影片
港铁旺角站 C3 出口, 步行约4分钟
继续阅读
电话号码
51113971
营业时间
星期一至日
11:00 - 22:00
以上资料只供参考，请与餐厅确认详情
食家推介
大家好！今次我去咗一間米粉店食飯，真係有驚喜㗎！一入去，就覺得自己似乎穿梭返去古代既客棧，好有Feel！首先，我點咗個鍋燒肉配單骨雞翼，食落去彈牙多汁，單骨雞翼又香又脆，完全係咁正咁好食👍，份量又足夠，滿足晒。玉林牛巴肉味重，配上滑溜溜既米粉，舒服過癮！點心部分，我要推介下煎千頁豆腐啦，脆皮有彈性，一啖口就感受到豆腐既溫柔與可人。跟住間餐廳既巴士，就係佢哋既烤魷魚鬚，呢個真心唔可以錯過，煙韌帶勁，嗜食海鮮既我真係停唔到口。好戲登場，話說主角大腸蟹柳酸辣荀桂林米線呢，湯底味道好特別，酸酸甜甜，蟹柳Q彈，大腸過癮得滯！湯頭同粉絲揉合得緊緊，令呢個主菜喺我心目中飄紅飄紫。整體嚟講，既方便又大眾化，真心推介大家去試吓。仲等咩，約齊三五知己，去食一餐實淨又好呷既桂林米粉啦！🍜🌶️✨
继续阅读
餐廳位置有少少偏遠，其實都幾難搵到，店面都比較細，全間鋪頭加埋嘅位應該15人左右，冬天食嘅時候好凍(真係間餐廳門口冇遮掩) 但都坐滿有一半嘅位，食碗面唔需要太多時間，所以台turnover rate 都幾高，稍為偏遠嘅餐廳黎講算幾受歡迎。同朋友一齊叫咗一人一碗 螺絲粉 ，配料好充，個粉滑得黎有咬口，湯底味道豐富，整體不錯。另外，再左份香煎豆腐，超級高水準，煎到剛好，又脆又香口。而且，鋪門係近廚房位放左 醃青椒同埋蘿蔔呢啲小配菜，可以自己去拎
继续阅读
大陸流行食包裝螺螄粉，呢隻粉出名臭，原因係入面包酸筍。之前都未聞過係咩味，今日晚嚟呢間小店就知喇，真係幾臭🤭今晚因為工作關係去開塘尾道呢邊，一早搵定要食咩，主要係想試下呢度個豬肚，而且另一半嗜辣，睇嚟土都啱佢。我哋做完嘢已經夜晚9點幾，天寒地凍走一大段路先搵到喺橋底嘅呢間小店，入面有一對男女食緊麵。未踏入間舖已經聞到一陣好強烈嘅味，我形容為「押」味😆間舖面積好細，牆上貼著告示話經營到月尾會搬。呢度個位置都有點吊腳，不過由我哋入去到食完差不多十點，計埋我哋都有8個客，可見地點就算唔就腳，喜歡桂林風味嘅人都會幫襯。我倆坐下來點菜，原來係各自在過膠嘅餐牌上點菜。我哋點了土豆粉，佐以幾碟小菜，包括山椒鳳爪、燈影牛肉絲、椒鹽土豆、鮮花甲、麻椒爽豬肚。最先上嘅係山椒鳳爪，辣辣地幾開胃，但鳳爪略為有點硬。食食下鳳爪條脷開始俾啲辣椒辣到好痛時，碟麻辣燈影牛肉絲就上檯了。雖然係個名叫麻辣，辣就有，但唔係好食到麻味，啲肉絲好似豬肉鬆咁幼細，所以吸收曬調味料，上面加上芝麻更加香口。我哋叫的都是土豆粉，外表看來似上海粗炒啲麵，食落有點Q彈，望下咬斷嘅麵條，原來外面嗰層有點似薯粉半透明，入面係類似上海粗炒/烏冬嘅麵質，好特別嘅口感。湯入面加了少量酸筍，我倆都不太好呢種味。