男女煮角

营业中

休息中

下午茶時間到，見呢間野嘅選擇幾多，有個組合係西多加雞脾，幾吸引，所以試一試佢～個餐黎到，味道正正常常咁啦，一般茶餐廳質素，本身無乜特别期待，無咩值得一提。反而佢地俾嘅餐具真係一絕！！！！！！！！！！把刀竟然係用紙造！！！！！！！！！！唔好話切雞脾，切西多都無能為力，用紙造嘅刀真係好得意～～～～～～～～～～～～～～～～～～～～～～～～～～～～～～

取餐先至知取餐與點餐不符，無咗想食既野，無咪致電跟客戶講返聲囉，完全無商量，逼個客硬食咁，其實已經唔止一次架啦，我覺得咁樣既經營手法好有問題，一定不會再光顧啦！

睇相無限好，睇menu 見幅圖尬唔錯，就叫左個福建炒飯，估唔到就中伏最尾黎到就變左餸尾炒飯先唔講冇帶子得火腿紅蘿蔔呢d咁平的野都可以慳 番菜心就竟然係比d 花你完美體現將d 菜頭菜尾用淨煮料 撈埋一碟就叫炒飯個飯底 仲要係焗淋左咁完全唔覺有炒過鑊氣就唔覺啦 濕氣就感受到 嬲嬲地相都冇影就走永不幫襯 ，冇下次openrice 好野 要打夠200 字先可以評分點都要打夠 200 字比個負評佢警世重要既野要講三次永不幫襯永不幫襯永不幫襯

今日夜晚唸住試下新餐廳，去咗呢度買咗椒鹽鮮魷，但返到嚟睇吓，好明顯唔係魷魚，係廉價八爪魚，咬落去都唔同質感。比左八十幾蚊，貴過平時買開都算，但竟然咁樣呃人，已blacklist

自從食過一次，之後都係度叫外賣。每樣小炒都好好味，好正宗，仲有好多出面好難搵到既菜，如魚腸焗蛋，認真考功夫！價錢不貴，暫時食過蒸馬友、走地海南雞、蝦仁炒蛋、蠔仔煎蛋、魚腸焗蛋，鮮蝦香煎芙蓉蛋，豬潤雞煲，每樣都好好味，而且份量好大，抵食啊，大力推薦！

今次同同事去食茶餐廳～估唔到呢間茶記都幾多款式，而且見佢份份都好大份，應該都好夠飽喇！點左最佳煮角，有叉燒麵、菠菜炒蛋、火腿、多士、熱奶茶！我真係好鍾意食麵包～所以有多士好開心。味道都正正常常茶餐廳水準啦！同事叫其他款式都好豐富～幾好幾好🤣

買外賣自取。寫左要公仔面又唔睇remark.加左錢買腸又唔比。仲話下次比返我。我心諗下次比個官佢做。垃圾茶餐廳老闆！比漏比錯野都唔補送上嚟 真係下次落嚟攞你條腸咩？！6+7

太古男女煮角 Tea瑞士雞髀煎蛋飯紅豆冰不會太甜，味道剛剛好， 紅豆夠大粒，建議用沙冰，比較耐凍。白飯很香、軟硬適中。荷包蛋不會太燶， 加一點瑞士汁更加美味。瑞士汁雞髀，即叫即煮， 雞髀解凍得很好，沒有雪味。 雞肉預先醃製，不會太鹹。雞肉嫩滑，充滿瑞士汁的精華，連皮一齊食，很邪惡，一定會再來，真係超好食😍。

男女煮角全部即叫即整牛筋腩煲足料，牛筋好林，有咬口。牛腩牛味很重，有點像牛肉乾味，新鮮。支竹很入味，吸收了牛香，底有少少燶，煲內有香葱和香蒜。蒜蓉蒸扇貝有自製蒜蓉、香葱和芫茜，$24 一 隻，超正，汁都撈埋。土魷蒸肉餅很家常的做法， 沒有太多肥豬肉， 肉餅夾住土魷食很夾。薑蓉白切雞半隻雞肉沒有醃， 所以雞肉嫩滑， 沒有蘇打粉味。 雞就咁食會冇乜味， 一定要加埋薑蓉，好正。蒜蓉炒菜心苗即叫即炒，上枱時已有強烈嘅蒜蓉香味。

