番茄濃湯專門店 (已結業)

雖然唔係住喺屯門，但係每次黎屯門睇電影都唔捨得去幫襯V city嗰啲貴價食店，反而會嚟V city隔離呢一間隱世係巷仔嘅鋪頭到幫襯返平民食店😊每次嚟到呢度都係必嗌焗鮮茄豬扒飯😋😋😋比起大家樂嗰啲焗豬扒飯，呢度嘅焗豬扒飯雖然賣相就差少少，但係佢嘅茄汁非常之濃郁而且又有啲薑味好有層次，豬扒又係鬆軟可口，每次都食晒㗎另外，想食平少少嘅話，就可以嗌鮮茄濃湯螺絲粉。自選一款配菜，有平有貴，最啱學生食，亦都清淡少少唔怕膩。可惜，咁好嘅一間餐廳就要結業啦唯有寫返篇食評回憶下啦

不嬲都好中意食同蕃茄有關嘅野🍅因為有蕃茄呢個元素就會提升到食物嘅鮮味要我推介蕃茄專門店 即時就會諗起呢間係屯門嘅小店可惜佢好似做埋今年十月唔做喇傷心於是我呢排都密密食希望記住佢個味道佢有個menu係茄湯底揀餸再揀麵 仲送隻靚靚炒滑蛋🍳因為太好味嘅緣故 我每次都會揀呢味 不停encore我個份係拼左芝士同生菜 加錢轉讚歧烏冬有芝士邪惡得嚟～又加d蔬菜中和下重點都係個濃湯 鮮甜又夠濃厚 最後有d蛋花碎 次次都想成碗飲！今次加埋份釀雞翼 外面煎脆左好好味仲有每次必飲嘅果汁（橙/蘋果）今次叫左蘋果 之前問過話係自製嘅 難怪有獨特嘅味道趁未執之前 我應該會搵機會再encore!

今日終於嚟一試番茄湯有幾濃點知揀完野食就見到話就嚟結業大大小小嘅番茄放係唔同嘅樽到，幾特別不過全部樽擺埋一齊又好…🤔🤔間店仲有上層，應該幾大，有好多人係上面行落嚟未試過通粉加芝士，效果幾特別好似加咗蛋花咁，但係黏d，都幾好味漢堡細塊，味道唔會太鹹，搭埋其他餸就夠飽雞翼好似有醃料再炸，入面雪味依然重🙈說好的番茄濃湯唔濃，又唔會好重茄膏味，可以接受以為卡邦尼汁好膩，又唔會反而係個魚“益益”地同檯仲嗌咗個魚柳湯通粉，果個就無事唔知係咪炸完果份啲油即刻老咗😶

今日約了朋友去tomato otamot吃午飯，以為這裡味道最穩陣，怎料我錯了，tomato otamot今天的午餐很不濟，這個45元的拿破里意粉吃完後不得不問以前的水平去了那裡?這拿破里意粉蕃茄醬汁不是以往的鮮蕃茄烹調，而是用蕃茄醬煮，還是那種甜得可怕的蕃茄汁，即使添加蒜蓉中和，仍蓋不到它的死甜。雖然煙肉和香腸份量蠻多，不過煙肉不是真煙肉，是仿煙肉，故無煙肉味和油香。整碟意粉唯一可取之處就是意粉軟硬適中，爽口彈牙。蘋果汁味道亦是怪怪的，不知如何形容它的味呢。

呢間已經食過好多次。因為my family好鐘意食，所以琴日又去左食喇！之前食個焗肉醬意粉超好食。不過今次怕太肥所以叫左個招牌既濃湯意粉。個湯真係十分正，同埋價錢都唔貴！覺得好好食！下次會再黎食

我最中意呢度既檸蜜脆脆豬 其他地方係食唔到既 豬仔包好脆 滲入暖暖地既檸蜜好岩做下午茶 仲有招牌蕃茄焗豬扒飯 好惹味同rich 今次食二人餐冇加錢update埋有心太軟 下次會試下

叫咗個蕃茄滑蛋濃湯系列，番茄夠曬濃， 有一兩塊新鮮蕃茄。 炒蛋炒得好滑， 另外個香辣雞扒都好香脆， 炸到金黃色，口感很好，賣相吸引。間舖跟近住河田輕鐵站，呂明才中學隔離。賣$45,性價比ok

位於新墟的蕃茄濃湯專門店，友人一直說很想去試，終於有機會約到去食。配料多為丸類、腸仔、滑蛋等等，亦可選擇擇辣度。我覺得味道一般，加了辣會令味道豐富了一些，但不認為值得這個價錢。