之前兩個小食同碗麵都愈食愈辣，終於嚟碟唔辣嘅花甲，由於只有少少調味，可以吃得出花甲嘅鮮甜味食食下先發覺佢漏咗麻椒爽豬肚同椒鹽土豆，好彩佢接近收舖都仲有，而且都炒得好快。食落都係唔覺好麻辣，但香口嘅，豬肚唔算爽，厚切而好有𡁻口。呢碟聲稱椒鹽土豆又係好香口，辣辣地，口感似炸薯粒，由於太辣而另一半好中意，差不多成碟清晒最尾不得不讚這醃蘿蔔，係由客人自己夾，食落唔係一味酸，有少少咸味，配重口味嘅小菜同麵，感覺好清新總括而言，如果你唔怕酸筍嗰陣味，呢間小店確實幾有特式，如果你似我同另一半唔識欣賞麵嘅酸筍味，可以叫多幾種小菜試試。不過我發現食完返到屋企，成個人連頭髮都係酸筍味🤭
继续阅读
有日經過就同朋友入左去食呢度有得自己夾啲醃菜食我個日要左碗5色漁粉當中有魚片同豆腐做配料，味道都唔錯，但都幾重味精，所以食完都幾口渴而我仲另外加左呢個荀，酸酸辣辣都幾好送個粉~~但呢度個姐姐既服務就認真爭啲------------------------------食物質素：🤤🤤🤤(5🤤最優)價格水平：💰💰💰(5💰最貴)環境裝修：✨✨(5✨最好)服務態度：🌟(5🌟最佳)整體評分：❤❤❤❤❤(10❤滿分)是次評論及分數視乎進餐當天的品質而訂，亦同為個人觀感：）------------------------------
继续阅读
“桂林山水甲天下”聽得多，呢日陪女皇買完餸經過見到呢間名叫“甲天下”既桂林粉麵店傳黎陣陣既香氣，我地就決定入去試下呢到既出品係咪真係可以拎到“甲”級先呢到地方唔算大，但整體都好企理，坐落都唔會話好迫好窄除左桂林米粉之外，呢度仲有其他種類既粉麵同小食可以選擇，當中仲有前排都幾hit但平日比較少店舖有得食有既“螺螄粉”可以揀女皇話未食過螺螄粉，所以就揀左碗“柳州螺螄粉”HKd42，而我就被個魚湯吸引住，決定嗌碗原味既“五穀漁粉”HKd$48試下先除此之外，我地仲嗌左個“香煎千頁豆腐”HKd$22一齊share黎食喺等緊野食黎既期間，我地仲見到店内免費提供左“醃青椒”同“醃蘿白”俾人客自行夾取試食添等左一陣，女皇既螺螄粉同我既漁粉都到場啦女皇既螺螄粉本身已經會有肉碎、脆黃豆、酸豆角等等既惹味配料，而女皇仲額外加左啲配料添女皇話螺螄粉既湯底都幾鮮味，加上粉質滑溜又煙韌，味道唔錯而我既漁粉相對下賣相比較清淡，但奶白色既魚湯原來好鮮味架，加埋不同顏色既爽滑五榖粉一齊食，味道唔錯之餘當中配有既豆腐仲好滑架，食落既感覺仲好健康添而我加左HKd$18同HKd$12所搭配既“鍋燒肉”同“秘製豬頸肉”都不俗，當中既鍋燒肉炸得酥脆，十分香口作為小食既千頁豆腐更加係深得我心，煎得香脆得黎，千頁豆腐既豆香十足兼且調得惹味而女皇就大讚佢所加配既“麻辣燈影牛肉絲”HKd$12，話個味道調得幾好，用黎配麵食好夾喎食埋個惹味既千頁豆腐之後，我地仲要左枝烏龍茶HKd$15黎解解渴添-雖然小店既出品未必做到甲天下，但當中風味十足，好地道既感覺，整體食物既味道都唔差
继续阅读