界日本料理 (已結業)

附近黎講，呢間午餐係幾多選擇，有3板menu揀，份量亦夠，最平40蚊有找，味道吾錯，個日食左個滑蛋吉列豬，雖然豬扒係有汁浸住，但食既時候都仲脆的，而且仲有好多配菜加料係豬扒上面，非常夠飽。

吉列豬扒幾香，拉麵幾大碗，魚生飯粥足料，但係再好食都冇用，整魚生嘅師傅唔戴口罩，服務員拉開口罩吹水，疫情期間了呢啲服務就差咗啲啦，附近咁多餐廳，應該下次唔會去。

推薦指數:🤩🤩其實顯徑呢附近都算幾多野食~ 不過始終屋村範圍唔太多有日本料理。今日同屋企人黎食日本菜，晚市都唔算太FULL, 嗌左個鰻魚炒飯，炸雞軟骨，串燒一口牛等等個炒飯幾有鑊氣～鰻魚量都唔少，算幾好～而且味道調較得唔錯，食落口都幾香口！除左炒飯，仲嗌左花之戀、海膽壽司，油甘魚壽司壽司水準就一般啦，未去到好新鮮，味道不過不失！整體黎講如果好想食日本菜過下口癮都ＯＫ，但當然都係出面市區的日本餐廳會高質好多～

大圍區食到悶悶地，星期六中午得閒所以去左發掘新野，呢間餐廳離火車站遠啲，但有價錢合理既午市套餐，餐牌仲有好多選擇，拉面烏冬，飯餐，刺身餐都有！仲要唔駛加一！我今次就揀左壽喜燒，個鍋有生蛋，牛肉，豆腐同菜。個蛋我整散左佢，用湯既熱力令佢變到半生熟，啲餸真係幾多，食哂個鍋既野己經飽，飯只係食到三分一，下次可以叫少飯。湯係普通麵豉湯，味道正正常常，可以加錢轉蜆湯，不過我冇轉到，另外仲有個熱辣辣幾滑既蒸蛋～下次會再黎食！

屋企人生日，近近地響顯徑卜左呢間食晚飯。我們一行五人，點了四人餐A屋村的餐廳不會抱太大期望，想不到有驚喜😆食材是日本直送，刺身很新鮮。牛柳粒甜了一點，不過很入味。什錦串燒，水準standard啦。面豉鍋材料豐富。最欣賞是天婦羅🍤，食材新鮮，又炸得鬆脆香軟。烏冬也是standard, 這個有點像上海粗炒😂後來大家總想有啖飯落肚，就點了明太子炒飯。鑊氣相當多，辣度適中。最後有雪糕作甜品，想不到味道不俗，把整餐飯畫上完美句號。埋單每人只須百多塊，以晚間食有點質素的日本野來説，性價比相當高❤️

其實屋企同餐廳大概行十分鐘就到，但懶起上黎就係連咁短路程都唔想郁(⌒▽⌒)手執電話，就叫嗰兩間速遞公司啦！望住個「食物製作中」，已經好肚餓⋯⋯呢個餐大概$100，有兩件壽司+沙律+味噌湯+炸豬扒烏冬+汽水。半個鐘到左。係滿意嘅，有車手而送貨快兼有禮貌係神助攻（我試過當時無車手就係無架喇，啲野食一樣會等到凍晒）今次送到屋企塊炸豬扒仲係熱同脆，店家分開兩個碗裝熱湯同主食，唔會浸淋左，好味。雖然唔環保😂哈哈若然套餐價錢可以再平啲則完美～～

見今日早放工，去左屋企附近既呢間界 日本料理店入到去唔使等位即刻有得坐第一次去呢間食店，晚市套餐選擇都好多最後我揀左個帶子海膽丼，佢同其他丼都一樣價錢，平時出去食海膽一定會貴點，所以就試下啦本身個丼有跟麵豉湯，我加左廿蚊要要埋個蒸蛋同沙拉。個蛋好滑，有蟹柳呀菇咁。主菜黎喇，份糧比相像中多。帶子同海膽都幾新鮮。另外屋企人點左個原條饅魚飯。真係好大條，我見作午市套餐都有，重平點，下次可以試下。

朋友聚會，友人強烈建議去大圍的隱世日本菜，真係唔知道果頭開左正嘢，我們约左星期一，因為好多時間也要等位，星期一會好些。七時半到達，已經九成满座，座下用手機點菜，看來呢个己經係潮流，我也喜歡這個模式，乾乾淨淨。首先到的是刺身，平時我不吃的，但身邊個個也贊口不绝，大贊新鮮而且不是果D放題貨色。真的嗎？我大胆試左海胆，蝦，果然很鲜甜。原來那条魚还可以煮湯，因為太飽，湯外賣帶走，回家用來煮烏東，真係超奶白色，裡面有豆腐，金菇，大葱。接著來是串燒，試了鹽燒，汁燒，各有特色。之後是炸物，估不到水準咁好，泊得注中環某日本餐廳，因為已經好飽但很想試埋那蒸蛋，非常滑，出色甜品吃了雪糕，聽聞有cheese cake但售完。友人果然冇推介錯，真係一間街坊價錢的高質日菜。

