，尤其是軟殼蟹反卷，餐廳將軟殼蟹炸至金黃酥脆，與壽司飯一軟一脆的口感特別美味。🔺三文魚腩刺身($85/6片)🔺火灸三文魚腩壽司($32)🔺甜蝦壽司($32)🔺帶子壽司($32)🔺玉子壽司 ($18)🔺蟹籽壽司($20)🔺軟殼蟹反卷($48/4件)