機緣巧合行過條巷仔先見到呢間鋪，見到鋪面裝修好似d cafe咁，就入去試一下見到個鋪名同入面d裝修都係同蕃茄有關，就叫咗個蕃茄滑蛋螺絲粉配雞扒同埋卡邦尼意粉個雞扒好大份，皮脆肉嫩。平時食雞扒都會因為雞皮太肥而唔食去皮，但今次個皮好薄，整到好脆口，最後每嚿都連皮食個螺絲粉都唔錯，個湯好足料，食落啖啖都有蕃茄蓉，最後連湯都飲埋，唯一美中不足係個滑蛋整得比較老呢個餐可以選擇唔同嘅配菜，除咗雞扒重有豬扒，肉丸等等好耐冇食卡邦尼意粉所以叫一個嚟試下。呢個卡邦尼加左三色椒去整，比平時食開嘅卡邦尼多咗三色椒嘅香味，但食到一半就覺得"溜"，建議同朋友shareMenu 重有幾款小食想試，但飽飽地所以冇叫，下次有機會再嚟會試埋小食題外話，侍應服務態度好好，值得加分

個人偏好蕃茄濃湯 呢間是常光顧既餐廳快靚正之選每次都例牌食蕃茄腸仔漢堡扒螺絲粉 佢個粉本身有炒滑蛋跟 再配多2餸可以話係好豐富架啦每次都會飲哂半碗湯 係有好濃郁蕃茄味架！甜酸適中剛剛好 滑旦也是一個重要項目 每次食都唔會炒得老 都是剛剛好！好滑的！呢間野由我讀書食到結婚 仲保持到 正！

個人一向喜歡飲蕃茄湯，貪佢酸酸甜甜夠開胃，但一般茶記的所謂蕃茄濃湯都是稀稀的不夠濃，而這間打正旗號話喺蕃茄濃湯專門店當然要去試吓啦。點了個蕃茄濃湯底配漢堡扒腸仔通心粉，餐飲跟橙汁湯碗設計很特別而且印有自家logo,應該是訂製的，很別致。湯底是紅紅稠稠的，呷一口濃濃的蕃茄味酸酸甜甜的很開胃，雖然食得出佢有加茄膏，但湯底仍然落了很多蕃茄淆製才有的鮮甜味，個人認為非一般茶記可媲美的。至於漢堡扒只是一般貨色，反觀腸仔廚師就有童心的將佢頭尾鎅開成八瓜魚樣子非常有心思多士是厚身的烘得外脆內軟，牛油塗得滿滿的絕不吝嗇

上open rice找屯門的餐廳 找到這間以番茄🍅為主題的食店 實在太吸引我這個番茄痴 由西鐵屯門站行去只大約3-5分鐘就到 於是立即約朋友去試一試餐廳位置其實就在大街鄕事會路一個不起眼的路口轉入去 所以平時行過也不察覺到我叫了一個番茄🍅濃湯通粉朋友則叫了番茄🍅咖哩雞焗飯另外加了個又係好吸引的檸🍋蜜脆脆😋👍其實那個湯不是自己想像中的濃濃番茄味道 但感覺也不錯 價錢又實惠 很有誠意的一家小店 值得支持及推介👍

剛好我同我朋友都係返晏，所以一早就約定去新墟食個豐富的早餐！就在屯門西鐵站附近揾野食平時我也喜歡蕃茄湯底，呢間主打係蕃薯湯底，當然一定要試下啦！我揀左蕃茄螺絲粉真係好好味！佢不會好像出面一般餐廳，蕃茄湯底好多時比較酸，呢到蕃薯湯底味道勁濃郁！十分不錯！螺絲粉吸收晒D湯，勁好味！但呢到為一唔好的，是無乜冷氣！我同朋友一路食，一路出晒汗！可能咁岩呢到壞左冷氣瓜！整體來說，都係值得黎食既，價錢唔貴！加上個牛油多士都係好香脆鬆軟！

朋友問我使唔使誇張到食完個焗意想喊，我諗只有鐘意食焗意粉嘅人先會明白我個種感動。而今日嚟屯門做嘢就想嚟食噃上次食完好難忘嘅焗豬扒意粉。餐廳門口話俾你知佢係主打蕃茄。焗飯或意粉都有唔同選擇。呢間嘅焗意粉你係心情低落嚟食就啱晒，因為佢嘅特濃蕃茄醬會令你起死回生，起碼我上次食有呢種感覺。蕃茄醬正常都會係汁為主但佢係蕃茄蓉為主，所以令佢嘅焗意粉與別不同。豬扒係炸過嚟，同佢嘅自家製蕃茄汁好夾。仲有唔少芝士係上面。

這天在v-city shopping 後，想不到晚餐吃什麼，商場內的連鎖店都不太想食，走到中學旁的小巷，看到這間餐廳，餐廳內都坐滿客人，應該不會中伏吧，便試一試，坐了樓上閣樓，環境尚算舒適。點了蕃茄湯配炒蛋加午餐肉和火辣牛丸螺絲粉，友人點了蕃茄湯配炒蛋加煙鴨胸公仔麵。一來便先喝了一口湯，湯底都幾濃，但一定有茄膏添加左，甜酸度正常，食到有少少蕃茄碎，炒蛋就一般，應該不是用牛乳炒，冇咩特別。牛丸反而真係幾辣，有辣椒加黑椒，比平時黑椒牛丸更辣，鍾意食辣的可以試試。友人點的鴨胸公仔麵都是正常水平，沒有什麼特別。套餐可配鮮橙汁/蘋果汁，大概$50 左右，價錢都能接受。鍾意蕃茄的可以試試