一間唔算太起眼嘅茶餐廳位於鰂魚涌華蘭花園旁。位置唔算太過起眼，但算幾出色嘅一間茶餐廳。價錢中規中矩，但係Menu菜式選擇繁多，多到你唔信。餐廳內衛生情況有改善空間，亦都認同之前有一個食評，食物質素唔算穩定。我地今次叫咗炸雞髀出奇地食到bling bling 眼。買嘅雖然係外賣送到黎都仲係熱嘅而且生炸雞髀非常好食😋。如果想試吓呢間餐廳可以選擇喺晚市嘅時間因為晚市時間選擇會比較多而且佢哋嘅嘢食鑊氣係真係比較重，但枱方面可能會比較緊張因為位置比較狹窄另外推薦家庭聚會可以試一試呢間餐廳嘅到會服務，本人覺得唔錯

去接放學時行過呢間茶記，見西多雞髀茶連飲品都唔駛$40，諗住試吓啦，點知好伏入到去冇咩人，啲侍應都唔多郁咁，自己坐底咗再問佢地拎餐牌，都等咗一陣先有人理叫完個餐之後10分鐘度就上餐，西多都幾鬆軟，但隻雞髀啲肉唔知點解好散，切開上髀時成隻都散咗，同埋味道偏甜，好怪咁最慘係一路食一路勁多蚊螆同烏蠅不停飛嚟飛去，坐咗半個鐘基本上比蚊螆+烏蠅撞咗面同手十幾次，仲衰過食大排檔下次都係唔好貪平，食完唔飽仲成日覺得有蚊螆烏蠅褸住個人

今早叫咗沙嗲牛肉公仔麵，火腿鮑魚絲通粉餐外賣早餐。煎蛋，炒蛋，厚多士超級好味。幫襯開火腿鮑魚絲通粉水準keep到，最重要係牛肉麵，廚師好細心，唔需要叫自動湯麵分上，牛肉味道，麵軟硬啱啱好。港式奶茶當然唔洗講無得彈啦。可惜外賣送餐跟餐叫唔到凍檸茶俾阿女，免費只可以叫咖啡同奶茶，最後加咗$4叫咗薏米水, 美中不足啦！點都好，今日超滿足，美好的一天，多謝男女煮角！5星星！5星星！5星星！5星星！5星星！一定再幫襯！

貴唔貴幾時都係視乎好唔好食嘅啫！幫襯咗好耐你都唔係第一次寫呢間男女主角的評語，但真心呢間嘢食物水準係可以保持穩定，雖然曾經試過有段時間可能師傅唔同咗所以有參差， 但開業至今大部分時間食物水準係可以嘅。講返正題呢盒豉椒牛肉炒河兜亂，絕對可以稱得上美味（有圖有真相），夠鑊氣配料足三色椒有齊加洋蔥， 牛肉夠香芡汁比例均稱，食嘅時候內裏嘅微量辣椒粒進一步將呢盒豉椒牛肉炒味道進一步提升。64蚊的代價配例湯一個，貴唔貴其實一定視乎好唔好食，整體味道一流炒得有心機唔係求求其其整熟畀上碟就算，個人來說今次呢餐我會畀95分。

無諗過自己會行入黎食 佢奇貌不揚 但因為琴晚太夜喇 平時食開既都閂左所以只可以入依間食一入去見到有個二人餐238 好似 勁多送有個牛筋煲 一個小菜 同埋時菜 仲有例湯 仲有野飲包 上到黎仲要大大碟根本唔係二人餐 3-4 人食都得依個湯上到黎 完全唔想飲 叫咩大生地海草湯但淡淡地 我都無諗過自己會飲得哂 仲添！好耐無食過脆既粟米斑塊 好味 我食左好多仲有個牛筋煲 牛腩係淋既 係就係咸左少少 不過我同朋友都覺得係高質既！仲有個油麥菜 無影不過我諗我未必會成日黎食 因為始終都油！

數天前保齡球比賽完，一行三人去tea 一tea點左 窩夫炸比 ，瑞士汁牛可，福建炒飯，三杯奶茶奶茶有水準，窩夫內的牛油過多，花生醬不足，煉奶太少，不成比例。瑞士汁牛可，我都明白，可粉本身有油，但冇水準，又勁多。福建炒飯獻汁太少，但太咸。服務生態度好左