經過想搵日本野食，見到門口餐牌，晚餐選擇都算多，有壽司飯到日式定食，由$80-130不等，跟餐有蒸蛋同miso soup，試下。蒸蛋係好滑，不過只有蛋味因為無乜配料，口感有啲悶。跟餐有兩片刺身醬汁牛柳飯個sauce好濃味，如果平時偏重口味的人一定會鍾意！平時住家飯的話，調味一定會輕手啲，耐不耐出街食下都可以。另外再叫左碟壽司盛，款式唔hea喎，不過海膽可以再鮮甜多少少另一碗壽司飯唔記得影，整體OK，今次埋單$400左右。

剛剛有個朋友搬到顯徑邨屋，今晚就去探吓去順便同佢食餐飯未行過顯徑估唔到顯徑都幾多食店，行行吓見有間食日本嘢，就入去試吓坐低就即刻睇吓menu有乜食先，估唔到店鋪細細，menu有噤多嘢選擇，就叫幾樣來試試。上綿繡刺身：吞拿魚和油甘魚，甘甜肥美。三文魚，油份十足，肥美可口。八爪魚，爽囗彈牙。北寄貝，美味爽口。赤蝦，鮮甜味美田園沙律：蔬菜新鮮爽脆，撈埋醬汁一齊食，美味可口。廣島炸蠔：外脆內嫩，非常juicy燒鯖魚：魚皮好脆，內質結實炒什菇：什菇軟腍，味道適中。燒雞軟骨：爽脆彈牙燒大蝦：蝦肉入口彈牙，有海蝦既味道羊肉串：肉質㜜，有少少羊羶味，我鐘意雞肉串：嫩滑唔鞋囗。豬肉串：味道適中，口感和雞肉串一樣。燒雞翼：外皮燒得好脆，咬落還有肉汁，肉質嫩滑壽司：都幾大件，刺身幾新鮮，壽司飯入口幾好味。最後叫左個燒菠蘿，解吓渴，菠蘿燒完唔乾身，食落好甜多汁估唔到顯徑有d噤好食又唔太貴既食店，而且食到伍佰蚊，還有幸運大抽奬添。

今日響大圍同朋友做完運動見肚餓，佢就介紹咗呢間日本餐廳我地食，可能時間尚早，舖頭無咩人，環境都舒適乾淨，午餐唔算貴，但見到D嘢食來果時就真心覺得好抵食，尤其是朋友食的原條鰻魚飯，同牛柳粒定食，份量多個樣又靚，味道重好好添，我自己就叫咗個壽司定食，都好正，每個定食都有一個好滑、好滑、好滑的蒸蛋「唔好意思，重要的事情要講三次」，個蒸蛋真係好滑而且都有一碗麵豉湯，平時其他的麵豉湯我飲一啖就會放低，呢度我飲曬…真心好味又抵食，不過忙住食，其他唔記得影相，只係影咗雜錦魚生飯同特上壽司定食咋，唔記得講添，呢度中午係免加一㗎，而且我見到佢門口有寫明係用愛知縣的香米，所以真係抵食

2018年12月13日13:30 日前搭車經過見到好多學生光顧，心諗梗係好平先有咁多學生光顧，所以翌日我同媽媽一齊去試吓，首先睇過餐牌原來有學生優惠，怪不得着8成都是學生，我們睇的午餐牌也不算太貴，比起學生餐貴多十零蚊。於是坐下來點了一客日式炒烏冬$52，點了一客原條鰻魚飯$78，隨餐附贈味噌湯及燉蛋🥚燉蛋很滑呢。先説烏冬應該是用雪藏稻庭烏龍麵，食得出滑及彈力，端上來已香氣四溢，而且料很足分量是可以的。另外説說鰻魚等了好一陣子，原條鰻魚好有咬口有彈性唔霉值得一試。服務也不錯，不時為我們添綠茶水🍵。

黎到呢間   新日式餐廳 有兩個大廳   都坐得好舒服甘自己叫左個 日式照燒雞扒餐 試下 餐有 麵鼓湯 (夠味) 及 茶碗蒸 (真係好夠滑, 巧正 必定要試) 照燒雞扒 夠煎得夠香 醬夠好味! 感謝廚師煮得 好用心既午餐! Thx Thx Thx! 

原址的第一代第二代到今代都是日本菜, 今代………….. 一代不如一代,ㄧ個$198的魚生拼盤只有幾塊下價魚生,搶錢咩?一個角切魚生丼變成碎上魚生容飯........再加埋D等ㄧ個都唔來的西京燒,你真係食埋我份,兩個人食左五百幾都唔知食左D乜。

新開這間日本料理。今日是我第一次和朋友1齊來食午飯。本人很喜歡食日本料理。這間價格非常合理抵食。 套餐有送燉蛋及麵豉湯。 熱熱的燉蛋好滑及麵豉湯不會太鹹味道適中。朋友喜歡食义燒拉麵，份量十足，足料有3，4塊义燒， 出面最多2塊，拉麵湯底味道亦唔錯。雜錦刺身飯定食，刺身好新鮮。天婦羅炸蝦， 非常美味， 蝦肉好有鮮味多肉，個個都喜歡讚呀。1個套餐已經可以食得好飽。在這裏是1間好選擇嘅日本料理。 位置都坐得舒適， 職員服務態度好好，會在來幫襯。